SUPLEMEN PJJ GBKP TGL. 17 - 23 SEPTEMBER 2023

Pdt. Larena br. Sinuhadji (Nd. ReyRapha Tarigan)

ERTANGGUNG JAWAB NGURUS PERALATEN RUMAH PERTOTON

(Bilangen 3:27-31) - GBP GBKP : Tim Peralatan

Penaruh

I bas liturgi kebaktin Minggu Gerejanta biasa lit Minggu Perawaten Inventaris Gereja, tujunna eme gelah ngingetken kita maka kerina si ipergunaken i bas erbakti i Gereja harus irawat alu mehuli sebab e kerina mempengaruhi kelancaren ras kenyamanen i bas kita erbakti man Dibata. Selain soal kelancaren ras kenyamanen i bas proses kebaktin i Gereja, lit ka nge palas teologisna, i ja kalak Israel biasa mperdiateken hal-hal si erkaiten ras penyembahen man Dibata i bas Rumah Pertoton. I bas kesempaten enda, mulihi kita erlajar kerna tanggung jawabta ngurus peralaten Rumah Pertoton alu ilitkenna Tim Peralatan.

SUPLEMEN PJJ GBKP TGL. 10 - 16 SEPTEMBER 2023

Pdt. Larena br. Sinuhadji (Nd. ReyRapha Tarigan)

SETIA MAN DIBATA (Jakup 4:1-6)

GBP - Tata Nilai Kesetiaan

Penaruh 

Abraham Lincoln presiden Amerika Serikat si pe-16-ken pernah ngatakenca, “Jika anda ingin menguji karakter seseorang, berilah dia kekuasaan.” Kai si ikataken Abraham Lincoln enda rusur sikaitken ras kekuasaan i bas jabatan politik. Tapi situhuna i bas kegeluhenta si tep-tep wari pe relevan denga guna silakoken. Umpamana, adi ateta menguji kejujuren sekalak teman, bereken man bana sen. Arah kai si ilakokenna siteh maka sekalak teman ndai jujur entah lang. Bage ka pe adi ateta menguji kesetiaan sekalak teman. Teman si setia eme teman si tetap ras kita i bas kerina keadaan. I bas PJJ sekali enda erlajar kita kerna kesetiaan, khususna setia man Dibata, bage pe kesetiaan i bas tata nilai GBKP. 

SUPLEMEN PJJ GBKP TGL. 3 - 9 SEPTEMBER 2023

Pdt. Larena br. Sinuhadji (Nd. ReyRapha Tarigan)

DUA JADI SADA (Kejadin 2:18-24)

Konfesi GBKP Bab XI : Perjabun

Konfensi GBKP yang menyatakan tentang perkawinan yaitu sebagai berikut:

Kami percaya:

• Perkawinan adalah ikatan perjanjian antara laki-laki dan perempuan di hadapan Allah dan di hadapan jemaat. Perkawinan adalah anugerah Allah yang harus dipelihara dalam kekudusan (Kej. 2:18,24). Oleh karena itu, perkawinan Kristen bersifat monogami dan tidak dapat diceraikan oleh manusia kecuali oleh kematian (Mat. 19:6).
• Perkawinan yang kokoh dibangun di atas iman kepada Allah Bapa, AnakNya Yesus Kristus dan Roh Kudus, oleh karena itu perkawinan terjadi antara laki-laki dan perempuan yang sama-sama Kristen (2 Kor. 6:14).
• Perkawinan merupakan ikatan yang kudus dan anugerah Allah kepada manusia, maka perkawinan itu harus dijalani dengan ucapan syukur dan penuh tanggung jawab.
• Laki-laki dan perempuan memutuskan untuk berumah tangga, wajib terlebih dahulu menyatakan pengakuan dan perjanjian kesetiaan mereka di hadapan Allah dan jemaat dalam kebaktian pemberkatan perkawinan.
• Makna perkawinan adalah sebagai media (wadah) karya keselamatan Allah (Kej. 12:2; Mat. 1:18). Allah senantiasa campur tangan di dalam kehidupan keluarga dan melalui kehidupan tersebut Allah mewujudkan karya keselamatanNya. Dengan demikian, perkawinan yang berkenan kepada Allah, adalah perkawinan yang dilaksanakan untuk kemuliaan Allah.

SUPLEMEN PJJ GBKP TGL. 27 AGT. - 2 SEP. 2023

Pdt. Larena br. Sinuhadji (Nd. ReyRapha Tarigan)

ERDAHIN GUNA KINIULIN PERPULUNGEN (2 Korinti 8:16-19)

Penaruh 

Sekalak seniman keturunan Libanon - Amerika si tergelar Kahlil Gibran, pernah nuliskenca i bas bukuna si berjudul “Sang Nabi” bagenda nina, “Kerja adalah cinta yang mewujud. Dan apabila kamu tidak dapat bekerja dengan cinta melainkan hanya dengan kebencian, lebih baik kamu tinggalkan pekerjaanmu dan duduk di gerbang kuil sambil meminta sedekah dari mereka yang bekerja dengan sukacita.” Kai pe si idahiken kita adi sidahiken erpalasken keleng ate maka hasilna pe maba keriahen ras pasu-pasu man banta. Labo terjeng je saja, hasil pendahin si idahiken kita erpalasken keleng ate maba keriahen ras pasu-pasu man ise pe si ngaloken hasil pendahinta ndai. I bas kesempaten enda erlajar kita kerna erdahin guna kiniulin perpulungen.

SUPLEMEN PJJ GBKP TGL. 20 - 26 AGUSTUS 2023

Pdt. Larena Sinuhadji (Nd. ReyRapha Tarigan)

NERANGKEN KATA DIBATA (Perb. Rasul 8:26-40)

Penaruh

Lit salah sada motto gerakan reformasi Martin Luther nina, “Verbum Domini (Dei) manet in aeternum” ertina Firman Tuhan tetap untuk selama-lamanya, ibuat i bas 1 Pet. 1:25 nari. Semboyan enda si mpegegehi kaum awam pendukung Martin Luther paksa si e guna tetap bertahan mendukung Reformasi Gereja. Semboyan e akap kami tetap relevan seh paksa genduari sebab Kata Dibata memang harus tetap nggeluh i tengah perkembangen jaman. I bas PJJ-ta sendah erlajar kita arah Pilipus ras menteri Etiopia nari kerna pengajaren kiniteken erpalasken Kata Dibata.

SUPLEMEN PJJ GBKP TGL. 13 - 19 AGUSTUS 2023

Pdt. Larena br. Sinuhadji (Nd. ReyRapha Tarigan)

KELENG ATE MPETURAH PERDAMEN (Galati 5:13-15)

(HUT RI Ke-78 & Hari Perdamaian Internasional)

Penaruh

PJJ-ta sendah i bas rangka mperingeti 78 tahun kemerdekaan Indonesia sekaligus mperingeti Hari Perdamaian Internasional si irayaken setiap 21 September benaken tahun 1982. Lit hubungen antara kemerdekaan ras perdamaian. Perdamaian la mungkin terwujud adi la lit kemerdekaan, sebalikna, kemerdekaan pe la banci terwujud adi la lit perdamaian. Rikutken kinitekenta selaku kalak si enggo ngaloken keselamaten i bas Yesus Kristus, palas kemerdekaan ras perdamaian eme keleng ate Dibata.

SUPLEMEN PJJ GBKP TGL. 6 - 12 AGUSTUS 2023

Pdt. Larena Sinuhadji & Pdt. Jenny Eva Karosekali

TUTUS DINGEN SIIAH-IAHEN (Heber 10:19-25)

[Kehadiren Jemaat Meningkat]

Penaruh

Kenca enggo mulai iberitaken firman Tuhan seh ku Eropa, maka kekristenan menjadi agama mayoritas, terlebih alu istilah “gereja negara” i ja kekaisaran Romawi i teruh kepemimpinen Kaisar Theodosius I njadiken kekristenan menjadi agama resmi (bertahan sampai dua milenial). Tapi genduari gedung-gedung gereja si megah beralih fungsi menjadi bar, café, hotel, diskotik, masjid, rsd. Fenomena enda teridah i sebagian besar negara si merupaken jantung kekristenan benaken Inggris, Jerman, Belanda, Belgia bage pe Italia. Hal enda erkiteken kiniteken perpulungen ras kehadiren perpulungen ku gereja menyusut selama setengah abad terakhir. Ikutip i bas CNN Indonesia, iberitaken, jumlah jemaat si nadingken Gereja Katolik i Jerman melonjak seh 522.821 kalak i bas tahun 2022. Ras angka enda meningkat, i ja sebelumna i bas tahun 2021, 359.338 (Tribunnews.com, 11 Juli 2023). 

SUPLEMEN PJJ GBKP TGL. 30 JULI - 5 AGT. 2023

Pdt. Larena br. Sinuhadji & Pt. Matius Purba

Tema : RUNGGU KERNA KEGELUHEN (Rut 4:1-12)

PENARUH

Salah sada budaya masyarakat Indonesia eme “musyawarah mufakat.” Wikipedia ngertiken “musyawarah mufakat” sebage upaya bersama dengan sikap rendah hati untuk memecahkan persoalan (mencari jalan keluar) guna mengambil keputusan bersama dalam penyelesaian atau pemecahan masalah. Musyawarah mufakat enda pe enggo semal i bas kalak Karo alu “budaya runggu,” arih-arih muat si mehuli. Budaya runggu enda i bas perkembangenna iserap gerejanta guna er-Berita Si Meriah man masyarakat Karo. E maka gundari adi sibegi kata “runggun” konotasinta enggo ku gereja - GBKP (konotasi ertina: kata yang memiliki makna lain di baliknya). I bas PJJ-ta sendah, erlajar kita mulihi kerna budaya runggu rikutken ogenta sendah.

SUPLEMEN PJJ GBKP TGL. 23 - 29 JULI 2023

Pdt. Larena br. Sinuhadji (Nd. ReyRapha Tarigan)

MEGIKEN PEDAH (Keluaren 18:24-27)

Penaruh

Lit pepatah ngatakenca, “Di dunia ini, terlalu banyak orang berkata-kata, tetapi hanya sedikit yang mau mendengarkan.” Pepatah enda, payo, sabab senangen siakap ngerana asangken megi-megi. Emaka i bas surat Yakobus 1:19 pe tangkas ikataken, “O senina-seninangku, ingetlah! Kerina arus metinggel, tapi ola minter ngerana, dingen ola sukah merawa.”

SUPLEMEN PJJ GBKP TGL. 16 - 22 JUNI 2023

Pdt. Larena br. Sinuhadji (Nd. ReyRapha Tarigan)

DIBATA NGINGET KELENG ATENDU

(Heber 6:9-12)

Penaruh

Lit  peribahasa Tiongkok nari nina, “Perjalanan seribu langkah dimulai dari satu langkah.” Peribahasa enda ncidahkenca man banta maka seh kel pentingna langkah si pemena i bas ngelakoken kai pe. Langkah si pemena e maun erbahanca kita mbiar entah pe ragu, tapi adi la lit langkah pemena, la kita seh ku japa pe. Ertina hal-hal si mbelin i bas geluhta ibenaken alu awal si sederhana, e me mulai melangkah.

SUPLEMEN PJJ GBKP TGL. 9 - 15 JULI 2023

Pdt. Larena br. Sinuhadji (Nd. ReyRapha Tarigan)

MELUMBAR NAMBAHI KESANGAPEN (Nehemia 5:14-19)

(Diakonia Orat Nggeluh)

Penaruh

Sekalak penulis ras dosen i negara Canada nari Bob Proctor ngatakenca, “Hukum kemakmuran adalah kemurahan hati. Jika kamu menginginkan lebih, berikan lebih banyak.” Banci iertiken, kuantitas ras kualitas sifat (karakter) murah hati sangat menentukan tingkat kemakmuran sesuatu. Umpamana, adi lit sada kuta si bersih, aman, nyaman, sejahtera dem alu kedamen, pasti pemimpin ras rata-rata penduduk si ngiani kuta e kalak si murah hati. Murah hati ertina, suka (mudah) memberi, tidak pelit, penyayang dan pengasih (berbelas kasih), suka menolong, baik hati. Adi sikaitken ras tema PJJ-ta sendah, melumbar mere seri ertina ras murah hati, janah kemakmuran seri ertina ras kesangapen.

SUPLEMEN PJJ GBKP TGL. 2 - 8 JULI 2023

Pdt. Larena br. Sinuhadji (Nd. ReyRapha Tarigan)

Tema : BEREKEN KAI SI KUPERLUKEN (Kuan-kuanen 30:7-9)

(GBP/Tata Nilai : Keugaharian)

Penaruh

I bas bahasa Karo adi enggo iumputi alu “sa” maka ertina enggo negatif. Umpamana, mbuesa, pentarsa, ntabehsa, mbesursa, rsd. Adi siterjemahken ku bas bahasa Indonesia, terlalu entah pe berlebih-lebihan. Kerina si berlebih-lebihan tentuna labo mejile ras bermanfaat.

SUPLEMEN PJJ GBKP TGL. 25 JUNI - 1 JULI 2023

Pdt. Larena br. Sinuhadji (Nd. ReyRapha Tarigan)

Tema : ERTOTO RAS ERDAHIN GUNA SI ENTEREM (Jeremia 29:4-7)

(Konfesi GBKP Bab V: Masyarakat)

Penaruh

Manusia iciptaken Dibata sebage makhluk sosial, ertina i bas diri manusia enggo lit naluri guna saling berkomunikasi, saling berinteraksi, lit rasa kepedulian guna nampati entah pe mindo penampat, lit iketen kemanusiaan, rsd. I bas si e tentuna kita harus nggit menerima realita maka kita nggeluh berdampingan ras kalak si deban, kita nggeluh i tengah-tengah kalak si enterem entah pe masyarakat. Adi lit manusia si nggeluh tertutup, entah pe menutup diri i bas masyarakat sekitarna tentu jadi penungkunen entah pe kecurigaan, jangan-jangan anggota teroris, jangan-jangan pabrik narkoba, jangan-jangan itu tempat tinggal selingkuhan, rsd.

SUPLEMEN PJJ GBKP TGL. 18 - 24 JUNI 2023

Pdt. Larena br. Sinuhadji (Nd. ReyRapha Tarigan)

Tema : RENDE MUJI TUHAN (Keluaren 15:1-8)

(Tim Kesaksian Ekspresif)

Penaruh

Bapa Gereja Agustinus pernah ngatakenca “Qui bene cantat, bis orat” ertina, “ia yang bernyanyi dengan baik sama dengan berdoa dua kali.” Pernyataan enda nuduhkenca man banta, seh kel pentingna rende muji Tuhan, sabab i bas kita rende situhuna seri ras dua kali kita ertoto. Bahkan adi siperdiateken i bas ibadah-ibadah si ilakoken kita, rende muji Tuhan mengambil porsi cukup mbue, i ja kurang lebih 6 seh 7 kali kita rende. 

SUPLEMEN PJJ GBKP TGL. 11 - 17 JUNI 2023

Pdt. Larena br. Sinuhadji (Nd. ReyRapha Tarigan)

Tema : KERINA TUTUS RAS-RAS ERTOTO (Perb. Rasul 1:12-14)

Kata Penaruh

Ertoto e me sada hal si seh kel pentingna selaku kita kalak si tek man Tuhan. Arah ertoto e me nuduhkenca man banta selaku anak-anakNa lemah i bas ngalaken erbage tantangen nggeluh, emaka arus tetap terus-menerus mindo penampat man Tuhan (bdk. Luk. 18:1; 1 Tes. 5:17; Ef. 6:18). Emaka penting, ertoto secara pribadi, bage pe ras-ras i bas kiniersadanta sebage perpulungen.

SUPLEMEN PJJ GBKP TGL. 4 - 10 JUNI 2023

Pdt. Larena br. Sinuhadji (Nd. ReyRapha Tarigan)

 

Tema : PEHAGA TUHAN DIBATA ALU KERJA RANI

(Ulangen 16:9-12)

 
Penaruh
 
Adi ngerana kita kerna persembahen, subuk e persembahen persepuluhen, persembahen i bas tep-tep kebaktin, persembahen guna diakonia, termasuk persembahen Kerja Rani, kerinana arus ipersembahken si mehulina, erkiteken Dibatanta pe enggo leben mereken si mehulina man banta. Ras memang kerina si lit bas kita rehna i bas Dibatanta nari kita tading ngulihkenca sebage tanda pengataken bujurta man Tuhan.

SUPLEMEN PJJ GBKP TGL. 28 MEI - 3 JUNI 2023

Pdt. Larena br. Sinuhadji (Nd. ReyRapha Tarigan)

Tema : MANUSIA SI MBARU (Efesus 4:22-24)

(Konfesi GBKP Bab IV : Manusia)

Penaruh 

Manusia e me makhluk ciptaan Tuhan si mulia. Adi gambaren Pemasmur ngatakenca, maka itepa Tuhan manusia teruhen Tuhan ngenca. itangkuhkenNa alu kemulian ras kehamaten (bdk. Mas. 8). Itepa Tuhan si sentudu ras tempas Dibata, si menam seri ras Tuhan, bahkan ibereken Dibata perukuren. Tapi tempas Dibata bas manusia ceda erkiteken manusia ndabuh ku bas dosa. Tapi erkiteken perkuah ate Dibata i bas Yesus Kristus, pengorbanen Yesus i kayu persilang mpelimbarui manusia. Manusia la nari i teruh kuasa dosa ras kematen. Kerina enggo italuken erkiteken kemenangen Yesus i bas kematenNa.

SUPLEMEN PJJ GBKP TGL. 14 - 20 MEI 2023

Pdt. Larena br. Sinuhadji (Nd. ReyRapha Tarigan)

Tema : IPILIH JADI SAKSI (1 Samuel 12:3-5)

(GBP GBKP : Tim Verifikasi Keuangen)

Judul perikop ogenta enda “Pidato perpisahen Samuel” (terj. Bhs. Ind. nina, “Pesan perpisahan Samuel”). Samuel e me anak Hana ras Elkana, si ibereken Tuhan i bas Hana ertoto i Rumah Tuhan i Silo i ja teks Alkitab mencatat Hana situhuna mandul.  I bas totona Hana bernazar maka adi ibereken Tuhan anak man bana, maka anak e ipersembahkenna man Tuhan kidekah geluhna. Ras memang terbukti, Hana ras Elkana mpersembahken Samuel man Tuhan kenca enggo dung isapihna. Mulai kitik-kitikna nari enggo ia erdahin bas Rumah Tuhan ras Iman Eli. Kenca mate imam Eli ras anak-anakna, maka Samuel sebage gancihna (bdk. 1 Sam. 7:2-). I bas masa pemerentahen Samuel jadi imam/nabi-lah, maka itangkuhkenna dua kalak raja, e me Saul ras Daud. Janah i bas masa pemerentahenna ka, Saul ipengadi Tuhan jadi raja Israel.

SUPLEMEN PJJ GBKP TGL. 7 - 13 MEI 2023

Pdt. Larena br. Sinuhadji (Nd. ReyRapha Tarigan)

Tema : KINIULIN RAS KEBUJUREN (Masmur 25:21)

(GBP GBKP : Tata Nilai - Kejujuran)

Penaruh

Kiniulin ras kebujuren e me salah sada ciri kalak si erkiniteken. Ertina, kalak si erkiniteken man Tuhan teridah (tercermin) biak mehuli ras bujur i bas geluhna tep-tep wari. Tetapi kinatana mekatep kiniteken iertiken hanya berkaiten ras kerohanian, hubungenta secara vertikal ras Tuhan janah kurang teridah i bas  moralitas kegeluhen tiap wari.

SUPLEMEN PJJ GBKP TGL. 30 APRIL - 6 MEI 2023

Pdt. Larena br. Sinuhadji (Nd. ReyRapha Tarigan)

KATA DIBATA TETAP RASA LALAP (Matius 24:32-35)

(GBP GBKP : Tim Pembacaan Alkitab)

Penaruh

Misi GBKP poin a tertulis, “Menumbuhkembangkan spiritualitas jemaat berbasis Alkitab”. Ertina, alu misi enda, GBKP sungguh-sungguh menjadikan Alkitab sebage pedoman kegeluhen man perpulungenna (Sola Scriptura). Emaka i tengah-tengah Gerejanta enggo ilitken unit Kelas Baca Alkitab ras Unit Baca Gali Alkitab, ngidah pentingna setia membaca Alkitab enda. Alu bage kecintaan entah budaya membaca Alkitab enggo mendarah daging i bas perpulungen GBKP benaken anak-anak nari.