Pdt. Larena Sinuhadji (Nd. ReyRapha Tarigan)
Investasi Bodong
Ogen : Kuan-kuanen 28:18-22
Tema : JADI KALAK BUJUR
Tujun : Gelah Mamre :
1) Ngasup nuriken bujur i bas ngaturken perbeliten ras pendahin
2) Metenget nandangi investasi bodong
Metode : Sharing pengalamen
Penaruh
Adi sisungkun AI engkai maka investasi bodong laku di Indonesia? Bagenda jawabenna, “Investasi bodong sangat laku di Indonesia karena manipulasi emosi psikologis pelaku lebih dominan memengaruhi masyarakat dibandingkan rasionalitas logika finansial mereka. Berdasarkan riset dan data dari Otoritas Jasa Keuangan (OJK), kombinasi antara rendahnya edukasi finansial dan strategi pemasaran yang agresif membuat skema penipuan ini terus memakan korban lintas latar belakang sosial.” Lit piga-piga faktor penyebabna, nina: 1) Sindrom ingin cepat kaya; 2) Rendahnya literasi keuangan; 3) Efek takut ketinggalan trend; 4) Eksploitasi tokoh atau influencer; 5) Jeratan skema ponzi berantai; 6) Digitalisasi yang tidak terkontrol.
I bas kesempaten enda radu ras mulihi kita erlajar kerna pentar i bas mengelola perbeliten erpalasken ogenta sendah.
Mpebagesi Ogen
Kitab Kuan-kuanen e me termasuk ku bas Kitab-kitab Sastra Hikmat (Wisdom Literature) i bas Padan Si Ndekah, si tujun utamana ngajarkenca kerna nggeluh pentar i lebe-lebe Dibata ras manusia. Si jadi ogenta sendah masuk ku bas kumpulen “Amsal-amsal Salomo” (bindu 25-29) si isina melala ngerana kerna hubungen antara integritas moral, keadilen sosial, ras pasu-pasu (berkat) Dibata nari.
Kuan-kuanen 28:18-22 lit i bas konteks membandingkan dua dalan kegeluhen si bertolak belakang. Si pemena e me dalan kalak benar si nggeluh alu integritas. Si peduaken dalan kalak fasik si ndarami keuntungen alu cara-cara si curang. Intina, si jadi ogenta sendah ngajarkenca maka si pentingna e me karakter kepentaren i bas Dibata nari asangken erta doni enda, janah kedungen kalak rangap e me kehancuren.
Ay. 18, “Adi kam bujur, malem atendu. Adi la kam bujur, rempet kam guling.” Bhs. Ind., nina, “Siapa berlaku jujur akan diselamatkan, tetapi siapa berlaku bengkok jalannya akan jatuh ke dalam lobang.” Kata “bujur” (berlaku jujur) e me kegeluhen si utuh konsisten (berintegritas) i lebe-lebe Dibata. Kata-kata “malem atendu” (diselamatkan) labo berarti la lit masalah, tapi si pentingna e me geluh i teruh perlindungan ras perkenanan Dibata. Sebalikna kalak si la bujur, ndabuh erkiteken perbahanenna sendiri. Antusenna, si inen Dibata e me karakter si mehuli sue ras peratenNa asangken kesuksesen doni enda.
Ay. 19, “Perjuma si erbintuas bias kap nakanna, kalak si la make wari-wari, musil me ia.” I bas terj. Bhs. Ind., nina, “Siapa mengerjakan tanahnya akan kenyang dengan makanan, tetapi siapa mengejar barang yang sia-sia akan kenyang dengan kemiskinan.” Ertina kalak si erbintuas mpeturah kecukupen. Sedangken kata-kata “la make wari-wari” (mengejar barang yang sia-sia) ertina: ingin cepat kaya tapi la lit si idahikenna, perkisat, ingin hasil instan, rsd.-na. Antusenna, ngajarkenca man si ngogesa kerna spiritualitas kerja yang tekun, labo mentalitas instan.
Ay. 20, “Kalak bujur malem atena nggeluh, tapi kalak si meter atena bayak, la ia banci pulah i bas ukumen nari.” I bas terj. Bhs. Ind., nina, “Orang yang dapat dipercaya mendapat banyak berkat, tetapi orang yang ingin cepat menjadi kaya tidak akan luput dari hukuman.” Karakter setia ras terteki (dapat dipercaya) e me modal moral si mpeturah pasu-pasu (berkat). Kalak si meter atena bayak biasana la lit i bas ia etika si benar. Ayat enda tuhu-tuhu relevan i bas jamanta si gundari enda, kepeken biak-biak spekulasi, korupsi, manipulasi bisnis, bage pe kerina bentuk keuntungen instan enggo lit nai-nai nari.
Ay. 21, “Rayo-ayo la kap mehuli; tapi lit kang kalak ngkapiti si salah erkiteken sepenggel roti.” I bas terj. Bhs. Ind., nina, “Memandang bulu tidaklah baik, tetapi orang membuat pelanggaran oleh karena sekerat roti.” Antusenna, kinilaadilen biasana dimulai dari hal-hal kecil. Keadilen ceda erkiteken idayakenna integritasna guna keuntungan pribadi, amin sitik sekalipe.
Ay. 22, “Kalak merangap pedas atena bayak, la ietehna lanai ndekah reh kemusilen nindih ia.” I bas terj. Bhs. Ind., bagenda nina, “Orang yang kikir tergesa-gesa mengejar harta dan tidak mengetahui bahwa kekurangan akan menimpanya.” Kata “merangap” seri ertina ras “kikir.” I bas bhs. Heber, kata enda secara harfiah ertina “bermata jahat” (evil eye), e me biak si jahat si dum alu ketamakan bage pe cian ate (iri dengki). Kalak si lit i bas ia biak merangap, geluhna la tenang janah la lit kedamen i bas ia erkiteken iayak-ayak perasaan tidak pernah cukup. Tapi ironisna musil nge dungna. Kerangapen kepeken penyakit spiritual si erbahanca la ngasup sekalak jelma nggeluh alu pengataken bujur man Dibata.
 |
| Versi Audio silahkan klik : https://youtu.be/9i7Fnfkn-0I |
Pengkenaina
PA-nta sendah ngajuk kita kerina, khususna kam kerina Mamre, gelah pentar ngaturken perbeliten. Ertina, marilah kita kerina fokus ku kai pe si lit i bas kita, si enggo ipercayaken Dibata man banta. Ula fokus ku si la lit i bas kita. I bas jamanta si gundari enda keberadaan media sosial erbahanca reh mekelekna kalak si lit i bas ia biak merangap. Kurang-kurangen lalap, enggo pe situhuna cukup kegeluhenna. Itambah ka inenna situasi geluh kalak i bas medsos, mis enggo panasen ia. Kalak si nukur AC kita ka si panasen, umpamana. Emaka si lit i bas pusuh perukurenna, uga carana gelah datken kinibayaken alu cara si instan gelah banci sicidah-cidahken i bas medsosna. Guna si e melala kalak dungna terjebak pinjol, investasi bodong, rsd.-na.
Kalak si pentar rikutken ogenta sendah e me kalak si bujur, berintegritas, setia, terteki i bas kai pe, idahikenna dahinna alu tutus, la lupa ia ngataken bujur man Dibata i bas kai pe si enggo ipercayaken Dibata man bana, alu bage beluh ia ngaturken perbelitenna guna kebutuhen geluhna bage pe guna masa depan jabuna. Emaka man bandu kerina Mamre, sekali nari fokuslah kam ku kerina si enggo ipercayaken Dibata man bandu: geluhndu, kesehatenndu, ndeharandu, anak-anakndu, keluarga besarndu, pendahinndu, erta-ertandu si lit, ras si debanna. Kataken bujurlah man Dibata janah jagalah alu mehuli kerina si enggo ipercayaken Dibata man bandu. Ula sempat ergan erta kebayaken asangken anak jabundu. Sebab lit ka nge perbapan si tega ndayaken ndeharana ras anak-anakna hanya untuk sejumlah rupiah.
Penjelasen kerna investasi bodong ras pengelolaan perbeliten akap kami enggo lengkap ibahas i bas Buku PA Mamre-nta, sebab si erbahanca pe memang ahli i bas bidang ekonomi perbankan. Si terakhir, ertotolah man Dibata, pindolah kepentaren i bas mengelola perbeliten alu mehuli, segelah jadi pasu-pasu baik untuk diri sendiri, guna jabunta, bage pe guna Gerejanta, khsusuna guna Kategorial Mamre GBKP. Dibata si mpengasup kam kerina Mamre kami.
Tidak ada komentar:
Posting Komentar