SUPLEMEN KHOTBAH MINGGU GBKP 19 MARET 2023

Pdt. Larena br. Sinuhadji (Nd. ReyRapha Tarigan)

Minggu Passion V - Letare (Teridahlah)

Invocatio : “Ketuahen kalak si ngenanami kiniseran erkite-ekitekan nehken peraten Dibata; sebab man bana me Kinirajan Surga” (Matius 5:10)

Ogen : Jesaya 61:6-11 (Responsoria)

Khotbah : Matius 26:1-5

Tema : JESUS IENDESKEN ME KU KAYU PERSILANG

Minggu enda bengket kita ku bas Minggu Passion pe-5-ken, ras pe igelari Minggu Letare. Arah salib, penderitaan, teridah kekelengen Tuhan si mbelin man banta. Arah si e mabai kita tetap ngkelengi Tuhan alu bulat ukurta.

Piga-piga hal si banci siidah i bas teks khotbahta :

Kenca dung ituriken Yesus si enda kerina (“Setelah Yesus selesai dengan segala pengajaranNya”). Pengajaren kai si enggo ipeseh Yesus man ajar-ajarNa? Rikutken Matius 24 - 25 maka Yesus mengajarken mbue kiniseran ras peniksaan sope reh pendungi jaman. Bagepe reh teremna Nabi-nabi Palsu. Ras Yesus pe ngajarken maka i bas kerehen Anak Manusia la lit ise pe metehsa, si paling penting tetap metenget ras erjaga-jaga.

Janah ngerana IA man ajar-ajarNa, maka dua wari nari irayaken pe Wari Paskah, janah Anak Manusia iendesken me guna ipakuken ku kayu persilang. Arah si enda banci siteladani Yesus, idungiNa pendahinNa alu mehuli, sikap finishing well, walaupe kiniseran enggo nimai IA. Yesus ngajarken kita, kai pe tugas tanggung jawab si ibereken Tuhan banta, Serayan Tuhan, Pdt./Pt./Dk., Pengurus, sebage orang tua, nande, bapa, i bas pendahin, anak-anak kami PERMATA, i bas pendidiken, pendahin, kerjakan tugas dengan baik, seh asa dung. Finishing well. Ula ngadi bas tengah dalan, ula asal-asalan (menggo), tapi tetap setia. Setia sampai akhir.

I bas setting (ingan) si berbeda, pulung ka imam-imam si mbelin ras pemimpin kalak Jahudi i bas rumah Kayafas, iman si mbelin. Arih-arih kalak enda guna nangkap ras munuh Yesus alu erbuni-buni. Erpekat guna erbahan si la mehuli. Tokoh-tokoh agama yang seharusnya berkumpul merundingkan perbuatan baik untuk orang lain, yang menyenangkan hati Tuhan, justru merundingkan suatu tipu muslihat untuk membunuh Yesus. Sesutu yang paradoks, bertentangen. Aturenna gelarna hamba-hamba Tuhan e, imam-imam si mbelin si ipake Tuhan guna nehken kekelengen, mberitaken kabar baik, ngukurken ras ndalanken si mehuli, malah sebalikna iukurken ras irencanakenna kejahaten bahkan pembunuhan (sangat mengerikan).

Ras arih-arih ia kerina guna nangkap ras munuh Yesus alu erbuni-buni, ola asum wari Paskah IA sibunuh gelah ola guntar kalak si enterem. Walaupe kinatana, la sue bagi rencana, Yesus isalibken asum enterem kalak mpersiapken diri guna merayakan Paskah Jahudi.
Ogen si pemena, si ibere judul “Berita keriahen kerna pembebasen”. Penderitaan 70 tahun i Babel isalihken Tuhan jadi kemalemen ate, keriahen ukur. BangsaNa igelari Imam Tuhan, suruh-suruhen nu Dibatanta, bahkan kebayaken bangsa-bangsa si deban bangsa enda si ngenanamisa. Kebayaken kalak enda erlipat ganda. Bahkan bangsana sendiri pe merespon alu sukacita arah perbahanen Tuhan. Meriah ukurna, tendina ersurak erkiteken Tuhan, desken penganten tupung kerja perjabunna, si make paken si seh kel jilena (sukacita kel). Bage pe desken benih si iamburken ku bas taneh si la banci lang i bas waktuna turah. Ertina, kalak enda situasina bas pembuangen denga, tapi Firman Tuhan, Kata Tuhan, mereken sukacita si erbahanca tetap kalak enda megenggeng ras erbahan si mehuli.

Kai pesan Firman Tuhan i bas Minggu enda? Si pemena, rikutken invocationta, ketuahen kalak si ngenami kiniseran erkiteken nehken peraten Dibata. “Berbahagia orang-orang yang menderita karena melakukan kebenaran”. Payo nge, la kin umumna asum kita ngenanami kiniseran, usur sikataken kita si liahna, kelsehen kita. Bahkan enda menderita kita erkiteken kita ndalanken kebenaren. Firman Tuhan menyakinkan dan memotivasi kita, ula mundur asum kita ngenanami kiniseran erkiteken tetap kita berintegritas, silakoken kebenaren. Sebage contoh, jujur kita i bas dahinta, tetap kita berintegritas, banci jadi teman-temanta la senang man banta, entah akhirna tercampak kita, imutasiken i bas ingan si la sikap. Berbahagialah kita yang tetap setia melakukan kebenaran, sebab sanga ipersiapken Tuhan kita i bas ingan si lebih baik, tersikapen banta.

Si peduaken, la ipersoken Yesus kiniseran ras kematen si akan ialamiNa mate i kayu persilang. Salib ncidahken ketaatan Yesus man Bapa si enggo mengutus IA ku doni enda sekaligus nuduhken kekelengenNa si mbelin man manusia, man doni enda. Bagi Minggu enda, igelari “Minggu Letare”: “teridahlah”. Banci siidah keleng ate Kristus si luar biasa, Salib adalah bukti nyata yang bisa kita lihat tentang kasih Allah yang agung. Salib benar lambang penderitaan tapi salib juga lambang sukacita dan kegembiraan (Letare: sukacita). Erkiteken salib nge maka sialoken keterkelinen.

Si peteluken, ise pe kita, secara khusus Pelayan Tuhan, Pengurus Gereja, termasuk jemaat, perban kita subyek i bas pelayanen, pastikan, i bas dirinta, pikirenta, perjumpaan-perjumpaanta, siukurken ras silakoken si mehuli. Tetaplah pusuh ukurta idemi Kesah Si Badia, gelah sura-sura si ilat ndauh i bas kita nari.