SUPLEMEN PJJ GBKP TGL. 5 - 11 MARET 2023

Pdt. Larena br. Sinuhadji (Nd. ReyRapha Tarigan)

Tema : PULUNG NGATURKEN DAHIN (Perb. Rasul 6:1-7)

[Musyawarah Warga Sidi Runggun]

Pengantar

I bas pergumulen si ialami kita dua ngenca gendangna, mate entah semakin kita maju ras berkembang. Tentuna pilihenta maju ras terus berkembang. Pergumulen, bahkan konflik si lit ula sisinik-sinikken, tapi idungi bahkan sidarami pelajaren kai si idatken kita. Arah bahanta sekali enda, erlajar kita arah Jemaat Mula-mula, lit konflik, perubaten, tapi iselesaikan alu mehuli.

Renungan & Aplikasi

Perpulungen kalak si tek ambah warina reh teremna. I bas bindu 4 asum Petrus ras Johanes ngerana i Rumah Pertoton ras kedungenna dua kalak enda itangkap, maka kepeken enterem kalak si megi pengajaren e tek, teremna dilaki si enggo tek e tambah jadi kira-kira 5.000 kalak (Perb. Rasul 4:4). Reh teremna perpulungen, reh buena ka dahin pelayanen si man dahinken, labo saja urusen pembarken Kata Dibata, ertoto, tapi pe mperdiateken kegeluhen jemaat si perlu man sampaten secara ekonomi (bdk. Perb. Rasul 4:34, “kalak si lit buatenna nampati kalak si lemah ekonomina, dingen rasul-rasul si ngaturkenca rikutken keperlun sekalak-sekalak”).

Secara khusus i jenda nampati diberu mbalu-mbalu (Pelayanen Diakoni). Turah perubaten i tengah-tengah kalak Jahudi si make cakap Junani ras kalak Jahudi si make cakap Jahudi. Jungut-jungut kalak e sabab kalak mbalu i tengah-tengah kalak Jahudi si make cakap Junani la ngaloken bagin i bas pemere si arus ialoken tiap wari. Apakah lit unsur segaja, terjadi pembedaan pelayanen antara kalak Jahudi si make cakap Jahudi ras kalak Jahudi si make cakap Junani (erayo-ayo)? Atau memang erkiteken enggo mbuesa dahin seh makana enggo lit si ketadingen (tanpa lit unsur segaja).

Piga-piga poin si banci siidah :

1. Persoalen la itimai melebar, minter segera iatasi alu mpepulung kerina kalak si enggo tek.
2. Rasul-rasul menyadari keterbatasenna guna ngaturken kerina dahin e, ras butuh kalak si deban guna banci nampati. Sebab jelas nina Rasul-rasul lit dahin si pokok si arus idahiken Rasul-rasul e, e me meritaken Kata Dibata. Alu litna pitu kalak si nampati, maka tetap banci ipergunaken Rasul-rasul e kerina waktuna guna ertoto ras meritaken Berita Si Meriah.
3. Rasul-rasul melibatken kerina perpulungen guna ertanggung jawab ngaturken dahin pelayanen, gelah perpulungen pe merasa memiliki dahin pelayanen e. Emaka isuruh Rasul-rasul gelah perpulungen milih pitu kalak i bas perpulungen nari si ieteh kalak mehuli, si dem alu Kesah Si Badia ras pentar, gelah ngasup ka ia ngaturken dahin e alu sikap.
4. Musyawarah e erkedungen alu mehuli, erkiteken kerina perpulungen enggo ngaloken kata enda.

Tema, “Pulung Ngaturken Dahin”. Tema enda mabai kita nggejapken maka dahin pelayanen e, dahinta ras-ras, subuk Serayan Tuhan, Pengurus PJJ, Pengurus Kategorial, ras perpulungen. Arah kita pulung  ngaturken dahin, maka kita (labo hanya piga-piga kalak) merasa memiliki ras ertanggung jawab nandangi pelayanen bas Gerejanta. Pulung, berkumpul sada kegiaten si penting, subuk i tengah-tengah keluarga, Gereja entah pe organisasi kemasyarakatan. Arah kita pulung, banci kita arih-arih, bertukar pikiran, mpersada persepsi guna kiniulin pelayen bas Gerejanta.  Terlebih pulung ngaturken dahin pelayanen. Gelah ola iakap perpulungen e, dahin Gereja e hanya dahin Serayan ras Pengurus. Iaturken, ertina la meros, la menggo  gelah sikap ka pelayanen e idahiken. Selain membangun kiniteken jemaat enggo pasti arah pelayanenta si sikap mpermuliaken Tuhan Dibata, sabab maksimal sidahiken.

Salah sada dahin Gerejanta lit ilakoken Musyawarah Warga Sidi Runggun. I bas Tata Gereja, Tata Laksana Ps. 164:

1. Musyawarah Sarga Sidi Runggun adalah sarana bagi warga dan majelis Runggun untuk saling memberi masukan mengenai perkembangan kehidupan bergereja di Runggun dalam bersekutu, bersaksi dan melayani.
2. Musyawarah Warga Sidi Runggun bukan merupakan sarana pengambilan keputusan.
3. Musyawarah Warga Sidi Runggun dilaksanakan satu kali dalam setiap tahun selambat-lambatnya pada bulan Maret dan dipimpin oleh Majelis Runggun.
4. Musyawarah Waga Sidi Runggun dilaksanakan untuk mendengar laporan perkembangan jemaat dari BPMR beserta seksi-seksinya, pengurus unit-unit pelayanan dan pengurus PJJ serta pengajuan usul-usul tentang kehidupan bersekutu, bersaksi, dan melayani serta pembinaan guna pertumbuhan jemaat.

Sura-suranta, ambah warina Gerejanta semakin maju ras berkembang. Emaka pakeken kesempaten pulung i bas Musyawarah Warga Sidi Runggun alu mehuli. Majelis Runggun ras Unit-unit rikut Pengurus PJJ mpersiapken diri alu erbahan laporen kegiaten pelayanen si enggo idahiken. Bahan enggo ibagiken man perpulungen si melaunna dua minggu sope pelaksaan musyawarah gelah lit dalan perpulungen ncakapken rikut mereken usul-usul bas sektor masing-masing. Dahin enda dahin Tuhan, emaka tetap sijaga gelah kemulian Tuhan teridah arah musyawarah si nilakoken kita. Subuk Majelis Runggun, Pengurus Unit-unit pelayanen, Pengurus PJJ idemi alu Kesah Si Badia ras sada visi guna kemajuan pelayanen Gerejanta.