SUPLEMEN PA MORIA GBKP TGL. 19 - 25 MARET 2023

Pdt. Larena Sinuhadji (Nd. ReyRapha Tarigan)

Ogen : 1 Korinti 12:24b-27

Tema : RINGRING I BAS SADA KULA

Tujun : Gelah Moria :

- Meteh maka Dibata enggo ngaturken kula alu serasi

- Nandai GBKP i bas kelebihen ras kekurangenna dingen radu ras ngkuhisa

Metode PA : Mpepulung Kelebihen Ras Kelemahen GBKP

Bena Kata

Situhuna lebih tepat adi ikataken melala ringring i bas sada kula, sabab bage kin kinatana, bas kulanta enda melala ringring (judul bas Pustaka Si Badia, “Melala ringring, tapi sada kula nge”). Gambaren si ipake Paulus pas kel dalam rangka menggambarken Gereja. Sebab bas kulanta enda mbue anggota tubuh si pelain-lain bentuk ras fungsina tapi kerina saling terkait, tidak bisa berdiri sendiri. Umpamana, man ateta, labo hanya mulut, gigi, si berfungsi tapi tan, mata, nahe erdalan muat alat-alat si ibutuhken. Bage me pe kerna kula ni Kristus (Gereja). I bas kula ni Kristus e, enterem jelma, karakter si berbeda, talenta, gegeh ekonomi, tingkat pendidikan, hobi rsd. Gereja akan maju ras terus berkembang asum banci saling bekerja sama, bersinergi, saling melengkapi ras lit kerendahan hati untuk saling memberi kelebihan ras menerima kekurangan-kekurangen kalak si deban. 

Mpebagesi Kata Dibata

Bahanta ibenaken i bas ay. 24b, siakap kami arus tetap ipahami secara keseluruhen benaken ay. 12 (sada perikop secara utuh). Piga-piga poin penting si banci jadi bahan renungenta:

• Sedar kerna kinierbagen ras saling ketergantungen sada ras si debanna. Enterem kasus si ncidahken, la mungkin sekalak Kristen banci “survive” tanpa relasi ras kalak si deban. Labo hanya “kalak si kitik” bergantung man kalak “besar” tapi si mbue buatenna pe tergantung ka man kalak si deban (“kalak kitik”).
• Dibata enggo ngaturken kula alu mehuli ras serasi. Kai si enggo ibahan Dibata la salah letak ras la perlu ibanding-bandingken. Babah letakna i teruh igung. Dua nahe, dua tan ras dua cuping, gelah cepat kita bergerak, erdahin ras megi alu seksama (nutus i bas menyimak), ras sada babah gelah ula mbuesa ngerana. Entah pe sibandingken igung ras jari-jari nahenta. Bahkan iterusken ringring si kurang meherga lebih iergaken (bhs. Ind.: “anggota-anggota yang tidak mulia diberikan penghormatan khusus”). Banci jadi bas ringringta la lit kurang meherga, meherga siakap kerina. Tapi jelas i bas kegeluhen Gereja, enterem anggota perpulungen si kurang iergaken erkiteken erbage kekurangen si lit bas ia.
• Emaka penting saling mperdiateken gelah ula terjadi perpecahen. Tiap ringring arus saling siergan ras saling mperdiateken alu bage reh teguhna kiniersadan kula e. La lit i je sikap meganjang ukur, egois bage pe rendah diri. Sabab semuanya dibutuhkan, diperlukan dan tidak ada yang diabaikan. Setiap ringring sada penggejapenna. Sada ringring suin kerina ringring ikut ngejapkenca, bage pe kebalikenna, sada ringring ermeriah ukur, kerina ring-ring pe ikut nggejapkenca. Sebage contoh, sakit gigi kita, labo hanya ipen si nggejapken si mesui tapi kerina anggota tubuh ikut nggejapkenca. Kai si ialami anggotanta, kerina anggota ikut nggejapkenca (musibah kebanjiran, duka cita, kelawesen anggota keluarga, rsd.), bage pe keriahen si ialami anggotata, kerina anggota ikut nggejapkenca. Pas bagi si ikataken Paulus i bas Roma 12:5,16, “Meriahlah ukurndu ras kalak si ermeriah ukur, tangislah kam ras kalak si tangis. Sekalak-sekalak kam arus mperdiateken keperlun kalak si deban. Ula meganjang ukurndu, tapi pertemanilah kalak si meteruk pe. Ola beluh iakapndu bandu”).

Emaka i bas ay. 27 sekali nari ipertegas Paulus, maka jemaat e kula ni Kristus, janah sekalak-sekalak kita ringringna. Selaku anggota jemaat mbue kita erbagena, subuk tingkat ekonomi, tingkat pendidiken, termasuk talenta sienggo ibereken Tuhan. I bas kinierbagen e me teridah kinibayaken ras kesempurnaan adi kita banci sikelengen, siergan, bersinergi, ras saling melengkapi. Ula sempat sepele, anggap remeh (mencela, merendahkan, mentertawakan, mem-bully, rsd.) nandangi kalak si deban. Bahkan ringring si tempa la menonjol la banci ipandang rendah. Sabab ia pe ikut menopang kula. Adi sada entah dua ringring kurang entah la berfungsi pasti akan mengganggu aktivitas tubuh (desken kalak stroke). Bage pe, adi lit anggota iabaikan entah kurang terlibat sedekah enda enggo pasti kurang sempurna perdalanen Gereja e.

Pengkenaina

Rikutken Sasaran Pelayanen GBKP thn. 2023 “Jemaat Menjadi Pelaku Aktif I Bas Pelayanan”, maka mbue bahan-bahan Alkitab si nampati kita guna kita sehati sepikir, geluh sikeleng-kelengen ras memberi diri guna melayani Tuhan. Tidak ada kita yang sempurna. Setiap kita pasti lit kelebihen ras kekurangenna. I bas si e me maka kita arus ersada, gelah banci kita saling melengkapi. Arah kita saling (melengkapi, nampati, ngkelengi) i je me letak kiniersadanta. Pedauh sikap merasa paling hebat, merasa diri paling benar, ras kurang menghargai kalak si deban.

Sasaran Pelayanen GBKP thn. 2023 mpersingeti kita, maka setiap kita penting ras meherga (la lit sekalak pe banci iabaikan, satu orang satu pelayanan). Emaka setiap kita pe arus ngerngai talenta (karunia) si enggo ibereken Tuhan banta ras nggit makekenca guna nampati dahin-dahin persekutuan, pelayanan ras kesaksian. Emaka arah tujun si peduaken enda, ibabai kita guna lebih mengenal GBKP subuk i bas kelebihen ras kekurangenna gelah alu bage banci reh sikapna pelayanen banci sidalanken. Beneken biak sisalah-salahen, ncikuraki teman, cian ate ras meganjang ukur. Ras mari sipebelin sikap si mehuli, sisampaten, peka nandangi keadaan teman, peduli, merangkul, rsd. Janah si paling penting gelah tetap paguh kiniersadanta maka kita pe arus tetap bergantung ras Kristus.

Versi audio silahkan klik : https://www.youtube.com/watch?v=scGa22JfMPw