SUPLEMEN PA MAMRE GBKP TGL. 3 - 9 SEPTEMBER 2023

Pdt. Larena Sinuhadji (Nd. ReyRapha Tarigan)

Teks : Epesus 6:1-4

Tema : BAPA JADI IDOLA ANAK

Tujun : Gelah Mamre :

- Ngidah kerna hubungen orang tua (bapa) ras anak-anakna rikutken teks

- Ngelumbaken jadi idola anak-anakna i bas cara rukur, ngerana ras perbahanenna

Metode : Diskusi

Penaruh 

PA-ta sendah akap kami dalam rangka menyambut HUT PERMATA GBKP si pe-75 tahun-ken. Sebab idah kami bahan PA Mamre Tgl. 10 - 16 Sep. 2023 la lit je ikaitken ras HUT PERMATA GBKP si iperingeti setiap Tgl. 12 September. Mehuli akap kami adi silakoken PA Gabungen Mamre ras PERMATA, sebab Kata Dibata i bas kesempaten enda menyentuh orang tua (bapa) bage pe anak. Kenca PA enda banci sibahan doa pemulihan gelah reh mehulina hubungen antara bapa ras anak.

Penjelasen Teks

Rasul Paulus mpersingeti perpulungen i Epesus kerna tanggung jawab si arus idalanken orang tua bage pe anak-anak i tengah jabu gelah jabu e tetap paguh ras harmonis. Anak-anak arus ngikutken ajar orang tua, rikutken si ngena ate Tuhan. Ras orang tua arus ngkelengi anakna, ola pesega-sega anakna si erbahanca ia merawa (terj. TB-LAI : “jangan bangkitkan amarah di dalam hati anakmu”). Adina lit penungkunen, ise lebe ndalanken tanggung jawab, orang tua nandangi anak entah sebalikna, anak nandangi orangtua? Enggo pasti orang tua. Sebab orang tua eme kap wakil Dibata i ja anak e ititipken Dibata man banta. Maka tanggung jawab si pemena lebe arus idalanken orang tua, uga makana orang tua banci ngepkep, engkelengi ras mabai anakta geluh erkemalangen man Tuhan. Sebab mekatep orang tua lalai i bas tanggung jawabna si mbelin e.

Paulus mpersingeti kerna kewajiben anak eme patuh man orang tua (ay. 1). Patuh ngikutken ajar orang tua, sue ras peraten Tuhan. Anak-anak banci patuh asum orang tua tuhu-tuhu jadi usihen si mehuli man anakna. Sebab mbue orang tua beluh ngajarken si mehuli (kejujuran, mengampuni, taat, rsd.) tapi ia sendiri la ndalankenca. Enggo pasti membal i bas cuping anak-anakta nari kerina si mehuli si iajarken kita ndai. Bahkan anak-anak sulit guna makekenca perban kita pe orang tua la ndalankenca. Emaka lit istilah ngatakenca “Children do what they see” (anak-anak melakukan apa yang mereka lihat dari orang tuanya); “Satu perbuatan lebih berharga dari pada seribu kata-kata.” Ertina, ipindoken man orang tua i jenda gelah leben jadi usihen si mehuli man anakna, alu bage anak-anak e patuh ngikutken kai si iajarken orang tua, sebab palasna kai si iajarken Tuhan. Ay. 2, mpehaga nande ras bapa. Enda bagin i bas 10 Perentah Tuhan si ibereken Dibata man Musa i Deleng Sinai, eme perentah si pelimaken. Anak-anak mpehaga orang tua sebab tanggung jawab si mehuli si enggo ilakoken orang tua, labo hanya dalam rangka anak ngataken bujur man orang tua, ras erbahanca orat geluh anak e mehuli, tapi pe lit ulih si idatken anak e, eme kap geluh mejuah-juah ras ndekah nggeluh i doni enda (panjang umur).

Tanggung jawab orang tua eme kap ngkelengi ras mpebelin anak-anak, bagi si ngena ate Tuhan. Ertina, si ibereken kita man anak e sumberna eme kap Kata Dibata gelah si ngena ateNa silakoken kita i bas nehi tanggung jawab. Sebab banci jadi labo sura-sura Tuhan si ipelebeken tapi sura-suranta orang tua. Lit orang tua memaksaken kehendak gelah anak menjadi number one tapi la ietehken kemampuan ras sura-sura anak. Si penting lit kebanggaan tersendiri asum anak e tampil berprestasi. Enda labo salah, asal sura-sura anak ras passion anak siikutken (idampingi) labo keinginenta. Orang tua arus ngelitken waktu si utama guna anak i bas membangun kedekaten ras komunikasi si mehuli man anak. Ula sempat la sieteh kai kebiasanna, biakna, teman-temanna, hobina rsd. erkiteken kurang sibangun kedekatenta ras anakta.

Versi Audio silahkan klik : https://youtu.be/L-nLDwmeolY

Pengkenaina

Tujun si pemena i bas PA-ta sendah akap kami ngajuk kita Mamre, sebage orang tua, menyadari uga carana menjalin hubungen si mehuli ras anak-anak rikutken teks ogenta. Emaka si pemena akap kami, harus lit kesadaren i bas dirinta maka orang tua eme kap wakil Dibata i ja anak e ititipken Dibata man banta. Maka tanggung jawab si utama si arus idalanken orang tua eme kap, ngepkep, engkelengi ras mabai anakta geluh erkemalangen man Tuhan. Si peduaken, si labo kalah pentingna eme orang tua arus jadi usihen si mehuli man anak-anakna. Memang labo hal si murah, tapi si penting i bas kinilangasupenndu, katakenlah man anak-anak, “Bapak belum mampu jadi teladan, maafkan Bapak ya Nak.” Gelah iteh anak-anakta maka kam pe sebage perbapan sangana erusaha jadi usihen. Emaka i bas si e pindolah gegeh man Dibata gelah ipengasupNa kita jadi usihen i bas cara rukur, ngerana ras perbahanen man anak-anakta. Si peteluken, adi rikutken tema PA sendah, “Bapa jadi idola anak” akap kami enda ertina perbapan jadi role model calon perbulangen man anak-anakna si diberu, janah jadi role model perbulangen ras perbapan si mehuli man anak-anakna si dilaki. Emaka marilah kita rukur ndauh ke depan, sebab peran si sangana idalanken gundari bakal idalanken anak-anakta. Jadilah Mamre si iidolaken anak-anakta.

Si terakhir eme pedah-pedah man anak-anakta, khususna PERMATA si i bas Tgl. 12 September enda merayakan HUT si pe-75 tahun-ken. Si pemena lebe secara kelembagaan. 75 tahun usia si enggo lanai nguda. Kesempaten enda seharusna jadi bahan evaluasi man lembaga kategorial PERMATA i bas kerina tingkatenna, Runggun, Klasis, seh ku Moderamen. Kai saja si enggo ilakoken guna semakin meningkatkan kualitas kaum muda GBKP, baik secara spiritual, karakter, kreatifitas, kepedulian, rsd.? Adakah indikator yang dibuat untuk mengukur sampai sejauh mana keberhasilan program-program pembinaan yang telah dilakukan? Evaluasi berkala sangat penting dilakukan dalam rangka pertanggungjawaban kita kepada jemaat maupun kepada Tuhan Yesus Kristus. Si peduaken man anak-anakta secara pribadi. Enggo seh i ja kepatuhenndu man orang tuandu? Rasul Paulus mpersingeti kerna kewajiben anak eme patuh ngikutken ajar orang tua sue ras peraten Tuhan. I bas relasi si mehuli harus lit gayung bersambut, adi orang tua enggo nehken tanggung jawabna alu mehuli, erpala-pala jadi usihen, tentu harus isambutndu alu patuh ngikutken ajar orang tua sue ras peraten Tuhan. Ulihna labo terjeng panjang umur, tapi kam enggo ngelakoken tugas tanggung jawabndu alu mehuli. Selamat HUT man PERMATA GBKP, jadilah PERMATA si ernanam mehuli man sekelewetndu.