SUPLEMEN PJJ GBKP TGL. 15 - 21 OKTOBER 2023

YESUS NURUH SI ERDAHIN GUNA MPERANISA (Lukas 10:1-10)

GBP GBKP : Tim PI

Penaruh

Lit lagu pujian rohani si lirikna ngatakenca, “Bersaksai t’rus sampai Tuhan datang, bersaksi t’rus sampai Tuhan datang. Bersaksi, bersaksi, bersaksi haleluya. Bersaksi t’rus sampai Tuhan datang.” Ertina, tugas mberitaken Kata Dibata, Berita Si Meriah merupaken tanggung jawab kerina kalak si tek. Setiap kalak si enggo ngaloken keselamaten i bas Dibata nari, rutang guna mberitakan Kata Dibata, subuk secara internal bage pe eksternal (PI ke dalam dan PI ke luar).

Bahkan Pdt. Stephen Tong pernah ngatakenca: “Gereja yang tidak mengabarkan Injil adalah gereja yang membunuh diri sendiri.”  Gereja i jenda, banci secara pribadi, sebab gereja eme orangnya, banci ka secara institusi. Enda ertina maka dahin meritaken Berita Si Meriah entah pe er-PI eme sada dahin si seh kel pentingna dingen arus ilakoken gereja i bas menghidupi pendilo Dibata i tengah-tengah doni enda. Hal enda pe sedalanen ras kai si ikataken Paulus i bas 1 Korinti 9:16, “Situhuna labo lit hakku ermegah i bas aku meritaken Berita Si Meriah e, sebab terpaksa kap aku. Janah cilaka kal aku adi la kin kuberitaken Berita Si Meriah e.” Dahin nehken pelayanen bage pe mberitaken Berita Si Meriah e sada keharusen si arus ilakoken i bas kegeluhenta. Gereja lit dingen pantek erkiteken Berita Si Meriah, emaka gereja lit guna er-Berita Si Meriah.

Mpebagesi Ogen

Perikopta nuriken kerna Yesus milih dingen ngutus 70 kalak ajar-ajarNa selain ajar-ajar si 12 kalak. Angka 70 enda banci jadi jumlah real ajar-ajar tapi banci ka hanya simbol, merujuk ku bas jumlah misionaris si lit i bas perpulungen jaman Lukas, banci ka merujuk ku bas jumlah suku si lit i doni erpalasken Kejadin 10, bagepe banci merujuk ku bas 70 kalak Tua-tua Israel (Kel. 24). Tapi si pasti maka enterem ajar-ajar si ipilih ras iutus Yesus guna ndahiken dahin Berita Si Meriah e. Ajar-ajar enda eme kalak si tuhu-tuhu ipilih ras iutus Yesus, ertina Yesus si milihsa, ndilosa, netapkenca dingen ngutussa guna mberitaken berita keselamaten e, berita kerna Kinirajan Dibata, seh maka reh nteremna kalak si megikenca ras ngaloken berita keselamaten e.

Adi sipepayo i bas ogenta maka i bas ndahiken dahin e, ajar-ajar arus ndalanken ras mperdiateken piga-piga hal:

• Ajar-ajar si iutus arus lit empatina (kepedulianna) seri ras Yesus. Sebab jelas  nina Yesus, “Mbelang si man peranin tapi kurang si ranisa pe” (ay. 2). Seh makana si 70 kalak enda me si merespon pemanggilen Tuhan ras idalanken alu dem ketutusen.
• Ajar-ajar arus dua-dua sedalanen (ay. 1b). Ertina maka i bas ndahiken dahin e arus lit teman, la sisada-sisada. Hal enda pe erkaiten ras tradisi paksa e maka kesaksin dua kalak entah lebih e iakui dingen banci ialoken (terteki). Alu bage kesaksin Berita Si Meriah si nipeseh ajar-ajar e banci teraloken kalak si megikenca.
• Si erdahin e, Dibata si nuruhsa (ay. 2b). Ajar-ajar e Dibata si milihsa dingen si nuruhsa, emaka ia ertanggung jawab man Dibata dingen kai pe si ilakoken ras ipesehna arus erpalasken sura-sura si nuruhsa. Labo ipediat Dibata suruh-suruhenNa ndahiken dahinNa bage-bage saja, tapi Dibata ka nge si mperlengkapisa.
• Si erdahin Dibata arus tetap bergantung sepenuhna man Dibata, sebab bagi ay. 3 isuruh Tuhan lawes bagi biri-biri ku tengah-tengah serigala. Situasi si seh kel beratna, e maka arus bergantung man Tuhan. Tetap ernalem man Tuhan teridah arah la maba dombet, gajut-gajut, entah sepatu, tapi kerina e enggo icukupken Tuhan (bdk. Mat. 10:1). Tuhan si ngutussa enggo pasti Ia ka si ngurus ras ncukupisa.
• Dahin er-Berita Si Meriah labo dahin si mesunah dingen melala tantangenna (ay. 3). Ajar-ajar iutus desken biri-biri ku tengah-tengah serigala, la saja tantangen ras perbeben si arus ialaken tapi pe banci penolaken, penganiayaan ras ancamen kematen i bas kalak si la erngena ate nandangi Berita Si Meriah bage pe arah si Iblis.
• Karakter si arus lit i bas ajar-ajar eme, 1) Arus mekacar (ramah) man ise pe si ijumpaina, kerehen ajar-ajar arus maba keriahen ras kedamen (ay. 5). Bdk. Tulisan Karakter TIM PI dalam buku Setialah 30 hal. 127, poin 34, menjalankan 7M : Mediate, Mejingkat, Meteruk ukur, Mbancar, Mehamat, Metemue, Melumbar. 2) La banci pergelut dingen saber, sebab lit nge kalak si ngaloken ajar-ajar ras Berita Si Meriah e tapi lit ka nge si la ngalokenca (nulaksa - ay. 6). 3) Ngaloken kai si isikapken kalak si deban alu dem keriahen ukur (ay. 7, 8). La milih-milih.
• Berita si ipeseh eme berita kerna Kinirajan Dibata, Berita Si Meriah, labo berita si maba keguluten, berita pertobaten, berita perbahanen ras keleng ate Dibata labo berita kerna diri ajar-ajar (ay. 9). Sebab la ka sitik genduari ngataken maka ia naksiken entah pe nehken Berita Si Meriah kerna Yesus Kristus tapi dirina ras pencapaianna nge si iturikenna.
• Penolaken ras tantangen la banci erbahanca ngadi dahin meritaken Berita Si Meriah e (ay. 10).

Versi Audio silahkan klik : https://youtu.be/9CZI0dx_U-E

Pengkenaina

Amanat Agung (Great Commission) e me perentah terakhir Tuhan Yesus sope nangkih ku surga. Inti i bas perentahNa gelah ajar-ajarNa pembarken Berita Si Meriah ku kerina bangsa (“Laweslah ku kerina bangsa manusia, bahanlah ia jadi ajar-ajarKu”). Selaku kalak si enggo ngaloken anugerah keselamaten i bas Yesus Kristus, tek kita maka perentah guna er-Berita Si Meriah labo terjeng itujuken man ajar-ajar saja, tapi man kerina kalak si tek. I bas Konfesi (Pengakun Kiniteken) GBKP memang la lit tersurat secara khusus kerna er-Berita Si Meriah, tapi i bas piga-piga Bab si ngerana kerna Masyarakat, Politik, ras Gereja, iajuk kita gelah menjadi terang dan garam, bersaksi tentang keselamatan di dalam Yesus Kristus. Bahkan rikutken Tema Sasaran Pelayanan tahun 2023 “Jemaat Menjadi Pelaku Aktif Pelayanen” iarusken setiap Runggun ngelitken Tim-Tim Pelayanan termasuk Tim PI. I bas buku Setialah 30 “Buku Pembinaan Tim-Tim Pelayanan GBKP” enggo ilitken piga-piga materi kerna PI.

1. Teologi Pekabaran Injil
2. Metode PI
3. Manajemen TIM PI
4. Karakter TIM PI

Arah ogenta ras tema PJJ-nta sendah, “Yesus nuruh si erdahin guna mperanisa,” mulihi kita isingetken kerna perentah Tuhan Yesus guna er-Berita Si Meriah bage pe tugas tanggung jawabta guna ngelaksanaken perentah er-Berita Si Meriah. Erlajar kita arah ajar-ajar Yesus si taat i bas ngelaksanaken perentah Tuhan Yesus guna er-Berita Si Meriah. Janah tek kita maka Kesah Si Badia nemani ras nampati kita i bas er-Berita Si Meriah. Si penting rutang pusuhta bagi lagu KJ 428, “Lihatlah sekelilingmu, pandanglah ke ladang-ladang yang menguning dan sudah matang, sudah matang untuk di tuai.” Ay. 6, “Apa kita pun terpilih, mengerjakan tugas itu? Kita juga dipilih Tuhan dan di utus ke dalam dunia.” Ula sempat terulang dua kali perkataan Tuhan, “Mbelang si man peranin tapi kurang si ranisa pe,” sebab kurang mediate kita.

Emaka mari radu ras kita er-Berita Si Meriah arah kai pe si banci ilakoken kita. Erbage cara banci silakoken: KKI, penginjilan dengan pelayanan media cetak dan eletronik (traktat, Radio, Tik-tok, YouTube, medsosta). Pelayanan mbuka daerah PI, entah kerja sama ras perpulungen si lenga maju pelayanenna i kuta. Pelayanen i Rumah Sakit, Pelayanen i penjara, PI persahabatan (Metode Penginjilan Elegan: Setelah membangun persahabatan maka akan bertukar kisah bagaimana cara mereka memperoleh keselamatan dalam agama mereka yang berbeda), rsd. Tek kita maka Dibata si memperlengkapi kita i bas kita er-Berita Si Meriah.