SUPLEMEN PA MORIA GBKP TGL. 8 - 14 FEB. 2026

 Pdt. Larena Sinuhadji (Nd. ReyRapha Tarigan)

Konfesi Tentang Allah

Si Man Ogen : Yesaya 45:5-8

Tema : TUHAN ULU KERINANA

Tujun : Gelah Moria :

- Meteh ise kin Tuhan erpalasken pengogen

- Naksiken pengalamen pribadina ras Tuhan

Metode : Sharing

Penaruh 

Nai lit istilah si rusur sibegi adi membahas kerna Pancasila, khususna sila si pemena, e me “causa prima.” Kai e? Rikutken informasi i bas AI nari, “Causa prima adalah istilah Latin yang berarti penyebab pertama atau faktor utama yang tidak disebabkan oleh faktor lain, seringkali merujuk pada Tuhan sebagai Pencipta absolut dan sumber segala sesuatu dalam konteks filsafat dan teologi, seperti yang dipahami dalam konsep sila pertama Pancasila atau teori kedaulatan Tuhan.” I bas kiniteken Kristen pe radu ras siteh bage pe siakuken maka Dibata i bas Yesus Kristus e me si berdaulat. Dibata si isembah kita e me faktor utama, pencipta absolut, ras sumber segala sesuatu. I bas kesempaten enda radu ras kita erlajar kerna Konfesi GBKP khususna si ngerana kerna Dibata, erpalasken si man ogenta sendah.

Mpebagesi Ogen 

Judul i bas perikop si man ogenta sendah “TUHAN ngangkat Kores jadi raja” (terj. TB-LAI “Tuhan memakai Kores sebagai alatNya”). Judul i bas terj. TB-LAI nari lebih tangkas akap kami, maka Dibata erkuasa make ise pe guna ndalanken perentahNa. Kores ipake Dibata jadi alatNa guna nehken sura-suraNa man bangsa Israel. Konteks perikop enda e me kiniseran si nialami bangsa Israel si lit i bas pembuangen i Babel. Banci ikataken mungkin kiniseran si nialami bangsa Israel e enggo luar biasa mberat, erbahanca enterem kalak putus asa, lanai tek man Dibata, janah mulai nembah dibata-dibata si deban. I bas konteks si bagenda rupana, Dibata reh alu KataNa man bangsaNa, maka Dibata erkuasa mulahi bangsaNa i bas kiniseran nari, la lit si mustahil i lebe-lebe Dibata.

Si jadi ogenta sendah e me pergegeh ras penghiburen gelah bangsa e tetap optimis, terus erpengarapen man Dibata, tetap tek maka Dibata la pernah nadingken bangsa e, pembuangen e labo akhir cerita, Dibata si isembah e me Dibata si erkuasa mengubah sejarah. I bas si e ipake Dibata Kores Raja Persia jadi alatNa guna mbebasken bangsaNa i bas perbudaken bangsa Babel nari. Janah kai si kataken Dibata e terbukti, i bas tahun 539 SM italuken Raja Kores bangsa Babel, kerina bangsa-bangsa si itaban Babel iulihken Raja Kores kerinana ku kutana masing-masing, termasuk bangsa Israel.

Ay. 5 si jadi fokus utama PA-ta sendah, akap kami merupaken proklamasi Dibata man bangsa Israel kerna monoteisme radikal. Engkai maka bage? Melala kalak Israel si nembah dibata-dibata si deban si lit i Babel erkiteken kinseran si mberat si ialamina. Tapi Dibata mbuktikenca maka dibata-dibata Babel e la lit kuasana. Emaka i bas ay. 6-8 icidahken Dibata kuasaNa si luar biasa erkelangken Raja Kores. Ibereken Dibata kemenangen man Raja Kores, janah kerina bangsa, termasuk bangsa Israel datken pemulihan ras keselamaten i bas Dibata nari. Enda akap kami mengubah paradigma berpikir bangsa Israel, maka si pemena, keleng ate Dibata labo terjeng man bangsa Israel ngenca tapi man kerina bangsa. Si peduaken, Dibata erkuasa make ise pe guna jadi alatNa. Si peteluken, untuk kesekian kalinya Dibata encidahken kuasaNa man bangsa Israel maka IA ngenca Dibata si erdolat, ulu kerinana, i tengah-tengah doni enda.

Pengkenaina

Tema bage pe tujun PA-ta sendah, ngajuk kita mulihi gelah ngakuken Dibata sebage Tuhan ras Juruselamat si tuhu-tuhu erdolat i bas kegeluhenta si tep-tep wari. Ertina i bas erkai pe, bahanlah Dibata jadi si utamana, persukutenta, ingan penggurunta, pedoman utama. Ula bahan Dibata bagi ban cadangen, sangana perlu ngenca makana sidarami. Emaka mari radu ras kita ertekad tuhu-tuhu erpengendes man Dibata, ula siandalken gegeh beluhta, jabaten, entah pe kinibayakenta. Melala cara si banci silakoken gelah reh mbagesna penandaita man Dibata i bas Yesus Kristus. Tutus ertoto, tutus ngoge entah pe megiken Kata Dibata, tutus erbakti rende muji Tuhan, tutus reh ku perpulungen-perpulungen kalak si tek, nggit kita erlajar, janah nggit kita ipake Dibata guna jadi saluran berkat man kalak si deban.

Adi ngerana kita kerna konfesi entah pe pengakuan iman, la banci lang erlajar kita kerna doktrin, entah pe pengajaran iman. I bas kesempaten enda, iajuk kita gelah terus erlajar kerna iman Kristen. Salah sada pengajaran iman si penting e me pengajaren kerna Dibata si isembah kita i bas Yesus Kristus. I teruh enda mulihi itamaken kami rumusan iman kerna Dibata si lit i bas Konfesi GBKP Bab II, bagenda nina: 

Kami percaya, bahwa :

• Allah adalah yang awal dan akhir, yang ada dan yang sudah ada dan yang akan datang, Yang Maha kuasa (Why. 1:8). Dialah yang berdaulat : kebenaranNya yang mutlak dan keputusanNya yang adil dalam menghukum dosa dan mengasihi orang berdosa (Yoh. 3:17-18).
• Allah Tritunggal: Allah Bapa, Allah Anak dan Allah Roh Kudus (1 Yoh. 5:7; Yoh. 10:30; 2 Kor. 13:14, Mat. 3:16-17).
• Allah Bapa adalah Allah yang menciptakan langit dan bumi dan segala isinya yang memelihara sampai akhir jaman (Kej. 1:1-31).
• Allah Anak adalah Yesus Kristus; Anak Allah yang tunggal (Yoh. 1:14) yang menyatakan pekerjaan dan kehendak Allah di dalam dunia (Yoh. 4:34). Dialah penebus dosa kita (Mat. 1:21), melalui kelahiran, kematian, kebangkitan, kenaikanNya ke sorga serta kedatanganNya kembali.
• Allah Roh Kudus adalah Pribadi Allah; Roh Allah dan Roh Kristus (Roma 8:15-17). Dialah Penolong dan Penghibur yang dikaruniakan untuk mengajar, mengingatkan orang percaya akan kehendak Allah dan ajaran Yesus Kristus, dan menanamkan serta memelihara iman sampai kedatangan Yesus Kristus kembali (Yoh. 14:26; 2 Kor. 3:17).