SUPLEMEN PA MORIA GBKP TGL. 5 - 11 JULI 2026

Pdt. Larena Sinuhadji (Nd. ReyRapha Tarigan)

Hubungan pribadi dengan Tuhan

Si Man Ogen : Pilipi 3:7-11

Tema : TUHU-TUHU ERSADA RAS KRISTUS

Tujun : Gelah Moria :

- Meteh cara rukur Paulus kerna kiniersadanna ras Kristus

- Nuriken biak-biak si man tadingenken ras si man ayaken

Penaruh

Adi sisungkun AI kai ertina kuan-kuan si ngatakenca “buah jatuh tidak jauh dari pohonnya,” bagenda nina jawabenna, “Peribahasa “buah jatuh tidak jauh dari pohonnya” memiliki arti bahwa sifat, karakter, atau perilaku seorang anak biasanya tidak akan jauh berbeda dari orang tuanya. Hal ini mencakup kemiripan dari segi fisik, bakat, hingga kebiasaan sehari-hari. Secara umum, peribahasa ini digunakan untuk dua konteks situasi. Pertama, makna positif, yaitu: anak mewarisi kebaikan, kepandaian, atau prestasi dari orang tuanya. Kedua, makna negatif: anak juga bisa mencontoh kebiasaan buruk atau sifat negatif dari ayah atau ibunya.” Adi sikaitken ras kiniteken Kristen, kerina kalak si tek e me anak-anak Dibata, ertina seharusna lit i bas kalak si tek biak-biak Dibata.

I bas kesempaten enda radu ras mulihi kita erlajar kerna nggeluh ersada ras Kristus erpalasken si man ogenta sendah.

Mpebagesi Si Man Ogen

Surat Pilipi ikirimken Rasul Paulus i bas penjara nari. Amin pe lit i bas penjara tapi ngasup Paulus ermeriah ukur bahkan ngasup jadi pasu-pasu man kalak si deban khususna Perp. Pilipi. Kuncina e me persadanna ras Kristus Yesus (ay. 1). I bas si man ogenta sendah ilumbaken Paulus perpulungen, gelah metenget nandangi kalak si ndalanken perbahanen-perbahanen si jahat, si tetap mpertahanken Undang-undang sunat, entah pe ernalem man Undang-undang (ay. 3). I bas diri kalak enda ndai lit pemahamen maka rembak iakapna dirina ras Dibata arah ndalanken Undang-undang, padahal situhuna lang.

Rasul Paulus pe nai ernalem man Undang-undang (Taurat) bahkan banci ikataken sangat fanatik lebihen asangken piga-piga kalak i Pilipi. Enda banci siidah maka si pemena, Paulus isunatken umur 8 wari sue ketentuan Hukum Taurat (Kel. 17:9-14; Im. 12:3). Si peduaken, Paulus e me Kalak Heber (Yahudi) asli. Kalak si tuhu-tuhu memelihara bahasa ras cara nggeluh bangsa Yahudi. Si peteluken, Paulus i bas suku Benyamin nari, suku si cukup terpandang (Hak. 2 5 :14; 1 Raj. 12:21; Hak. 1:21). Si peempatken, Paulus e me kalak Parisi, penganut ajaran yang sangat keras dan teliti dalam menerapkan ajaran-ajaran Yahudi. Erkiteken tutusna maka igasgasina kalak Kristen (jihad, dari sudut pandang orang Yahudi merupakan kebaikan).

Tapi si e kerina itadingken Paulus erkiteken Kristus. Nai si ianggapna untung, genduari jadi kinirugin erkiteken penandaina man Kristus. Si meherga gundari e me pengenalan akan Yesus Kristus (kenal bukan kognitif, tahu, mengetahui saja, tapi bergaul dekat, rembak). Enggo iambekkenna kerinana si nai ianggapna keuntungen. Paulus dengan sengaja dan sadar membuang segala sesuatu yang pernah dianggapnya sebagai keuntungan, janah ipedirepna si e kerina sampah-sampah. “Aku melepaskan semuanya itu dan menganggapnya sampah, supaya aku memperoleh Kristus.” 

Terjadi perobahen geluh si radikal, 180 derajat, i bas diri Paulus. Tuhu-tuhu i je perkuah ate Tuhan si erdahin. Lanai iusahaken Paulus mperembakenna ras Dibata arah ndalanken Taurat, tapi Dibata jine si enggo ngerembaken dirina man Paulus erpalasken kiniteken Paulus. Sada ngenca sura-sura Paulus e me gelah itandaina Kristus dingen igejapkenna kuasa kekekenNa janah ikut ngenanami kiniseranNa dingen bali ras IA i bas kematenNa. Perobahen geluh si radikal si terjadi i bas diri Paulus e me fokus i bas PA-nta sendah. Radikal ertina mengakar, labo terjeng tampak luar ngenca, tapi tuhu-tuhu berobah total bas nari. Memang perobahan total enda hanya Paulus ras Dibata ngenca si metehsa, tapi Pustaka Si Badia naksikenca maka kerina kalak si lit i sekelewet Paulus tuhu-tuhu nggejapkenca keleng ate Kristus nggeluh i bas diri Paulus.  

Versi Audio silahkan klik : https://youtu.be/1gOzMjt6-9U

Pengkenaina

PA-nta sendah ngajuk kita kerina Moria gelah mengevaluasi kinitekenta man Dibata i bas Yesus Kristus. Enggo piga dekah kita jadi Kristen? Melala kita si seumur geluhta jadi kalak Kristen erkiteken bapa, nande, bage pe keluarga besarta enggo Kristen sanga kita tubuh. Bahkan enterem kita si nini bulangta, orang tuanta, jadi Serayan (Pdt./Pt./Dk./Em.). Tapi penungkunenna, apakah si e kerina menjamin maka enggo tuhu-tuhu sitandai Dibata i bas Yesus Kristus? I bas si e tentu hanya dirinta, Dibata, ras kalak si ndeher ras kita si tuhu-tuhu metehsa. Sebab secara tampak luar banci saja teridah rohani, i bas media sosial pe teridah bagi kalak si tutus erkiniteken, tapi si e kerina hanya kamuflase, pura-pura, pencitraan, rsd.-na. Situhuna labo sitandai Dibata i bas Kristus. Adi e si terjadi i bas geluhta, marilah siperobahi.

Rasul Paulus mereken teladan man banta kerna perobahen si radikal si terjadi i bas geluhna si erbahanca ia geluh ersada ras Kristus. Ibenaken alu perjumpanna ras Kristus. Kenca enggo jumpa ras Kristus, nggit Paulus erlajar kerna keleng ate, ras kerina si jadi peraten Kristus. I bas erlajar e, tek kita maka labo murah ilakoken Paulus. Lit proses jatuh-bangun. Tapi si pentingna i bas proses erlajar e me nggit ipersingeti Kata Dibata janah nggi berobah ku si mehuli sue ras peraten Dibata. Kenca enggo erlajar, ipraktekenna kai si ipelajarina i bas geluhna si tep-tep wari. Si e kerina ilakokenna secara konsisten, la erngadi-ngadi sedekah geluhna. Emaka tuhu-tuhu terjadi perobahen si radikal i bas geluhna.

Adi siterapken ku dirinta, mungkin adi soal jumpa ras Kristus, kerina kita enggo lit pengalamenta jumpa ras Kristus. Si jadi persoalen mungkin la kita konsisten erlajar kerna biak-biak Kristus. Mungkin lit ka kita si ngadi erlajar erkiteken erbage-bage perbeben. Mungkin lit ka kita si lanai nggit erlajar. Emaka i bas kesempaten enda iajuk kita gelah tuhu-tuhu nggit erlajar kerna biak-biak Kristus. Biak-biak Kristus enda iajarken Paulus i bas Gal. 5:22-23, enda si man ayakenta. Mari radu ras kita ertekad nggeluh reh ersadana ras Kristus. Pindolah gegeh i bas Dibata nari gelah ipengasupNa kita kerina nadingken biak-biak si la mehuli i bas dirinta, janah fokus kita ku biak-biak Kritus.