SUPLEMEN PJJ GBKP TGL. 8 - 14 OKTOBER 2023

MPELAJARI, MAKEKEN RAS NGAJARKEN (Esra 7:6-10)

(Tata Gereja : Pengenalan dan Memiliki Tata Gereja)

Penaruh

Menjadi sekalak pengajar e labo sada hal mesukah guna idalanken. Sekalak pengajar ituntut la saja guna njadiken ajar-ajarna erpengangkan kerna kai si niajarken e tapi pe ngasup encidahken dingen ngelakoken kerna si niajarkenna i bas kegeluhenna. Pengajaren ras keteladanen eme dua hal si la banci ipulahi i bas kegeluhen sekalak pengajar.

Mpebagesi Ogen

Esra eme sekalak ahli kitab si nggeluh i bas masa pembuangen Israel i Babil. Masa pembuangen eme masa s idem alu kiniseran ras kesusahen. Tapi amin pe lit i bas pembuangen, Esra tetap ndarami Dibata i bas geluhna, ia tetap tutus er-Dibata dingen ndalanken sura-sura Dibata. Kenca Kores Raja Persia mereken perentah guna mulahi Israel, mulih me bangsa Israel ku Jerusalem. Janah i bas tahun pe-7-ken pemerentahen Artasasta berkat Esra i Babil nari ku Jerusalem raduken piga-piga kalak Israel, imam-iman, kalak Lewi, tukang musik i bas Rumah Pertoton, pengawal rumah pertoton ras si erdahin i bas Rumah Pertoton. Alu penampat Dibata, kalak enda berkat i Babil nari i bas wari si pemena, bulan si pemena janah seh i Jerusalem i bas wari si pemena, bulan pe-5-ken. Kurang lebih lima bulan perdalanen Babil nari seh ku Jerusalem. Kegeluhen Esra eme kegeluhen si patut iusih. Tangkas man banta i bas pengogenta kuga Esra gelgel nari tutus kel atena mpelajari Undang-undang Tuhan, makekenca i bas kegeluhenna dingen ngajarken pedah ras peraturen si lit i bas undang-undang e man kalak si deban (ay. 10). Esra jadi sekalak si meganjang pemeteh ras pengertinna kerna undang-undang si enggo ibereken Dibata Israel man Musa. Ia sekalak si ipasu-pasu Dibata dingen ngena ate raja pe ngenen ia seh maka ibereken raja kerina si ipindona (ay. 6-7).

Arah bahanta, erlajar kita arah kai si ilakoken Esra, labo hanya ia si tutus mpelajari Undang-undang Tuhan tapi pe makekenca ras ngajarkenca (mpesehsa) man kalak si deban. Alu bage radu lit pengangkan si seri kerna Undang-undang Kata Dibata si jadi pedoman bersama bangsa Israel i bas ndalani kegeluhenna. Persoalen si rusur terjadi, tutus kita mpelajarisa, tapi la sipakeken. La jadi gelemen man banta. Lit ka, lenga pe sipelajari tapi beluh-beluhen kita ngajarkenca man kalak si deban. Enggo pasti kai si iajarken kita salah (lepak). Lit ka, enggo tutus sipelajari, sipakeken tapi la ngasup kita ngajarkenca man perpulungen. I bas bahannta sekali enda me radu ras kita ipersingeti arah kai si enggo ilakoken Esra, nutus mpelajarisa, ipakekenna ras iajarkenna pedah ras peraturen si lit i bas undang-undang e man kalak si deban.

Versi Audio silahkan klik : https://youtu.be/HY2xC42Nvjg

Pengkenaina

Selain Pustaka Si Badia si jadi pedoman kegeluhenta, ikataken i bas Kata Pengantar Tata Gereja GBKP Edisi Sinode XXXI, 2021-2015-2025, maka Tata Gereja GBKP adalah  kumpulan peraturan tertulis yang sudah ditetapkan secara resmi oleh GBKP dan menjadi alat pelayanan untuk menata GBKP dalam melaksanakan tugas panggilannya. Dengan demikian sangatlah penting, dan tentunya menjadi panggilan kita bersama agar Tata Gereja ini dapat dipahami dan dijiwai oleh seluruh jemaat dan pelayan khusus GBKP (Pendeta, Pertua, Diaken). Sehingga menjadi tanggung jawab kita semua menjaga dan melaksanakan Tata Gereja untuk menata kehidupan Gereja kita. Dengan Tata Gereja  diharapkan dapat menolong kita untuk membangun kehiduapn bergereja sesuai dengan maksud Allah sendiri.

Tata Gerejanta enda batang belinna lit 3 eme: Pembukaan (10 Butir), Tata Dasar (12 Pasal) ras Tata Laksana (208 Pasal i bas 44 Bab) janah kerina e isusun erpalasken Pustaka Si Badia bage pe kajian-kajian pengalamen kegeluhen erkiniteken bage pe gereja secara organinasi. Tujunna eme gelah lit kiniraturen i tengah-tengah gerejanta, lit acuan kerna penataan pelayanen gerejanta GBKP i bas kehadirenna i tengah-tengah doni enda termasuk pe menjawab erbage persoalen si terjadi i bas pelayanen, bage pe mbangun kegeluhen perpulungen sue ras sura-sura Dibata selaku kula ni Kristus. E maka lit piga-piga hal si jadi persinget ras evaluasi man banta arah PJJ-nta sekali enda eme:

• Gerejanta GBKP i bas nehken pelayanenna lit palas si jadi acuan ras aturenna, eme Pustaka Si Badia ras Tata Gereja.
• Perlu kel kerina Serayan Tuhan, Pengurus Kategorial ras Pengurus Sektor bage pe kerina perpulungen meteh ras ngangkai kerna isi Tata Gerejanta GBKP. Si enda perlu kel menjadi perhatian man banta. Sabab sedekah enda, Tata Gereja si enggo siputusken i bas persidangen tertinggi gerejanta kurang tutus ipelajari subuk serayan bahkan Tata Gereja la seh ku perpulungen (puji Tuhan adi enggo seh ku Pengurus Kategorial ras Sektor). Labo mungkin tertata alu mehuli pelayanen gerejanta adi aturen e pe la sieteh. Ku lebe wari enda, Tata Gereja, termasuk GBP arus menjadi bahan penting si alu tutus sipelajari, sipakeken ras siajarken (isosialisasiken) man perpulungen. Alu bage reh sikapna perdalanen gerejanta, dingen seri pengidah ras pengertinta kerna pelayanen gerejanta
• Kerina min kita ngergai Tata Gereja si enggo sisepakati ras-ras i bas penataan ras pengelolaan gerejanta.