SUPLEMEN PA MORIA GBKP TGL. 5 - 11 MARET 2023

Palas Teologia Padan Si Mbaru

Pdt. Larena Sinuhadji (Nd. ReyRapha Tarigan)

Ogen : Epesus 4:11-13

Tema : PEMERE-PEMERE I BAS DIBATA

Tujun : Gelah Moria :

- Meteh kai-kai saja pemere-pemere Dibata i bas perpulungen Epesus

- Sikap makeken pemere-pemere Dibata guna majekken kula ni Kristus

KATA PENARUH

Kepelbagaian, perbedaan itu adalah realita, la banci sitolak. Tading uga genduari kita menyikapisa, menatalayankenca guna jadi gegeh, kekuatan secara khusus i tengah-tengah Gereja. Si penting tetap kita ersada, bagi pertoton Tuhan Yesus, “Ut unum sint”, supaya mereka menjadi satu. Ersada min ia kerina bagi Kam ersada ras Aku. “Jadikan kami satu seperti kerinduanMu agar dunia tahu bukti nyata dari kasihMu”. Pesanna jelas, erbage-bage corak kita tapi si penting tetap kita arus ersada. I bas PA Minggu enda, erlajar kita arah surat Paulus man Perpulungen Epesus, erbage-bage pemere tapi jadi kebayaken guna membangun kula ni Kristus.

PENJELASEN PERIKOP

Epesus 4:1-16 si ibere judul “Kiniersadan kula” (Bhs. Ind.: “Kesatuan jemaat dan karunia yang berbeda-beda”) e me ngerana kerna kiniersadan (unity) selaku kalak si enggo idilo ras iselamatken Yesus Kristus. Kesatuan (kiniersadan) perpulungen labo berarti erbahanca kalak Kristen menjadi seragam i bas kai pe (sabab e labo mungkin - ija Tuhan sendiri nepa kita pelain-lain). Tapi i bas kinierbagen banci kita ersada, ras si e memperkaya perpulungen bahkan menjadi sada kekuatan guna banci jadi berkat man doni enda. Sada hal lebe si banci mpersadaken kita sada ras si debanna, asum lit karakter Kristus nggeluh bas kita (ay. 2, “meteruk ukur, lemah lembut, saber, ula pergelut, lit kekelengen”). Si peduaken, siusahaken persadan si ibereken Kesah tetap irakut alu nteguh i bas perdamen. Si peteluken, arus jelas pemahamenta maka aminna pe kita berbeda tapi sada ngenca kula e me kula ni Kristus, sada Kesah, sada kinitekenta, sada Tuhan, sada peridin ras sada ngenca Dibata e me Bapa kerinana.

Secara khusus i bas perikopta ay. 11-13, Paulus menegasken arus kita ersada i bas pelayanen, aminna pe pelain (berbeda) karunia entah pe dahin pelayanen si dahiken kita. Jelas man banta sekalak-sekalak enggo ibereken kengasupen si khusus sue ras baginta si ibereken Kristus erpalasken lias ateNa. Ay. 11, “Ia si mereken pemere-pemere man man manusia” (“Dan Ialah yang memberikan”) ertina, Tuhan si mereken ke-5 jabaten gereja paksa si e, e me rasul-rasul, nabi-nabi, pemberita Injil, mpermakani perpulungen, ras guru-guru. Labo erkiteken kebeluhenta, entah kehebatenta tapi lias ate Dibata” (ay. 7). Jabaten rasul, nabi genduari i bas paksa genduari la nari lit. Ras hal enda ilakoken Dibata gelah anak-anak Dibata (memperlengkapi orang-orang kudus) gelah sikap ndahiken dahin pelayanen majekken kula ni Kristus. 

Ertina, jabaten pelayanen si lit i tengah-tengah Gereja tujunna gelah anak-anak Dibata (menarik sekali BIMK ras terj. Bhs. Inggris make kata “orang-orang kudus”, berarti kita anak-anak Dibata si enggo berbeda identitasta ras kalak si deban si nggeluh i bas kegelapen) ngasup memperlengkapi jemaat gelah jemaat e pe ngasup ka ndahiken dahin pelayanen (satu orang satu pelayanan). Sehingga kita semua telah mencapai kesatuan iman dan pengetahuan yang benar tentang anak Alah, kedewasaan penuh, dan tingkat pertumbuhan yang sesuai dengan kepenuhan Kristus (alu bage dungna ersada kinitekenta ras penandainta kerina nandangi anak Dibata, kita dewasa, janah dungna seh kita ku tingkat kedewasaan Kristus si serta e).

Ertina, arah pelayanen siilakoken kerina perpulungen (kita semua =semua anggota jemaat, ula lit sekalak pe sitading ras ilupaken), iarapken ersada kinitekenna ras penandaina kerna anak Dibata ras kita dewasa. Pertumbuhen si terjadi i tengah-tengah perpulungen secara holistik, subuk pemetehna kerna kata Dibata, kinitekenna, mentalna, karakterna ras teridah i bas dampar kegeluhen. Sabab lit deba kalak, jago pemetehna kerna kata Dibata tapi la teridah i bas kegeluhen si tep-tep wari.

APLIKASI

Kinierbagen sada kebayaken man banta bas perpulungen adi banci kita nggeluh i bas persadan si paguh. Alu bage lit piga-piga poin penting si jadi perenungenta :

• Dibata enggo mereken karunia (pemere) man banta sekalak-sekalak, alu bage arus sipakeken guna membangun kula ni Kristus ras mpermuliaken Tuhan. I bas si e, karunia si lit la perlu iperbandingken entah ipertandingken tapi ipake guna bersinergi (bekerja sama) melayani Tuhan. I bas si e, beneken biak mau menonjol sendiri entah pe cuex, la nggit terlibat bas pelayanen arah talenta si enggo bereken Tuhan bana.
• Pemere si enggo ibereken Tuhan arus terus-menerus ipakeken (ipertajam) pemakenna (bagi pisau, adi la pernah ipakeken pasti akan tumpul). Erkiteken Tuhan si mereken pemere e man banta, maka kiniersadanta ras Tuhan mabai kita meteh ras mensyukuri karunia si enggo ibereken Tuhan. Geluh i bas persadan ras perpulungen pe banci nampati kita meteh karunia si enggo ibereken Tuhan banta. Ertina, teman ipake Tuhan guna kita lebih mengenal karunia si enggo ibereken Dibata.
• Adi kita anak-anak Dibata sikap ndahiken dahin pelayanen majeken kula ni Kristus (satu orang satu pelayanan), maka Gereja reh bertumbuhna. Semakin luar biasa dahin pelayanen si banci sidalanken. Kehadirenta enggo tuhu-tuhu ernanam, subuk i bas jabu, Gereja ras masyarakat.