Pdt. Larena Sinuhadji (Nd. ReyRapha Tarigan)
ERBAHAN RENCANA SI MEGERMET - Kuan-kuanen 21:5
Garis Besar Pelayanan (GBP)
Penaruh
Lit sada karakteristik kelemahan Gen Z ras Gen Alpha rikutken informas i bas AI nari. Gen Z e me kalak si tubuh antara tahun 1997-2012. Gen Alpha si tubuh antara tahun 2013-2025. Salah sada kelemahen e, kurangnya perencanaan jangka panjang. Banyak anak muda hidup dalam ritme yang sangat cepat sehingga sulit memikirkan masa depan secara mendalam. Tapi i bas kinata kegeluhen, melala kalak, amin e enggo metua usiana, la beluh ia erbahan perencanaan si matang. E maka i bas PJJ-ta sendah, radu ras kita erlajar kerna erbahan perencanaan si matang erpalasken si man ogenta sendah.
Mpebagesi Ogen
Kitab Kuan-kuanen, entah pe Amsal, e me termasuk ku bas kitab-kitab hikmat, si isina dem alu pedah-pedah kerna nggeluh alu kepentaren Dibata nari. Lit telu tujun kitab enda, si pemena, ngajarken kerna kepentaren Dibata nari. Si peduaken, membentuk karakter mbiar man Dibata. Ras si peteluken, mabai si ngogesa nggeluh benar.
Si jadi ogenta sendah, sada ayat ngenca, e me: “Rencana si megermet maba keuntungen, perbahanen si merudu-rudu mereken kerugin.” I bas terj. TB-LAI nina, “Rancangan orang rajin semata-mata mendatangkan kelimpahan, tetapi setiap orang yang tergesa-gesa hanya akan mengalami kekurangan.” Janah i bas terj. BIMK bagenda nina, “Rencana orang rajin membawa kelimpahan; tindakan tergesa-gesa mengakibatkan kekurangan.”
Lit piga-piga hal si akap kami banci jadi renungen i bas PJJ-ta sendah. Si pemena, penting i jenda rukur sope ngelakoken kai pe. Arah kita rukur maka iteh kita kai si jadi tujunta. Adi enggo siteh kai tujunta, maka rukur kita, erbahan rencana, uga carana gelah tersehi tujunta ndai. Umpamana, darami dahin ateta. Dahin si sue ras kebeluhenta, mbelin peluangna adi tading kita i Jakarta. Emaka je nari rukur kita, sibahan rencana, uga carana maka banci kita seh ku Jakarta, kai-kai saja kira-kira si jadi kendala i bas kita menakenca pendahinta, rsd.-na. Alu bage banci tersehi tujunta ndai.
Si peduaken, la lit keuntungen entah pe kelimpahan si instan. Keuntungen e me hasil kolaborasi antara proses perencanaan ras pelaksanaan si mehuli. Adi siperdiateken telu terjemahen ogenta ndai, teridah maka i bas bahasa Karo si jadi fokus e me rencana si megermet, sedangken i bas terjemahen bahasa Indonesia teridah lit si ngelakoken rencana si megermet ndai, e me “orang rajin.” Penting kel akap kami kata-kata “orang rajin” enda. Sebab adi erbahan rencana si megermet ngenca, tapi la sidahiken maka sia-sia rencana si megermet ndai. Sidahiken pe tapi alu kisat, asal-asalan, gelah enggo, rsd.-na, maka keuntungen si idatken pe labo maksimal. Rencana si megermet harus iumputi alu rajin ndahikenca.
Si peteluken, penting i jenda nadingken perbahanen si merudu-merudu, entah pe tindakan tergesa-gesa. Adi siperdiateken jamanta si gundari enda, perbahanen si merudu-merudu contohna: tidak memiliki tujuan yang jelas, bertindak tanpa perencanaan, mengambil keputusan secara impulsif (suka-suka), ingin hasil cepat tanpa proses, kurang sabar menjalani proses, la ngasup fokus i bas sada hal, entah pe mudah berpindah dari satu hal ke hal lain. Si e kerina harus itadingken erkiteken mabai kita ku kerugin entah pe kekurangan.
Pengkenaina
Ogen ras tema i bas PJJ-ta sendah ngajuk kita gelah reh pentarna nggeluh erpalasken kepentaren Dibata nari. Salah sada cara gelah kita reh pentarna e me, rukur sope ngelakoken kai pe. Kai pe i jenda maksudna si mehuli, labo termasuk perbahanen-perbahanen si la mehuli, sebab pinangko pe rukur sope ia nangko. Arah kita rukur maka lit perencanaan si cermat. Perencanaan si cermat erbahanca tersehi alu mehuli kerina si jadi tujunta. I bas kita rukur tentu siandalken kuasa Dibata. Ertina logika harus diimbangi alu pengendesen man Dibata arah pertotonta. Berdoa dan berusaha harus terus silakoken i bas kegeluhenta si tep-tep wari. Gelah alu bage, bicara gagal pe kai si enggo irencanaken kita, labo kita putus asa. Berhasil pe kita, labo kita jadi kalak si meganjang rukur, ipengasup Dibata kita ngataken bujur man Dibata.
PJJ-ta sendah lit i teruh subtema “Garis Besar Pelayanan” (GBP). I bas konteks Gerejanta GBKP, GBP e me perencanaan si megermet gelah tersehi kai si jadi visi-nta. I bas bagin Pendahuluan Buku GBP-nta itulisken maka, “GBP GBKP 2026-2030 dirancang sebagai langkah awal dalam mewujudkan visi besar GBKP tahun 2045 di mana GBKP menghidupi visi sendiri, “GBKP menjadi keluarga Allah yang diutus mengerjakan misi Allah di dunia bagi seluruh ciptaan” (Mar. 16:15, 1 Pet. 2:9-10), sekaligus menghidupi visi Indonesia emas. Maka diharapkan pada tahun 2045 GBKP telah menjadi Gereja yang Misional, Relevan, dan Transformatif untuk menyatakan rahmat Allah kepada dunia.”
GBP GBKP 2026-2030 berfokus pada lima relasi spiritual (5R)
- 2026: R1- Relasi dengan Tuhan (Nandai Dibata): Menguatkan spiritual Jemaat melalui doa, ibadah dan kedekatan dengan Allah.
- 2027: R2 - Relasi dengan diri sendiri (Nandai Diri): Membantu Jemaat mengenali indentitas dan panggilan mereka sebagai ciptaan Allah.
- 2028: R3 - Relasi dengan keluarga (Nandai Jabu): Mendorong Jemaat untuk menjadi saksi kasih Allah melalui pelayanan kepada sesama.
- 2029: R4 - Relasi dengan orang lain (Nandai Teman): Mendorong Jemaat untuk menjadi saksi Allah kepada dunia.
- 2030: R5 - Relasi dengan cipataanNya (Nandai TinepaNa): Menanamkan tanggung jawab untuk menjaga dan melestarikan ciptaan Allah.
Emaka sosialiasi, diskusi, ceramah kerna GBP enda harus ilakoken terus-menerus. Adi la kita setia ndalanken GBP-nta, labo terjeng sia-sia keputusen-keputusen si lit i bas Gerejanta, tapi situhuna la kita pentar ndalanken kerina si enggo irencanaken alu megermet ndai. Emaka marilah sipindo gegeh i bas Dibata nari gelah ipengasupNa kita ndalanken kerina si enggo irencanaken alu mehuli, gelah gelar Dibata termulia arah GBP GBKP.
Tidak ada komentar:
Posting Komentar