PA Kategorial GBKP Tgl. 31 Juli - 6 Agustus 2016

PA MAMRE GBKP TGL. 31 JULI - 6 AGUSTUS 2016

Pdt. Larena br. Sinuhadji (Nd. Rey Tarigan)

Ogen : Kuan-kuanen 22:6

Tema : NGAJARKEN ANAK E ME KEARUSEN NGGELUH

Tujun : Gelah Mamre Ngasup :

1) Mereken bentuk-bentuk sikap si nuduhken pengajaren kearusen nggeluh rikutken ayat-ayat si enggo isikapken

2) Njelasken cara mendidik secara Kristen berdasarken studi kasus

3) Nulisken bentuk-bentuk pendidiken efektif nandangi anak guna ibereken man Moria

Penjelasen Bahan Ogen

Adi sioge Kitab Kuan-kuanen bindu 1:2-7, teridah tujun kitab enda, e me : 1) Nampati kalak gelah pentar, ngaloken pengajaren si mehuli, ngantusi ranan si mbages ertina. 2) Ngajarken kalak gelah nggeluh pentar, bujur, adil dingen benar. 3) Ngajarken kalak si lenga erpengalamen gelah cerdik, kalak si nguda gelah pantas dingen pentar. 4) Nambahi pemeteh kalak pentar gelah mbages isipatina erti si terbuni i bas pengajaren-pengajaren enda ras ietehna njabap persoalen-persoalen si ibereken kalak pentar. Tujun enda itutup alu ay. 7 nina, “Guna ndatken pemeteh, si pemenana si la banci la lit i bas kalak e me mehamat dingen erkemalangen man TUHAN”. Jadi banci ikataken isi kitab enda e me pengajaren-pengajaren, pedah-pedah, pedoman man kerina kalangan usia gelah nggeluh mehamat dingen erkemalangen man TUHAN ulu kerina pemeteh ras kepentaren.

Bahan ogenta sendah banci ikataken termasuk i bas tujun si pe-3-ken i datas, e me ngajarken kalak si lenga erpengalamen entah pe kalak si nguda gelah cerdik, pantas dingen pentar. Secara khusus ogenta sendah e me pengajaren man orang tua kerna mendidik entah pe ngajari kalak si nguda denga (anak-anak), nina “Ajarkenlah man anak uga kearusen nggeluh, maka ikutkenna asa umurna nggeluh”. I bas Alkitab Terjemahan Baru (TB-LAI) nina, “Didiklah orang muda menurut jalan yang patut baginya, maka pada masa tuanya pun ia tidak akan menyimpang dari pada jalan itu”. I bas Alkitab Bahasa Indonesia Sehari-hari (BIS) nina, “Ajarlah seorang anak cara hidup yang patut baginya, maka sampai masa tuanya ia akan hidup demikian”. I bas Alkitab BIS ras Pustaka si Badia nina “ajarlah” ras “ajarkenlah”, i bas Alkitab TB-LAI nina “didiklah”, janah adi sioge i bas Alkitab King James Version nina “train up a child”. Perbedaan terjemahen enda banci saling melengkapi bahwasana pengajaren man anak entah pe kalak si nguda denga labo saja mengandung unsur mendidik alu kata-kata tapi pe melatih alu tindaken-tindaken nyata, entah i bas bahasa si deban, labo terjeng teori ngenca tapi pe arus lit teladan ngelakoken hal-hal si mehuli sue ras Kata Dibata.

Kata-kata “uga kearusen nggeluh” si i bas bahasa Indonesia iterjemahken “menurut jalan (cara hidup) yang patut baginya” banci iertiken sebage ngajari anak sue ras tahapen-tahapen usiana, banci ka iertiken sebage pengajaren kerna kai pe si benar sue ras Kata Dibata. Duana erti enda penting siperdiateken, sebab lit tahapen-tahapen perkembangen i bas anak baik secara fisik, psikologis, moral ras spiritual. Pengajaren man anak usia balita tentu saja la banci ipeseri ras anak usia remaja. Bage pe pengajaren kerna kai pe si benar sue ras Kata Dibata seh kel pentingna man anak-anak. Si pentingna kel i bas metode pengajaren man anak arus lit keseimbangen antara teori ras teladan sebab lit peribahasa nina, “Satu tindakan lebih berarti daripada seribu kata-kata”.

Pengkenaina

Si pemena lebe si jadi penekanen i bas bahan ogenta sendah, pendidiken entah pe pengajaren man anak-anakta merupaken tanggung jawab orang tua duana, labo saja tanggung jawab Moria, tapi pe tanggung jawab Mamre (bdk. Ef. 6:4, rsd.). Hal enda penting sebab melala denga Mamre si memahami bahwasana Moria entah pe pernanden si ertanggung jawab guna mendidik anak.

Si peduaken, keluarga inti (Bapa ras Nande) e me ingan si utamana kel i bas pendidiken entah pe pengajaren man anak-anak. Hal enda penting sebab melala denga orang tua si ngelimpahken tanggung jawab mendidik anak man sekolah entah pe gereja. Padahal adi sihitung situhuna lalan waktu anak-anakta i luar sekolah ras gereja.

Si peteluken, proses i bas nehken pengajaren man anak-anakta perlu je lit keseimbangen antara kebutuhen kognitif, emosional, ras spiritual. Kebutuhen kognitif labo saja idatken anak-anakta i bas sekolah nari, tapi pe arah erbage-bage pengalamen nggeluh si mehuli si lit i bas orang tua, umpamana, pemeteh ras keterampilen si sederhana bagi napui rumah, nuci baju, nuci alat-alat nakan, erdakan, rsd.-na pemeteh ras keterampilen si la iajarken i bas lembaga-lembaga pendidiken formal. Kebutuhen emosional e me perhatian, kasih sayang, rasa percaya diri, rasa aman, rasa nyaman, rsd.na, si e kerina arus isehken orang tua man anak-anakna. Kebutuhen spiritual, e me orang tua enggo ngajarken kerna erkiniteken man Dibata kitik-kitik nari man anak-anakna, umpamana, orang tua enggo mabai anak-anakna kitik-kitik nari ku Gereja, ngajarken ertoto, ngoge Pustaka si Badia, rsd.

Si peempatken orang tua arus mereken teladan si mehuli baik i bas cara rukur, pengerana, bage pe tingkah lakuna i lebe-lebe anak-anakna. Teladan si mehuli pe banci icidahken kita man anak-anakta i bas problem solving, entah pe caranta ndungi sada-sada persoalen alu positif ras membangun. Caranta bangkit i bas keterpuruken nari pe banci jadi teladan man anak-anakta, gelah anak-anakta terbentuk karakterna jadi manusia si tangguh i bas ngadapi persoalen nggeluh, rsd.

Em kerina point-point pokok i bas parenting. Parenting e me pola asuh orang tua nandangi anak-anakna benaken kitik-kitik nari seh anak-anak e banci mandiri ras jadi orang tua bagi kita. Pola asuh e bersifat holistik mencakup kerina kebutuhen anak. I bas PA-nta sendah iajuk kita guna peduli nandangi masa depan anak-anakta, labo saja gelah anak-anakta sukses i bas hal-hal si sifatna material, tapi pe sukses seutuhna i bas kerina dampar kegeluhenna.

PA MORIA GBKP TGL. 31 JULI - 6 AGUSTUS 2016

Pdt. Larena br. Sinuhadji

Si Man Ogen : Pilipi 3:1-11

Tema : MPELIMBARUI CARA RUKUR

Tujun : Gelah Moria :

1) Nuriken kite-kite Rasul Paulus nadingken perukuren sindekah

2) Naksiken cara rukurna si enggo ipelimbarui

Metode PA : Nggargari cara rukur si arus ipelimbarui

Penjelasen Bahan Ogen & Pengkenaina

Surat Pilipi isehken rasul Paulus i bas penjara nari, tapi ngasup Paulus meriah ukur bahkan ngasup jadi pasu-pasu man kalak si deban khususna perpulungen Pilipi. Kuncina persadan ras Krisus Yesus (ay. 1). Ilumbaken rasul Paulus, metenget nandangi kalak si ndalanken perbahanen-perbahanen si jahat, si tetap mempertahanken undang-undang sunat, entah pe ernalem man undang-undang (ay. 3). Iperembakenna dirina man Dibata arah ndalanken undang-undang (kesalehan).

Rasul Paulus pe nai ernalem man undang-undang bahkan banci kataken sangat fanatik lebihen asangken piga-piga kalak i Pilipi : 1) Isunatken umur 8 wari (sue ketentuan Hukum Taurat: Kel. 17:9-14; Im. 12:3). 2) Kalak Israel (bangsa pilihan, karena ada orang Yahudi di-Yahudikan - proselit). 3) Suku Benyamin (suku yang terpandang, Hak. 2 5 :14), raja Israel pertama , Saul dari suku Benyamin. Suku Benyamin setia, kalaupun kerajaan Daud runtuh dan terbagi 2 (1 Raj. 12:21). Suku Benyamin memiliki hak-hak istimewa yang unik, kota suci Yerusalem dan Bait Allah ada di dalam wilayahnya (Hak. 1:21). 4) Kalak Heber asli (kalak Israel/Yahudi si memelihara bahasa ras cara nggeluh kalak Jahudi, orang kelas atas dari bangsanya sendiri). 5) Kalak Parisi, menganut ajaran yang sangat keras dan teliti dalam menerapkan ajaran-ajaran Yahudi. Erkiteken tutusna maka igasgasina kalak Kristen (jihad, dari sudut pandang orang Yahudi merupakan kebaikan).

Tapi si e kerina enggo itadingken Paulus erkiteken Kristus. Nai si ianggapna untung, geduari kinirugin erkiteken penandaina kerna Kristus. Si meherga gundari iakap Paulus e me penandai kerna Yesus Kristus (kenal bukan kognitif, tahu, mengetahui saja, tapi bergaul dekat, rembak). Enggo iambekkenna kerinana, la nari ipeliharana, entah pe Paulus dengan sengaja dan sadar membuang segala sesuatu yang pernah dianggapnya sebagai keuntungan, janah ipedirepna si e kerina sampah. Aku melepaskan semuanya itu dan menganggapnya sampah, supaya aku memperoleh Kristus. Jadi ula nari sipelihara biak, karakter, entah pe hal-hal si la mehuli bagi umpamana : sombong, percian, perampus, sepele man kalak, meduit (bungaken sen, pelit), egois, rsd. Ula setengah-setengah nadingken kerina si la mehuli e gelah banci sidat Kristus dingen tuhu-tuhu ersada ras IA.

Tuhu-tuhu i je perkuah ate Tuhan si erdahin. Lanai bo iusahken rasul Paulus mperembakenna diri man Dibata arah ndalanken undang-undang, tapi Dibata jine si enggo ngerembaken dirina man Paulus erpalasken kiniteken Paulus. Sada ngenca sura-sura Paulus e me gelah itandaina Kristus dingen igejapkenna kuasa kekekenNa janah ikut ngenanami kiniseranNa dingen bali ras IA i bas kematenNa.

Tema, tujun, ras metode PA-nta sendah ngajuk kita Moria gelah tuhu-tuhu nggeluh i bas Kristus. Nggeluh i bas Kristus e ertina arus lit perobahen i bas kegeluhenta menjadi seperti Kristus, baik i bas perukurenta, mentalitasta, sifat, karakter, pengerananta, bage pe tingkah lakunta. Hal penting si pemena si perlu siperdiateken e me, perobahen enda labo hal si instan, perlu proses si arus idalani, bahkan mungkin proses enda terjadi sepanjang umur geluhta. Ertina arus nggit kita erproses, ditempa, dimurnikan menjadi lebih baik lagi dari hari ke hari melalui erbage-bage hal si terjadi i bas kegeluhenta. Nggit kita erlajar menjadi lebih baik. Si peduaken, perobahen ibenaken i bas caranta rukur, sebab kai si iukurken kita mempengaruhi dampar kegeluhenta. Adi cara rukurta negatif, tentu saja kerinana banci jadi negatif, tapi adi cara rukurta positif, maka kerinana banci jadi positif ras membangun. Adi cara rukurta bagi Kristus, e maka geluhta pe terkondisi nggeluh bagi si nisuraken Kristus. E maka penting i jenda memilih pergaulan si sehat ras positif, gelah banci ibabaina kita rukur ku arah si positif ras membangun. Si peteluken, arus lit i bas kita disiplin i bas kita erkiniteken, bagi ertoto, ngoge Pustaka si Badia, berlatih nggeluh bagi Kristus secara teratur, rsd. Si peempatken, mindo kita arah pertotonta gelah kuasa Kesah si Badia mpegegehi ras mpengasup kita berobah ras bertumbuh bagi si nisuraken Kristus.