SUPLEMEN PA MAMRE GBKP TGL. 12 - 18 PEBRUARI 2023

Pdt. Larena Sinuhadji (Nd. ReyRapha Tarigan)

 

Ogen : Matius 25:14-30

Tema : TALENTA LIT I BAS KAM, PEBELINLAH!

Tujun : Gelah Mamre :

- Ngangkai uga usaha juak-juak makeken talenta si ibereken Dibata man bana

- Ngasup mpebelin ras makeken talenta si lit i bas ia guna ndatken kesejahteran geluh

 

Lit sekalak Eropa jaman si nai ngatakenca nina, “Orang Indonesia kalau dititipi uang pasti berkurang, kalau dititipi omongan pasti bertambah”. Intina kira-kira, i bas pengalamenna erdahin ras kalak Indonesia, rata-rata kalak Indonesia la banci ipercaya. Mungkin bage ka si terjadi i bas kegeluhenta si tep-tep wari, melala si ipercayaken kalak si deban man banta tapi la ngasup kita menjaga kepercayaan si ibereken man banta.

 

Ogenta sendah nuriken kerna kepercayaan si ibereken Dibata man banta alu perumpamaan. I bas Alkitab Bhs. Karo nina, “Perumpaman kerna telu kalak juak-juak”. I bas Alkitab Bhs. Ind. Terj. LAI nina, “Perumpamaan tentang talenta”. I bas judul enda akap kami lebih tepat terjemahen Bhs. Karo sebab memang fokusna labo ku talentana tapi ku telu juak-juak. Rikutken Alkitab TB LAI perikopta enda termasuk ku bas khotbah Yesus kerna pendungi jaman.

 

Talenta e me mata uang jaman si e si nilaina mbelin. Adi ikonversiken ku jaman gundari, si pemena rikutken erga pirak jaman gundari, 1 talenta seri ergana ras 34 Kg pirak. 1 gram pirak ergana sekitar Rp. 13 ribu. Berarti adi 34 Kg totalna Rp. 442 juta. Si peduaken rikutken upah pekerja jaman gundari, nina, di masa Yesus, upah pekerja per-hari adalah 1 dinar. 1 talenta sama dengan 6 ribu dinar. Adi 1 wari erdahin 1 dinar  irupiahken rikutken UMR e me Rp. 150 ribu berarti totalna Rp. 900 juta. Ertina Yesus makeken nilai mata uang si meganjangna paksa si e guna mereken nilai si paling berharga i bas perumpamaanNa. Kai si paling berharga e? Kari banci siorati.

 

Kerna turi-turin i bas ogenta sendah akap kami enggo kerina kita metehsa. Tapi Firman Tuhan selalu baru untuk direnungkan. Ibereken kami kesempaten guna ngoge ogenta sendah, asa bancina ngoge Pustaka dua bahasa gelah banci saling melengkapi. Kenca si e mari radu ras siorati.

 

Si pemena e me tokoh-tokoh utama si lit i bas perikopta. Sekalak tuan e me gambaren Tuhan Yesus. Juak-juakna, si telu kalak, e me gambaren kita kerina kalak si tek.

 

Si peduaken istilah “Kinirajan Surga”. Kinirajan Surga iumpamaken Yesus alu erta-erta (talenta) si nilaina mbelin ndai. Kinirajan Surga i jenda banci iertiken kerina pemere (anugerah) si mehuli si ipercayaken Tuhan Yesus man banta, khususna i bas erti tugas tanggung jawabta ngelakoken kerina si iajarken Yesus termasuk guna pembarken kabar keselamaten i japa pe kita ringan. Tapi amin bage gia, talenta e pe ndai banci iperseri ras erta kebayaken si ipercayaken Tuhan Yesus man banta.

 

Si peteluken, ay. 15 nina, “sekalak-sekalak iberekenna rikutken kengasupen juak-juak e”. Enda ertina, Dibata labo sembarangen i bas mempercayaken kerina pemere si mehuli ndai man kerina kalak si tek. Harus siinget maka 1 talenta saja nilaina enggo mbelin. Ertina la perlu kita merasa terintimidasi dengan pemere-pemere Dibata man kalak si deban. Kerinana ibereken Dibata sue ras kapasitas ras kengasupenta.

 

Si peempatken ay. 19 nina, “Kenca ndekah, mulih tuan ndai, idilona juak-juak guna erkira ras”. Enda mengacu pada kedatangan Tuhan Yesus untuk yang kedua kalinya, pendungi jaman, i ja la ise pe meteh ndigan waktuna. I bas waktuNa kari, enggo pasti ipindo Dibata pertanggungjawabenta i bas kita mengelola kerina pemere-pemere Dibata si mehuli ndai. E maka kita pe harus ersikap kata wari pe.

 

Si pelimaken kerna respon juak-juak i bas mempertanggungjawabken duit emas si enggo ipercayaken tuanna (ay. 16-25). Lit dua respon.

• Si pemena e me respon positif juak-juak si nomor 1 ras 2, ibahanna usahana janah idatna untungna. Sanga idilo tuanna, icidahkenna rasa hormat, takjub, alu ekspresi ngataken bujur man tuanna erkiteken enggo ibere tuanna kepercayaan, nina, “O tuan, 50 ribu mbaru enda iberekenndu man bangku, genduari enggo ku dat 50 ribu duit emas nari”. I bas Bhs. Ind., nina, “Tuan, 5 talenta tuan percayakan kepadaku; lihat, aku telah beroleh laba 5 talenta”. Bage ka si ilakoken juak-juak no. 2. 
• Respon si peduaken, juak-juak si no. 3, e me respon si negatif. Kenca enggo ialokenna 1 talenta (10 ribu duit emas) mis ibunikenna saja duit tuanna ndai. Mungkin ia merasa tuanna kurang adil sebab lalan duit si ialoken teman-temanna. Sanga idilo tuanna pe, mis ibenakenna alu tuduhan-tuduhan negatif nandangi tuanna si enggo mehuli man bana. Enda tipikal jelma si mencoba menutupi kesalahenna. Bagi rusur siidah jaman genduari enda, kalak si salah lebih merawa asangken kalak si benar, kalak si berhutang lebih ganas asangken si mereken pinjaman. I bas ay. 26 lebih jelas maka juak-juak si no. 3 enda memang jahat dingen perkisat, la lit rasa hormat, pengataken bujur, ras bertanggung jawab i bas kepercayaan si enggo ibereken tuanna. Selain si e, juak-juak no. 3 enda kurang kreatifna, makana nina tuanna i bas ay. 27, “Ma patut ndai iberekenndu duitku e man si mbungaken duit? Ma banci kenca aku mulih ku aloken ras bungana?” Mungkin lit jelma si njadiken ayat enda sebage pembenaren profesi rentenir entah pe si rusur mbungaken sen. Akap kami labo ku je si imaksudken Yesus. I jenda teridah maka si ipentingken tuanna e me proses asangken hasil. Yang penting berusaha terlebih dulu, soal hasil itu urusan belakangan.

 

Si peenemken e me respon tuan nandangi juak-juakna. Enggo jelas, juak-juak si merespon alu positif, si ncidahken rasa hormat, takjub, alu ekspresi ngataken bujur, janah bertanggung jawab i bas kepercayaan si enggo ibereken tuanna, si ipujiken. Labo terjeng je saja, tuanna mereken kepercayaan si lebih besar, janah ibereken tuanna kesempaten guna menikmati hasil jerih lelahna. Kebalikenna, man juak-juak si merawa-rawa ndai, ibereken tuanna ukumen isampetken ku bas ingan si gelap, kenca kerina si lit i bas ia keri ibuat tuanna.

 

Kai saja si banci jadi ulihta i bas PA sendah? Rikutken tema ras tujun, maka :

1. Asum Tuhan mereken kepercayaan man banta, subuk berupa karunia, kesehaten, gegeh, keluarga, suami, istri, anak, pekerjaan, pelayanan, kelolalah alu mehuli, tanggung jawabi, ikelengi. Adi kesehaten ndai, pakeken kesehatenta alu mehuli, ula sisia-siaken alu ndalanken hal la mehuli. Ula banding-bandingken kegeluhenta ras kalak si deban, ieteh Dibata kapasitasta. Jadi ula sempat timbul sifat iri, merasa terintimidasi sabab kitik pe siakap pemere Tuhan si lit bas kita asangken kalak si deban. Syukuri, kelola, kelengi, tutusi, penuh dengan rasa ucapan syukur man Tuhan.
2. Pedauh sifat si la mehuli, jahat, malas, tidak kreatif, ndaram-ndarami kesalahen, la bujur, menunda-nunda pekerjaan. Tapi milikilah sikap si segera mungkin (la menunda-nunda) kepercayaan si enggo ibereken Tuhan banta. Kelengi ras kelola alu mehuli, tetap erkemalangen man Tuhan. Adi tantangen mbue kel i bas kita banci mengembangken pemere si enggo ibereken Tuhan, subuk arah diri sendiri : jenuh, malas, iri hati, mau cepat sukses tanpa mau berjuang rsd, bage pe bas eksternal nari, subuk arah kade-kade (keluarga), kalak si isekelewetta si la mendukung, si menjatuhkan usahata entah pemere si enggo ibereken Tuhan ndai. Tapi tetap kita arus fokus guna ndalanken si mehuli, pindo gegeh bas Tuhan nari. Tuhan mau arah talenta, kesehaten, usaha, siiberekenNa banta, jadi berkat man banta bage pe membangun kalak sideban.
3. Sada paksa waktu Tuhan akan datang guna mengadakan perhitungen man banta, mindo pertangungjawabenta. Emaka arus kita ersikap katawari paksa pe, sabab kerehenNa la ise pe metehsa. Tuhan tidak menuntut soal hasil tapi dalam proses sindalanken kita tetap silakoken alu mehuli.