SUPLEMEN PJJ GBKP TGL. 21 - 27 JUNI 2026

Pdt. Larena Sinuhadji (Nd. ReyRapha Tarigan)

PERPULUNGEN SI ISELAMATKEN TUHAN - Perb. Rasul 2:43-47

(Konfesi Gereja tidak hanya fokus kepada program tapi pada pertumbuhan iman jemaat)

Penaruh

Adi sisungkun AI engkai maka Gereja-gereja i Eropa ras Amerika enggo melala itadingken jemaatna, salah sada penyebabna nina lit budaya sekular. Budaya sekular maksudna nina, masyarakat modern di Eropa dan Amerika cenderung menjadi lebih individualistis dan agnostik. Banyak orang menganggap ajaran agama sudah tidak relevan dengan kehidupan masa kini.” Si perlu igarisbawahi i jenda e me "individualistis." Ertina jemaat Kristen i Eropa ras Amerika i bas paksa gundari enda enggo lanai ngasup erkeleng ate bagi Kristus si nggit erkorban guna engkelengi manusia. Alu bage menjadi jelas maka komunitas Kristen i Eropa ras Amerika, banci ikataken, enggo lanai ngangkai alu mehuli nggeluh sikeleng-kelengen bagi Jemaat Mula-mula bagi si ituriken i bas bahan ogenta sendah si palasna e me keleng ate Kristus. Emaka i bas kesempaten enda radu ras mulihi kita erlajar kerna gaya hidup jemaat mula-mula. 

Mpebagesi Ogen

Ogenta sendah lit i teruh judul perikop “Kalak si tek man Yesus nggeluh sikeleng-kelengen.” Sope perikop si jadi ogenta sendah, ituriken maka lit kira-kira 3 ribu kalak si tek man Yesus Kristus janah mindo iperidiken. Adi sioge terdauhen, bindu 4:4, lit peningkaten jumlah anggota perpulungen kalak si tek jadi 5 ribu kalak. Adi terus sioge bindu 5:14; 6:7; 9:31; 16:1, reh enteremna jumlah anggota perpulungen kalak si tek man Yesus Kristus. Banci ikataken terjadi pelipatgandaan si luar biasa i tengah-tengah komunitas kalak si tek paksa si e. Banci jadi turah penungkunen arah masyarakat sekitar nari, kai nge si erbahanca reh nteremna kelompok Kristen e? Rikutken ogenta sendah, lit piga-piga hal si erbahanca reh tambahna anggota komunitas Kristen paksa si e.

Si pemena, adi sioge bindu 2, benaken ay. 1, tek kita maka lit peran Kesah Si Badia si nuanken kiniteken man Yesus Kristus ku bas pusuh perukuren kalak si megiken Kata Dibata. Pengakun kerna pendahin Kesah Si Badia enda seh kel penting erkiteken bas kita kalak si tek masih denga lit potensi kiniganjangen ukur si erbahanca kita “merasa sangat berjasa” i bas mantekki sada perpulungen entah pe gereja, padahal situhuna la lit gegeh beluhta selain erkiteken kuasa Kesah Si Badia. Kita hanya alat ngenca guna ngelakoken kerina si mehuli sue ras peratenNa.

Si peduaken, lit kiniteruken ukur, kininggiten, ras ketutusen i bas erlajar kerna Kata Dibata. I bas ay. 42 ikataken nina, “Perpulungen e tutus megiken pengajaren i bas rasul-rasul nari. Nggeluh ia sikeleng-kelengen bagi si ersenina. Ras-ras ia ncepik-ncepik roti dingen ras-ras pe ia ertoto man Dibata.” Karakter meteruk ukur, ketutusen ras nggit iajari enda si erbahanca perpulungen e nggeluh sikeleng-kelengen sada ras si debanna.

Si peteluken, nggeluh ersada sikeleng-kelengen sada ras si debanna, bage pe nggeluh erkemalangen man Dibata, mpeturah erbage-bage tanda sengget i tengah-tengah perpulungen kalak si tek (ay. 43). Tanda-tanda sengget (mujizat, keajaiban) akap kami labo terjeng erkaiten ras hal-hal si spektakuler, bagi umpamana, si cempang-cempang erdalan, si pentang erpengidah, rsd. Tanda-tanda sengget banci terjadi i bas hal-hal si i bas pengakapta sepele, entah pe remeh. I bas ay. 44-45, keajaiban banci sigejapken i tengah-tengah perpulungen arah kininggiten erpalasken keleng ate, tutus ate ras meriah ukur, guna saling berbagi kai si lit, termasuk je berbagi erta-ertana guna keperlun sekalak-sekalak. I bas ay. 46-47, mujizat banci sigejapken perpulungen arah kiniersadaan ukur i bas erbakti man Dibata, janah kerina kalak erngena ate man perpulungen e. Karakter meteruk ukur, ketutusen ras kininggiten iajari pe situhuna keajaiban si banci siidah i bas perpulungen paksa si e, sebab labo murah mperobahi kiniganjangen ukur jadi meteruk ukur, labo hal si murah mperobahi karakter kisat jadi tutus ras nggit erlajar kerna Kata Dibata.

Pengkenaina

Ogenta sendah encidahken kai saja si menyebabkan komunitas kalak Kristen jadi ingan favorit kalak si enterem paksa si e. Si pemena, erkiteken pendahin Kesah Si Badia. Emaka adi ateta Runggunta jadi ingan favorit, hal si utama si harus ilakoken e me ertoto, mindo penampat arah Kesah Si Badia nari gelah Runggunta jadi ingan si nyaman, ingan si selalu dirindukan, ingan si maba dame sejahtera ras keriahen. Si peduaken, lit kiniteruken ukur, kininggiten ras ketutusen i bas erlajar kerna Kata Dibata. Emaka adi ateta Gerejanta jadi ingan jumpa si mereken keriahen, harus lit i bas dirinta, kiniteruken ukur, kininggiten ras ketutusen i bas erlajar kerna Kata Dibata. Gundari enggo melala Runggun si ngelitken kelompok-kelompok Baca Alkitab, kelompok-kelompok Baca Gali Alkitab (BGA), enda penting akap kami, sebab Kebaktin-kebaktin, PJJ, ras PA-PA lenga cukup i bas kita erlajar kerna Kata Dibata. Si peteluken, marilah sitingkatken kualitas nggeluh ersada sikeleng-kelengen sada ras si debanna, bage pe nggeluh erkemalangen man Dibata, gelah turah erbage-bage keajaiban i tengah-tengah perpulungen masing-masing.

Alu litna telu hal i datas tek kita maka nasibta labo seri ras Gereja-gereja i Eropa ras Amerina si itadingken jemaatna. Janah telu hal i datas encidahkenca maka kita e me jemaat si bertumbuh i bas Kristus, labo terjeng soal jumlah entah pe kuantitas tapi tuhu-tuhu berkualitas. PJJ-nta sendah ikaitken ras sub tema: “Konfesi Gereja tidak hanya fokus kepada program tapi pada pertumbuhan iman jemaat.” Payo, perayakenta tentu labo terjeng ngelitken program-program, tapi siupayaken uga makana kerina program e dirancang dengan memperhatikan kebutuhan jemaat untuk bertumbuh di dalam iman kepada Kristus. Selain si e tentu harus lit evaluasi pelaksaan program ras output-na, apakah program yang dilaksanakan membawa perubahan signifikan dalam diri jemaat? Adi lang, kai saja si harus sipekena? Adi enggo lit penelitian awal sope sibahan program, janah kenca enggo silaksanaken lit proses evaluasi, tek kami maka program si ilaksanaken i bas Runggunta masing-masing labo sia-sia.

Adi sikaitken ras Konfesi GBKP si ngakuken kerna Gereja, lit i bas Konfesi Bab IX, i jenda ibahan kami poin 1-3 ngenca sue ras tema PJJ-nta sendah, bagenda nina: “Kami percaya, bahwa:

• Gereja adalah persekutuan orang percaya yang dipanggil menjadi milik Allah dan Yesus Kristus menjadi kepalanya (1 Pet. 2:9, Ef.1:22) terus-menerus diperbaharui oleh Roh Kudus menjadi garam dan terang dunia (Mat. 16:18).
• Hakekat Gereja adalah Kudus, Esa dan Am.
• Gereja dipanggil untuk melakukan tri-tugas  demi mewujudkan jemaat yang misioner untuk memproklamasikan nilai-nilai Kerajaan Allah yang tampak dalam kehidupan Yesus yaitu: cinta kasih, keberpihakan pada yang miskin, lemah dan terpinggirkan untuk menegakkan kebenaran dan keadilan (Luk. 4:18-19) serta mampu bersikap positif, kreatif, kritis dan realistis terhadap nilai-nilai dunia (Roma 12:2).

I bas Konfesi enda jelas maka kita iutus guna terus-menerus ipelimbarui janah i bas dampar si deban, lit tugas tanggung jawabta guna mewujudkan jemaat yang misioner. Emaka mari radu tas kita ertekad guna nggit ipelimbarui terus-menerus ras jadi alat Dibata guna nehken keleng ate, mperjuangken kebenaren, keadilen, ras mediate nandangi si membutuhken penampat. Dibata si mpengasup kita kerina.