Pdt. Larena br. Sinuhadji (Nd. ReyRapha Tarigan)
Teks : Lukas 21:34-36
Tema : JAGAILAH BANDU
Tujun : Gelah Mamre :
- Meteh persinget Jesus kerna pengajuk si jadi siding i bas kegeluhen manusia
- Njagai dirina i bas pinakit sosial masyarakat (judi, narkoba, ras pergaulen bebas)
Secara garis besar Lukas bindu 21 banci sibagi ku bas empat bagin. Si pemena nuriken kerna diberu si enggo mbalu si ipujiken Yesus erkiteken persembahen si mehulina si iberekenna alu kiniteken si paguh man Dibata. Si peduaken, nubuaten Yesus kerna keruntuhen Rumah Pertoton bage pe keruntuhen Jerusalem si tuhu-tuhu terjadi i bas tahun 70 i ja bangsa Romawi si ipimpin Kaisar Titus menghancurkan Yerusalem. Si peteluken, kerna kerehen Anak Manusia si isuruh Dibata, i ja sope Tuhan Yesus reh si peduakaliken, lit tanda-tandana janah terjadi erbage-bage kiniseran ras peniksaan si luar biasa nandangi kalak si tek. Si peempatken, e me bagin penutup bindu 21 enda, e me persinget Yesus man ajar-ajarNa gelah erjaga-jaga sebab Kinirajan Dibata enggo ndeher janah wari e rempet pagi reh bagi siding man kerina jelma i belang-belang doni enda.
Arah garis besar bindu 21 enda, jelas man banta latar belakang si jadi teksta entah pe ogenta sendah. Konteksna, Yesus ngerana kerna pendungi jaman si la lit ise pe metehsa ndigan bakal terjadi. Pendungi jaman i jenda banci iertiken kedungen doni enda i ja Yesus tuhu-tuhu nusur i surga nari reh ku doni, banci ka iertiken kedungen kegeluhen (kematen) tep-tep kalak i doni enda. I bas dua pengertin enda memang la lit sada pe si metehsa ndigan waktuna. Bicara lit pe prediksi secara medis, tapi dekah geluh manusia hanya Tuhan yang mengetahuinya. I bas Pustaka Si Badia ikataken “bagi siding”, bahasa Ind., nina “seperti jerat (perangkap)”, (bhs. Yun., “pagis”, seperti jaring perangkap burung yang sudah disetting sedemikan rupa sehingga burung tidak menyadari bahaya yang akan mengancamnya).
I bas konteks enda, Yesus mpersingeti ajar-ajarNa gelah erjaga-jaga. Erjaga-jaga i jenda ertina, selalu waspada, konsentrasi penuh pada tujuan yang akan dicapai dan tidak lengah sedikitpun walaupun banyak hal di sekitar yang mencoba menganggu konsentrasi atau kewaspadaan kita. I bas erti "erjaga-jaga" i jenda lit unsur kepekaan i bas dirinta di dalam membaca tanda-tanda zaman. Adi i bas teksta ay. 34, lit dua hal si banci mengganggu kewaspadaanta nina, “barang si erbahanca ketagihen minem si erbahanca mabuk” ras “kearun ate kerna kegeluhen enda”. I bas bhs. Ind. (Alkitab BIS-BIMK) nina, “terlalu sibuk berpesta-pesta dan minum minuman keras” atau “terlalu memikirkan soal-soal hidupmu”.
Si perlu sijaga i bas ay. 34 enda e me “pusuh” entah pe “hati”. Karena segala sesuatu dimulai dari pikiran, hati, keinginan, atau niat batin. Godaan boleh dalam bentuk apa saja, tetapi yang menentukan godaan itu dapat menjerat seseorang adalah pikiran, hati, keinginan atau niat batin orang itu sendiri. Tapi enggo iteh Yesus maka kita manusia si lemah, si butuh pergegeh i bas Dibata nari i bas ngalaken kerina tantangen. Emaka i bas ay. 36 isingetken Yesus gelah ertoto. I bas pertoton e pindolah pergegeh i bas Dibata nari gelah ipengasupNa kita menang naluken kerina godaan i sekelewetta.
Bahan PA-ta sendah ngajuk kerina kita Mamre si enggo ngaloken keselamaten i bas Yesus Kristus, gelah metenget, selalu waspada, berjaga-jaga, konsentrasi penuh pada tujuan yang akan dicapai dan tidak lengah sedikitpun walaupun banyak godaan di sekitar yang mencoba menganggu konsentrasi atau kewaspadaan kita. I bas tujun si peduaken iteh kita kai saja godaan si banci menjerat kita e me pinakit sosial masyarakat: judi, narkoba, ras pergaulan bebas. Kerna telu pinakit sosial enda enggo rusur isingetken setiap tahun. Tapi i bas jaman medsos genduari akap kami enggo reh tambahna godaan-godaan entah pe pinakit sosial si banci menjerat kita.
Versi Audio silahkan klik https://www.youtube.com/watch?v=_-Yo-19fxqs
Emaka i bas si e si harus ilakoken kita e me, si pemena, harus lit kesadaren i bas dirinta kerna identitasta selaku kalak si enggo ngaloken keselamaten i bas Yesus Kristus. Kesadaren kerna identitasta mpengasup kita membatasi diri i bas kai pe si ilakoken kita janah erbahanca kita waspada menyaring kai pe si itawarken doni enda man banta.
Si peduaken, ingetlah maka geluhta i doni enda lit batas waktuna. Kesadaren enda banci mengkondisiken dirinta lebih efektif ras efisien i bas mempergunaken waktu si lit guna kiniulin dirinta bagepe kalak si ikelengi kita si lit i sekelewetta. I bas si e marilah kita lebih bijak di dalam mengatur waktu guna erdahin, mereken perhatin man ndehara bagepe anak-anakta, hidup bermasyarakat, termasuk guna melayani i Gereja.
Si peteluken, pindolah gegeh man Dibata i bas pertotonta. Bahanlah waktu khusus guna kita ngoge Pustaka bagepe ertoto man Dibata gelah reh deherna kita ras Dibata. Arah si e, ipegegehi Dibata i bas kita ngalaken kerina perbeben i bas geluhta.
Si peduaken, ingetlah maka geluhta i doni enda lit batas waktuna. Kesadaren enda banci mengkondisiken dirinta lebih efektif ras efisien i bas mempergunaken waktu si lit guna kiniulin dirinta bagepe kalak si ikelengi kita si lit i sekelewetta. I bas si e marilah kita lebih bijak di dalam mengatur waktu guna erdahin, mereken perhatin man ndehara bagepe anak-anakta, hidup bermasyarakat, termasuk guna melayani i Gereja.
Si peteluken, pindolah gegeh man Dibata i bas pertotonta. Bahanlah waktu khusus guna kita ngoge Pustaka bagepe ertoto man Dibata gelah reh deherna kita ras Dibata. Arah si e, ipegegehi Dibata i bas kita ngalaken kerina perbeben i bas geluhta.
Tidak ada komentar:
Posting Komentar