SUPLEMEN PA MORIA GBKP TGL. 25 PEB. - 2 MAR. 2024

Pdt. Larena br. Sinuhadji (Nd. ReyRapha Tarigan)

PA HDS 1

Ogen : Epesus 4:1-7

Tema : KU PINDO MAN BANDU, SIKELENG-KELENGENLAH KAM!

Tujun : Gelah Moria:

- Nuriken pemindon Paulus nandangi perpulungen

- Nuratken ras ngelakoken perbahanen sikeleng-kelengen

Pengantar

Kekelengen (kasih) e me sada kata si penting bahkan seh kel pentingna i bas kegeluhenta. Erkiteken keleng ate nge maka Yesus Kristus reh ku doni enda guna nelamatken manusia erdosa. Janah keleng ate entah kekelengen e me perentah si pentingna i bas kerina Undang-undang agama (bdk. Mat. 22:36-39, “O Guru, perentah si apai kin si pentingna kal i bas kerina Undang-undang agama?” Erjabap Yesus, “Kelengilah Tuhan Dibatandu asa ukurndu, asa tendindu, dingen asa gegehndu lit. Enda me perentah si mbelinna dingen si pentingna. Si peduaken bali ras si ndai e me, kelengilah temanndu manusia bagi kam ngkelengi dirindu”). Janah kekelengen e me kata kerja si arus idalanken labo terjeng icakapken. 

Sekali enda i bas bahan HDS 1 erlajar kita arah persinget Paulus man Perp. Efesus gelah tetap nggeluh sikeleng-kelengen tandana anak-anak Dibata.

Mpebagesi Bahan Ogen

I bas suratna man Perp. Epesus, Paulus mbue make erbage simbol (gambaren) i bas njelasken persadan kalak Kristen selaku anak-anak Dibata. Sebage contoh, perpulungen desken sada kula janah Kristus takalna (4:12), entah pe perpulungen e desken sada bangunen, janah Kristus si jadi batu palasna, entah pe perpulungen e desken pengantin si diberu janah Kristus pengantin si dilaki. Perikopta ibere judul “Kiniersadan kula” (Alkitab TB-LAI Ed. 2, “Kesatuan jemaat dan karunia yang berbeda-beda”).

Sope Paulus mereken persinget (nasehat) man perpulungen maka ipebetehkenna man perpulungen maka aminna pe Paulus i bas paksa genduari i penjara erkiteken nehken dahin Berita Si Meriah  (“kudahi dahin Tuhan” - “seorang tahanan karena Tuhan”), labo e erbahanca ia ngadi melayani ras nehken si mehuli. Tetap geluhna erguna ras mampu mereken motivasi man perpulungen gelah tetap nggeluh bagi si ngena ate Tuhan. Perbeben si lit bas Paulus, la ngambati ia i bas nehken si mehuli, nehken kekeleng man perpulungen paksa si e. Paulus mpersingeti gelah perpulungen tetap nggeluh sue ras kecibalna si enggo ipindoken Tuhan asum tangtangna perpulungen e idilo guna jadi pengikut Kristus. Perpulungen arus tetap nggeluh ersada aminna pe pelain-lain talentana (ay. 7, “man banta sekalak-sekalak enggo ibereken kengasupen si khusus sue ras baginta si patut si ibereken Kristus erpalasken lias ateNa”). 

Biak-biak si arus lit i bas ngerakut kiniersadan:

• Meteruk ukur. Romo Mangun pernah diberi pertanyaan dari seorang wartawan Matra. Wartawan itu bertanya, “apa yang paling ditakuti Romo Mangun?” “Yang paling ku takuti adalah kesombongan,” ujarnya. Karena sombong itu bagai virus. Tidak kelihatan, tidak terasa tapi ternyata sudah masuk ke dalam tubuh dan merusak. Sombong bukan monopoli orang kaya, sehat, tanpan, berkuasa, kalak pentar, tapi bisa menghinggapi semua orang. Termasuk orang miskin, sakit, kurang di sana-sini (ada istilah, udah miskin sok gaya lagi). Oleh karena itu, Yesus memberikan contoh kepada murid-muridNya, sikap rendah hati dengan membasuh kaki murid-muridNya. Suatu perbuaan yang biasa dilakukan oleh seorang hamba.
• Lemah Lembut.
• Sabar.
• Ula pergelut sapih-sapih kam (terj. TB-2, “Tunjukkanlah kasihmu dengan saling membantu”).
• Persadan si enggo ibereken Kesah tetap arus siusahakan emaka arus tetap irakut alu nteguh alu perdamen.
• Ingetlah, maka enggo mbue nge si mpersadaken kalak si tek: sada kula eme kula ni Kristus, sada kesah, i dilo ku bas sada pengarapen, sada Tuhan, sada kiniteken, sada peridin. Janah sada ngenca Dibata si erkusa, eme bapa kerinana. Jadi buen hal-hal si banci mpeteguhi persadan kalak si tek (Kristen) asangken perbedaan si lit.

Versi Audio silahkan klik : https://youtu.be/w4rIseFSc6w

Pengkenaina

Perbedaan pendapat, konflik, perjengilen, la siangkan rsd, la banci sihindari i bas geluhta, subuk i tengah jabu, i bas perpulungenta bage pe i bas inganta erdahin. Secara khusus i bas persadanta selaku kalak si tek, la mungkin mulus-mulus saja perdalanenna. Tapi ula min sempat konflik, perbedaan pendapat, la siangkan erbahanca terjadi perpecahan. Si paling penting, sedar lebe kita, maka la siangkan banci terjadi i bas kegeluhenta termasuk perpulungenta. Si peduaken, nggit kita dungisa alu mehuli. Ula lit sikap merasa diri paling benar, la banci ikritik. Ula murah pergelut. Kekelengen Kristus mpengasup kita mengakui kesalahen adi kin e erkiteken salahta ras mengampuni. Ula lit sikap ndaram-ndarami kesalahen bahkan mpebelin persoalen. Sabab mekatep rusur sibegi pernyataan, “si mbelin ipekitik ras si kitik imasapken.” Tapi i bas kinatana, kebaliken rusur silakoken. Sabab la lit kita manusia si sempurna. Arah si e me, maka kita ngasup ngaloken subuk kelebihen ras kekurangenna. E me biak kalak si meteruk ukur. Uga pe belinna perjentiken, la lit si la banci iselesaiken adi lit kekelengen bas kita, dingen kiniteruken ukur.

Emaka i bas geluh perpulungen tetaplah pakeken ras pebelin biak-biak si mehuli tandana kita pengkikut Kristus. Kesabaren, kelemahlembuten, penguasan diri, sisampat-sampaten dingen ula murah megelut. Kekelengen e labo terjeng kata-kata, tapi tindaken nyata, si positif, proaktif si banci iidah ras inanami kalak si deban. Alu bage, ambekken biak-biak si la mehuli si banci ncedaken persadan si enggo sibangun erpalasken keleng ate Kristus. Ingetlah bagi si ikataken Paulus, mbuen denga hal-hal si banci mpeteguhi persadanta selaku kalak si tek asangken perbedaanna.