SUPLEMEN PJJ GBKP TGL. 12 - 18 MARET 2023

Pdt. Larena br. Sinuhadji (Nd. ReyRapha Tarigan)

Tema : BUJUR I BAS PERBELITEN (Perb. Rasul 5:1-11)

(Transparansi Keuangan) 

BENA KATA

Transparansi keuangan e me mereken informasi keuangan si terbuka ras jujur man organisasi pemerintah, sekuler termasuk Gereja, alu sada pertimbangen  masyarakat entah pe umat lit hakna guna meteh secara terbuka ras menyeluruh atas pertangungjawaban pemaken keuangan. Transparansi enda penting, terlebih i bas Institusi Gereja. Sabab dunia sekuler pe menuntut transparansi keuangan, apai ka i bas Gereja, sebab sen si lit bas Gereja sen Tuhan si ipergunaken i bas kegiaten Pelayanen Gereja.

PENJELASEN KATA DIBATA

Rikutken Perb. Rasul 4:32-37 ituriken kerna cara nggeluh perpulungen si pemena, si ersada ukurna ras ersada penggejapenna. Kesusahen sesekalak menjadi keprihatinen bersama. Emaka kalak si lit buatenna, subuk taneh entah pe rumah, idayakenna janah duitna ibereken man Rasul-rasul, je nari ibagiken Rasul-rasul man perpulungen rikutken keperlun sekalak-sekalak. Salah sadana e me Jusuf si igelari Barnabas, idayakenna tanehna je nari iberekenna duitna e man Rasul-rasul.

Rikutken perikopta ibenai ay. 1, “Tapi lit me kalak si deban” (ada seorang lain). Arah kalimat sambung maka Yusuf berbeda ras Ananias bage pe ndeharana Safira, ija duana kalak enda idayakenna tanehna selambar tapi ibunikenna deba tukur taneh e (“Dengan setahu isterinya ia menahan sebagian dari hasil penjualan itu dan sebagian lain dibawa dan diletakkannya di depan kaki Rasul-rasul”). Malah adi siperdiateken secara detail, kemungkinen besar taneh si idayaken Yusuf e me kerina taneh si lit bas ia, sedangken taneh si idayaken Ananias ras Safira selambar ngenca (Bhs. Ind., “Ia menjual ladang, miliknya, lalu membawa uangnya itu dan meletakkannya di depan kaki Rasul-rasul, … Ia bersama istrinya Safira menjual sebidang tanah”). Situhuna labo persoalen adi Ananias ras Safira la ndayaken kerina tanehna ras pe la mereken kerina asil ndayaken juma ndai (tidak masalah kalaupun hanya menyerahkan sebagian saja dari hasil penjualan tanah). Si menjadi persoalen, duana kalak enda enggo erbual, la jujur, alu ngataken man rasul maka si iberekenna e me kerina asil penjualen taneh e (bdk. ay. 8, “Nina Petrus man bana, “Kataken man bangku, tuhu kin enda ngenca tukur taneh si ialokenndu ras perbulangenndu?” Erjabap ia nina, “Tuhu, ase me ergana”). Ras si lebih parah, duana kalak enda sepakat i bas ngelakoken hal si la bujur.

Banci jadi si melatarbelakangi perbahanen Ananias ras Safira e me gelah ia ndatken pujian. Labo guna mere persembahen man Tuhan bage mpenahangi beban teman si sangana i bas kondisi keberaten ras e ilakoken alu tulus. Emaka la ia mbiar erbual man para Rasul terlebih man Tuhan.

La lit si terbuni i lebe-lebe Dibata. Nungkun Petrus, “O Ananias engkai maka ipelepasndu Iblis engkuasai ukurndu, seh maka ibualindu Kesah Si Badia alu muniken sada bagin tukur taneh e?” (“Mengapa hatimu dikuasi Iblis?”). Arah penungkunen Petrus jelas maka Iblis e lit ras dahinna mperdaya manusia, tapi ula sempat pusuh ukurta ikuasina.

Mulihi Petrus menegasken i bas ay. 4, maka Ananias ras Safira si empu taneh e ope idayaken, janah kenca idayaken pe, duitna ate-ate kalak enda ka mpergunakenca. Jadi la lit si memaksa kalak enda guna ndayakenca termasuk iberekenna kerina asil penjualen entah pe sebagian saja. Si e kerina hak Ananias Safira. Tapi kalak enda erdosa asum enggo irencanakenna bas pusuhna guna menahan sebagian hasil penjualen ras ikatakenna ase ngenca ulih ndayaken taneh. Perbahanen kalak enda, e me enggo irencaneken ras sepakat suami istri i bas hal si la bujur. Duana kalak enda rempet mbulak ras mate.

Akibat perbahanenna, duana kalak enda rempet mbulak ras mate. Tuhan mereken ukumen si langsung ras mengerikan. Banci jadi Tuhan ingin mengajarken, kebadian Tuhan la banci ipermaikan. I bas hal enda banci jadi sulit siakap guna memahami kai si enggo ibahan Tuhan. E me keadilen Tuhan ras keputusen Tuhan si meketap la terselami kita. Paling tidak lit pelajaren si meherga si banci sidat kita rikutken perikop enda, gelah kita lebih berhati-hati i lebe-lebe Tuhan. Manusia banci ibuali, tapi Tuhan ietehNa si terbuni pe si enggo silakoken kita si la sendutu bagi si ngena ateNa. Ukumen si langsung paksa si e banci jadi gelah ula perbahanen silakoken Ananias ras Safira iusih Jemaat Mula-mula si paksa si e sangana menggebu-nggebu semangat sepenggejapen guna sisampat-sampaten. Kerohanian palsu seperti Ananias dan Safira bisa saja menular demikian cepat. Emaka i bas ay. 5 ras 11, mbiar kel perpulungen ras kalak si deban si enggo megi kejadian e.

PENGKENAINA

Ananias ras Safira la berintegritas. La sue kata ras perbahanen. Seorang Kristen yang tampaknya jujur, padahal erbual, tampaknya mehuli, tapi menusuk dari belakang, tampaknya rohani situhuna rohana, penuh kepalsuan. Gelah idah mehuli bas jelma si nterem. Tuhan senang yang original (asli). Secara khusus bujur i bas perbeliten. Ras enda arus ibenaken i bas diri sendiri, benaken hal kitik, benaken keluarga, benaken anak-anak nari enggo sibiasaken bujur i bas keuangen.

Tata Gerejanta pe enggo mengatur kerna keuangen, subuk kerna persentase keuangen, mulai PJJ, PA Kategorial, Kolekte Minggu, Persepuluhen ras Persembahen-persembahen si deban. Mari sipedomani Tata Gereja, ula palah situkang-tukangi. Ketepaten penyetoran Runggun ku Klasis, Klasis ku Moderamen, Laporen Keuangen per-bulan bas Persidangen Runggun bage pe itamaken bas Momo Minggu (Warta Jemaat) sebage bagian transparansi keuangan, Pemberdayaan Tim Verivikasi, rsd. Tek kita Tuhan erdahin arah GerejaNa, i bas kebujuren silakoken kita, maka tetap lit keuangen gereja guna menopang dahin-dahin pelayanen. I bas defisit pe la kita mbiar ngatakenca man perpulungen, perban enggo transparan sidalanken, gelah perpulungen pe ergiah-giah mendukung keuangen Gereja.