Pdt. Larena br. Sinuhadji (Nd. ReyRapha Tarigan)
Tema : IPILIH JADI SAKSI (1 Samuel 12:3-5)
(GBP GBKP : Tim Verifikasi Keuangen)
Judul perikop ogenta enda “Pidato perpisahen Samuel” (terj. Bhs. Ind. nina, “Pesan perpisahan Samuel”). Samuel e me anak Hana ras Elkana, si ibereken Tuhan i bas Hana ertoto i Rumah Tuhan i Silo i ja teks Alkitab mencatat Hana situhuna mandul. I bas totona Hana bernazar maka adi ibereken Tuhan anak man bana, maka anak e ipersembahkenna man Tuhan kidekah geluhna. Ras memang terbukti, Hana ras Elkana mpersembahken Samuel man Tuhan kenca enggo dung isapihna. Mulai kitik-kitikna nari enggo ia erdahin bas Rumah Tuhan ras Iman Eli. Kenca mate imam Eli ras anak-anakna, maka Samuel sebage gancihna (bdk. 1 Sam. 7:2-). I bas masa pemerentahen Samuel jadi imam/nabi-lah, maka itangkuhkenna dua kalak raja, e me Saul ras Daud. Janah i bas masa pemerentahenna ka, Saul ipengadi Tuhan jadi raja Israel.
I bas perikop enda icidahken maka Saul e denga itangkuhken jadi raja si pemena bangsa Israel (bdk. 1 Sam. 10:1). Kondisi Samuel enggo metua janah anak-anakna Joel ras Abia, duana hakim i Berseba, tapi la usihna lagu langkah bapana. Duit saja ngenca atena, e maka ialokenna uang sogok janah iputuskenna perkara kalak alu la bujur. E maka pemimpin-pemimpin bangsa Israel pulung kerina i Rama mindo gelah iangkat sekalak raja si merentah bangsa Israel, gelah banci lit raja bangsa Israel seri ras bangsa-bangsa si deban (bdk. 1 Sam. 8:1-5). I Gilgal, kenca dung penangkuhen Saul, i je me ngerana Samuel man kerina bangsa Israel. Iturikenna maka enggo ilakokenna kai si ipindoken bangsa Israel. Enggo ia jadi pemimpin mulai kin sanga ia nguda denga seh genduari enggo metua janah ubanen. Enggo lit gancihna e me Raja Saul. Tapi i bas pendungi dahinna, la ate Samuel nadingken si la mehuli si banci jadi persoalen ku lebe wari. Kerina arus secara transparan icakapken, adi kin lit persolen, kesalahen, utang si sedekah enda lenga iselesaiken, gelah banci idungi alu mehuli. Gelah i bas ia nadingken jabatenna, la lit nari rongketna, kerina enggo erkedungen alu mehuli. Alu tangkas Samuel nungkun man kerina kalak Israel sebage bahan koreksi ras evaluasi nandangi perdalanen kepemimpinenna subuk i bas mutusken perkara, ngaloken sogok, nipui rsd. “Adi lit kin kubahan si salah, adukenlah aku genduari i lebe-lebe TUHAN ras raja si enggo ipilihNa. Lit kin enggo kubuat lembu entah kelede kalak? Lit kin enggo kalak kutipu entah kupaksa? Lit kin enggo kualoken sogok i bas ise nari gia? Adi lit kin enggo kulakoken apai gia i bas si enda nari, kugalari mulihken kai si enggo kubuat”. Samuel sikap guna bertanggung jawab, ngulihken kerina asa si ibuatna. Bangsa Israel ngatakenca maka labo lit sada pe si la payo ilakoken Samuel. E maka ituriken Samuel, maka Tuhanlah ras raja si enggo ipilihNa jadi saksi maka Samuel sitik pe la lit idat kesalahenna sedekah menjadi pemimpin bangsa Israel.
Rikutken perikopta maka lit dua hal penting si banci jadi pelajaren man banta. Sada lebe, kerna Samuel. Samuel selaku pemimpin tuhu-tuhu amanah, bertanggung jawab ndalanken dahinna sue ras si ngena ate Dibata dingen nggit ia ikoreksi ras ievaluasi. Bahkan rikutken perikopta, Samuel si mbenakenca, si berinisiatif. Adi lit kesalahenna, nggit ia bertanggung jawab guna menyelesaikenca. Samuel tuhu-tuhu pemimpin si berintegritas, ertanggung jawab ras meteruk ukur. Si peduaken, bangsa Israel si ipindoken Samuel guna mengevaluasi, mengkoreksi kepemimpinna, melakukannya alu objektif. La lit i je unsur subjektif si erbahanca i bas evaluasi si iban la netral. Sebab banci saja perban la senang ia man Samuel, entah man anakna sebage hakim i Berseba, sidalaken tugas alu la mehuli isangkutpautkenna ku bapana. Tapi i jenda, bangsa Israel menilai dengan baik, dengan objektif.
.png) |
| Versi Audio Klik : https://www.youtube.com/watch?v=THwSMMvYZfE |
Tema si seh man banta “Ipilih jadi saksi” (GBP GBKP: Tim Verifikasi Keuangen). Alu litna Tim Verifikasi bas Gerejanta, maka GBKP sangat transparan i bas keuangen. Selain Laporen Keuangen ilaporken ku Persidangen Gereja maka itamaken i bas lembar momo guna ipebetehken man perpulungen sebulan sekali. Sebage bendahara arus sikap ndalanken tanggung jawabna ras melaporkenca man Majelis Runggun bage pe setahun sekali ipebetehken man perpulungen rikutken hasil pemeriksaan Tim Verifikasi i bas Musyawarah Sidi Jemaat. Ertina, bendahara ngelakoken tugas tanggung jawabna alu bujur, transpran, akurat, dapat ipertanggungjawabken ras tetap waktu i bas melaporken.
Poin Tata Gereja kerna Tim Verifikasi enggo itamaken i bas Buku Bimbingen PJJ-ta. Lit piga-piga poin si penting rikutken si enggo itamaken i bas Tata Gerejanta :
Sada lebe, Tim Verifikasi di semua wilayah pelayanan harus mempunyai pengetahuan tentang tata laksana perbendaharaan dan pemeriksaan keuangan. Kedua, temuan Tim Verifikasi di semua wilayah pelayanan supaya diklarifikasi dan dibicarakan dengan yang bersangkutan kemudian dicari jalan keluar untuk perbaikan selanjutnya. Dan yang ketiga, apabila jalan keluar untuk perbaikan tidak tercapai maka Tim Verifikasi berwenang melaporkannya ke persidangan gerejawi di wilayah pelayanannya. Ertina, i jenda, Tim Verifikasi si enggo itunjuk ras ibentuk pe harus erdahin alu erkemalangen man Tuhan ras harus ngangkai kai si man pemeriksaan (mempunyai pengetahuan tentang tata laksana perbendaharaan dan pemeriksaan keuangan). Jadi labo lit i je unsur subjektif, like and dislike, erkiteken la senang ras bendahara maka daram-darami kesalahen bendahara bahkan mpermalukenca. Bahkan jelas, adi lit pe temuan arus lebe iklarifikasi ras icakapken ras sibersangkuten ras idarami solusi guna perbaiken seterusna. Kerina erdahin erpalasken malang man Tuhan, subuk bendahara (di semua tingkaten), Tim Verifikasi, termasuk perpulungen. Adi enggo ilaporken Tim Verifikasi kita arus menerima alu dem keriahen ukur, ula ka sipegedang alu perseprsi-persepsi si deban erkiteken unsur subjektivitas man bendahara umpamana. Jadi la lit nari i je “saling curiga” entah pe “saling menjatuhken”, tapi kerina ilakoken alu tujun kinulin man Gerejanta termulia gelar Tuhanta. Adi umpamana pe, hasil temuan lit kesalahen si ilakoken bendaraha, maka alu meteruk ukur, “legowo”, nggit megakui kesalahenna ras bertanggung jawab, bagi si ikataken Samuel man bangsa Israel, “Adi lit kin enggo kulakoken apai gia i bas si enda nari, kugalari mulihken kai si enggo ku buat”. Tuhan tetap masu-masu Gerejanta arah pelayanen si mehuli si ilakoken kita.
Sada lebe, Tim Verifikasi di semua wilayah pelayanan harus mempunyai pengetahuan tentang tata laksana perbendaharaan dan pemeriksaan keuangan. Kedua, temuan Tim Verifikasi di semua wilayah pelayanan supaya diklarifikasi dan dibicarakan dengan yang bersangkutan kemudian dicari jalan keluar untuk perbaikan selanjutnya. Dan yang ketiga, apabila jalan keluar untuk perbaikan tidak tercapai maka Tim Verifikasi berwenang melaporkannya ke persidangan gerejawi di wilayah pelayanannya. Ertina, i jenda, Tim Verifikasi si enggo itunjuk ras ibentuk pe harus erdahin alu erkemalangen man Tuhan ras harus ngangkai kai si man pemeriksaan (mempunyai pengetahuan tentang tata laksana perbendaharaan dan pemeriksaan keuangan). Jadi labo lit i je unsur subjektif, like and dislike, erkiteken la senang ras bendahara maka daram-darami kesalahen bendahara bahkan mpermalukenca. Bahkan jelas, adi lit pe temuan arus lebe iklarifikasi ras icakapken ras sibersangkuten ras idarami solusi guna perbaiken seterusna. Kerina erdahin erpalasken malang man Tuhan, subuk bendahara (di semua tingkaten), Tim Verifikasi, termasuk perpulungen. Adi enggo ilaporken Tim Verifikasi kita arus menerima alu dem keriahen ukur, ula ka sipegedang alu perseprsi-persepsi si deban erkiteken unsur subjektivitas man bendahara umpamana. Jadi la lit nari i je “saling curiga” entah pe “saling menjatuhken”, tapi kerina ilakoken alu tujun kinulin man Gerejanta termulia gelar Tuhanta. Adi umpamana pe, hasil temuan lit kesalahen si ilakoken bendaraha, maka alu meteruk ukur, “legowo”, nggit megakui kesalahenna ras bertanggung jawab, bagi si ikataken Samuel man bangsa Israel, “Adi lit kin enggo kulakoken apai gia i bas si enda nari, kugalari mulihken kai si enggo ku buat”. Tuhan tetap masu-masu Gerejanta arah pelayanen si mehuli si ilakoken kita.
Tidak ada komentar:
Posting Komentar