SUPLEMEN PJJ GBKP TGL. 28 MEI - 3 JUNI 2023

Pdt. Larena br. Sinuhadji (Nd. ReyRapha Tarigan)

Tema : MANUSIA SI MBARU (Efesus 4:22-24)

(Konfesi GBKP Bab IV : Manusia)

Penaruh 

Manusia e me makhluk ciptaan Tuhan si mulia. Adi gambaren Pemasmur ngatakenca, maka itepa Tuhan manusia teruhen Tuhan ngenca. itangkuhkenNa alu kemulian ras kehamaten (bdk. Mas. 8). Itepa Tuhan si sentudu ras tempas Dibata, si menam seri ras Tuhan, bahkan ibereken Dibata perukuren. Tapi tempas Dibata bas manusia ceda erkiteken manusia ndabuh ku bas dosa. Tapi erkiteken perkuah ate Dibata i bas Yesus Kristus, pengorbanen Yesus i kayu persilang mpelimbarui manusia. Manusia la nari i teruh kuasa dosa ras kematen. Kerina enggo italuken erkiteken kemenangen Yesus i bas kematenNa.

Mpembagesi Kata Dibata

Surat Paulus man Perp. Efesus merupaken hasil penginjilen Paulus ras Timotius. I bas 1 Tim. 1:13, kenca perkunjungen Paulus ras Timotius ku Asia, itadingkenna Timotius  i Epesus. Sebab Epesus termasuk kota besar ras pusat agama kafir alu litna kuil Dewi Artemis. Ertina, tuhu melala tantangen sebage kalak Kristen tading i Epesus. 

Nats renungen PJJ-ta i teruh perikop si berjudul “Kegeluhen si mbaru i bas Kristus” (TB-LAI : “Manusia baru”). Ipersingeti Paulus gelah perpulungen sedar maka kegeluhenna enggo berbeda nai ras genduari (latar belakang kekafiran). Nai lenga itandaina Dibata, lenga tek man Yesus dingen lenga alokenNa perkuah ate Dibata arah pengorbanen Yesus Kristus si erbahanca kegeluhenna ate-ate bagi kalak si la nandai Dibata. Ipelepasna dirina italuken sura-sura si jahat janah ilakokenna kerina si la mehuli alu la alang-alangen. Ertina, arus lit bedana nai ras genduari kenca enggo tek man Kristus. La banci abu-abu (magem). Kalak si enggo ersada ras Kristus arus nandingken (nangtangi) kegeluhen si male (menanggalkan). 

Versi Audio Klik : https://www.youtube.com/watch?v=RnHwQIkcxw8

Ertina, selain perkuah ate Dibata, penampat Tuhan, arus lit kesadaren i bas dirinta sendiri nandingken perbahanen-perbahanen si la mehuli. Arus lit kerja sama antara Dibata ras kita manusia, la banci kerina siendesken man Tuhan. Payo keleng ate Tuhan mbersihken kita i bas kuasa dosa tapi arah kepentaren, perukuren si lit bas kita, arus sirespon keleng ate Tuhan alu kita pe berusaha la nggeluh i bas perbahanen si la mehuli. Alu kesadaren si penuh, pusuh peraten ras perukurenta kerina arus ipelimbarui. Ertina, tetap kita nggeluh rembak ras Tuhan, ernalem man baNa, setia kita ngoge KataNa subuk secara pribadi bage ras-ras i bas ibadah secara komunal. Sebab Kesah Si Badia ras KataNa ngenca si banci mpelimbaru pusuh ukurta. Seh maka biak-biak si la mehuli, sitantangi ras sipake manusia si mbaru, e me perbahanen si mehuli, si ngena ate Dibata (bdk. Joh. 15:3, “Kam enggo ibersihken alu Kata si Kukataken man bandu”). Kata “pakelah manusia si mbaru” (bhs. Ind., “Mengenakan manusia yang baru”), e me kata kerja si ertina, arus lit usaha i bas dirinta guna ndalanken perbahanen-perbahanen si mehuli si ngena ate Tuhan.

Pengkenaina

Kesadaren kerna identitas diri biasana mabai kalak erusaha geluh sue bagi identitasna e. Identitasta selaku manusia baru memotivasi kita gelah tetap nggeluh ndalanken si ngena ate Dibata ras mpedauh biak-biak dosa.

Konfesi GBKP BAB IV kerna “Manusia” dituliskan: Kami percaya, bahwa :

• Manusia adalah ciptaan Allah yang segambar dengan Allah, laki-laki dan perempuan dengan martabat yang sama (Kej. 1:26-27). Manusia diperlengkapi oleh Allah dengan hikmat dan akal budi serta dimahkotai dengan kemuliaan, hormat dan kuasa.
• Manusia diciptakan dalam kesatuan tubuh, roh dan jiwa, yang harus dipelihara untuk kemuliaan Allah (Kej. 2:7; 1 Kor. 3:16).
• Manusia memiliki kehendak bebas dalam menanggapi anugerah Allah.
• Manusia jatuh ke dalam dosa disebabkan ketidaktaatan dan keinginan menjadi sama dengan Allah. Dalam keadaan berdosa, manusia tidak memiliki kemauan dan kemampuan untuk bertemu dengan Allah, sehingga manusia menjadi seteru Allah yang layak mendapat hukuman kekal.
• Manusia dapat kembali bersekutu dengan Allah hanya melalui Yesus Kristus.

Payo, memang lit kehendak bebas i bas kita merespon perkuah ate Tuhan. Tapi selaku makhluk si rukur, la ateta menyia-nyiaken keleng ate Tuhan. E maka hal penting si arus silakoken kita, si pemena, tetap kita nggeluh ersada ras Tuhan ras ndalanken perbahanen-perbahen si mehuli si ngena ate Dibata sebagai wujud pengataken bujurta man Tuhan.

Si peduaken, geluhta si terdiri i bas kula, tendi ras kesah arus tetap ipelihara (ijaga) guna mpermuliaken Tuhan Dibata. Bangun hubungen si intim (intimate) ras Tuhan arah saat teduh pribadi, setia membaca ras makeken Kata Dibata, rajin bersekutu, bangun pertemanan ras kalak si banci membangun kinitekenta ras erbahanca kita jadi berkat (pasu-pasu) i bas geluh enda (bdk. 1 Kor. 15:33, “Ula kam papak! Pergaulan si la mehuli, ncedaken biak si mehuli”).

Ras si peteluken, reh ku Tuhan pindo pengalemi dosa alu ukur si meteruk i bas kita la ngasup ndalanken si ngena ateNa. Tetaplah pusuh ras ukurta ipelimbarui Dibata gelah ngasup kita ndalanken si ngena ate Dibata. Dibata si mpegegehi kita kerina.