SUPLEMEN PJJ GBKP TGL. 19 - 25 MARET 2023

Pdt. Larena Sinuhadji (Nd. ReyRapha Tarigan)

Tema : JESUS KEKE I BAS SI MATE NARI (1 Korinti 15:3-7)

[Ersikap Guna Kamis Badia, Jumat Si Mbelin, Sabtu Pengarapen, Paskah]

Kalak Korinti, si umumna kalak Yunani la tek nandangi kekeken kula (menolak kekeken kalak si enggo mate, ay. 12). Padahal situhuna, tangtangna kel Berita Si Meriah ipembarken i tengah-tengah kalak Korinti enggo ilumbaken Paulus kerna keselamaten i bas Yesus Kristus, i ja Kristus enggo mate erkiteken dosa-dosanta. Banci jadi, paksa alokenna pengajaren e, alu sikap la sungguh-sungguh (bdk. ay. 2, “Arah Berita Si Meriah e me kam iselamatken adi tetap icikepndu isi Berita Si Meriah si enggo kuberitaken man bandu, pala asum kam tek nai la kin mbages iukurinndu”). Jangan-jangan di sini persoalenna, la mbages iukurina. Si peduaken, lit pemahamen si tetap lenga teralokenna sope jadi pengikut Kristus ras kenca enggo Kristen, secara khusus adi ngerana soal kekeken kula.

Kalak Yunani tek nandangi keabadian jiwa, tapi la tek nandangi kekeken kula. I bas pengakap kalak enda, kekeken kula la mungkin, nginget fakta maka kula sumber kelemahen ras dosa manusia. Emaka kematen sangat inantiken, sabab alu kematen jiwa ibebasken i bas kula nari, sedangken kula ipan cacing. Emaka,  kekeken kula la iarapken sabab dalanna jiwa mulihi ras kula. Pemahamen enda mempengaruhi kalak Kristen i Korinti si umumna latar belakangna Yunani nari.

Emaka i jenda Paulus sangana ngerana kerna hal si paling penting menyangkut kiniteken. 1 Korinti 15:7, “Janah adi la kin ipekeke Dibata e Kristus i bas si mate nari, sia-sia me kinitekenndu janah kam pe tetap denga i bas dosa”. Emaka i jenda Paulus sangana ngerana kerna fondasi secara menyeluruh kerna pengajaren ras sekaligus mengoreksi kesesaten si fatal i bas perpulungen.

Ipeseh Paulus bagian enda man Perpulungen Korinti i bas bentuk Pengakuan Iman, i ja ia sendiri pe enggo ngalokenca (“la mungkin kita mpeseh kekeken Kristus i bas si mate nari, adi kita sendiri pe lenga tek”). Ras sifat pengakuan enda seh kel pentingna, ay. 3, “si pentingna enggo kupesah man bandu, sabab memang enda dasar iman kalak si tek” (V.C. Pfitzner, 2004:289). Inti i bas Pengakun Kiniteken bas Yesus Kristus i bas nats enda jelas :

• Kritus  enggo mate erkiteken dosa-dosanta
• IA enggo ikuburken
• I bas wari peteluken ipekeke Dibata i bas si mate nari, sue ras kesaksin Pustaka Si Badia
• Enggo icidahkenNa man Petrus ras 12 Rasul, ajar-ajar si deban si teremna lebih 500 kalak, man Jakub bage pe man kerina Rasul-rasul

Sebagai catatan untuk kita pahami bersama bahwa ada banyak pemahaman di luar sana yang menyatakan bahwa rumusan Pengakuan Iman tersebut adalah hasil konsili - persidangan gerejawi saja. Tetapi melalui nats ini kita bisa memahami bahwa meski Pengakuan Iman merupakan hasil konsili tetapi tetap berdasar kepada Alkitab, sumber utamanya tetaplah Alkitab!

Kematen Kristus erkiteken dosa-dosanta, e me inti Berita Si Meriah (bdk. Roma 5:6; 2 Korinti 5:14; Galatia 1:14). KematenNa labo kegagalan i bas mempertahankan kebenaren.Tidak! “IendeskenNa Yesus ku bas kematen erkiteken kesalahen-kesalahenta” (Roma 4:25). Bahkan Yesus pe nuduhken, maka kematenNa merupaken penggenapen i bas rencana Ilahi si sue ras isi Pustaka Si Badia. Pustaka Si Badia si nimaksud i jenda, labo sada dua ayat saja, tapi kerina Padan Si Ndekah merujuk ku Yesus sebage tujun i bas rencana penyelamaten si ibahan Dibata (bdk. Petrus 10:43, “Kerina nabi ersaksi kerna IA. Ikataken nabi-nabi e maka kalak si tek man baNa ialemi Dibata kap dosana i bas gelar Jesus”).

Jesus ikuburken, sebage bukti maka kematenNa labo tipuan (isapan jempol). Banci siidah bukti-bukti si e i bas sumber Pustaka Si Badia, ras prajurit Romawai, si labo kalak si tek man Yesus pe enggo memastiken kerna kematen Yesus. Termasuk kekekenNa. Labo sekedar sadar kenca koma piga-piga saat dekahna. Tapi keke i bas si mate nari. Ipekeke Dibata IA i bas wari peteluken (Matius 16:21, Markus 8:31). Ras kedungenna, icidah-cidahkenNa diriNa. 

I bas paksa genduari, Rangkaian Paskah enggo ndatken perhatin i bas Perayaan Gerejawi walaupe tetap mbeliden Perayaan Natal silakoken. Arah bahanta sekali penting sibahas, gelah i bas pelaksanaanna pepagin banci silakoken alu mehuli.

Ngujungi Minggu-minggu Pra Paskah (Passion), maka lit istilah Triduum Paskah si ertina, tiga hari mengakhiri Pra Paskah  (Triduum bahasa Latin yang berarti “tiga hari”), ketiga hari itu adalah Kamis Putih (Suci), Jumat Agung, dan Sabtu Sunyi (Pengharapan). Tentuna, arah kerina kegiaten enda mabai perpulungen ngasup nggejapken proses kiniseran si Ialami Yesus seh ku kematenNa ras i bas puncakna e me Paskah. I bas “telu wari suci” e lit penekanen si berbeda-beda dalam rangka mengenang kiniseran Kristus.
 
Kamis Putih (Kamis Badia) menitikberatken i bas kiniteruken ukur, ras pengutusen guna ndalanken perentah baru (Mandatum Novum) guna saling ngkelengi ras melayani. Kegiaten burihi nahe sope Perjamuan Makan Malam biasa ilakoken paksa si e, tapi Yesus mereken usihen alu IA mburihi nahe ajar-ajarNa. Umumna si iburihi nahena kalak si ganjangen kedudukenna, umapamana ndehara ku perbulangen, anak ku orang tua, hamba ku tuan, entah murid ku guru. Tapi Yesus mereken usihen si sebalikna, Sang Guru mencuci kaki murid-muridNya. Hal enda iteladani Gereja sebagai simbol pengampunan ras saling melayani, dengan mencuci beberapa orang terpilih yang kesehariannya kadang diabaikan. Harus siperdiateken, momen murihi nahe labo sekedar ritual romantisme emosional belaka tapi ngusih kiniteruken ukur Yesus Kristus. Sebab murihi nahe kalak si deban lebih murah asangken mbersihken pusuh ras ukurta sendiri. Situhuna teladan Kamis Putih merupaken pola kegeluhenta tep-tep wari kalak si tek. 

Jumat Agung (Jumat Si Mbelin) si encidahken pengorbanen Yesus, nggit IA mate guna keselamaten manusia. Jumat Si Mbelin mpresingeti kita kerna keleng ate Tuhan si mbelin. IA nggit mate guna kita, IA ngalemi dosa-dosanta. Arah si e mempersingeti kita maka geluhta pe ula hanya guna dirinta, ula kita egois. Menyelamatkan diri sendiri bukanlah misi Tuhan kita.

Sabtu Sunyi (Sabtu Pengarapen) e me momen ceda ate antara Jumat Si Mbelin ras sukacita erkiteken kemenangen Paskah. Dalam bahasa Latin Sabbatum Sanctum yang bertujuan memperingati saat tubuh Tuhan kita Yesus Kristus dibaringkan di kubur. Sabtu Sunyi adalah masa pengharapan (masa hening). Pengharapan itu bukan pengharapan kosong tetapi pengharapan yang pasti. Bali ras ajar-ajarNa si  tuhu-tuhu mengalami kelungunen ras kebiaren (Bdk. Johanes 20:19). Biasanya tidak ada liturgi resmi (a-liturgi).

Paskah ngingetken kita maka Tuhan Jesus labo Tuhan si mate tapi Tuhan si nggeluh. KegeluhenNa la berakhir i bas kuburen, tapi keke i bas si mate nari. KekekenNa merupaken kekekenta, maka kita pe enggo menang naluken dosa ras kamaten. Maut enggo italuken. Walaupe maut enggo italuken, labo berarti kita sepele (anggap enteng) nandangi “tunas-tunas dosa”. Kristos Victor merupakan salam yang diungkapkan bahwa “Kristus menang” dalam momen Paskah ini. Kekeken Tuhan Yesus mpengasup kita pe guna mateken sura-sura daging, gelah kinitekenta pe tetap paguh. 

Versi audio silahkan klik : https://www.youtube.com/watch?v=86eymLIhS2Y