PJJ
GBKP TGL. 15 - 21 APRIL 2018
Pdt.
Larena br. Sinuhadji (Nd. Rey Tarigan)
Tema : METENGET
NANDANGI AJAREN SI LA PAYO
(II Petrus 3:17-18)
(II Petrus 3:17-18)
Nai-nai seh genduari melala ajaren-ajaren si la
payo si banci erbanca nterem kalak papak ibahanNa adi la kin nteguh sipahami
ras sicikep ajaren si payo. Umpamana, ajaren si ngajarkenca maka Yesus labo Tuhan,
Children of God, Hyper Grace, ajaren si ibabai sekalak pendeta i Indonesia nari
si ngatakenca tanggal, bulan ras tahun sekian kiamat enggo reh, rsd. Emaka
termasuk i bas surat rasul Petrus mereken persinget man perpulungen kalak si tek
paksa si gelah metenget nandangi ajaren guru-guru perguak si la tek nandangi
kuasa Dibata si nepa doni enda ras kerina isina ras ngatakenca maka Yesus
Kristus la nari bo reh mulihi. Emaka nina Petrus kerehen Tuhan si peduakaliken
pasti nge, janah arus perpulungen nggeluh tetap bersih dingen la erpandangen i
lebe-lebe Dibata. Waktuna si lenga seh, jadi sada kesempaten man perpulungen guna
bertobat, gelah banci terkelin.
Si arus idalanken perpulungen e me tetap
ertambah-tambah i bas lias ate Dibata (bertumbuh dalam kasih karunia) ras
ertambah pemetehna kerna Yesus Kristus. Kata kuncina e me kap nggeluh i bas
pertumbuhen, ertina lit perkembangen wari lepas wari. La berjalan di tempat
bahkan mundur. Tapi tiap saat lit progresna. Uga carana gelah banci geluhta
bertumbuh? Enggo pasti ngoge Pustaka Si Badia, ngerenungkenca ras makekenca i
bas geluhta si tep-tep wari. Arah kita ngoge Pustaka Si Badia, tambah-tambah
penandaita kerna Yesus Kristus si jadi Juruselamatta.
Secara khusus rikutken bimbingenta si genduari
perlu itengeti e me kap paham radikalisme i bas ndalani keagamaanna. Labo saja
i bas kekristenan, tapi i bas kerina agama lit. Kamus Besar Bahasa Indonesia
ngatakenca radikalisme e me : 1) Paham atau aliran yang radikal dalam politik.
2) Paham atau aliran yang menginginkan perubahan. 3) Sikap keras dalam aliran
politik. Radikalisme religius berarti fanatismen atau fundamentalisme yang bermuara
pada kekerasan, baik kekerasan fisik, maupun verbal.
Kekerasen banci muncul asum sesekalak fanatik
nandangi agamana sendiri menyerang agama-agama si deban alu tujun menyerang ras
menjatuhkan agama si deban e, alu erbage-bage cara subuk khotbah, ajaren, entah
tulisen si la lit landasen si akurat. Menganggap maka ajarenna si hebatna ras
ipaksana kalak si deban guna banci seri pemahamenna ras ia. Adi erpengakap maka
agamanta si benar, arus kin lit bas kita maka kita jadi pengikutna, tapi la
banci sipaksaken kalak seri pemahamenna ras kita, ras menganggap ajaren si
deban la payo. Agama si deban sebage musuh ras arus si lawan. Maka la heran,
paham radikalisme erbahanca terjadi perusakan rumah ibadah, perlakuan kekerasen
man kalak si deban erkiteken beda agamana ras kita.
Mulihi Firman Tuhan i bas PJJ-nta sekali enda
mpersingeti kita, gelah tuhu-tuhu banci metenget, ula murah ijola-joleken
ajaren si la payo turah perpecahen i bas kalangen internal bage pe i bas
kegeluhenta sada ras si debanna i tengah-tengah bangsa ras negaranta si melala
suku ras agama.
Tidak ada komentar:
Posting Komentar