SUPLEMEN PJJ GBKP TGL. 3 - 9 SEPTEMBER 2023

Pdt. Larena br. Sinuhadji (Nd. ReyRapha Tarigan)

DUA JADI SADA (Kejadin 2:18-24)

Konfesi GBKP Bab XI : Perjabun

Konfensi GBKP yang menyatakan tentang perkawinan yaitu sebagai berikut:

Kami percaya:

• Perkawinan adalah ikatan perjanjian antara laki-laki dan perempuan di hadapan Allah dan di hadapan jemaat. Perkawinan adalah anugerah Allah yang harus dipelihara dalam kekudusan (Kej. 2:18,24). Oleh karena itu, perkawinan Kristen bersifat monogami dan tidak dapat diceraikan oleh manusia kecuali oleh kematian (Mat. 19:6).
• Perkawinan yang kokoh dibangun di atas iman kepada Allah Bapa, AnakNya Yesus Kristus dan Roh Kudus, oleh karena itu perkawinan terjadi antara laki-laki dan perempuan yang sama-sama Kristen (2 Kor. 6:14).
• Perkawinan merupakan ikatan yang kudus dan anugerah Allah kepada manusia, maka perkawinan itu harus dijalani dengan ucapan syukur dan penuh tanggung jawab.
• Laki-laki dan perempuan memutuskan untuk berumah tangga, wajib terlebih dahulu menyatakan pengakuan dan perjanjian kesetiaan mereka di hadapan Allah dan jemaat dalam kebaktian pemberkatan perkawinan.
• Makna perkawinan adalah sebagai media (wadah) karya keselamatan Allah (Kej. 12:2; Mat. 1:18). Allah senantiasa campur tangan di dalam kehidupan keluarga dan melalui kehidupan tersebut Allah mewujudkan karya keselamatanNya. Dengan demikian, perkawinan yang berkenan kepada Allah, adalah perkawinan yang dilaksanakan untuk kemuliaan Allah.

Adi siperdiateken kerina si termuat i bas Konfesi GBKP kerna perjabun merupaken bagian bas Pustaka Si Badia nari. Sada hal si penting, perjabun eme ikaten perpadanen antara dilaki ras diberu si ibelaskenna i lebe-lebe Dibata ras perpulungen. Teologinta jelas maka menolak keras perjabun sejenis (homo/lesbian) alu alasen kai pe, termasuk HAM. Maka lit piga-piga negara si enggo memberkati perjabun sejenis (contoh: Ps. Jan Korditschke, SJ, memimpin pemberkatan pasangan sejenis di Berlin pada tgl. 7 Mei 2021 di St. Kanisius Jerman). Janah perjabun e, eme anugerah i bas Dibata nari si arus tetap ipelihara alu kekudusen, dingen la ise pe banci nirangkenca pala kematen.

I bas perikopta jelas maka perjabun e eme inisiatif i bas Tuhan nari, “La mehuli adi manusia nggeluh sisada-sisada, Kubahan teman si cocok man bana guna nampati ia.” Walaupe, lit nge kalak si memutusken guna ia nggeluh sisada tanpa ikaten perjabun. Adi sibandingken ras Mat. 19:12, nina Yesus, “Erbage-bage kap dalanna maka kalak la banci erjabu: lit erkiteken pertubuhna kin erbahanca ia la banci erjabu, lit erkiteken kalak si deban si erbahanca ia la banci erjabu, janah lit ka erkiteken igejapna maka ia idilo guna dahin i bas kinirajan surga.” Ertina, tetap kita menghormati kalak si memutusken guna la berumah tangga. Sekali nari, perjabun e me inisiatif i bas Tuhan nari. Selain ay. 18, ayat si deban si nuduhken maka Tuhan nge si berotoritas, si erdahin alu kuasa ras keleng ateNa perjumpaken kita ras teman geluhta si cocok eme ay. 19, ibuat Tuhan sitik abu i bas taneh nari (Allah membentuk); ay. 21, ibahan Tuhan Dibata maka ntabeh pertunduh manusia ndai; ay. 22, ijadikenNa sekalak diberu i bas tulang rang-rangna, je nari itutupNa alu jukut (kata “Tuhan/Na” ncidahken otoritas Tuhan).

Dibata njadiken diberu sebage penampat si cocok man sekalak dilaki. Dibata mendesain dilaki si memerluken diberu, ras sebalikna pe diberu memerluken dilaki (bdk. 1 Kor. 11:11). Janah dilaki ras diberu eme manusia si sejajar (equal), lit peran si berbeda sada ras si debanna si idalankenna, si banci saling melengkapi ras bekerja sama.

Frasa “dua jadi sada” (menjadi satu daging) labo hanya sekedar nggeluh terpisah la nari ras orang tua (“Em sababna dilaki nadingken nande bapana,” ertina enggo mandiri, njayo). Lit makna si deban si terkandung i je. Si pemena, ibenakenna fase nggeluh i bas kemandirian (njayo) sebage suami - istri, subuk i bas mengelola keuangen, ndungi persoalen, muat keputusen, rsd., la nari bergantung man orang tua. Makna si peduaken, semangat berjuang tetap nggeluh ersada, i bas kerina dampar geluh rikutken padan perjabun asum ipasu-pasu ndube (“aku erpadan tetap ngaloken kam subuk i bas paksa senang, susah, meriah ukur, ceda ate, sehat, sakit.  Aku tetap erpadan njagai kebadian perjabun seh Dibata nirangkenca salu kematen”). Adi rikutken cakap Heber, “Ersada” (dabaq), ertina, terikat (leket), eme lit persadan si mendalam. Secara khusus berkaiten ras hubungen seksual. Ertina, hubungen intim e hanya banci ilakoken ras pasangenna, la banci ras si deban. 

Pengertin si deban, maka perbulangen ras ndehara, eme dua karakter ras berlatar belakang si berbeda, tapi enggo ipersada i bas iketen perjabun si ertina, arus berusaha guna saling menjiwai, saling memberi ras menerima, dingen nggeluh sikeleng-kelengen. Tapi adi kebalikenna si terjadi, sepihak ngenca atena ilayani, ikelengi, iperdiateken, tapi kurang mperdiateken pasangenna, enggo pasti la lit kedamen. Bahkan banci reh “orang ketiga”, terjadilah perselingkuhen, si kedungenna turah persirangen i bas jabu. Kiniersadaan arih ras sepenggejapen banci jadi kata-kata kunci si mpengasup keluarga e saling mengevalusi ras mperlimbaru geluh perjabun, kai nari si arus ipekena (suami istri) guna kiniulin  jabu. Sabab adi la nari banci arih-arih bas jabu secara khusus i bas perbulangen ras ndehara, bage pe la nari nggeluh sepenggejapen, eme dalan-dalanna keluarga e i ambang kehancuren. Tapi adi banci denga arih-arih muat si mehuli, saling mengevaluasi maka uga pe beratna persoalen keluarga banci denga ipekena ras idarami solusina. Termasuk geluh sepenggejapen: “kam kap aku, aku kap kam.” “Susahndu susahku, riah ukurndu riah ukurku,” bage pe sebalikna.

Versi Audio silahkan klik : https://youtu.be/QSPfc7b9RXY

Piga-piga hal si konkrit si banci erbahanca jabu e reh harmonisna ras tetap utuh, si banci silakoken i bas jabunta:

1. Ingat tetap padan perjabunta.
2. Nggit ngalemi. Pdt. Billy Graham ngatakenca, adi bas keluarga e la lit nari pengampunen, keluarga e i ambang kehancuren, banci sirang. Emaka masing-masing pribadi arus mpeteruk diri, mengakui kesalahen ras nggit ngalemi. Sabab la lit manusia si sempurna. 3. Usahaken komunikasi si asertif (positif ras tidak melukai).
3. Setia.
4. Terampil mengatasi konflik.
5. Tidak mengabaikan seksualitas.
6. Tidak pelit memberikan pujian (apresiasi).
7. Sikeleng-kelengen, pedauh perbahanen saling menuntut. 

Janah syarat si paling penting, keluarga e arus tetap nggeluh erkemalangen man Tuhan. Labo terjeng rajin ku gereja, aktif mengikuti kegiaten gereja, sabab labo sada jaminen keluargata bahagia. Nggeluh rembak ras Tuhan, erkemalangen man Tuhan mabai setiap pasangen ndalanken si ngena ate Dibata, janah arah geluh jabuna tetap ngasup mpermuliaken gelar Dibata (Konfesi bagian akhir ngatakenca, “Dengan demikian, perkawinan yang berkenan kepada Allah, adalah perkawinan yang dilaksanakan untuk kemuliaan Allah”).