SUPLEMEN PA MORIA GBKP TGL. 19 - 25 PEBRUARI 2023

PA HDS Ke - 2

Pdt. Larena Sinuhadji (Nd. ReyRapha Tarigan)

 

Ogen : 2 Raja-raja 20 : 1 - 11

Tema : ENGGO KU BEGI PERTOTONNDU

Tujun : Gelah Moria

- Meteh maka Dibata megiken pertoton Raja Hiskia

- Nggit ncidahken kinitekenna i bas kerina dampar kegeluhen

 
Kata Penaruh
 
Kerina kita manusia pernah sakit. Deba sakit biasa, flu, demam, sakit kepala, rsd. Tapi lit ka deba, sakit si mekelek si ialami, sakit jantung si arus operasi bypass, gagal ginjal si arus dua minggu sekali cuci darah, sakit kanker, ras melala sakit mekelek si deban si ialami. Banci jadi enggo sijaga kesehatenta, kita termasuk jelma si pembersih, menjaga pola makan sehat, menjaga pola hidup, tetap rukur positif, tapi reh ka pinakit e. Kai sikapta adi enggo reh pinakit labo banci terelaken? Si penting, sihadapi, sitambari, ertoto ka kita man Tuhan gelah ngasup kita ngalakenca. I bas PA-ta sekali enda, terbagesen erlajar kita arah Raja Hiskia tupung ia ngalaken sakit-pinakit ras kai nari si arus silakoken asum pinakit e reh man banta, entah man keluarga (teman perpulungenta).
 
Mpebagesi Kata Dibata
 
Judul perikopta “Raja Hiskia sakit, janah malem ka” (bhs. Ind. nina, “Hiskia sakit dan disembuhkan”). Ise kin Hiskia? Rikutken penjelasen 2 Raja-raja 18:1- rst., maka Raja Hiskia e me anak Ahas si menjadi raja i Juda. Tupung ia menjadi raja umurna 25 tahun ras dekahna ia erkuasa 29 tahun. Raja Hiskia ngelakoken si ngena ate Tuhan, bali ras ninina (leluhurna) Raja Daud. Ikernepkenna ingan ersembah kalak perbegu, iripukkenna tugu-tuguna. Bahkan i bas ay. 5 - 6 ikataken maka Hiskia ernalem man Tuhan, Dibata bangsa Israel. La enggo pernah lit Raja Juda bali ras Hiskia subuk ope denga paksa e, entah pe kenca si e. Ia patuh man Tuhan, alu metenget iikutkenna kerina undang-undang si enggo ibereken Tuhan man Musa. Jadi jelas, Hiskia e me Raja Juda si geluhna tetap ndalanken si ngena ate Tuhan.
 
Teks ngatakenca, Raja Hiskia ikenai sakit mekelek, menam mate (jatuh sakit dan hampir mati). Tupung ia sakit umurna 38 tahun denga, banci ikataken nguda denga kel ia ras melala denga si banci ilakokenna selaku ia raja, bahkan paksa si e Assur ersura-sura menyerang Juda. Reh nabi Jesaya anak Amos ngataken berita i bas Tuhan nari, maka gelah ipeseh Hiskia-lah pedah si perpudina man kerina isi jabuna, sabab la nari banci malem pinakitna. Ersikaplah kam guna kematenndu, nina Jesaya. Sungguh berita si la iarapken. Uga perasaanta asum dokter ngatakenca banta, “Ibu lebih baik pulang saja ke rumah, secara medis sudah tidak dapat ditolong, makan yang enak-enak saja, dan tetap berbahagia bersama keluarga”. Enggo pasti perkatan dokter ndai bagaikan petir di siang bolong, si erbahanca sengget kita. Tergoncang jiwanta, mbiar, aru ate, bahkan keluarga pe ikut ka tergoncang jiwana. Emaka siidah, berita si ipeseh Jesaya erbahanca megogo ate raja Hiskia ras ngandung. Ay. 2, “ikusur Hiskia ayona ku dingding, jenari ertoto ia, “ingetlah Tuhan, alu tutus ras erkemalangen enggo ku layani Kam, janah tetap ku usahaken ndalanken kai ateNdu ngena” (bhs. Ind., nina, “Ah Tuhan, ingatlah kiranya, bahwa aku telah hidup di hadapanMu dengan setia dan dengan tulus hati dan bahwa aku telah melakukan apa yang baik di mataMu. Kemudian menangislah Hiskia dengan sangat”).
 
Arah pertotonna, ipindoken Raja Hiskia, perkuah ate Tuhan, pertimbangen Tuhan, sabab sedekah enda ndalanken tetap si ngena ate Tuhan. Labo lit kata-kata “bereken kesembuhen, cidahken mujizatNdu”. Puji Tuhan, pertoton Raja Hiskia ibegiken Tuhan. Kenca lawes Jesaya nadingken raja, ope denga ibentasina kesain istana si i tengah isuruh Tuhan ia mulihken ndahi Hiskia, lako ngataken perkataan Tuhan “Aku Tuhan, Dibata nini-nindu Daud enggo mbegi pertotonndu janah ngidah iluhndu mambur. Ku pepalem kam, janah kedun ku rumah pertoton kam. Kutambahi umurndu sepuluh lima tahun. Labo terjeng je saja, Tuhan pe mulahi Raja Hiskia ras kuta Jerusalem i bas Raja Assur nari, guna kehamatenKu ras erkiteken perpadanen si kubahan ras suruh-suruhenKu Daud”.
 
Jelas jawaben Tuhan, labo hanya pepalem pinakit Hiskia, tapi pe pegedangken umurna 15 tahun ras mereken kemenangen naluken serangan Assur. Arah kai si ikataken Tuhan melalui nabi Jesaya, maka selain perkuah ate Tuhan, lit i je peran leluhurna raja Daud ndube si tetap nggeluh erkemalangen man Tuhan. Kesetian Daud man Tuhan sangat mempengaruhi kasih karunia Tuhan yang dinyatakannya melalui hidup Hiskia yang juga takut akan Tuhan. Poin penting i jenda, la kepeken sia-sia kita nggeluh erkemalangen man Tuhan, sangat mempengaruhi geluh sinusurta, guna ngaloken perkuah ate Tuhan.
 
Isuruh Jesaya gelah idampelken buah ara si medakdak ku bareh raja, gelah malem iakapna. Ras Hiskia mindo tanda man Tuhan, mbuktiken maka kai si ikataken Tuhan e payo ras kedun enggo banci ia ku Rumah Pertoton Tuhan. Ibereken Tuhan tandana awih-awih erdalan surut sepuluh jingkang i bas tangga si ibahan Raja Ahas.
 
Pengkenaina
 
Tema, “Enggo Kubegi pertotonndu”. Tema enda, mabai kita guna tetap setia ernalem man Tuhan secara khusus arah pertoton i bas kita ngalaken perbeben khususna sakit-pinakit. Doa adalah kekuatan i bas ndalani geluh enda. Johanes 15:5c, “Sabab adi la kin ras Aku labo kam ngasup erbahan kai pe”. Terlebih adi pinakit si ialami kita mekelek ras secara medis la nari banci itambari. Kubler Ross  i bas bukuna “On Death and Dying”, lit 5 kemungkinan tahap perasaan menjelang ajal.

1. Penyangkalan. Saat kita menolak datangnya maut.
2. Marah, tidak terima, terlebih kalau selama ini kita merasa melakukan berbagai macam kebaikan.
3. Tawar-menawar. Saat kita berjanji berperilaku lebih baik kalau Tuhan panjangkan umur.
4. Depresi karena ternyata kematian makin mendekat.
5. Rasa damai saat kita menerima kenyataan dan berserah sepenuhnya kepada Tuhan.

 
Setiap jelma pasti berbeda tahapan perasaan si ialamina, tapi iarapken seh ku tahap si terakhirlah kita, berdamai dan menerima kenyataan dan sungguh-sungguh berserah kepada Tuhan, karena hidup mati kita di tangan Tuhan. Seh tahap ku je, pengendesen geluhta, bagi si terjadi ka bas Paulus, enggo telu kali ia ertoto, lit duri bas daging e me persuruhen Iblis guna ngeligas ia gelah ola meganjang ukurna. Tapi tetap pinakit e lit bas diri Paulus. Ras Tuhan mereken pergegeh, “Cukup kap lias ateKu man bandu, sabab gegehku serta kap i bas gegeh si kurang”. Jenari irespson Paulus, “Erkiteken si e meriah kal ukurku meganjang ngerana kerna gegehku si kurang gelah gegeh Kristus mengketi aku”. Berbeda ras kasus Raja Hiskia, tuhu-tuhu ia erpengendes man Tuhan, ceda atena, ngandung ia ras ibegiken Tuhan pertotonna, malem bage pe ipegedangken Tuhan umurna 15 tahun. Maun la bage si terjadi, enggo melala usaha silakoken, la erngadi-ngadi ertoto man Tuhan, la ka malem pinakit e, bahkan la nari banci tertambari. kai si arus silakoken?
 
Enggo pasti, kalak si kena (didiagnosa) sakit si meklek tergoncang jiwanya. Bahkan keluarga pe ikut tergoncang, takut, sedih, bingung, berharap, rsd. Setiap orang ingin sehat dan sembuh dari penyakit. Oleh karena itu, berjuang untuk sembuh, ertambar, ertoto man Tuhan. Tapi kita mengakui tidak setiap penyakit dapat sembuh. Kita berjuang untuk hidup sambil mengakui tidak selamanya kita bisa hidup. Berjuang untuk hidup adalah perjuangan iman, tapi merelakan, berdamai dengan penyakit, siap kai pe si terjadi, e pe perjuangan iman. Emaka i bas si e, tetap pengendesen geluhta man Tuhan saja.
 
Senina Turangta, si idiagnosa penyakit si mekelek, banci jadi terus cuci darah, operasi piga-piga kali, kemoterapi, radiasi, rsd., arus terus-menerus idampingi Gereja. Arah kehadiren Tim Doa (Tim Perkunjungan) subuk online entah pe tatap muka, sangat berarti guna menguatkan. Kadang komunikasi non-verbal (sentuhan, belaian, senyuman) lebih berharga dari seribu kata-kata. Termasuk kita mendampingi keluarga si sekarat pe, gelah ia megegeh ras ikhlas arah kai pe si bakal terjadi. Tim ini secara bergantian akan menemani pasien ras keluarga. Seh makana pasien banci berdamai ras pinakit ras ngasup ia ngatakenca bagi si ikataken Simeon i bas Lukas 2:29-30, “Genduari o Tuhan, enggo isehkenNdu padanNdu. Malem ateku aminna mate pe aku. Sabab enggo kuidah alu matangku jine, penampat si rehna i bas Kam nari”.
 
Bage me Moria arah bahan HDS enda ibabai kita gelah tetap ncidahken kinitekenta man Tuhan i bas kerina dampar kegeluhenta. Inget keluarga ras teman-temanta si sangana sakit ras sibaba bas pertoton pribadi bage pe perpulungen.