SUPLEMEN PA MORIA GBKP TGL. 29 MARET - 4 APRIL 2026

Pdt. Larena Sinuhadji (Nd. ReyRapha Tarigan)

 

HUT Saitun: Bahagia Di Masa Tua

 

Si Man Ogen : Masmur 92:1-16

Tema : MERITAKEN KELENG ATE TUHAN

Tujun : Gelah Moria:

- Ngasup ngidah keleng ate Dibata

- Ngaturken waktu ndahi entah nelepon Saitun

 

Penaruh

 

I bas setiap musim kehidupan, senang - susah, meriah ukur - ceda ate, sehat - sakit, nguda - tua, iarapken maka kita sebage kalak si erkiniteken man Tuhan ngasup bersaksi meritaken keleng ate Dibata. Ras enda labo hal murah, sebab mekatep i bas paksa senang, sehat, bagi ukurta si jadi e pe lupa kita ngataken bujur man Tuhan dingen naksiken maka kerina si ialoken kita termasuk erbage-bage pencapaianta rehna i bas Tuhan ras guna kemulian man Tuhan. Apai ka i bas paksa si la bagi ukurta?

 

Emaka arah bahan PA-nta sekali enda Pemasmur nampati kita gelah ngasup kita meritaken keleng ate Dibata i bas kerina dampar geluhta.

 

Mpebagesi Pengangkan Kerna Ogen

 

Ibenai alu kata “Nde-nden tupung wari Sabat” (Mazmur. Nyanyian untuk hari Sabat). Ertina, Masmur enda lahir labo arah kesibuken, tapi arah ketenengen, ngadi i bas erbage kesibukenta. Sebab Sabat, biasana i je kita ngadi i bas kerina dahinta. Ertina, Sabat labo sekedar ngadi erdahin tapi ngadi kita guna banci siinget Tuhan ras ise kin kita enda.

 

Ay. 1-5, kinitekenta bertumbuh ibenaken arah kesadaren guna tetap ngataken bujur man Tuhan. Iman dimulai dari kesadaran untuk bersyukur. Sikap si luar biasa si icidahken Pemasmur, maka man bana meriah kel ukurna ngataken bujur man Tuhan. Jadi labo erkiteken isuruh (ijemba) tapi kesadaren sendiri. “O Tuhan, seh riahna ngataken bujur man baNdu” (terj. Ind., “Adalah baik untuk bersyukur kepada Tuhan”). Ertina, i jenda bersyukur labo reaksi otomatis tapi pilihan spiritual. Bahkan iaturkenna ritmena. Pagi-pagi: meritaken keleng ate Tuhan. Berngi: pertetapNdu (kesetian Tuhan). Si jadi evaluasi man banta, ndigan terakhir kita ngataken bujur man Tuhan, labo erkiteken situasinta baik tapi erkiteken Tuhan itu baik?

 

Ay. 6-9, kontras: kalak bujur ras kalak jahat. Si pemena lebe, si banci siidah, maka labo kerina kalak banci ngidah perbahanen Tuhan (karya Tuhan). “O Tuhan seh kel belinna perbahanenNdu, andiko bagesna perukurenNdu. Tapi kalak bodoh la ngantusisa. Kalak Longor la ngasup ngerti. Ertina, i jenda labo pengetahuan intelektual tapi soal kepekaan rohani. Kalak jahat (fasik) idahna mehumur desken dukut, reh bayakna dingen sikap geluhna. Tapi kedungenna nandangi meripuk me kerina. Kalak fasik, terlihat berhasil tapi tidak berakar. Melala kalak, sukses cepat, tapi kosong secara batin. Refleksi: tanpa relasi ras Tuhan, nggeluh rembak ras Tuhan, geluhta banci saja teridah berkembang (sukses) tapi situhuna labo banci bertahan, sementara ngenca.

 

Ay. 10-12, akhir geluh kalak jahat ras kalak bujur. Kedungen kalak jahat marpar merap. Tapi kalak bujur ibahan Tuhan megegeh desken banteng ras ipasu-pasu Tuhan alu simpar keriahen. Simbol: gegeh, kehamaten ras ipulihken Tuhan kegeluhenta.

 

Ay. 13-16, kalak bujur rurat ras erbuah. Kalak bujur ertunas desken atang kurma, dingen mehumur perturahna bagi batang cemara Libanon. Lit dua gambaren si ipake Pemasmur nandangi kalak bujur. Ertunas desken batang kurma ras mehumur bagi batang cemara (pohon aras) Libanon. Batang kurma merupaken simbol ketahanan hidup. Ciri-cirina: 1) Turah i padang gurun. 2) Akarna dalam ndarami lau. 3) Tetap erbuah aminna lingkungenna keras. Ertina, kalak si bujur, geluhna la tergantung ku bas situasi si ideal. Tetap survive, aminna i bas kondisi si la bagi ukur. Ras tetap erbuah i bas musim perlego. Ertina, beriman man Tuhan, e me kengasupen tetap bertahan, megegeh bahkan geluhna jadi berkat sekali pe mbue perbeben si ialamina bas geluhna. Sebage contoh, geluhna pe pas-pasan tapi tetap setia i bas nehken perpuluhen, erkiteken la mampu secara finansial, la ngasup ia nampati perdalanen kebutuhen Gereja, tapi setiap perkunjungen Diakonia, kehadiren ras tenagana tetap ipersembahkenna guna Tuhan. Evaluasi man banta: 1) Apakah tetap kita ertunas i bas situasi si la bagi ukurta? 2) Apakah hidup kita sedang berakar ntah hanya ‘turah i bas permukaan saja? 3) Buah kai nge si lenga banci siicidahken bas geluhta i bas paksa enda?

 

Sekali nari, Masmur 92 nuduhken man banta, maka geluh si ipasu-pasu Tuhan labo nggeluh si pedas sukses (berhasil) tapi geluh si: 1) Berakar i bas Tuhan. 2) Nggeluh i bas ritme ras Tuhan. 3) Tetap erbuah amin sekali i bas paksa si la bagi ukur.

 

Versi Audio silahkan klik : https://youtu.be/vZtTMT9K4AE

Pengkenaina

 

Lit dua tujun i bas PA-nta sekali enda: 1) Ngasup ngidah keleng ate Tuhan. 2) Ngaturken waktu guna ndahi entah neleponi Saitun. Rikutken bahan PA, maka “peka” nandangi perbahanen Tuhan, labo banci secara otomatis tapi e pilihen spiritualta. Mulai genduari nari, hal-hal sederhana si lit ras jadi i bas geluhta banci erbahanca dalanta ngataken bujur i bas kiniulin Tuhan. Medak erpagi-pagi, banci denga silakoken aktivitasta, megegeh ngalaken perbeben, bahkan ngasup kita erbahan si mehuli, rsd. Bagi si ilakoken Pemasmur benaken pepagi nari terus ku berngi igejapkenna keleng ras kesetian Tuhan i bas geluhna. Kita pe bage.

 

Emaka, iarapken, Moria tetap tertanam i rumah Tuhan, desken batang kurma ras aras Libanon. Ertina, Moria si tetap setia nggeluh rembak ras Tuhan, si erbahanca ia tetap megegeh, ngasup ncidahken perbahanen Tuhan i bas kerina paksa geluhna bahkan tetap erbuah i bas masa tuana. Usia lanjut labo sada halangen man banta guna terus berkarya ras produktif. Buah si nimaksudken i jenda, e me geluhna jadi teladan, mengayomi, pengeranana maba dame, kehadirenna mpersadaken, rsd.

 

Si peduaken, ngaturken waktu guna ndahi ras neleponi Saitun. Sue keputusen Sidang Majelis Sinode GBKP usia Saitun 60 tahun. Usia Saitun e me usia si patut kita syukuri adi banci kita seh ku usia 60. Sebab melala Moria si menolak menjadi lansia (menolak tua), seh maka sada hal si menakutken man bana. Deba, la ia nggit bergabung ku Kategorial Saitun. Sebab nina, pedas kari aku kolihen adi gabung ku Saitun. Tapi bahan PA i bas minggu enda, mpersingeti kita maka kalak bujur tetap ngasup ngataken bujur, ermeriah ukur, erbuah ras tetap berkarya aminna pe enggo metua.

 

Adi ibereken Tuhan, usia gedang, pebue bersyukur ras kurangi jungut-jungut erkiteken melala bonus ibereken Tuhan. Ndekah pulung ras keluarga, bahkan idahna kempu terus ku entena. Tapi terkadang, fokus kalak si enggo Saitun lebih ku kekurangen, umpamana: kelemahen fisik, sakit si erdenden, kesibuken keluarga si erbahanca kurang waktu anak-anak man orang tua, merasa kurang iperdiateken rsd. Tapi firman Tuhan mabai kita, maka i bas usia lanjut, enggo pe metua lalap ia meratah dingen paguh bahkan tetap erbuah. Ertina geluhna tetap jadi pasu-pasu (berkat). Maka aksi Moria kenca PA enda, berkunjung entah neleponi Saitun guna mpersingetisa “Selamat ulang tahun Saitun, tetaplah setia meritaken keleng ate Tuhan, tetap erbuah, jadi pasu-pasu (berkat), rsd.