Pdt. Larena Sinuhadji (Nd. ReyRapha Tarigan)
KEBUJUREN DESKEN LAU MBELIN - Amos 5:21-24
(Konfesi Ibadah: Kedisiplinan Beribadah)
Penaruh
Adi sisungkun AI alu penungkunen, “Mengapa keadilan dan kebenaran itu penting?” Bagenda nina jawabenna: “Keadilan dan kebenaran adalah pilar utama peradaban. Keduanya sangat penting karena menjamin kesetaraan, mencegah penindasan, dan menjadi landasan mutlak bagi terciptanya kedamaian, kepercayaan, serta kebahagiaan dalam bermasyarakat.” Alu jawaben AI enda ndai menjadi semakin jelas, engkai maka tema keadilen ras kebenaran e rusur ilumbaken i bas Pustaka Si Badia. I bas kesempaten enda radu ras kita mulihi erlajar kerna kebujuren entah pe kebenaran erpalasken ogenta sendah, bage pe kaitenna ras kedisiplinan i bas beribadah.
Mpebagesi Ogen
Nabi Amos melayani i bas jaman pemerentahen Raja Yerobeam II i Kerajan Israel Utara, kira-kira abad si pe-8-ken SM. I bas paksa e bangsa Israel lit i bas keadaan ekonomi si makmur, tapi i bas dampar si deban, melala ka terjadi kinilaadilen ras kejahaten i tengah-tengah masyarakat. Kalak bayak semakin bayak, sedangken si musil semakin menderita erkiteken sistem hukum, ekonomi ras agama si la adil. Sementara i bas dampar si deban, bangsa e teridah bagi si tutus beribadah. Banci ikataken paksa si e terjadi “hidup beragama tetapi tanpa etika.” I bas konteks si bage rupana Nabi Amos nehken persinget si keras nandangi ibadah-ibadah si ilakoken bangsa Israel.
Perikop si jadi ogenta sendah adi sioge i bas terj. Bhs. Ind., jelas judulna e me “Ibadah Israel dibenci TUHAN.” Kata-kata “Ciga ateKu,” “mutah Aku,” “la Kualoken,” “gejek Kuakap,” “la ateKu megiken,” i bas ay. 21-23 ncidahkenca kinirawan Dibata nandangi ibadah-ibadah si ilakoken bangsa Israel. Kai si isehken Nabi Amos enda tentu erbahanca bangsa e sengget, sebab iakapna ngena ate Dibata nandangi ibadah-ibadah si ilakokenna. Rikutken konteks si enggo tersinget i datas, jelas maka si erbahanca Dibata merawa e me ibadah-ibadah si munafik, ibadah si la lit bukti nyatana i bas kegeluhen si tep-tep wari, ibadah-ibadah si ilakoken raduken ras perilaku jahat, la adil, i tengah-tengah kegeluhen si tep-tep wari (ay.11-12).
Ay. 24 e me inti kata persinget si isehken Nabi Amos, “Tapi bahanlah maka keadilen erburak-burak desken lau sumbul, dingen kebujuren desken lau belin si la pernah kerah.” I bas terj. Bhs. Ind. (Terj. Baru Ed. II) nina, “Tetapi, hendaklah keadilan bergulung-gulung seperti air dan kebenaran seperti sungai yang selalu mengalir.” Lit dua kata kunci e me mishpat (keadilan) ras tsedaqah (kebenaran). Mishpat ertina: tata kehidupan sosial yang benar, perlakuan adil terhadap sesama. Tsedaqah ertina: relasi yang lurus dan setia, baik kepada Allah maupun kepada sesama. Anding-andingen lau pe penting kel i jenda, sebab i daerah Palestina paksa si e, lau mbelin si la pernah kerah e me keadaan si jarang terjadi. Adi tuhu terjadi, lit lau mbelin si la pernah kerah, banci ikataken peristiwa e tuhu-tuhu keadaan si luar biasa. Ertina bangsa Israel iajuk gelah ngelakoken hal-hal si luar biasa, e me ngelakoken keadilen ras kebujuren terus-menerus, konsisten, la erngadi-ngadi, i bas keadaan si kugana pe. E nge si seharusna jadi karakter bangsa Israel, keadilen ras kebujuren labo terjeng ikhotbahken i bas ibadah-ibadahna, tapi tuhu-tuhu ilakoken i bas kegeluhenna si tep-tep wari.
 |
| Versi Audio silahkan klik : https://youtu.be/kzDwRY9l3Gs |
Pengkenaina
Tema i bas PJJ-nta sendah ibuat i bas ay. 24 nari, “kebujuren desken lau belin,” i bas Bhs. Ind., “kebenaran seperti sungai yang selalu mengalir.” Bujur i jenda e me terjemahen i bas kata “benar” nari. Rikutken ogenta sendah iajuk kita gelah ngelakoken keadilen ras ngelakoken kerina si benar erpalasken peraten Dibata. Rikutken konteks ogenta, i bas jamanta si gundari enda pe lit ka nge ibadah si la benar, amin pe mungkin teridah megah, mewah, nyaman. Ibadah si uga? Ibadah si hanya rutinitas, sekedar seremonial gelah teridah kalak si deban, hanya ikut-ikutan, la lit maknana, bahkan la maba perobahen ku si mehuli sue ras peraten Dibata.
Ertina PJJ-nta sendah banci menjadi bahan evaluasi man banta kerina, kai palas ibadahta sedekah enda? Apakah hanya sekedar rutinitas, ikut-ikutan, gelah teridah kalak saja? Adi e si terjadi, enggo pasti ibadah-ibadah si ilakoken kita e la maba perobahen ku si mehuli. Ula lebe berdampak man sekelewetta, man diri sendiri pe la lit ngaruhna. Adi bage si terjadi, man kai kita beribadah? Ogenta sendah mulihi mereken persinget man banta, maka ciga ate Dibata nandangi ibadah-ibadah si la lit dampak sosialna. Beragama tetapi tanpa etika. Sebalikna, ibadah si ngena ate Dibata e me ibadah si maba perobahen i bas diri sendiri janah berdampak mehuli ku sekelewetta. Khususna i bas PJJ-nta sendah e me ngelakoken si benar ras si adil alu la erngadi-ngadi.
Adi sikaitken ras kedisiplinan i bas beribadah, payo, ibadah memang harus ilakoken alu ratur ras disiplin. Tapi rikutken ogena sendah, si pentingna e me palasta i bas kita ngelakoken ibadah-ibadahta, janah ibadah si ilakoken kita harus berdampak mehuli man dirinta sendiri bage pe man sekelewetta. Adi sikaitken ras Konfesi GBKP Bab X si ngakuken kerna ibadah, ikataken bagenda nina: “Kami percaya, bahwa:
- Ibadah adalah ungkapan rasa syukur orang Kristen yang telah diselamatkan oleh Allah yang dinampakkan melalui pikiran, ucapan dan tindakan dalam kehidupannya (Roma 12:1; Yak. 2:17).
- Ibadah merupakan panggilan untuk memuliakan Allah melalui segala sesuatu yang diberikan Allah dalam hidup orang Kristen, baik pengetahuan, bakat atau talenta dan harta milik (1 Taw. 29:14; 1 Sam. 2:7).
- Ibadah dilakukan setiap saat dalam konteks ruang dan waktu dalam bentuk ibadah pribadi, ibadah rumah tangga, ibadah minggu maupun ibadah jemaat lainnya.
- Ibadah, dari awal hingga akhir adalah satu kesatuan yang utuh.
- Ibadah dalam bentuk sakramen hanya 2 (dua): Baptisan Kudus untuk orang dewasa dan anak (Mat. 28:18-19; Roma 6:3-4; 1 Kor. 6:11) dan Perjamuan Kudus (1 Kor. 11:23-28; Yoh. 17:23; Mat. 26:26-29).
Tidak ada komentar:
Posting Komentar