Pdt. Larena Sinuhadji (Nd. ReyRapha Tarigan)
Manajemen Konflik
Ogen : Matius 18:15-17
Tema : NDUNGI PERSOALEN
Tujun : Gelah Mamre :
1) Meteh pentingna ndungi persoalen (konflik) alu cara si payo
2) Meteh pentingna ndalanken kekelengen ras kiniteruken rukur i bas ndungi konflik (perjengilen)
Penaruh
Konflik e me hal si biasa terjadi i bas kegeluhenta si tep-tep wari, baik i rumah, inganta dahin, masyarakat, ras gereja. Em tandana kita nggeluh bersosialisasi ras nggeluh denga kita i doni enda. Sebab kalak si enggo mate enggo lanai banci berkonflik. Rikutken informasi AI nari, “Konflik adalah kondisi pertentangan, perselisihan, atau pertikaian antara dua orang atau lebih (individu atau kelompok) yang disebabkan oleh perbedaan pandangan, kepentingan, nilai, atau keinginan, di mana salah satu pihak berusaha menyingkirkan pihak lain atau memaksakan keinginannya.” Tapi i bas kiniteken Kristen, konflik banci sikelola alu mehuli, bagenda nina AI, “Menurut iman Kristen, konflik adalah realitas dalam hubungan manusia yang dapat menjadi kesempatan untuk bertumbuh, menunjukkan kasih Allah, dan memuliakanNya, bukan untuk egois atau memaksakan kehendak pribadi. Penyelesaian konflik harus dilakukan dengan kerendahan hati, pengampunan, kesediaan mencari kedamaian, dan mengikuti prinsip-prinsip Alkitab.”
I bas kesempaten enda radu ras mulihi kita erlajar kerna mengelola konflik alu mehuli erpalasken Kata Dibata si jadi ogenta sendah.
Mpebagesi Ogen
Ogenta sendah lit i bas “Kerna ngajarken senina” i bas terj. Bhs. Ind., nina, “Kalau saudaramu berdosa,” entah pe “Tentang menasihati sesama saudara.” Nuriken kerna panduan praksis i bas mengelola konflik alu mehuli i tengah-tengah perpulungen kalak si tek. Tangkas i jenda konteksna e me perpulungen kalak si tek. Lit empat panduan si iajarken Tuhan Yesus man ajar-ajarNa. Si pemena, adi ersalah seninandu man bandu, katakenlah man bana salah e, asum kam dua-dua. I jenda teridah maka konflik e hal si biasa terjadi sapih-sapih kalak si tek. Tapi adi kune terjadi konflik, ula sempat ipediat, entah pe isinikken, mis idungi alu mehuli. I jenda iajarken gelah mpersingeti senina (turang)-nta kerna kai si enggo ilakokenna si la sue ras Kata Dibata. I jenda tentu maksudna labo menghakimi, tapi saling mengingatkan erpalasken keleng ate Kristus. Tujunna labo guna ndarami ise si benar ise si salah i bas konflik, tapi gelah “idatndu ia mulihi.” I bas terj. Bhs. Ind., nina, “mendapatkan saudaramu kembali.” Antusenna, i bas persadan kalak si tek, si salah wajib ngakuken salah ras mindo maaf, si deban wajib ngalemi salah. Bage pe sebalikna, ‘di kune temanta si benar, kita si salah, kita wajib ngakuken salah ras mindo maaf, bage pe temanta wajib ngalemi salahta. Emaka kinisersadan i tengah-tengah kalak si tek tetap terjaga i teruh keleng ate Kristus. Situhuna akap kami adi kalak si tek si enggo tuhu-tuhu nggeluh i bas Kristus, tahap si pemena enda enggo cukup guna ndungi konflik.
Si peduaken, adi cara si pemena la berhasil, bengket ku tahap si peduaken, e me maba sada entah dua kalak teman guna jadi saksi. I jenda maksudna labo guna menyudutkan menghakimi, tapi guna meyakinkan senina entah pe turang sada perpulungen si lepak ndai kerna kebenaren Kata Dibata. Ertina si jadi fokus i jenda e me mpekena-kena si lepak erpalasken Kata Dibata, labo ngonggar-ngonggar si lepak si enggo ilakokenna. Hal si deban, di’ kune kesalahen e berdampak ku pihak si deban si jadi korban, maka sada entah dua kalak saksi ndai peranna e me meredakan suasana. Meyakinkan kerina pihak guna ngakuken kesalahen, mindo maaf, bage pe ngalemi salah.
Si peteluken, ‘di kune konflik entah pe persoalen e la dung i bas tahap si peduaken, babalah persoalen entah konflik e ku forum si lebih besar, e me perpulungen. I jenda akap kami labo bagi sidang pengadilen, tapi bagi tahap si peduaken i datas, saja kalak si reh guna ras-ras ndungi konflik e reh enteremna. Kerina perpulungen ikut muat bagin i bas meyakinkan kerina pihak guna ngakuken salah, simaaf-maafen, nggeluh erdame sikeleng-kelengen sada ras si debanna. La lit sada pe perpulungen si erpihak-pihak, entah pe berkelompok-kelompok. Kerinana berpikir positif guna kedamen ras kiniersadan perpulungen kalak si tek.
Si peempatken, e me tahap penggembalaan, entah pe i bas istilah si deban “Disiplin Gereja.” Ertina Gereja secara kelembagaan bertanggung jawab i bas mabai (mendampingi) kalak si enggo ngelakoken kesalahen si mberat, entah pe dosa si mekelek, guna menyadari kelepakenna, nggit ngakuken dosana i lebe-lebe Dibata, ras mpekena-kena perbahanenna si lepak ndai ku si mehuli sue ras Kata Dibata.
 |
| Versi Audio silahkan klik : https://youtu.be/gXup9orJqVo |
Pengkenaina
PA-nta sendah akap kami ngajuk kita kerina khusuna kam Mamre kami gelah, si pemena lebe, harus lit pengakun i bas dirinta maka konflik e me sada bagin i bas kegeluhenta si la banci sibeneken. Ertina, ula sempat erkiteken lit potensi konflik, erbahanca mbiar kita erkai pe, khususna i bas ndahiken dahin-dahin pelayanen i Gereja. Piah dungna la nari lit ise pe si nggit melayani. Hal si deban, erkiteken lit potensi konflik erbahanca kita berpura-pura baik, lit pe masalah, sianggap la lit masalah, semuanya dianggap baik-baik saja. Lit pe si salah, sipediat saja gelah ula gejek. Kondisi si bagenda akap kami justru tidak sehat secara komunikasi bage pe secara teologis.
Emaka si peduaken, hadapilah konflik dengan iman kepada Yesus Kristus, Sang Rekonsiliator. Konflik adalah hal yang biasa terjadi i bas kegeluhenta, e maka adi terjadi konflik jangan lari tetapi hadapilah sebagai bagian dari hidup yang akan semakin mendewasakan iman kita.
Si peteluken, marilah sikelola konflik alu mehuli erpalasken Kata Dibata seh makana reh dewasana kinitekenta. Adi rikutken ogenta sendah, jelas maka lit empat tahap i bas mengelola konflik alu mehuli, si tujunna guna tetap menjaga kiniersadan erpalasken keleng ate Kristus.
PA-nta sendah sekali nari ngajuk kita kerina, khususna kam kerina Mamre kami, gelah semakin dewasa i bas mengelola konflik. Benakenlah i bas dirinta sendiri, pindolah gegeh i bas Dibata nari gelah ipengasupNa kita mengkoreksi diri sendiri, adi lit kesalahenta, pang kita mengakui kesalahan, adi lit kesalahen kalak si deban, ngasup kita ngalemi salah kalak man banta, lit rusur niat untuk berdamai dengan siapapun, lit kerendahan hati, pengampunan, janah nggit kita memperbaiki kesalahan erpalasken Kata Dibata. Seterusna, lakokenlah i bas jabu-nta masing-masing, saling mengakui kesalahan, saling memaafkan, saling mengampuni, ras saling menguatkan sada ras si debanna. Alu bage, adi lit pe konflik i bas Gerejanta, enggo terbiasa kita mengelolasa alu mehuli erpalasken Kata Dibata. Si terakhir, perlu sisedari maka lit konflik-konflik si memang mesera guna ndungisa, bahkan la banci idungi, erkiteken tingkat kedewasaan iman jemaat berbeda sada ras si debanna, janah Iblis pe memang terus erdahin alu erbage-bage cara gelah perpulungen kalak si tek reh sontarna ras bene i tengah-tengah doni enda. Emaka megegehlah ertoto gelah kuasa Kesah Si Badia erdahin erbahan perdamen si tuhu-tuhu i tengah-tengah perpulungen kalak si tek, khususna i bas GBKP.
Tidak ada komentar:
Posting Komentar