PJJ GBKP Tgl. 3 - 9 Juni 2016

PJJ GBKP TGL. 3 - 9 JULI 2016

Pdt. Larena br. Sinuhadji (Nd. Reynard Tarigan)

Tema : RUTANG SI MEGEGEH NAMPATI SI LA MEGEGEH (2 Korinti 8:13-15)

Penjelasen Bahan Ogen & Perenungen

Bahan ogenta sendah merupaken pengajuk rasul Paulus man perpulungen Korinti guna mendukung pelayanen kalak si tek i Yerusalem alu penggalangen dana. Situhuna penggalangen dana enda enggo erdalan sada tahun i tengah-tengah perpulungen Korinti, tapi mungkin erkiteken melala kendala si nihadapi seh makana penggalangen dana enda lenga dung ilaksanaken. E maka arah suratna enda rasul Paulus mulihi mpersingeti perpulungen Korinti gelah ndungi penggalangen dana enda guna nampati perpulungen i Yerusalem.

Palas i bas nampati enda e me i bas ay. 9, “Ietehndu uga liasna Tuhanta Yesus Kristus: maka aminna bayak gia IA, tapi guna kiniulinndu, ipemusilNa baNa, gelah arah kemusilenNa e jadi bayak kam”. Ertina, i bas perpulungen Korinti nampati e palasna erkiteken Dibata enggo leben ngkelengi perpulungen, e maka situhuna merupaken hal si wajar adi lit wujud konkrit ngkelengi sada ras si debanna i bas sada kula ni Kristus.

Palas si peduaken e me prinsip keseimbangan. Prinsip keseimbangan enda rusur isingetken rasul Paulus i bas perpulungen Korinti, umpamana alu gambaren melala ring-ring i bas sada kula (1 Kor. 12:26), sama rasa, rutang si megegeh nampati si la megegeh. E maka i bas prinsip keseimbangen enda, penampat man si membutuhken labo merupaken beban, ay. 13-14 i bas Alkitab Bahasa Indonesia Sehari-hari (BIS), nina, “Saya sama sekali tidak bermaksud untuk membebaskan orang lain dari tanggung jawab, dan memberatkan kalian. Tetapi karena kalian sekarang ini dalam keadaan serba cukup, maka sudah sepatutnyalah kalian mencukupi kekurangan mereka. Nanti kalau kalian berkekurangan, dan mereka dalam keadaan serba cukup, maka mereka akan membantu kalian. Dengan demikian kedua-duanya sama-sama dilayani”. Ay. 15 merupaken kutipen i bas Kel. 16:17-18 si semakin menegasken prinsip keseimbangen enda.

Ngataken bujur kita man Dibata erkiteken Gerejanta enggo nerapken prinsip keseimbangen enda arah persembahen-persembahen si enggo isehken kita man Dibata arah Gerejanta. Kerinana enggo iaturken alu prinsip rutang si megegeh nampati si la megegeh. Bage pe arah ilitkenna CUM sebage media si banci imanfaatken kita guna nampati kalak si deban si membutuhken. Arah PJJ-nta sendah iajuk kita gelah semakin meningkatken kualitas ras kuantitas penampatta man kalak si membutuhken penampatta alu ukur ersuruh guna mere erpalasken kai si lit bas kita (ay. 12, i bas Alkitab BIS nina, “Kalau kalian rela memberi, maka Allah akan menerima pemberianmu itu berdasarkan apa yang ada padamu”).