SUPLEMEN PA MORIA GBKP TGL. 22 - 28 OKTOBER 2023

Larena br. Sinuhadji (Nd. ReyRapha Tarigan) 

 

Ogen : Kuan-kuanen 10:1-5

Tema : MEJINGKAT MABA ULIH

Tujun : Gelah Moria :

- Meteh kai ulihna adi bujur ras mejingkat

- Nggeluh bujur ras mejingkat

Metode PA : Role Play 

Penaruh

Melala kata-kata bijak kerna kinijingkaten: “Tidak ada keberhasilan yang dapat dicapai dengan sikap santai, gampang putus asa dan menunggu.” “Kerja keras, ulet mencari dan menciptakan kesempatan harus dilatihkan kepada mereka sejak dini.” “Proses tidak pernah mengkhianati hasil.” “Orang-orang hebat sepanjang sejarah adalah mereka yang lebih banyak bekerja dari pada berbicara.” Tujun kata-kata bijak enda tentuna guna memotivasi ise pe si ngogesa gelah semangat bekerja, mejingkat, la murah putus asa, anti mekisat, rsd. I bas kesempaten enda erlajar kita mulihi kerna kebujuren ras kinijingkaten.

Mpebagesi Pengangkan Kerna Ogen

Kitab kuan-kuanen 10:1-31:31 sangat berbeda ras Kuan-kuanen 9:1-9, subuk i bas materi, pengajaren ras bentukna. Umumna materi pengajaren i bas Kuan-kuanen 10:1-31:31 bersifat teknis, praktis ras ipalasken i bas pengalamen geluh si tep-tep wari, si tujunna berguna i bas keberhasilen secara pribadi ras kesejahteraan masyarakat. Sebage contoh i bas perikop enda, ijumpai pengajaren kerna kinijingkaten si ibadingken ras kemalasen i musim panen. Secara khusus i bas Perikopta ibere judul “Pertenget Salomo” (TB-LAI, “Kumpulan amsal-amsal Salomo”) si isina kerna dua karakter si saling berlawanen - pararel antitesis, umpamana anak pentar ras lenge, kebayaken ulih kejahaten ras kebayaken ulih kebujuren, kalak bujur ras kalak jahat, kalak malas ras mejingkat rsd.

I bas ay. 1 anak si pentar keriahen bapana tapi kebalikenna, anak si lenge erbahanca ceda ate nandena. Arah ayat enda penting kel gelah anak megiken ajar orang tua (ajaren kepentaren). Janah ayat enda pe ncidahken keterkaiten sada ras si debanna i tengah-tengah keluarga. Terlebih i bas masyarakat Israel kuno sangat penting peran keluarga. I bas ayat enda telu anggota jabu si isebutken secara bersama eme bapa, nande ras anak. Anak bergantung man orang tua bage pe sebalikna. Orang tua si pentar anakna tuhu-tuhu maba keriahen man orang tuana, kebalikenna anak si lenge erbahanca ceda ate orang tuana. Pengajaren enda penting, sabab karakter ras reputasi anak sebage pewaris menentuken labo saja kebahagian orang tua tapi pe keberlangsungen geluh sada keluarga ras status sosialna i bas masyarakat. Janah ayat enda pe sebage penjemba man orang tua guna mendidik anak-anakna jadi kalak pentar bahkan labo hanya pengajaren orang tua pe arus jadi usihen.

I bas ay. 2-5 eme kerna kebayaken ras cara ndatkenca. Ay. 2 isina peringatan kerna kinibayaken ras kejahaten janah ibandingken ras kebujuren. Kibayaken ulih kejahaten labo maba keuntungen. Banci jadi senembas menguntungken tapi situhuna maba cilaka. Ertina, kinibayaken ulih erbage kejahaten, kinilabujuren, cara kekerasen, kinilaadilen, rsd, kedungenna labo hanya la maba keuntungen tapi pe maba kematen (nehen antitesis ay. 2b, “kebujuren mulahi kalak i bas kematen nari”). Janah i bas ay. 3 Salomo mereken kata persinget nandangi pengkawali ras pemeliharaan Tuhan man kalak bujur. Kebalikenna, sura-sura kalak jahat la banci erdalan, la ipebentasNa. Rikutken keadilen Tuhan, maka kalak bujur geluhna ipasu-pasu Tuhan ras kalak jahat (fasik) iukum Tuhan.

Selanjutna ay. 4 eme kerna sikap (karakter) i bas kita manusia. Lit deba mekisat, lit ka mejingkat. Rulih adi mejingkat eme kebayaken tapi kebalikenna adi mekisat kita, musil nge. Kemusilen rikutken ayat enda banci iatasi alu sikap hidup si rajin. Hal enda ncidahken maka kemusilen si nimaksud i jenda terjadi murni erkiteken kemalasan, labo erkiteken penindasan (kinilaadilen). Emaka banci denga sikap geluh e siperobahi, perkisat jadi mejingkat. Janah i bas ay. 5 mulihi Salomo mereken pengajaren maka kalak pentar, rani i bas paksana. Ertina, kinijingkatenna, semangatna, kebujurenna (kerja keras, kerja cerdas, kerja tuntas) ulihna eme kerina si mehuli. Sebalikna kalak si ersura-sura bayak secara materi tapi la nggit bekerja keras, ibahanna hal-hal si la mehuli, nangko, korupsi, memeras, rsd.

I bas ay. 6-10, seri ras ayat-ayat sebelumna, Salomo mbandingken biak ras ulih kalak bujur, bage pe biak ras ulih kalak si jahat. Biak ras ulih kalak si jahat enggo pasti kerina si la mehuli, bahkan ukumen i bas Dibata nari. Sedangken biak kalak bujur eme nggit megiken ajar si mehuli, nggeluh la biar-biaren, ras pang ngataken si benar. Janah ulih kalak bujur eme pasu-pasu, kesangapen si lalap iinget kalak, ras datken kedamen. Ertina i bas ay. 6-10 enda mulihi itegasken Salomo maka pilihen-pilihen si sue ras peraten Dibata enggo pasti maba pasu-pasu, kesangapen, ras kedamen.

Pengkenaina

Gaya bahasa Salomo si nuriken dua karakter si saling berlawanen (pararel antitesis) tujunna jelas gelah kerina si ngogesa rukur lebe sope ngelakoken kai pe. Sebab kerina tindakenta lit konsekuensina. Secara khusus i bas PA-ta sendah, iajuk Moria gelah nggit ertimbang, rukur lebe alu mehuli kerna dampak-dampak entah pe konsekuensi i bas kerina si ilakokenna. Ertina sue ras tema bage pe tujun PA-ta sendah iajuk kita gelah ertimbang entah pe rukur alu mehuli kerna dampak-dampak entah pe konsekuensi kebujuren ras kinilabujuren, bage pe konsekuensi kinijingkaten ras kinilajingkaten.

Versi Audio silahkan klik : https://youtu.be/RCwuQEl6TgE

Piga-piga hal si banci sirenungken sue ras tema bage pe tujun PA-ta sendah eme

1. Kebujuren ras kinijingkaten rehna i bas Dibata nari si arus terus siukurken ras silakoken i bas kegeluhenta si tep-tep wari. Tapi erkiteken kebujuren ras kinijingkaten enda biak-biak entah pe karakter, maka harus terus-menerus ilatih i bas kegeluhenta si tep-tep wari. I bas si e pindolah gegeh i bas Dibata nari gelah ipengasupNa kita tekun berlatih, ngukurkenca ras ngelakokenca i bas geluhta si tep-tep wari.
2. Ulih kebujuren ras kinijingkaten eme kinibayaken. Tapi tujunta ngelakoken kinibujuren ras kinijingkaten labo terjeng guna ndatken kinibayaken materi semata-mata. Tujun si utamana kel eme ngelakoken kerina si jadi peraten Dibata sebage wujud nyata pengataken bujurta erkiteken keselamaten i bas Yesus Kristus si enggo leben ialoken kita. Ulih si terulin asangken erta kebayaken eme pasu-pasu, kesangapen ras kedamen.
3. Kebujuren ras kinijingkaten arus iajarken man anak-anakta kitik-kitik nari arah pengajarenta bage pe teladanta. 

Adi enggo siteh perbandingen ulih si idatken adi kita bujur ras mejingkat bage pe ulih adi kita jahat ras mekisat, emaka mari radu ras kita ertekad guna nggeluh bujur ras mejingkat sue ras tujun PA-ta si peduaken. Dibata si mpengasup kita ngelakokenca.