SUPLEMEN PJJ GBKP TGL. 10 - 16 SEPTEMBER 2023

Pdt. Larena br. Sinuhadji (Nd. ReyRapha Tarigan)

SETIA MAN DIBATA (Jakup 4:1-6)

GBP - Tata Nilai Kesetiaan

Penaruh 

Abraham Lincoln presiden Amerika Serikat si pe-16-ken pernah ngatakenca, “Jika anda ingin menguji karakter seseorang, berilah dia kekuasaan.” Kai si ikataken Abraham Lincoln enda rusur sikaitken ras kekuasaan i bas jabatan politik. Tapi situhuna i bas kegeluhenta si tep-tep wari pe relevan denga guna silakoken. Umpamana, adi ateta menguji kejujuren sekalak teman, bereken man bana sen. Arah kai si ilakokenna siteh maka sekalak teman ndai jujur entah lang. Bage ka pe adi ateta menguji kesetiaan sekalak teman. Teman si setia eme teman si tetap ras kita i bas kerina keadaan. I bas PJJ sekali enda erlajar kita kerna kesetiaan, khususna setia man Dibata, bage pe kesetiaan i bas tata nilai GBKP. 

Mpebagesi Kata Dibata

Surat si jadi ogenta sendah itulisken senina Yesus si tergelar Jakup (bdk. Mat. 13:55), ia sekalak pemimpin gereja i Jerusalem (bdk. Perb. Rasul 15:13-21). Surat enda itujuken man perpulungen kalak si tek si merap i taneh perlajangen (bdk. Perb. Rasul 11:19). Alu wibawana sebage pemimpin gereja i Jerusalem bage pe senina Yesus, Jakup nehken suratna alu tujun mereken semangat ras mpegegehi kiniteken perpulungen si sangana lit i bas kiniseran. Si utamana, Jakup ngajuk perpulungen gelah kinitekenna teridah i bas perbahanen (Jak. 2:14-26).

Ogenta sendah lit i teruh judul perikop “Erteman ras doni” i bas terj. BIMK nina “Berkawan dengan dunia” sedangken i bas terj. TB-LAI nina, “Hawa nafsu dan persahabatan dengan dunia.” Tema enda ncidahkenca isi perikop secara garis besar, si intina kel, ola erteman ras doni sebab doni enda dem alu hawa nafsu si bertentangen ras kiniteken man Dibata i bas Yesus Kristus. Arah perikop enda teridah uga konteks erkiniteken perpulungen paksa si e, si lenga dewasa, si masih denga murah terpengaruh kuasa-kuasa doni. Emaka Jakup ngajuk perpulungen gelah ngendesken dirina man Dibata (ay. 7); ngerembakken diri ku Dibata (ay. 8); jera i bas kerina si lepak si enggo ilakoken (ay. 9); ras mpeteruk diri i lebe-lebe Tuhan (ay. 10).

Secara khusus i bas ogenta sendah, lit piga-piga karakteristik perpulungen kalak si tek tapi erteman denga ras kuasa doni. Si pemena, ay. 1, nggit ia rubat ras erjengil. Penyebabna eme kerincuhen nandangi kesenangen si la erngadi-ngadi i bas diri perpulungen. Kesenangen i jenda i bas bhs. Ind., “hawa nafsu” si secara spesifik ertina: hasrat jasmani, hasrat jahat, hasrat untuk mengejar kesenangan, entah pe untuk mementingkan diri sendiri. Hawa nafsu enda ndai erkuasa denga i bas pusuh perukuren perpulungen janah rusur naluken kiniteken man Dibata i bas Yesus Kristus.

Si peduaken, ay. 2, lit denga cian ate ras niat guna munuh adi la seh kai si isurakenna. I bas bhs. Ind., “Kamu mengingini sesuatu, tetapi kamu tidak memperolehnya, lalu membunuh; kamu iri hati, tetapi kamu tidak mencapai tujuanmu, lalu kamu bertengkar dan kamu berkelahi.”

Si peteluken, ay. 3, ertoto alu tujun si la payo. I bas kalimat terakhir ay. 2, icidahken Jakup secara tersirat maka perpulungen paksa si e kisat ertoto. I bas ay. 3 ikataken Jakup, adi ertoto pe, ertoto alu tujun si la mehuli, eme guna pesenangken dirina ngenca. I bas bhs. Ind., “Atau kamu berdoa juga, tetapi kamu tidak menerima apa-apa, karena kamu salah berdoa, sebab yang kamu minta itu hendak kamu habiskan untuk memuaskan hawa nafsumu.” 

Erkiteken telu hal i datas, Jakup mpersingeti perpulungen alu tegas (ay. 4), nina, “O kalak si erlua-lua i bas kiniteken! La kin ietehndu maka adi erteman kam ras doni enda, kam jadi imbang Dibata? Ise ersura-sura jadi teman doni enda, ibahanna kap dirina jadi musuh Dibata.” I bas bhs. Ind. akap kami lebih jelas rikutken tema PJJ-ta sendah, “Hai kamu, orang-orang yang tidak setia! Tidakkah kamu tahu, bahwa persahabatan dengan dunia adalah permusuhan dengan Allah? Jadi barangsiapa hendak menjadi sahabat dunia ini, ia menjadikan dirinya musuh Allah.” Ertina i bas si e perpulungen ipindoken Jakup gelah milih alu tegas, tetap denga erteman ras doni entah mulihken ku Dibata, jera, ras tuhu-tuhu setia man Dibata (ay. 5-6).

Versi Audio silahkan klik : https://youtu.be/m6xcZW2t6yE

Pengkenaina

Kesetiaan eme bagin i bas ulih Kesah Si Badia (Buah Roh), ertina kesetiaan eme bagin si penting i bas erkiniteken man Dibata i bas Yesus Kristus. Perpulungen i bas jaman Jakup banci jadi teladan man banta maka labo sada jaminen kalak si teridah tutus reh ku gereja enggo pasti setia man Dibata. Tentu enda jadi sada bahan evaluasi si mehuli man banta kerina perpulungen kalak si tek i bas jaman gundari enda. Apakah lit denga kita si nggit rubat ras erjengil sapih-sapih kita, hanya erkiteken masalah si labo penting, umpamana masalah konsumsi, dress code, rsd.? Apakah lit denga kita si cian ate man sapih-sapihta sada perpulungen? Apakah lit denga kita si ertoto guna tujun si la mehuli? Adi lit denga, marilah kita menyadari identitasta selaku kalak si enggo ngaloken keselamaten i bas Yesus Kristus. Dibata enggo setia man banta i bas geluhta, emaka marilah kita ngendesken dirinta man Dibata; ngerembakken dirinta ku Dibata; jera i bas kerina si lepak si enggo silakoken kita; ras mpeteruk diri i lebe-lebe Tuhan.

I bas kesempaten enda pe ngerana kita kerna tata nilai kesetiaan. Deskripsi ras peta perilaku Tata Nilai Kesetiaan e me:

Deskripsi: Menjadi penatalayan yang dapat dipercaya, setia dan diandalkan dalam setiap tugas pelayanan (Ul. 7:9; 2 Tim. 2:13; Rat. 3:22-24)

Panduan perilaku:

• Berpegang teguh pada janji dan komitmen
• Bertanggung jawab atas tugas, keputusan dan tindakan yang dilakukan
• Rela berkorban untuk tujuan yang lebih besar
• Menjaga nama baik organisasi dan sesama

Kata-kata kunci:

• Tulus
• Dapat dipercaya
• Dedikasi (rela berkorban)
• Kontribusi

Kalimat afirmasi: “Kami memegang teguh kepercayaan yang diberikan Allah kepada kami untuk setia pada perintah dan firman-Nya”

Perilaku yang dianjurkan:

• Berperilaku dan bertindak selaras dengan perkataan
• Menjadi seseorang yang dapat dipercaya dan bertanggung jawab

Alu bage rikutken bahan PJJ-ta minggu enda, erpenganyak kita tetap setia man Dibata ras siwujudnyataken arah perbahanenta si tep-tep wari guna jadi kalak ertanggung jawab ras terteki i bas kai pe, termasuk soal duit, tulus i bas melayani,  tulus i bas pertemanen, rsd. Tuhan-lah si tetap nampati kita ndalankenca bagi si ngena ateNa.