SUPLEMEN PJJ GBKP TGL. 5 - 11 JULI 2026

Pdt. Larena Sinuhadji (Nd. ReyRapha Tarigan)

JADI BANGSA SI MBELIN - Kejadin 12:1-3

(Konfesi GBKP Perkawinan Sebagai Media Wadah Karya Keselamatan Allah)

Penaruh

Jabu-jabu kalak si tek jadi elemen penting i bas perkembangen gereja mula-mula. Adi sisungkun AI kerna peran penting jabu-jabu i bas gereja mula-mula, bagenda nina, “Dalam gereja mula-mula, rumah tangga menjadi pusat kegiatan rohani karena berfungsi sebagai tempat berkumpulnya jemaat, sarana pengajaran iman, dan basis utama penyebaran Injil. Keluarga dipandang sebagai fondasi serta komunitas intim yang memungkinkan ajaran Yesus dipraktikkan secara langsung.” Seh asa gundari pe peran jabu-jabu kalak si tek tetap penting khususna i bas pembarken kabar keselamaten i tengah-tengah masyarakat i ja ia tading. Emaka i bas kesempaten enda radu ras mulihi kita erlajar kerna jabu-jabu kalak si tek i bas fungsina sebage alat Dibata nehken peratenNa i tengah-tengah doni enda, erpalasken ogenta sendah.

Mpebagesi Ogen

Turi-turin kerna pendilo Tuhan man Abram guna lawes ku sada negeri si lenga ikataken Tuhan man bana, merupaken sada hal si luar biasa sebab Abram taat. Adi siperdiateken konteks dekat (Kej. 11:27-32) ras konteks jauh (Perb. Rasul 7:2-4), maka situhuna si jadi ogenta sendah e me pendilo Tuhan man Abram si peduakaliken. Pendilo si pemena tupung tading denga Abram i bas kutana, Ur Babilon, i je ikut denga orang tuana. Kenca bapana, Terah, mate i Haran, mulihi Tuhan ndilo Abram. Tuhu bergumul kel Abram nandangi pendilo Tuhan man bana. Sebab mbue hal si harus ikorbanken Abram. Nandingken keluargana, kade-kadena, ras rumah bapana. Intina, Abram harus nandingken zona nyamanna sedekah enda, subuk usahana, keluargana, teman-temanna guna berkat ku sada negeri si bakal ituduhken Tuhan pepagin.

Nadingken orang tua, kade-kade, teman-teman rikutken usaha si sedekah enda enggo irintis, tuhu-tuhu erbahanca Abram hanya bergantung sepenuhna man Tuhan si enggo ndilo ia, la ipakena gegeh beluhna janah la ia ernalem man manusia. Enda pe sada si luar biasa akap kami, sebab sedekah enda arah keluarga orang tuana, ibabaina Abram ras kerina seninana ersembah man dibata-dibata si isembah nini-ninina i Mesopotami. Tapi arah pendilo enda, jelas ate Tuhan, IA ngenca ingan penalemen Abram ras keluargana, ula sempat lit dibata-dibata si deban. Janah i bas sisi Abram nari, nggit ia tek man Dibata janah taat Abram ngelakokenca

I bas Abram taat nandangi pendilo Tuhan maka padan Dibata berlaku man bana. Enterm pagi sinusurna, janah jadi sada bangsa si mbelin. Ipasu-pasu Tuhan Abram ras ibahan Tuhan gelarna terberita. Arah Abram nterem kalak ndatken pasu-pasu. Ipasu-pasu Tuhan kalak si masu-masu Abram, tapi isumpahi Tuhan kalak si numpahi ia. Erkiteken Abram ipasu-pasu Tuhan kerina bangsa-bangsa. Dari sisi Tuhan jelas, maka Tuhan ndilo Abram ras masu-masu kegeluhenna. Janah i bas sisi Abram, ia harus nandingken keluargana (bhs. Ind.: “pergi dari negerinya”) ras geluhna harus jadi pasu-pasu (ay. 2b, “dan engkau akan jadi berkat”). Jadi fokus Abram labo janji pasu-pasu Tuhan man bana, tapi perentah guna “lawes” ras geluhna jadi pasu-pasu (berkat).

Versi Audio silahkan klik : https://youtu.be/bzAJqmzJ-Jg

Pengkenaina

PJJ-nta sendah lit kaitenna ras keluarga Kristen sebage wadah guna mewujudnyataken peraten Dibata i tengah-tengah doni enda. I bas turi-turin kerna pendilo Abram i datas, memang labo ituriken uga kerna anggota jabu Abram si deban. Apakah kerinana seri bagi Abram, taat man Dibata, ikut mendukung Abram? Entah mungkin erpenulak nandangi pendilo Tuhan man Abram, jungut-jungut, rsd.-na? Tentu melala kemungkinen, si mungkin terjadi e me jungut-jungut, sebab harus nadingken zona nyaman. Tapi arah kelawesen Abram ku tanah si ijanjikan Dibata banci isimpulken maka kerina anggota jabu Abram, turut mendukung keputusen Abram i bas ia ngaloken pendilo Dibata man bana. Ertina banci ikataken maka jabu Abram ersada arihna guna ngelakoken si iperentahken Dibata.

Tema i bas PJJ-nta sendah e me “Jadi Bangsa Si Mbelin.” Tentu si imaksudken i jenda labo terjeng pasif nimai pasu-pasu Dibata jadi bangsa si mbelin. Janah labo ka terjeng soal kuantitas, tapi soal kualitas i bas ngelakoken kerina si jadi peraten Dibata i bas kegeluhen jabu-jabu kalak si tek. Emaka i bas si e tugas tanggung jawabta guna ngajarkenca man kesusurenta kerna nggeluh erkiniteken man Dibata harus proaktif silakoken alu tutus. Orang tua wajib menjadi teladan i bas geluh erkiniteken man Dibata i bas Yesus Kristus. Tentu si jadi penungkunen evaluatif man banta, enggo nge kita orang tua mereken usihen si mehuli man anak-anakta i bas geluh erkiniteken? Adi enggo, puji Tuhan! Adi lenga tentu enda menjadi tugasta guna terus erlajar i bas mereken usihen si mehuli man anak-anakta.

PJJ-nta sendah lit kaitenna ras Konfesi GBKP Bab XI si ngakuken kerna Perkawinan, bagenda nina: 
Point 1: Kami percaya bahwa perkawinan adalah ikatan perjanjian antara laki-laki dan perempuan di hadapan Allah dan di hadapan Jemaat. Perkawinan merupakan anugerah Allah yang harus dipelihara dalam kekudusan (Kej. 2:18;24). Oleh karena itu, perkawinan Kristen bersifat monogami dan tidak dapat diceraikan oleh manusia kecuali oleh kematian (Mat. 19:6).
Point 2: Kami percaya bahwa perkawinan yang kokoh dibangun di atas iman kepada Allah Bapa, AnakNya Yesus Kristus dan Roh Kudus, oleh karena itu perkawinan terjadi antara laki-laki dan perempuan yang sama-sama Kristen (2 Kor. 6:14). 
Point 3: Kami percaya bahwa perkawinan merupakan ikatan yang kudus dan anugerah Allah kepada manusia, maka perkawinan itu harus dijalani dengan ucapan syukur dan penuh  tanggung jawab.  
Point 4: Kami percaya bahwa laki-laki dan perempuan yang memutuskan untuk berumah tangga, wajib terlebih dahulu menyatakan pengakuan dan perjanjian kesetiaan mereka kepada Allah dan terhadap jemaat di dalam kebaktian pemberkatan perkawinan. 
Point 5: Kami percaya bahwa makna perkawinan adalah sebagai media (wadah) karya keselamatan Allah (Kej. 12:2; Mat. 1:18). Allah senantiasa campur tangan di dalam kehidupan keluarga dan melalui kehidupan tersebut Allah mewujudkan karya keselamatanNya. Dengan demikian, perkawinan yang berkenan kepada Allah adalah perkawinan yang dilaksanakan untuk kemuliaan Allah.

Secara khusus PJJ-nta sendah fokus ku point si pe-5-ken, perkawinan adalah media (wadah) karya keselamatan Allah, untuk mewujudkan karya keselamatan Allah, serta untuk kemuliaan Allah. Si jadi penungkunen evaluatif man banta, enggo nge jabu-jabunta jadi alat, media, wadah, Dibata i bas mewujudkan karya keselamaten Dibata i tengah doni enda? Adi enggo, puji Tuhan! Adi lenga, marilah kita bertekad jadi alat Dibata guna pembarken Berita Si Mehuli man sekelewetta. Ibenaken i bas kita nari orang tua, gelah banci iusih anak-anakta. Dibata si mpengasup kita kerina.