Pdt. Larena Sinuhadji (Nd. ReyRapha Tarigan)
Teologia Bapa II : Bapa Si Ertanggung Jawab
Ogen : Kejadian 21:1-8
Tema : BAPA SI ERTANGGUNG JAWAB
Tujun : Gelah Mamre :
1) Nuriken kerna Dibata man isi jabu
2) Nehken tanggung jawab ngelitken kerina kebutuhen keluarga
Penaruh
Rikutken informasi i bas AI nari, “Tanggung jawab adalah kesadaran manusia akan tingkah laku atau perbuatannya, baik yang disengaja maupun tidak, serta kesanggupan memikul risiko atas tindakan tersebut. Ini merupakan kewajiban menanggung segala sesuatu, sebagai perwujudan dari tugas yang diamanahkan kepada diri sendiri, dari masyarakat, maupun Tuhan.” Arah informasi enda maka lit piga-piga hal si erkaiten ras tanggung jawab, e me: kesadaran akan perbuatannya, ras kesanggupan memikul resiko atas perbuatannya. Kalak si la ertanggung jawab ertina la lit kesadaren i bas dirina bage pe la ia nggit menanggung resiko erkiteken perbahanenna.
I bas kesempaten enda radu ras kita erlajar kerna tanggung jawab selaku Mamre erpalasken ogenta sendah.
Mpebagesi Ogen
Ogenta sendah nuriken kerna ketubuhen Ishak, sekalak anak si ipadanken Dibata man Abraham ras Sara (Kej. 18). I bas turi-turin enda teridah maka Dibata e me Dibata si setia pada janjiNya. Kai si enggo ipadankenNa pasti igenepiNa, amin la masuk akal sekali pe. Sara si secara medis enggo pasti la banci mehuli kulana, tapi erkiteken Dibata si erpadan, maka bagi Tuhan tidak ada yang mustahil.
I bas ogenta sendah ituriken maka tubuh si Ishak bagi si enggo ipadanken Dibata. Ishak ertina “ia tertawa.” Ise si tawa e? Adi rikutken turi-turin si lit i bas bindu 18:12 ikataken, “Emaka tawa Sara nina i bas ukurna, banci denga kin merincuh aku man perbulangenku adi aku pe enggo melus, janah perbulangenku pe enggo seh tuana?” Tapi i bas turi-turin sendah, terjadi si sebalikna, tawa Sara labo erkiteken la tek, entah pe tawa sinis. Tawa Sara erkiteken seh kel riahna. I bas si e erlajar kita maka Dibata ngasup mengubah penderitaan menjadi sukacita, asal tek kita nandangi kuasaNa.
Hal si deban si banci siusih i jenda e me kai si ilakoken Abraham. Patuh ia nandangi perentah Dibata. Ibahan gelarna Ishak, janah enggo kenca waluh wari umurna isunatken Abraham ia, bagi enggo iperentahken Dibata. Kenca enggo ngadi minem Ishak, ibahan Abraham kerja man-man si mbelin. Terdauhen adi sioge turi-turin kerna Ishak enda, teridah maka selaku anak pe Ishak tuhu-tuhu berbakti man orang tuana, janah Abraham pe selaku orang tua, tuhu-tuhu isehkenna tugas tanggung jawabna selaku orang tua si bertanggung jawab.
 |
| Versi Audio silahkan klik : https://youtu.be/qQm4H0cumQo |
Pengkenaina
PA-ta sendah ngajuk kita kerina, khususna kam Mamre kami, kerna tanggung jawabndu selaku perbapan si enggo erkiniteken man Dibata i bas Yesus Kristus. Tentu lit bedana antara perbapan si lenga erkiniteken ras perbapan si enggo itandaina Dibata i bas Yesus Kristus. Kai bedana? Si pemena lebe tentu itehna kerna Kata Dibata. Tapi labo terjeng meteh saja, ilakokenna Kata Dibata e i bas geluhna si tep-tep wari. I bas si e tentu enggo turah kepatuhen man Dibata bagi si enggo iteladanken Abraham. Ertina, adi soal ngoge Pustaka, ertoto, reh ku PJJ, PA Mamre, ras kegiaten-kegiaten Gereja si debanna, enggo lanai man suruh-suruhen, enggo lanai man singetken, entah pe man iah-iahenken. Enggo turah kesadaren i bas dirina kerna tugas tanggung jawab rohanina. Alu bage Mamre ngasup mereken teladan man isi jabuna kerna geluh erkiniteken.
Si peduaken, ikelengina alu tutus isi jabuna. Adi enggo nggeluh keleng ate Kristus i bas diri Mamre, enggo pasti itehna uga erkeleng ate man isi jabuna. Lit kuan-kuan si ngatakenca, “anda bisa memberi tanpa mengasihi, tetapi anda tidak akan pernah bisa mengasihi tanpa memberi.” Ertina adi tuhu-tuhu kita erkeleng ate nandangi isi jabunta enggo pasti lit tandana si banci sigejapken isi jabunta. Palasna enggo pasti keleng ate Kristus si rela berkorban. Adi rikutken tujun si peduaken PA Mamre-nta sendah, Mamre iajuk gelah ngelitken kerina kebutuhen keluarga sebage wujud konkrit tanggung jawabna selaku perbapan si erkiniteken. Kebutuhen i jenda labo terjeng kebutuhen fisik, tapi pe kebutuhen psikis ras rohani. Alu palas keleng ate Kristus enda ndai, iarapken kam kerina Mamre ngelitken kerina kebutuhen keluarga (fisik, psikis, ras rohani) sebage wujud konkrit tanggung jawabna selaku perbapan si erkiniteken. I bas si e tentu asumsina enggo lanai lit: egoisme mekelek, KDRT nandangi isi jabu baik fisik bage pe psikis, janah enggo lanai lit la mediate nandangi isi jabuna. Dibata si mpegegehi ras mpengasup Mamre GBKP guna ngelakokenca.
Tidak ada komentar:
Posting Komentar