PJJ GBKP TGL. 14 - 20
JULI 2019
Pdt. Larena br.
Sinuhadji (Nd. Rey Rapha Tarigan)
(78 Tahun GBKP Njayo)
Tema : DIBATA NGATURKEN
KULA ALU SERASI
(1 Korinti 12:20-26)
(1 Korinti 12:20-26)
PIARA GBKP si mbaru erdalan Tgl. 1 - 6 Juli 219 mengambil tema “Kesatuan
dalam kepelbagian” (Unitiy in Diversity).
Mbue materi si ilumbaken maka i bas kegeluhenta mbue erbagena entah la seragam,
subuk agama, suku, bahasa, budaya, karakter, tingkat pendidikan, status sosial,
hobi, rsd. I bas beragam-ragam e labo e si erbahanca terjadi sekat, kelompok entah
pe ujungna perpecahan, tapi tetap banci ersada erkiteken sada ras si debanna
saling membutuhken. Memang labo mesukah guna menerima kepelbagian (perbedaan) soalna
kita terbiasa dengan keseragaman.
Terjadi perpecahen i tengah-tengah perpulungen Korinti, enggo mbue gap entah
pe kelompok-kelompok si lit rikutken pandangenna entah sura-sura si seri. Enggo
pasti adi enggo melala kelompok turah persaingen si la positif uga maka
kelompokna lebih hebat asangken si deban, sabab palas erbahan kelompok pe la
jelas. Maka Paulus arah suratna mereken pencerahen, pengelayasi maka geluhta
enda mbue erbagena si igambarken alu kula si melala ring-ringna (satu tubuh
banyak anggota). Piga-piga hal arus isedari i bas ring-ring si pelain-lain :
1) Ring-ring si sada ras si debanna saling terkait, berhubungen ras la
banci berdiri sendiri. Saling membutuhkan. Ay. 21 “Labo banci nina mata man
tan, “aku la perlu kam!” Bage pe labo banci nina takal man nahe, “aku la perlu
kam!” Ring-ring si sada ras si debanna saling membutuhkan. Umpamana, perlu kita
teh erkiteken muas. Labo hanya babah ngenca si bertindak, tapi erbage anggota
ring-ring saling bekerja sama, ibenaken mata ngidah i ja kin teko berisi teh,
nahe erdalan, tan njemak teko dingen nuangkenca ku gelas, je nari babah
ngalokenca ras nginemsa. I bas persadanta selaku kula ni Kristus, melala
erbagena kita, uga pe bayakna aku, ras jagona aku, pasti aku butuh kalak si deban,
bage pe sebalikna. Ertina i bas persadanta mbue pe erbagena, kita arus saling
melengkapi.
2) Lit ring-ring si lebih ia ipehaga labo erkiteken bayak entah hebatna,
tapi erkiteken la meherga, kurang elok si e me si arus lebih iperdiateken. Alu
istilah bas kita, rutang si megegeh nampati si kurang megegeh. Si kurang
megegeh (duit, pemeteh, tenaga,perukuren) e me si lebih erpengayak kita alu
ersada nampatisa.
3) Berbeda pe kita, melala pe erbagena kita tapi arus sada
penggejapenta, sabab kita sada kula. Lit lagu rohani, “suindu, suiku teman”.
Adi sada ring-ring suin, kerina ring-ring si deban pe ikut nggejapkenca. Janah
adi sada ring-ring ipehaga, kerina ring-ring si deban pe ikut ermeriah. Istilah
si pernah viral bas GBKP nina “kam kap aku, aku kap kam, labo aku kap kam, kam
ku kap-kap”. Ertina, sada penggejapenta, sukses temanta la kita iri tapi meriah
ukurta, temanta e pe la meganjang ukur, suksesna ikut kita nggejapkenca, sabab
sitotoken ia jadi berkat (pasu-pasu). Kesusahen teman pe ikut kita nggejapkenca.
Maka adi lit acara kepaten, sakit pinakit, kesusahen si deban erlumba kita ikut
ngapulisa, dingen mpenahangi baban si mberat si ialami temanta.
4) Gelah ula terjadi perpecahan, maka sada ras si debanna arus tetap
saling mperdiateken, siergan, sikeleng-keleng dingen sisampat-sampaten.
Virus-virus si banci erbahanca turah perpecahen, kerangapen, kiniganjangen
ukur, egois, menganggap diri paling benar e me si perlu itengeti dingen
ibeneken i bas geluhta.
Puji Tuhan i bas Tgl. 21 Juli 2019 GBKP enggo 78 njayo. Njayo i bas
daya, dana ras teologi. Tentu kita sangana nggeluh i bas arak-araken uga menjadi
gereja si niarapken Tuhan (Let be Chruch
to be Chruch) biarkan gereja tetap menjadi gereja, ula mbue politik entah
pe kepentingan doni. GBKP arus terus berbenah diri jangan merasa puas diri. I
bas bidang daya, SDM serayan (Pdt., Pt., Dk., ras pengurus gereja arus terus
iperlengkapi subuk secara pribadi ras lembaga). GBKP alu sistem sentralisasi
keuangen 60% - 40% tetap ncidahken maka rutang si megegeh nampati si kurang
megegeh. Rikutken evaluasi, keuangenta enggo semakin membaik arah litna Kerja
Rani ras perpuluhen. Enda nuduhkenca, enggo semakin dewasa anggota GBKP i bas
nggejapeken pasu-pasu Tuhan i bas kegeluhenna.
Dingen i bas 78 tahun GBKP njayo melala denga si perlu man pekenan.
Termasuk kehadirenta ku gereja 40 - 50%. Dana gereja arus lebih mbue
ipergunaken dalam rangka membangun jemaat asangken fisikna. Arah pembinaan si terarah,
sistematis (pembinaan serayan, pembinaan pengurus, pembinaan kategorial,
retreat pasutri, rsd.), iarapken
perpulungen megegeh kinitekenna jadi pasu-pasu ka antar sesama jemaat,
secara khusus si jarang per-gerejana. Dingen siinget VISI GBKP 2016 - 2020 “GBKP
menjadi kawan sekerja Allah untuk menyatakan rahmat Allah bagi dunia” (GBKP
aron Dibata jadi pasu-pasu man isi doni enda). Radu sedalanen siban i ja GBKP
perayakenna jadi pasu-pasu man doni enda, ula ka ilupaken maka GBKP entah Runggun,
PJJ arus ka jadi pasu-pasu man PJJ si deban, Runggun si deban si kurang
megegeh. Siusahken reh teremna Runggun labo arah perpecahen tapi arah enggo enteremna
anggota perpulungen e. Sipekitik konflik-konflik si la perlu bas gerejanta
(kerna pemilihen serayan, kurang iperdiateken, rsd.). Sabab ‘di kenca enggo lit
konflik bahkan la beluh kita mengelolasa, maka akan terus kita berkutat dari
waktu ke waktu ku persoalen si lalap la erkedungen, piah enggo lupa tugasta si
utamana e me jadi pasu-pasu man isi doni enda. Program si enggo icanangken
banci terbengkalai erkiteken gereja e sibuk ras fokus ku bas perjengilen,
perubaten, perpecahen. Tuhan tetap masu-masu GBKP.
BujurPdt
BalasHapusSemoga bermanfaat bp iman
HapusMjj pdt bjr..Mamre Rgn Bambu Raya..Nari.
BalasHapusBujur Pdt, Dibata masu masu kita kerina.
BalasHapusPendeta nungkun aku penulisan sinuhadji atau Sinuhaji si tuhuna penulisannya?
BalasHapusHehehehe mengikuti bpa ndube ejaan lama terus bs ijasah kerin bage...pokoke ibu atau bp aji😊
HapusBujur Pendeta,Dibata tetap simasu masu km sada keluarga.
BalasHapusBujur Pendeta....Pjj Simpang VI.3. Runggun GBKP Simpang VI- Kabanjahe. Tuhan memberkati kam ibas pelayanenndu.
BalasHapusBujur man bandu Pdt ras naras mama tigan si la megogo... 🙏😁😀
BalasHapusBujur pdt TUHAN si masu masu
BalasHapusBujur Pdt go banci nambah wawasan kami.. Guna ielaken kami man perpulungen...
BalasHapusBujur pdt Tuhan berkati.
BalasHapussalam man Naras, kami ketemu waktu PIARA di Sukamakmur.
Ok bjr slm disampaikan
HapusBjr Pdt Salom
BalasHapusBjr Pdt. Tuhan memberkati. Amin
BalasHapusBujur Pdt .. Tuhan Yesus simasu-masu...
BalasHapusBujur pdt dibata simasu masu
BalasHapus