SUPLEMEN PJJ GBKP TGL. 26 FEB. - 4 MAR. 2023

Pdt. Larena Sinuhadji (Nd. ReyRapha Tarigan)

 

ERNANAM MAN KERINANA (1 Korinti 12:1-7)

 
Penaruh
 
Sura-suranta kita nggeluh bas doni enda e me ernanam mehuli man sekelewetta, man persadanta selaku kalak si tek, terlebih i bas lingkungen si terkitik e me jabunta. Adi banci ula kita jadi benalu bahkan batu antuken. Perbahanen si sederhana sekali pe (sekecil apa pun itu) seh kel berartina man kalak si deban. Sebage contoh, keramahenta arah kita nggit perkuanken temanta lebe, mereken senyuman, tetap ngiyahken teman ku Gereja, rsd.
 
Dibata enggo nepa kita sentudu ras tempasNa. Bahkan setiap kita iberekenNa talenta (pemere Kesah) si pelain-lain rikutken sura-sura Kesah, gelah kita banci saling melengkapi, bersinergi guna membangun persadanta selaku kalak si tek. Persoalenna, terkadang, kita siakap si hebatna, ter-aku-aku, sipekitik kalak si deban piah dungna la nari paguh kiniersadan e bahkan turah perpecahen. Enda me si terjadi i bas Perpulungen Korinti
 
Mpebagesi Kata Dibata
 
Perpulungen Korinti e me perpulungen si dem alu erbage karunia (pemere Kesah). Tapi kerina pemere si pelain-lain e labo jadi kebayaken man Gereja guna reh sikapna pelayanen idahiken, tapi malah terjadi perpecahen.
 
Piga-piga perpulungen si ngaloken pemere si “special” si rehna i bas Kesah Si Badia nari, mabai ia meganjang ukur. Enggo pasti sikap si bage mengganggu persekutuan jemaat. Sebage contoh, kengasupen guna ngelakoken perbahanen si ngelebihi kuasa manusia, ngerana i bas erbage-bage cakap, man kalak si deban ibereken kengasupen guna nuriken antusen cakap Kesah e (ay. 10). Sikap meganjang ukur enda si erbahanca turah penggejapen “hebaten aku asangken temanku”. Enggo pasti sikap si bagenda adi ibepelin erbahanca terjadi perpecahen, kelompok-kelompok i bas perpulungen.
 
Teksta si ibere judul “Pemere Kesah Si Badia” (bhs. Ind., “Rupa-rupa karunia tapi satu Roh”) e me pengajaren penting si itulisken Paulus guna mpesikap perukuren si lepak si berkembang i bas perpulungen. Sada lebe, kerina pemere e rehna i bas Kesah Si Badia nari. Bahkan i bas ay. 4 ikataken, erbage-bage pemere tapi sada nge Kesah si merekenca. Erabge-bage dahin guna mereken penampat, tapi sada nge Tuhan si mada dahin (ada rupa-rupa pelayanan, tetapi satu Tuhan). Ras erbage-bage dahin si man dahin, e me si mereken kengasupen man kerina kalak guna ndahiken dahinna si khusus (dan ada perbagai-bagai perbuatan ajaib, tetapi Allah yang satu yang mengerjakan semuanya dalam semua orang). Ijelasken Paulus, maka manusia e ibereken Tuhan pemere (rupa-rupa karunia). Ras tujun Tuhan mereken pemere e me nampati perpulungen guna erBerita Si Meriah (bdk. Perb. Rasul 16:16-18), mpegegehi ras membangun kiniteken perpulungen (bdk. 1 Kor. 14:4), ras alat man banta guna melawan kuasa-kuasa kegelapen (bdk. Ef. 6:11-12).
 
Selain erbage-bage pemere, Paulus pe ngataken lit erbage-page penampat (ada rupa-rupa pelayanan). Kata dasar pelayanan i bas bahasa Yunani e me “diakonia”  (hamba, “doulus”), si itonjolken e me sikap rendah hati ras sukaciata melayani labo guna ilayani. Karunia pelayanan (karunia pelayan) enda ijelasken Paulus i bas ay. 28, “Lit si jadi rasul, nabi, guru, ngelakoken perbahanen si ngelebihi kuasa manusia, karunia pepalem kalak sakit, kengasupen nampati kalak si deban, entah pe kengasupen jadi pemimin, entah kengasupen ngerana i bas cakap Kesah”. Ertina, Tuhan mereken pemere si pelain-lain man banta guna kiniulinta ras-ras (kepentingan bersama). Karunia Roh itu berbeda serta karunia pelayanen berbeda tetapi sumbernya satu yaitu Tuhan. Berarti tujuannya juga hanya satu yaitu memuliakan nama Tuhan (Gloria Dei), bukan untuk kemuliaan manusia atau pun kepentingan pribadi.
 
Pengkenaina
 
Tema si seh man banta e me “Ernanam Man Kerinana”. Perkuah ate Tuhan enggo nelamatken kita, la nari kita nggeluh i bas dosa. Biak-biak dosa arus sitadingken, cian ate, meganjang ukur, merasa diri paling hebat, mpekitik teman, geluh erkelompok-kelompok, turah perpercahen (perubaten) si la erkedungen.
Ula sisia-siaken pemere Kesah si pelain-lain si enggo ibereken Tuhan man banta, bagepe dahin si pelain-lain si man dahinken. Ipakeken, ikembangken, bahkan banci sibere dirinta guna jadi fasilitator man kalak si deban. Biak kiniganjangen ukur si erbahanca turah konflik erbahanca energinta keri hanya untuk menyelesaikan masalah si la erkedungen, piah dung dahin pelayanen terbengkalai. Bage pe ula nari belasken kata, “aku sekali nari”, “ula aku”, i ja sipekitik dirinta, tapi ubah, “aku nggit”, “ajari aku”, “bimbing aku”, rsd. Paling tidak enggo lit niat, kininggiten guna melayani.
 
Tim-tim si enggo lit (Singers, Tim Doa, Multi Media) imaksimalken kualitas pelayanenna alu mereken pelatihan. Ras terbuka man kalak si deban guna bengket ku bas tim enda ndai. Ula tertutup, alu pernyataan, “enda kami tim singers enggo solid, la perlu nari itambahi”, padahal lit denga anggotanta si banci terlibat rikutken talenta si lit i bas ia. Je nari, tambahi ka alu tim-tim si deban si menjadi kebutuhen bas Gerejanta, Tim PRT, Tim BGA, Tim Ekonomi Kreatif, Tim Musik rsd. Siarapken semakin meningkat jemaatta si aktif i bas pelayanen, subuk i bas Sektor, Kategorial bage pe bas kegiaten Runggun. Arus sitanamken pemahamen ras kesadaren i bas diri jemaat ula hanya jadi objek (penonton) tapi jadi subjek, pelaku, si ndahiken dahin pelayanen. Asum iaturken Gereja, kerina alu meriah ukur siap ndahiken dahin pelayanen e. Ngalo-ngalo perpulungen, ngutip kolekte, mpesikap bunga altar, jadi Panita-panitia Gerejawi, pengurus Gereja, dahi jemaat si sakit, rsd. La lit si sia-sia dahin si idahinken kita bas Tuhan, sekali pe hal si sederhana silakoken. Lit min igejapken perpulungen e nanamna kehadirenta.
 
Runggun Gereja ras Pengurus PJJ arus  meng-up date Data Perpulungen rikutken talentana. Bahan kelompokna, ban program, tim enda pe arus iperlengkapi alu erbage pembinaan gelah tuhu-tuhu maksimal ras si terbaik iberekenna pelayanenna man Tuhan. Ula sempat bahanta enda meriah ngenca i bas diskusi PJJ tapi la ipedarat i bas program si konkrit ras terukur i bas pelayanen i Gerejanta.