SUPLEMEN PA MAMRE GBKP TGL. 26 FEB. - 4 MAR. 2023

Pdt. Larena br. Sinuhadji (Nd. ReyRapha Tarigan)

 

Teks : 1 Raja-raja 5:1-10

Tema : KERJASAMA I BAS RUSAHA

Tujun : Gelah Mamre

- Ngidah uga Raja Salomo erbahan kerja sama si mehuli ras Raja Hiram i bas usahana mbangun Rumah Pertoton

- Nggit mbuka diri i bas bekerja sama (kemitraan) ras lembaga si deban guna kemajun usahana (Koperasi, BUMN, Perbankan, Kementerian, rsd.)

 
Penaruh
 
Ilmu sosial rusur ngatakenca maka manusia e me makhluk sosial, la ia ngasup nggeluh sisada, ia membutuhken manusia si deban guna nggeluh i doni enda. Selain makhluk sosial, ikataken ka maka manusia e me “homo economicus”, ertina, manusia selalu ingin memenuhi kebutuhannya secara rasional untuk mencapai kesejahteraan serta mempertahankan hidup. Sebagai homo economicus, manusia mempunyai kebutuhan dan juga keinginan. Di mana kebutuhan merupakan hal-hal yang diperlukan oleh manusia untuk hidup. Sementara itu, keinginan merupakan sesuatu yang sifatnya lebih luas dan juga tidak terbatas. I bas si e, sangatlah wajar apabila manusia harus bekerja dan berusaha.
 
Sementara i bas kinitekenta pe iajarken maka Dibata menciptakan manusia sebagai makhluk sosial si saling membutuhkan (bdk. Kej. 2:18). Janah Dibata pe nuruh kita guna bekerja entah pe erbahan usaha, sebagai bagian dari ibadah, selain tentuna guna memenuhi kebutuhen entah pe menjamin kelangsungen geluhta i doni. Ertina erbahan usaha entah pe erdahin labo bertentangen ras kinitekenta.
 
Salah sada hal si penting i bas kita nggeluh sebagai makhluk sosial bagepe homo economicus e me 267 (relasi). Engkai maka penting? Sebab caranta berelasi sangat menentukan i bas kita bersosialisasi bage pe membangun usahanta. Mari radu ras kita erlajar kerna pola relasi si mehuli i bas PA-ta sendah.
 
Mpebagesi Kata Dibata
 
Teksta sendah 1 Raj. 5:1-10 lit paralelna i bas 2 Kron. 2:1-18 banci saling melengkapi guna mpebagesi pengangkanta kerna Kata Dibata. Lit piga-piga hal si banci sipelajari arah ogenta sendah.
 
Si pemena, e me relasi si mehuli antara Daud, Salomo, ras Dibata. Daud memang labo kalak si sempurna, tapi banci ikataken, Daud memiliki relasi si mehuli ras Dibata. Emaka lit sura-sura Daud guna membangun Rumah Pertoton. Perencaan enggo ibahan Daud guna majekken Rumah Pertoton, amin pe la ia sempat guna membangunsa. Radu ras siteh maka anakna, Salomo si mewujudken kai si icita-citaken Daud guna membangun Rumah Pertoton. Enda banci terjadi erkiteken lit relasi si mehuli seh makana lit kesamaan visi antara bapa ras anak. I bas dampar si deban, erkiteken mehuli relasi duana ras Dibata, emaka ipasu-pasu Dibata rencana Daud ras Salomo seh Rumah Pertoton pajek i tengah-tengah bangsa Israel. Jadi i bas hal si pemena enda, relasi si mehuli ras Dibata bage pe antara bapa ras anak, menjadi kunci penting Daud banci bekerja sama ras Salomo i bas majekken Rumah Pertoton.
 
Si peduaken, Daud mewariskan relasi si mehuli ras Raja Hiram man Salomo. Kerja sama si terjalin antara Raja Salomo ras Raja Hiram tentuna labo terjadi bage-bage saja. Lit proses i ja Raja Daud menakenca alu erbahan relasi si mehuli ras Raja Hiram. Cara rukur Raja Daud enggo sangat jauh ke depan i bas ia berelasi ras Raja Hiram. Sebab itehna maka relasi si mehuli e banci iwarisken janah banci menjadi salah sada jaminen kepercayaan i bas relasi selanjutna ras kesusurenna. Hal enda terbukti arah ogenta sendah. Jadi i bas hal si peduaken enda, perlu radu ras siinget maka pola relasinta ras kalak si deban lit pengaruhna man kesusurenta, emaka banci siusih Daud i bas ia rukur jauh ke depan dalam menjalin relasi dengan orang lain.
 
Si peteluken, lit pola relasi si seimbang ras saling melengkapi antara Raja Salomo ras Raja Hiram. Secara sepintas kai si terjadi antara Raja Salomo ras Raja Hiram hanyalah bisnis biasa bagi umumna si terjadi, e me barter entah pe pertukaran barang ras jasa yang setimpal antara dua belah pihak. Tapi situhuna si terjadi e me pola relasi si seimbang ras saling melengkapi antara Raja Salomo ras Raja Hiram. Pola relasi si seimbang ras saling melengkapi enda lebih penting asangken pola relasi untung sama untung si biasa terjadi i bas relasi bisnis. Pola relasi si bagenda rupana labo hal si murah, sebab ibutuhken karakter saling terbuka, saling percaya, tulus ras jujur.
 
Pengkenaina
 
Rikutken tema ras tujun i bas PA-ta sendah, Mamre iajuk gelah ngusih Salomo, Hiram ras Daud i bas menjalin relasi si mehuli i bas membangun usaha (bisnis). Bage pe, secara kelembagaan, iajuk Mamre gelah membuka diri ras nggit menjalin relasi si mehuli ras lembaga-lembaga si deban guna kemajun usaha bersama. Ertina nggit terbuka ras nggit bekerja sama e me syarat mutlak i bas kita membangun usahanta. I bas si e hal si penting e me pola relasinta. Rikutken ogenta sendah, mari radu ras siusih kai si enggo ilakoken Daud, Salomo bage pe Hiram.
 
Si pemena e me palas i bas usahanta. Kai si jadi palas i bas kita rusaha, apakah gelah dat untung saja? Sebage kalak si enggo iselamatken Dibata i bas Yesus Kristus, palas usahanta labo terjeng gelah dat untung entah pe guna memenuhi kesejahteraan geluhta saja, lebih asa si e, palas i bas kita rusaha e me Dibata i bas Yesus Kristus. Rikutken ajaren Calvin, geluhta e me “theatron gloria Dei” (panggung kemuliaan Dibata). Ertina geluhta termasuk usahanta, e me anugerah Dibata guna ncidahken kemulian Dibata i bas doni enda. Emaka i bas si e harus kita menjalin relasi si mehuli ras Dibata. Relasi si mehuli ras Dibata enda secara konkrit misalna, lalap ngataken bujur man Dibata i bas kesempaten si iberekenNa i bas usahanta. Tetap ngataken bujur man Dibata i bas kondisi entah pe situasi si ugapa pe i bas usahanta. Ertoto erpengendes guna keberhasilen usahanta setiap saat. Tutus i bas ndalanken usahanta. Ngelakoken kai si jadi peraten Dibata i bas usahanta. Rsd.
 
Si peduaken, relasi si mehuli ras Dibata ndai seharusna berdampak siginifikan i bas relasinta ras pihak-pihak si terkait i bas usahanta. Menjalin relasi yang baik dengan rekan bisnis, e me sue ras peraten Dibata. Lit kepedulianta nandangi rekan bisnis entah pe ras kerina pihak si berkaiten ras usahanta, e pe sue ras peraten Dibata. Rikutken ogenta sendah, iajuk kita gelah membangun relasi si seimbang ras saling melengkapi. I bas si e si ibutuhken e me karakter saling terbuka, saling percaya, tulus ras jujur. Sebab i bas dunia bisnis, enggo biasa saling menipu entah pe saling memanipulasi guna dat untung sebesar-besarnya.
 
Si peteluken, marilah siwarisken pola-pola relasi si mehuli sue ras peraten Dibata i bas usahanta. Ertina i bas kita menjalin relasi i bas bisnista harus siinget maka relasinta sendah sangat berdampak ku bas relasi kesusurenta selanjutna. Pola relasinta i bas kita bekerja sama membangun usahanta jadi usihen man sekelewetta khususna man anak-anakta. Dibata si masu-masu usaha entah pe bisnis si genduari sanga itekuni.