SUPLEMEN PJJ GBKP TGL. 7 - 13 MEI 2023

Pdt. Larena br. Sinuhadji (Nd. ReyRapha Tarigan)

Tema : KINIULIN RAS KEBUJUREN (Masmur 25:21)

(GBP GBKP : Tata Nilai - Kejujuran)

Penaruh

Kiniulin ras kebujuren e me salah sada ciri kalak si erkiniteken. Ertina, kalak si erkiniteken man Tuhan teridah (tercermin) biak mehuli ras bujur i bas geluhna tep-tep wari. Tetapi kinatana mekatep kiniteken iertiken hanya berkaiten ras kerohanian, hubungenta secara vertikal ras Tuhan janah kurang teridah i bas  moralitas kegeluhen tiap wari.

Erbahan si mehuli e me sada tindaken si erbahanca Tuhan senang ras kalak si deban pe senang. Bahkan salah sada i bas buah roh e me ndalanken perbahanen si mehuli. Sedangken kebujuren e me sikap lurus hati, tidak berbohong. Jujur pe banci ikataken la curang, ndalanken sesuatu sue aturen si berlaku. Makatep pe ikataken kalak si berintergritas e me utuh, sue si ibelasken ras si ilakoken. Labo gampang ndalanken kebujuren. Bahkan lit ungkapen si ngatakenca, “Jaman saiki, sing jujur, ajur” (jaman sekarang, yang jujur akan hancur). Ertina, kalak si ngelakoken kebujuren pasti mbue kel tantangenna.

Rikutken bahan PJJ-ta sekali enda, iarapken mehuli ras kebujuren menjadi kebiasaan bahkan karakter anggota GBKP. Bahkan rikutken Tata Nilai GBKP 5 K, salah sadana e me Kejujuran (Kasih, Kejujuran, Keugaharian, Kekerabatan dan Kesetian).

Mpebagesi Kata Dibata

Masmur 25 si ibere judul “Pertoton gelah itegu-tegu dingen ikawali” e me pertoton Pemasmur (Daud) gelah tetap ikawali Tuhan secara khusus i bas ngalaken imbang-imbangna. Khususna i bas ay. 21 i je iungkapken Pemasmur gelah kiniulin dingen kebujuren ngkawali ia, sabab Pemasmur tetap ernalem man Tuhan (bhs. Ind., “Ketulusan dan kejujuran kiranya mengawal aku, sebab aku menanti-nantikan Engkau” - “Let integrity and uprightness preserve me”). Ertina, i jenda Pemasmur menyadari maka si ngkawali kegeluhenna e me kiniulin ras kebujuren. Entah pe secara tersirat maka asum kita ngelakoken si la mehuli ras si la bujur banci e jadi siding (jerat) man banta sendiri (senjata makan tuan). Labo kelemahen fisik entah kebodohen si banci naluken manusia tapi  Pemasmur merefleksiken arah kerina pengalamen kegeluhenna, si banci erbahanca manusia “ndabuh ras celaka” e me perbahanen si la mehuli ras kinilabujurenna. Dengan kata lain, kai si itabur kita e ka si isuan. Sebagai contoh siidah i bas kegeluhen pejabat-pejabat pemerintahen, subuk anggota DPR, Gubernur, Bupati rsd., labo erkiteken kebodohenna entah kurang pentarna, tapi erkiteken terjerat korupsi. Korupsi terjadi erkiteken perbahanen si la mehuli ras la bujur i bas amanah (tanggung jawab) si enggo ibereken Tuhan ras rakyat man bana.

Perbahanen si mehuli ras kinibujuren e me sada karakter si arus ibenaken mulai hal si kitik nari, sedini mungkin (anak-anak). Adi Pemasmur ngatakenca erkiteken ia tetap ernalem man Tuhan. Ertina, karakter si mehuli enda bersumber i bas Tuhan nari, sebagai tanggung jawabta ras pengatakenbujurta selaku kalak si enggo iselamatken Tuhan. Pemasmur nuriken maka kita erbahan perbahanen si mehuli ras bujur labo gelah ipujiken kalak, ikataken kalak mehuli entah lit i je sikap pekulah-kulah tapi bage kin arusna selaku kalak si erkemalangen man Tuhan.

Pengkenaina

Tema si seh man banta “Kiniulin ras kebujuren”. Tema enda, mendorong kita guna terus erbahan si mehuli ras si bujur walaupe mbue tantangenna. Sabab rusur sibegi “Ndarami uang haram saja susah, apai ka si halal”. Bahkan enggo teremen sekelewetta si ngelakoken si la bujur ras si la mehuli. Terkadang enggo ka iakap teman kita si “aneh” erkiteken tetap sijaga kiniulin bas dirinta. Ras erbahanca kedungenna kita terbawa arus jaman erkiteken enggo teremen sekelewet si ngelakoken si la mehuli ras la bujur.

Versi Audio Klik Tautan ini : https://www.youtube.com/watch?v=HOPKLS3Bo2k

Tapi enggo pasti melala akibat si la mehuli asum kita ngelakoken hal si la mehuli ras la bujur. Sada lebe dibayangi rasa bersalah (la tenang geluhta), kehilangen kepercayaan kalak si deban, enggo pasti nterem kalak la senang banta, curiga kita rusur man kalak (siakap kalak bagi kita), bage pe mempengaruhi kesehaten (bagi si enggo itulisken i bas Buku Bimbingen PJJ-ta). Para peneliti i Univ. of Notre Dame, Anita Kelly ras Lijuan Wang, ngatakenca maka erbual sangat mempengaruhi kesehaten (itulis bas buku A Life Without Lies : How Living Honestly Can Affect Health). Ibahanna penelitian man 110 kalak selama sepekan, asum setengah i bas peserta e ngadi erbual, maka kesehatenna meningkat secara signifikan. Akibat si deban, sulit kita membangun relasi (hubungen) adi la lit saling keterbukaan ras kebujuren (mbue rahasia ras kebohongen). Hubungen e la banci ndekah tahan.  Akibat si deban ka, arah kita terbiasa la bujur, erbahanca kehilangan jati diri. Ikutip i bas Science of People, maka erbual memiliki kekuatan si seri guna mengubah 10-16% ingatan manusia. Asum kita erbual, kita berusaha gelah kalak si deban tek arah kai si ibelasken kita ras secara tidak langsung erbahanca dirina sendiri pe percaya arah kai si ibelasken kita. Perilaku la bujur e mengubah ingatan, erbahanca dirinta pe lupa nandangi kai si ikataken kita. Arah si e erbahanca kebenen jati diri kita, kita sendiri enggo la nandai dirinta sabab enggo rusursa erbual.

Janah engkai makana kita arus erbahan si mehuli ras ngelakoken kebujuren? Tanggung jawabta selaku kalak si erkiniteken, si enggo iselamatken Tuhan. Pengataken bujurta man Tuhan arah keselamaten si enggo iberekenNa banta erburak-burak ukurta guna erbahan si mehuli ras ndalanken si bujur. Si pemena lebe, adi terbiasa kita ngelakoken si mehuli ras nggeluh i bas kebujuren, erbahanca pusuhta senang ras tenang. Si peduaken, percaya kalak man banta. Si peteluken, meminimalisir masalah. Sabab perbahanen si la mehuli bage pe kinilabujuren akan melahirkan kebohongen si deban. Enggo pasti timbul ka masalah si deban. Ras perbahanen si mehuli rikut kebujuren merupaken salah sada faktor keberhasilan (kunci keberhasilan).

Secara khusus i bas Garis Besar Pelayanan (GBP) GBKP, maka salah sada i bas 5 Tata Nilai si ianggap paling relevan guna ihayati, igumuli, isosialisasiken ras ipraktekken terus-menerus seh makana enggo jadi kebiasan ras karakter e me Kejujuran.

Panduan Perilaku : 

• Hati yang lurus, tidak berbohong atau berkata apa adanya
• Tidak curang atau mengikuti aturan yang berlaku
• Tulus ikhlas, tidak munafik atau bermuka dua

Kata Kunci :

• Integritas
• Bersih
• Transparan
• Terus terang
• Bertanggung jawab

Perilaku yang dianjurkan :
Senantiasa bersikap jujur, sesuai antara perkataan yang diucapkan dengan perbuatan.

Ras iarapken kita sebage orang tua, sibabai, siajarken, gelah anak-anakta tetap erbahan si mehuli ras ndalanken kebujuren. Mulai dari hal si sederhana (kecil), umpamana, notoken teman si sakit, nampati teman si kesusahen, berkata benar, berkaitan ras uang; uang kolekte, uang jajan, uang kebutuhen sekolah, arus jujur. Janah enggo pasti kita lebe sebage orang tua arus jadi role model si mehuli man anak-anakta. Dibata si mpegegehi kita i bas ngelakoken si bujur ras mehuli.