SUPLEMEN PJJ GBKP TGL. 28 SEP. - 04 OKT. 2025

Pdt. Larena Sinuhadji (Nd. ReyRapha Tarigan)

MELIAS DINGEN MESAYANG - Epesus 4:31-32

(Perpulungen Jabu-jabu Intergenerasional)

Penaruh

Rikutken informasi i bas AI nari, “Semua manusia membutuhkan kasih sayang yang tulus sebagai kebutuhan mendasar untuk kesejahteraan mental, emosional, dan sosial. Kasih sayang tulus lahir dari hati dan memberikan rasa nyaman, kebahagiaan, serta dukungan yang nyata, tidak seperti kasih sayang yang hanya karena keharusan.” Kasih sayang yang tulus akap kami harus lit i bas persadan kalak si tek, sebab Yesus pe enggo nehken keleng ateNa si luar biasa man banta kerina kalak si tek. I bas kesempaten enda radu ras kita erlajar kerna melias dingen mesayang erpalasken Kata Dibata si jadi ogenta sendah.

Mpebagesi Ogen

Perp. Efesus merupaken hasil penginjilen Paulus ras Timotius. I bas 1 Tim. 1:13 ituriken, kenca perkunjungen Paulus ras Timotius ku Asia, itadingkenna Timotius i Kota Epesus. Sebab Epesus termasuk kota besar ras pusat agama kafir alu litna Kuil Dewi Artemis. Banci ikataken, tuhu melala tantangen sebage kalak Kristen adi tading i Epesus. 

Nats renungen PJJ-ta lit i teruh judul perikop “Kegeluhen si mbaru i bas Kristus” (terj. TB-LAI nina: “Manusia baru”). I bas perikop enda ipersingeti Paulus gelah perpulungen sedar maka kegeluhenna enggo berbeda nai ras genduari (latar belakang kekafiran). Nai lenga itandaina Dibata, lenga tek man Yesus dingen lenga ialokenNa perkuah ate Dibata arah pengorbanen Yesus Kristus si erbahanca kegeluhenna ate-ate bagi kalak si la nandai Dibata. Ipelepasna dirina italuken sura-sura si jahat janah ilakokenna kerina si la mehuli alu la alang-alangen. Ertina, harus lit bedana nai ras genduari kenca enggo tek man Kristus. La banci abu-abu (magem). Kalak si enggo ersada ras Kristus arus nandingken (nangtangi - menanggalkan) kegeluhen si male. 

Ertina, selain perkuah ate Dibata, penampat Tuhan, harus lit kesadaren i bas dirina sendiri guna nandingken perbahanen-perbahanen si la mehuli. Harus lit kerja sama antara Dibata ras kita manusia, la banci kerina siendesken man Tuhan. Payo keleng ate Tuhan mbersihken kita i bas kuasa dosa nari, tapi arah kepentaren, perukuren, si lit i bas kita, harus sirespon keleng ate Tuhan alu kita pe berusaha nadingken perbahanen-perbahanen si la mehuli. Alu kesadaren si penuh, pusuh peraten ras perukurenta kerina harus ipelimbarui. Ertina, tetap kita nggeluh rembak ras Tuhan, ernalem man baNa, setia kita ngoge KataNa subuk secara pribadi bage ras-ras i bas ibadah secara komunal. Sebab Kesah Si Badia ras KataNa ngenca si banci mpelimbaru pusuh ukurta. Seh maka biak-biak si la mehuli, sitantangi ras sipake manusia si mbaru, e me perbahanen si mehuli, si ngena ate Dibata (bdk. Joh. 15:3, “Kam enggo ibersihken alu Kata si Kukataken man bandu”). Kata “pakelah manusia si mbaru” (bhs. Ind., “Mengenakan manusia yang baru”), e me kata kerja si ertina, harus lit usaha i bas dirinta guna ndalanken perbahanen-perbahanen si mehuli si ngena ate Tuhan.

Secara khusus si jadi fokus i bas PJJ-ta sendah e me ay. 31-32. Ay. 31 encidahkenca kegeluhen manusia si ndekah, si ikuasai denga alu dosa, entah pe erbage-bage kejahaten: cian ate, perampus ras pernembeh, siisak-isaken, saling cekurak, ras erelem-elem. Sebalikna i bas ay. 32 encidahken kegeluhen manusia si mbaru, si enggo ngaloken anugerah keselamaten i bas Yesus Kristus arah kinitekenna: melias, mesayang, ras sialem-alemen bagi Dibata enggo ngalemi i bas Kristus. I bas terj. BIMK ras TB-LAI nina: baik hati (ramah), berbelaskasihan (penuh kasih mesra), dan saling mengampuni seperti Allah pun mengampuni melalui Kristus.

Rikutken tafsiren Pdt. Joas Adiprasetya (Guru Besar STT Jakarta), bagenda nina: “Kata “ramah” (Yun.: chrēstoi) berarti kebaikan hati yang nyata dalam sikap. Paulus menekankan bahwa relasi jemaat harus ditandai oleh kehangatan, bukan dinginnya formalitas. “Kasih mesra” (Yun.: eusplanchnoi) berasal dari kata yang berarti “rahim” atau “perut batin” – kasih yang lahir dari kedalaman empati. Dengan kata lain, jemaat dipanggil membangun spiritualitas kelembutan yang keluar dari kedalaman hati, bukan sekadar sopan santun luar. “Mengampuni” (charizomenoi) di sini terkait dengan kata charis (anugerah). Mengampuni bukan hanya melupakan kesalahan, tetapi menghadiahkan kasih karunia. Paulus mendorong sebuah pola relasi yang bukan transaksional (“aku baik kalau engkau baik”), melainkan berbasis pada anugerah yang bebas diberikan.”

Pengkenaina

Secara ideal kegeluhen kalak si tek e me kegeluhen si enggo ipelimbarui, tapi i bas kinatana, melala denga kalak si tek si lenga nggeluh i bas kegeluhen si mbaru. Engkai maka bage? Mungkin si pemena lebe, erkiteken lenga igejapkenna keleng ate Kristus alu tuhu-tuhu. Jadi Kristen hanya sekedar ikut-ikutan, formalitas, faktor keturunan, rsd.-na. Lenga itandaina ise Kristus i bas kegeluhenna. Si peduaken, memang geluh i bas kegeluhen si mbaru labo murah. Semakin ndeher kita ras Kristus, reh buena godaan si encubai kita. Rasul Paulus sendiri pe mengakui megegeh denga kuasa Iblis si encubai dirina (bdk. 2 Kor. 12:7-10), tapi lebih gegehen kuasa Kristus i bas dirina, emaka ipengasup Dibata Paulus naluken kuasa dosa. 

Tema PJJ-ta i bas kesempaten enda ngajuk kita kerina gelah megegeh nggeluh i bas kegeluhen si mbaru, si secara konkrit iwujudnyataken alu: melias, mesayang, bage pe sialem-alemen salah. I bas si e iajuk kita gelah, si pemena, membangun spiritualitas kelembutan yang tulus dari dalam hati, labo terjeng formalitas gelah iidah kalak, gelah dat puji-pujin, entah pe gelah dat pengakuan. Si peduaken, saling mengampuni sebagai pola relasi yang tulus, bukan formalitas entah pe transaksional, bagi Kristus enggo ngalemi salah dosanta. I bas si e tentu harus nggit kita saling introspeksi diri, mengakui kesalahan, mindo maaf adi memang lit kesalahen si ilakoken kita. Bage pe sebalikna, nggit kita mengampuni kalak si enggo erbahan salah man banta. Emaka mari radu ras kita ertekad guna menciptakan suasana penuh kasih sayang yang tulus bage pe pengampunan i tengah-tengah persadanta, sebab memang e nge ciri khas si harus lit i tengah-tengah perpulungen kalak si tek. 

PJJ i bas kesempaten enda i bas rangka PJJ Intergenerasional. Intergenerasional rikutken informasi i bas AI nari ertina: “Merujuk pada interaksi aktif dan terintegrasi antara anggota dari berbagai generasi yang berbeda, seperti anak-anak, dewasa, dan lansia, dalam suatu konteks tertentu. Konsep ini menekankan hubungan timbal balik dan saling menghargai, yang bertujuan untuk menjembatani perbedaan pandangan dan pengalaman antar generasi, menciptakan pemahaman yang lebih dalam, dan memperkuat kesatuan dalam komunitas, seperti dalam gereja atau keluarga.” Perpulungen Jabu-jabu mungkin secara ideal mencakup kerina anggota keluarga. Konsekuensina tentu harus lit ruang khusus untuk anak-anak ras remaja. Erkiteken memang bahasa ras metode pengajaran guna anak ras remaja, berbeda ras metode pengajaran guna orang tua entah pe kalak si enggo dewasa usiana. Enda tujunna tentu gelah Kata Dibata si isehken banci irenungken kerina kalangan. I bas si e mari radu ras siukurken gelah PJJ Intergenerasional enda banci ilaksanaken alu mehuli.