SUPLEMEN PJJ GBKP TGL. 10 - 16 MEI 2026

Pdt. Larena Sinuhadji (Nd. ReyRapha Tarigan)

NGGELUH RIKUTKEN SI NGENA ATE DIBATA - Heber 12:3-11

(Tata Nilai Kejujuran)

Penaruh

Tema PJJ-nta sendah ngajuk kita maka kai pe si ilakoken kita subuk alu ukur, kata, ras perbahanen, tetap sentudu bagi si ngena ate Dibata. Dingen salah sada karakter si ngena ate Dibata, rikutken sub tema PJJ-nta sendah, kejujuran. Rikutken penjelasen AI nari, “Kejujuran adalah sifat lurus hati, tidak berbohong, dan menyatakan yang sebenarnya. Dalam konteks moral, kejujuran mencakup integritas, ketulusan, dan keterusterangan dalam perkataan dan perbuatan. Kejujuran sangat dihargai dalam berbagai budaya dan agama, dan dianggap sebagai kunci kesuksesan serta fondasi hubungan yang baik. Dengan memahami dan menerapkan nilai kejujuran, kita dapat membangun kehidupan yang lebih baik, hubungan yang lebih kuat, dan masyarakat yang lebih harmonis.” Emaka i bas kesempaten enda radu ras mulihi kita erlajar kerna tata nilai kejujuran erpalasken ogenta sendah.

Mpebagesi Ogen

Surat man kalak Heber itujuken man terpuk kalak si tek si paksa si e sangana ngenanami kiniseran si mesangat. Secara khusus i bas bindu 12, ipindoken man kerina kalak si tek si ngogesa gelah tetap megenggeng i bas kiniseran si mesangat, janah tetap setia seh ku kedungenna alu natap man Yesus.

Lit dua judul perikop i bas bindu 12. Ay. 1-11 lit iteruh judul “Dibata Bapanta.” Ay. 12-29 lit i teruh judul “Pedah dingen kata pertenget.” Lit perbedaan i bas Alkitab TB-LAI, ay. 1-17 lit i teruh judul “Nasihat supaya bertekun dalam iman.” Ay. 18-29 lit i teruh judul “Tanggung jawab yang berat.” Dua versi enda akap kami banci saling melengkapi i bas kita memahami Kata Dibata. Judul-judul perikop i bas terj. Bhs. Ind., nari encidahkenca konteks kegeluhen perpulungen kalak si tek paksa si e si sangana ngenanami kiniseran si mberat. Sedangken judul i bas terj. Bhs. Karo, bage pe BIMK, encidahken gambaren Dibata sebage sekalak perbapan si ndidik alu erbage-bage perbeben guna kiniulin anak-anak si ikelengiNa.

Mehuli akap kami adi siorati i bas ayat sada nari. I bas ay. 1-4, iajuk perpulungen gelah ngaloken kinata kegeluhen selaku kalak si erkiniteken. Kinata geluh kalak si erkiniteken man Dibata i bas Yesus Kristus labo terjeng meriah ukur erkiteken enggo sialoken keselamaten. Tapi melala ka tantangen, perbeben, ras kiniseran si harus ibentasi. Emaka bahanlah geluh enda bagi perlumban, si kerina pesertana fokus ku tujun, labo fokus ku tantangen, perbeben entah pe kiniseran. I bas si e penulis surat Heber ngajuk perpulungen gelah ula kitik ukur, entah pe putus asa. Sebab tantangen, perbeben, ras kiniseran si nialami perpulungen e lenga kel bagi Yesus si enggo ngamburken darehNa guna kalak perdosa. Emaka usihlah Yesus, i ja i tengah-tengah kerina tantangen, perbeben ras kiniseran, tetap fokus Yesus ku Dibata ulu keriahen si tuhu-tuhu.

I bas ay. 5-11, ibahan penulis surat Heber gambaren perbapan si mereken pengajaren man anak-anak si ikelengina. Isingetken mulihi perpulungen maka tanggung jawab sekalak perbapan i bas konteks tradisi kalak Yahudi e me ndidik, ngajarken si mehuli man anak-anakna. Ertina i jenda teridah maka peran sekalak perbapan Yahudi i bas mendidik anak-anakna seh kel pentingna. Labo semal i bas tradisi kalak Yahudi perbapan si la ndidik anak-anakna. E gambaren bapa i doni enda si melala denga keterbatasenna. Sedangken Bapanta i surga iajarkenNa kita guna kegeluhenta genduari ras pagin, gelah dat bagin kita i bas kebadianNa. Asum kita iajarken Tuhan banci jadi ceda ateta, la siakap meriah tapi dungna kita enggo terdidik, disiplin, meteh mehuli. PengajarenNa e erbahanca kita nggeluh rikutken si ngena ate Dibata dingen erbahanca malem ate. Perbahanen Dibata man banta mabai kita mehamat ras erkemalangen man baNa. Emaka gengkenlah kerina tantangen, perbeben ras kiniseran. Alokenlah e bagi ajar i bas sekalak bapa nari.

Versi Audio silahkan klik : https://youtu.be/8oWsRDpHZHw

Pengkenaina

I bas ogenta sendah memang labo siidah kel perbahanen entah pe pengerana si secara eksplisit nuriken soal kejujuren. Tapi perikopta, mpersingeti kita secara tersirat maka kejujuren labo terjeng soal berkata benar, ngelakoken tindaken si benar, tapi keberanian nggeluh sebage ajar-ajar Kristus si mekatep iperhadapken alu erbage-bage tantangen ras pergumulen. Kalak jujur mekatep harus menanggung erbage-bage resiko: kehilangen jabatan termasuk keuntungen, dijauhi teman (komunitas), bahkan banci jadi ianggap motu erkiteken la nggit ikut ngelakoken manipulasi. Tapi ogenta sendah mpersingeti, maka kalak si tek harus tetap megenggeng i bas dalan si benar, dalan si ngena ate Dibata, sebab e me bagin i bas proses pembentukan identitasta selaku kalak si tek.

Nggeluh i bas kejujuren e me salah sada bentuk latihen pertendin. Asum kita tetap konsisten memilih jujur i bas pendahinta, usahanta, studi, pelayanen, entah i bas membangun relasi, situhuna kita sangana melatih dirinta gelah ula mbiar, aru ate, nandangi geluhta. Proses enda memang labo banci pedas mpereh  keberhasilen entah pe keriahen ukur asum sidalanken (bdk. ay. 11) tapi dungna  kita enggo terdidik, ras mereken kemalemen ate man banta.
Doni inganta nggeluh ngajarken kalak gelah erlumba sukses, berhasil, bayak, erjabaten, rsd. Bahkan melala kalak menghalalkan segala cara, termasuk perbahanen si la ngena ate Dibata gelah banci pedas sukses. Tapi ogenta sendah justru mengutamaken pembentuken karakter asangken kenyamanan sesaat.

Kejujuran termasuk ku bas 5K Tata Nilai GBKP si rusur silumbaken, baik i bas bahan PJJ bage pe bahan PA-PA Kategorial (Kasih, Kejujuran, Keugaharian, Kekerabatan, Kesetiaan). I bas kesempaten enda mulihi isingetken kami kerna tata nilai kejujuran si ianggap relevan guna ihayati, igumuli, isosialisasiken ras ipraktekken terus-menerus seh makana enggo jadi kebiasaan ras karakter kita kerina anggota GBKP.

Kejujuran sebagaimana dituliskan di GBP adalah: bersih, transparan dan bertanggung jawab dalam setiap tugas pelayanan supaya berkenan di hadapan Tuhan.

Panduan Perilaku: 

• Hati yang lurus, tidak berbohong atau berkata apa adanya.
• Tidak curang atau mengikuti aturan yang berlaku.
• Tulus ikhlas, tidak munafik atau bermuka dua.

Kata Kunci: 

•  Integritas
•  Bersih
• Transparan
• Terus terang
• Bertanggung jawab

Perilaku Yang Dianjurkan:
Senantiasa bersikap jujur, sesuai antara perkataan yang diucapkan dengan perbuatan

Kalimat Afirmasi:

• “Kami warga GBKP akan senantiasa bertindak jujur dan berpegang teguh pada nilai moral dan etika Kristen yang ditetapkan oleh gereja."
• “Kami insan GBKP menjunjung tinggi kejujuran di tengah keseharian sebagai jemaat pilihan Allah.”