SUPLEMEN PA MAMRE GBKP TGL. 8 - 14 FEB. 2026

Pdt. Larena Sinuhadji (Nd. ReyRapha Tarigan)

Sasaran Pelayanan GBKP 2026 - 2030:

Penguatan Spiritualitas Personal Berbasis Keluarga

Ogen : Perb. Rasul 10:1-2

Tema : SEISI JABU NEMBAH MAN DIBATA

Tujun : Gelah Mamre:

1) Meteh sura-sura Dibata ras ertanggung jawab secara spiritual nandangi keluargana

2) Erkomitmen gelah keluargana radu ras ngelai Tuhan

Penaruh

Kenca enggo radu ras kita ngelakoken evaluasi nandangi sasaran pelayanan tahun si lepas, seh paksana kita bengket ku bas pembahasen kerna sasaran pelayanan GBKP tahun 2026 - 2030. Lit perbedaan ras sasaran pelayanan tahun si lepas, adi biasana sasaran pelayanan ibahan sedekah sada tahun, benaken tahun 2026 enda sasaran pelayanan ibahan selama 5 tahun, alu lima fokus pelayanan i bas setiap tahunna. Tujunna tentu gelah reh mbagesna pengangkanta kerna sasaran pelayanan enda. Sasaran pelayanan sedekah 5 tahun e me “Penguatan Fondasi Spiritualitas Personal Berbasis Keluarga.” Secara khusus si jadi fokus pelayanen i bas tahun 2026 enda e me “Relasi ras Dibata” gelah reh mbagesna kita nandai Dibata si isembah kita,

Piga-piga hal si harus silakoken sedekah tahun 2026 rikutken GBP GBKP 2026-2030 e me: 1) Hidup dalam hubungan yang mendalam antara pribadi jemaat dengan Tuhan. 2) Menghidupi corak spiritualitas GBKP di tengah kerumitan perubahan zaman. 3) Mengembangkan pembinaan (pelayanan) berdasarkan corak spiritualitas GBKP. 4) Pembinaan pemuridan kepada generasi muda (meletakkan dasar iman yang kokoh) dan kedekatan yang mendalam dengan Kristus. E maka i bas kesempaten enda radu ras kita erlajar kerna spiritualitas personal arah salah sada tokoh Alkitab i bas Padan Si Mbaru nari e me Kornelius.

Mpebagesi Ogen

Ogenta sendah lit i teruh judul perikop “Petrus ras Kornelius,” amin pe lit dua tokoh i bas judul enda, tapi i bas PA-ta sendah, fokus kita ku Kornelius. I bas ay. 1 ituriken, i Kesarea lit sekalak dilaki gelarna Kornelius. Ia sekalak komandan i bas pasuken tentera Romawi si igelari “Pasukan Itali.” Kornelius e me gelar si umum paksa si e man kalak Yunani - Romawi, jadi Kornelius labo kalak Yahudi. Ia tading i Kesarea, e me kota pelabuhen i Laut Tengah, pusat pemerintah Gubernur Romawi janah lit i je Markas Besar Garnisun Tentera Romawi. Kornelius enda sekalak komandan, adi i bas bhs. Ind., nina “perwira” entah pe “kapten” si mimpin 100 kalak prajurit i bas sada batalion, si jumlah tenterana 600 kalak. Banci ikataken Kornelius enda sekalak si jabatenna meganjang, terhormat, mejile tingkat ekonomina, janah lit pengaruhna i tengah-tengah masyarakat.

I bas ay. 2, ituriken nina, “Ia kalak si tutus i bas agama, ia ras isi jabuna nembah man Dibata. Isampatina kalak Yahudi si musil janah la erngadi-ngadi ertoto ia ku Dibata.” Kalimat “tutus i bas agama” i bas terj. TB-LAI nina “saleh” janah i bas terj. BIMK nina “takut kepada Allah.” Menarik i jenda ituriken maka Kornelius ras kerina isi jabuna menganut agama Yahudi. Amin pe lenga kerina persyaraten agama Yahudi idalankenna, sebab Kornelius lenga isunatken, tapi i bas kewajiben si debanna ilakoken Kornelius alu tutus. Ituriken maka ngasup Kornelius mabai jabuna nembah man Dibata alu mehuli. Alu kiniliten si lit i bas ia, isampatina kalak Yauhdi si musil. Janah tutus ia ertoto man Dibata rikutken ketentuan Undang-undang Musa (Taurat).

Seh ay. 2 ngenca si jadi ogenta sendah. Tapi adi sioge seh ay. 8 teridah maka Kornelius enda jadi pengikut Kristus. I bas ay. 3-6 teridah maka tuhu-tuhu Kornelius ndalanken tradisi ertoto sue ras aturen Taurat alu tutus. I bas peristiwa enda teridah maka ngena ate Dibata i bas kerina si enggo ilakoken Kornelius. Ketaaten Kornelius nandangi perentah Dibata tuhu-tuhu mehuli. I bas ay. 7-8 ituriken maka mis ilakoken Kornelius kai si iperentahken Dibata erkelangken malekatNa. Janah kedungen turi-turin kerna Kornelius enda, iperidiken Simon Petrus Kornelius ras kerina isi jabuna jadi pengikut Kristus, keluarga Kristen si pemena si asalna i bas bangsa si deban nari si labo Yahudi. Ertina banci saja Kornelius erpenulak guna iperidiken janah tetap ia ras isi jabuna eragama Yahudi, tapi erkiteken patuh ia nandangi perentah Dibata, nggit ia iperidiken ras tek man Dibata i bas Yesus Kristus.

Pengkenaina

Arah Kornelius nari radu ras kita erlajar kerna sekalak perbapan si erkemalangen man Dibata. Ketaaten ras ketutusenna i bas erkiniteken mabai ia ku keselamaten i bas Yesus Kristus. Kegeluhen Kornelius encidahkenca kualitas spiritualitas personal si luar biasa. La ia mbiar kebenen jabaten ras kiniliten materi si lit i bas ia erkiteken kinitekenna man Dibata i bas Yesus Kristus. Emaka i bas PA-ta sendah iajuk kita guna mengevaluasi kadar entah dosis spiritualitas si lit i bas kita. Ikataken “kadar” sebab memang nggeluh erspiritualitas enda fluktuatif, maun-maun lesu, kurang gairah, tapi i bas waktu si deban dem alu semangat. Tapi si pentingna ula sempat spiritualitas enda mate ras bene i bas kita nari.

Sekalak penulis Kristen si tergelar Flora Slosson Wuellner ngatakenca i bas bukuna si erjudul “Gembalakanlah Gembala-gembalaKu” nina, “Perjumpaan dengan Kristus yang bangkit merupakan jantung atau inti spiritualitas Kristiani. Kristus yang bangkit itulah Kristus yang menjumpai setiap muridNya. Perjumpaan dengan Kristus yang bangkit itulah yang membebaskan mereka dari rasa bersalah, membalut luka-luka hati mereka yang kehilangan, memulihkan harapan, meneguhkan keragu‐raguan dan membangkitkan keberanian mereka yang ketakutan. Kalau kita meneliti model perjumpaan Kristus, kita menemukan model perjumpaan yang sangat personal. Kisah‐kisah perjumpaan Tuhan Yesus menunjukkan bagaimana IA hadir, memandang langsung ke setiap orang seolah Dia adalah satu‐satunya yang hadir sekalipun ia berada di tengah keramaian. Apakah Yesus bertemu seorang imam, seorang anak‐anak, seorang pezinah, seorang pemungut cukai, seorang nelayan, seorang yang sakit kusta atau seorang musuh, Tuhan Yesus sungguh hadir sebagai pribadi. Yesus pun memandang setiap orang yang dijumpainya sebagai pribadi, tidak lebih dan tidak kurang. Hubungan yang dibangun sungguh‐sungguh hubungan aku dan engkau.”

Spiritualitas erkaiten ras relasi si personal ras Dibata, kedekatan dengan Tuhan, hubungan yang intim dengan Tuhan. Piga-piga kesaksin i bas Pustaka Si Badia pe nurikenca maka spiritualitas ibenaken i bas perjumpan ras Dibata i bas Yesus Kristus. I bas ogenta sendah, Kornelius mereken teladan man banta nggeluh ndeher ras Dibata. Awalna Dibata si itandai Kornelius e me Dibata si isembah kalak Yahudi i bas agama Yahudi. Tapi kenca enggo iarahken Dibata erkelangken malektaNa, akhirna Kornelius tuhu-tuhu nandai maka Dibata si sedekah enda enggo isembahNa e me Dibata i bas Yesus Kristus Juruselamatna. 

Relasi si mehuli ras Dibata mabai Kornelius nggeluh erkiniteken si teridah i bas perbahanen si tep-tep wari. Memang labo ituriken uga kelanjuten kegeluhen Kornelius kenca enggo ia iperidiken ras jadi anggota perpulungen kalak si tek paksa si e. Tapi banci sibayangken enggo pasti Kornelius lebih luar biasa lagi ipake Dibata guna jadi pasu-pasu man sekelewetna arah kerina si lit i bas ia, jabaten, kinibayaken, pengaruh, rsd.-na. Enda pe banci jadi usihen man banta kerina khususna man bandu kerina Mamre si ikelengi kami. Relasi si mehuli ras Dibata banci terjalin arah pertotonta si kontinyu ras konsisten man Dibata. Ngoge ras merenungken Kata Dibata alu kontinyu ras konsisten. Eribadah man Dibata baik secara pribadi bage pe komunal i gereja alu teratur. I bas si e tentuna Dibata pasti mereken gegeh man bandu guna ngelakoken kerina si jadi peraten Dibata i bas kegeluhenndu. Si utamana, ipengasup Dibata Mamre jadi usihen man sekelewetna, khususna man anak jabuna. Janah ipengasup Dibata Mamre mabai isi jabuna tutus ersembah man Dibata.