SUPLEMEN PA MORIA GBKP TGL. 1 - 7 MARET 2026

Pdt. Larena Sinuhadji (Nd. ReyRapha Tarigan)

Penyataan Umum: Suara Hati

Si Man Ogen : Mazmur 16:7-11

Tema : PUSUH PERATENKU NGAJARI AKU

Tujun : Gelah Moria :

- Meteh pendahin Tuhan i bas pusuh nari

- Megiken sora pusuh perukuren tep-tep muat keputusen

Metode : Meditasi Lectio Divina

Kata Penaruh

Tema si seh man banta i bas PA sendah e me “Pusuh peratenku ngajari aku.” I bas PA minggu si lepas Tgl. 15-21 Peb. 2026, enggo radu ras kita ngerana kerna Penyataan Umum Dibata arah tinepaNa (ciptaan). I ja Dibata banci sitandai ras ermulia arah ciptaanNa. Sekali enda radu ras kita ngerana kerna Penyataan Umum Dibata arah suara hati (pusuh peraten) manusia erpalasken si man ogenta sendah.

Mpebagesi Si Man Ogen

Judul perikop si man ogenta sendah e me “Ertoto guna petetapken ukur.” Masmur Daud. Rikutken isi, masmur enda itulisken Daud asum litna tekanen, ancamen ras kinilapastian nggeluh. Ras Masmur enda usur igelari “Masmur kepercayaan radikal,” i ja erkiniteken kita man Tuhan labo saja sangana situasi bagi ukurta, tapi justru i tengah-tengah perbeben bahkan ancamen nggeluh. Masmur enda merupaken kesaksian iman si sangat pribadi. Daud la ngerana kerna kiniteken si abstrak, tetapi tentang relasi si ndeher (intim) ras Tuhan.

Ay. 7, Daud memuji Tuhan si mereken nasehat man bana (“aku memuji Tuhan yang telah menasehati aku” - si mabai aku), bahkan tupung berngi pusuh peratenna ngajari ia. Ertina i jenda, iman labo hanya soal ibadah formal tapi peka megiken sora Tuhan, bahkan tupung berngi, asum situasi sunyi. Bengi nuduhkenca waktu si teneng guna megiken sora Dibata. Situhuna intina, asum kita teneng, subuk pagi, suari, entah karaben, i je pe banci kita megiken sora Dibata. 

Ay. 8-9, igejapken Daud kel Dibata ndeher ras ia. Erkiteken Tuhan ndeher ras ia (karena Tuhan di sebelah kanannya), tetap ia paguh (aku tidak akan goyah). Kata si ipake i jenda: “igejapken” (terj. TB-LAI: “Aku senantiasa memandang kepada Tuhan.” Terj. TB-LAI Ed. 2, “Aku selalu hidup berhadapan dengan Tuhan.” Terj. BIMK: “Aku selalu ingat kepada Tuhan”). Ertina i jenda, lit kesadaren maka Dibata e ndeher ras ia, la pernah ia itadingken Dibata. Maka, tindaken si ibahan Daud pe, la pernah ia berpaling dari Tuhan, tetap ia memandang Tuhan ras selalu mengingat Tuhan. Arah si e me, dalanna Daud tetap paguh i bas ngalaken perbeben nggeluh, dingen tetap meriah ukurna ras ersurak-surak tendina. Keriahen ukur Daud, la bergantung man situasi si ialamina, tapi erkiteken igejapkenna kehadiren Tuhan. Keriahen ukur Daud  erkiteken persadanna ras Tuhan (bdk. Pilipi 4:4). Jadi labo erkiteken situasi. Adi erkiteken situasi, e me si erbahanca banci wari-warin keriahen ukurta. Asum melala uang masuk, asum berhasil kita, maka e erbahnca meriah ukurta. Tapi adi kebalikenna si jadi, minter lesek ukurta. Daud la bage.

Ay. 10, Daud tuhu-tuhu tek, maka i bas Tuhan ngenca aman. Bahkan kematen sekali pe (“sheo”: dunia orang mati; “shachatb”: kebinasaan, kehancuran, liang kubur) la banci nirangken Daud ras keleng ate Tuhan. Relasinya dengan Tuhan lebih kuat dari kuasa maut. Sekalipun lit ancaman maut, kematen si ngkenai ia, labo jadi kebiaren man bana, sebab ipulahi Tuhan ia i bas kuasa kematen nari, dingen la itadingken Tuhan i bas doni kematen. Hidupnya aman dalam tangan Tuhan.

Ay. 11, ituduhkenNdu bangku dalan si perlawesna kempak kegeluhen, i adep-adepenNdu dem keriahen, ras i bas tan Tuhan kap kesenangen. Ayat enda e me kesimpulen i bas Masmur 16, maka nggeluh rembak ras Dibata mereken kesenangen ras keriahen, janah ituduhkenna man banta dalan si perlawesna kempak kegeluhen. Dalan kempak kegeluhen: nggeluh rembak Tuhan, maka geluhta ituntun, ipimpin, Tuhan (hidup tidak berjalan tanpa tujuan). Sekali nari ulu keriahen ukurta, e me erkiteken persadanta ras Tuhan, labo erkiteken la lit masalah, ekonomi stabil, entah pe anak-anakta mehuli, tapi erkiteken Tuhan tetap ras kita. Di tangan kananMu ada nikmat senantiasa (i bas tanNdu kap kesenangen). Tangan kanan i bas budaya kalak Ibrani e me simbol kuasa, kehamaten, kedekaten. Ertina, nggeluh rembak ras Tuhan, e me kegeluhen si aman, tidak sia-sia, selalu berarti.

Versi Audio silahkan klik : https://youtu.be/8D_0LBBjYno

Pengkenaina

Hati nurani (pusuh peratenta) e me ingan Tuhan ngerana ngajari kita, gelah kai si idalanken kita sentudu bagi si ngena ateNa. Pdt. Joas Adiprasetya nuliskenca maka hati nurani ngajarken kita arah kegelisahen ras relasinta ras Tuhan. Arah kegelisahen: asum la teneng pusuhta, tanda maka kesah si badia erdahin mpersingeti ras nampati kita. Gelah tetap kita ngendesken kegeluhenta man baNa. Arah relasi, maksudna kerembakenta ras Tuhan arah kita ertoto, megiken sora Dibata, subuk arah kita ngoge ras megiken renungen, arah si e, Dibata erdahin memimpin geluhta.

Janah adi jujur kita, i bas kegeluhenta, mbue kel tantangen, pergumulen si erbahanca la nari banci sibegi sora Dibata: kesibuken, kearun ate, kebiaren. Tuntunen sosial mekatep menyamarkan sora pusuh peratenta. Sebage nande kita harus sabar, sukses mendidik anak, handal i bas kerina bidang, tetap tangguh. Situhuna asum jujur ia kerna keberadaan dirina, latih, kadang merasa gagal i bas  mendidik anak-anak, lelah mengurus keluarga. Pusuh peratenta ngajari kita, guna banci sharing ras pasangenta, teman-temanta sada perpulungen, ertoto man Tuhan. Emaka Dibata si dem keleng ate, tetap hadir, nemani ras mpeteguhi kita. Seh maka ngasup kita ermeriah ukur, semangat ndalani kegeluhenta, amin sekali perbeben lit denga. I bas Tuhan ngenca malem pusuhta.

Metode PA-ta sendah e me meditasi Lectio Divina, tujunna tentu gelah semakin peka kita nandangi sora Dibata i bas pusuh perukurenta. Kepekaan i bas dirinta memang harus terus-menerus ilatih gelah reh tangkasna sora Dibata si ngerana arah erbage-bage media, khususna arah pusuh perukuren, entah pe pusuh peratenta. Ertoto kita gelah sora Dibata e lebih dominan asangken sora keegoisenta bage pe pengaruh media sosial si semakin masif i bas jamanta gundari enda.