SUPLEMEN PJJ GBKP TGL. 1 - 7 MARET 2026

Pdt. Larena Sinuhadji (Nd. ReyRapha Tarigan)

RUTANG ENGKELENGI - 1 Yohanes 4:11-21

(Tata Nilai Kasih)

Penaruh

Kekelengen, keleng ate, erkeleng ate, kasih, mengasihi, akap kami enggo semal man banta kerina kalak si tek. Sebab inti kiniteken Kristen e me keleng ate Dibata. Ajaren Yesus kerna erkeleng ate rusur igelari “Hukum Kasih,” bagenda niNa, “Kelengilah Tuhan Dibatandu asa ukurndu, asa tendindu, dingen asa gegehndu lit. Ende me perentah si mbelinna dingen si pentingna. Si peduaken, bali ras si ndai e me, kelengilah temanndu manusia bagi kam ngkelengi dirindu. Kerina Undang-undang agama si ibereken Musa ras nabi-nabi erpalasken duana perentah enda ndai kap” (Mat. 22:37-40). Si e kerina banci silakoken adi enggo leben sigejapken keleng ate Dibata i bas kegeluhenta si tep-tep wari.

I bas kesempaten enda radu ras mulihi kita erlajar kerna keleng ate Dibata i bas Yesus Kristus, si enggo jadi salah sada Tata Nilai i bas GBKP.

Mpebagesi Kata Dibata

Latar belakang si jadi ogenta sendah e me, Rasul Yohanes sanga ngadapi erbage-bage ajaren si papak entah pe ajaren-ajaren palsu i bas pelayanenna. Ajaren-ajaren si palsu ndai enggo seh ku taraf meresahkan perpulungen kalak si tek, erkiteken melala kalak si tek si nadingken Gereja (bdk. 1 Yoh. 2:19). Kalak si tek si ndarat i bas Gereja nari banci jadi erkiteken enggo terbaba arus jadi pengikut ajaren-ajaren palsu ndai. Tapi banci ka nge, perpulungen si ndarat e erkiteken Gereja enggo lanai kondusif, Gereja enggo lanai ncidahken kekelengen sebage buah keselamaten i bas Yesus Kristus. Jadi banci ikataken surat enda isehken Rasul Yohanes man Gereja-gereja paksa si e guna ngelawan ajaren-ajaren palsu (bdk. Ket. 1:11).

Secara garis besar ajaren-ajaren palsu si iajarken Guru-guru Perguak (Antikristus - Guru-guru Gnostik), si pemena e me Yesus labo Raja Penampat (Penyelamat - Kristus) si ipadanken Dibata (bdk. 1 Yoh. 2:22). Ajaren si tuhu payo e me Yesus Raja Penampat si ipadanken Dibata, IA kap Dibata (bdk. 1 Yoh. 5:1). Si peduaken, rikutken ajaren gnostik, Yesus Kristus e me Roh ngenca, labo manusia (bdk. 1 Yoh. 4:2-3). Ajaren si payo e me Yesus Kristus tuhu-tuhu manusia seri ras kita, tapi IA pe tuhu-tuhu Dibata. Si peteluken, keselamaten labo lit konsekuensi etisna, e maka iajarken Guru-guru Perguak enda ndai gelah perpulungen engkelengi doni enda (bdk. 1 Yoh. 2:15-17) janah iajuk pe gelah ngelakoken erbage-bage perbahanen si la ngena ate Dibata (bdk. 1 Yoh. 3:7-12).

Secara khusus ogenta sendah lit i teruh judul perikop “Dibata kekelengen kap” i bas Alkitab TB-LAI nina, “Allah adalah kasih.” Rasul Yohanes ngajuk perpulungen gelah mulihken ku ajaren si payo, e me ajaren keleng ate Dibata i bas Yesus Kristus. Kekelengen si tuhu-tuhu rehna i bas Dibata nari. Enggo leben Dibata engkelengi manusia arah kerehen Yesus Kristus ku tengah doni enda. Arah kiniseran, kematen i kayu persilang, kekeken, ras kenangkihen Yesus ku surga, enggo iperdameken Dibata manusia perdosa ras Dibata alu ngalemi dosa-dosana. I bas si e, maka kerina kalak si tek rutang sikeleng-kelengen sapih-sapih ia.

Mulihi isingetken Rasul Yohanes perpulungen gelah sikeleng-kelengen sada ras si debanna. Kalak si la erkeleng ate la itandaina Dibata. Enda si mbedakenca ajaren si payo (benar) ras ajaren si palsu. La lit i bas kalak si la nandai Dibata kekelengen. Lit pe keleng ate, kekelengen e hanya guna kepentingen dirina sendiri (egois), pencitraan, ras sifatna transaksional, mengharapkan imbalan. Keleng ate kalak si tek palasna jelas, e me keleng ate Dibata si engkelengi kalak perdosa tanpa syarat. Kalak si nggeluh i bas Dibata enggo pasti lit keleng ate Kristus i bas ia, janah keleng ate e harus isehken man kalak si deban, gelah kalak si deban pe nggejapken keleng ate Kristus. Alu bage keleng ate kalak si tek, labo i bas ia nari, ia hanya alat Dibata guna nehken keleng ateNa man sekelewetna. 

Pengkenaina

Tema si seh man banta i bas PJJ-ta sendah e me “Rutang engkelengi,” mulihi kita isingetken kerna inti kiniteken Kristen, e me erkeleng ate man Dibata bage pe erkeleng ate man manusia. Ogenta sendah pe ngingetkenca man banta maka keleng ate Dibata e ula sempat urak i bas kegeluhenta si tep-tep wari, sebab enggo pasti melala tantangen ras godaan i bas kita ndalanken keleng ate Dibata. I bas konteks geluhta sendah, pengaruh media sosial rusur erbahanca kita ndabuh ku bas erbage-bage hal si la ngena ate Dibata. Ibabaina kita gelah rukur guna dirinta ngenca, nggeluh egois, konsumtif, materialistis, ras hedonis.

Mari sievaluasi dirinta masing-masing, apakah kuasa doni enda erbahanca keleng ate Dibata i bas dirinta enggo urak? Entah egoisme enggo menguasai geluhta si erbahanca urak rutang sikeleng-kelengen i bas dirinta? Janah mari sievaluasi geluh sikeleng-kelengen i bas Gerejanta. Apakah suasana penuh kasih di antara jemaat masih dapat kita rasakan? Atau justru sebalikna, bagi perpulungen kalak si tek i bas jaman Rasul Yohanes, i ja melala kalak si tek si nadingken Gereja erkiteken suasana i bas Gereja enggo lanai kondusif, melala terjadi perjengilen, perubaten, akar pahit, sakit hati, kebencian, rsd. I bas si e marilah kita kembali ke kasih yang semula i bas Yesus Kristus.

Rikutken Mat. 22:37-40, sope kita erkeleng ate man sapih-sapihta, harus leben sigejapken keleng ate Dibata si mbelin man banta. Kenca sigejapken keleng ate Dibata e maka kelengilah Tuhan Dibatandu asa ukurta, asa tendinta, dingen asa gegehta lit. Secara konkrit engkelengi Dibata e me alu ngelakoken kerina si jadi peraten Dibata. Adi enggo sigejapken keleng ate Dibata janah enggo kita erkeleng ate man Dibata maka e si jadi palas i bas kita erkeleng ate man sapih-sapihta.

PJJ-ta sendah pe i bas rangka ngingetkenca kerna Tata Nilai Kasih. E maka i bas kesempaten enda mulihi isingetken kami informasi kerna Tata Nilai GBKP si ibuat i bas Buku GBP GBKP hlm. 42-43 nari. Bagenda nina: 

Tata Nilai Gereja adalah sekumpulan prinsip-prinsip yang bersumber dari Firman Tuhan dijadikan sebagai fokus perhatian untuk menopang, mempengaruhi, dan menjelaskan apa yang dilakukan Gereja dan bagaimana Gereja melakukannya. Tata nilai bagi suatu organisasi berfungsi memandu perilaku anggota organisasi dalam membuat dan menjalani keputusan-keputusan dalam hidupnya.

Berdasarkan pengertian tersebut telah dipilih 5 nilai kristiani yang dianggap paling relevan pada masa kini untuk menjadi fokus bagi seluruh Warga GBKP untuk dihayati, digumuli, disosialisasikan, dan dipraktekkan terus-menerus sehingga menjadi perilaku dan kebiasaan, yaitu: kasih, kejujuran, keugaharian, kekerabatan, dan kesetiaan.

Kasih adalah pelayanan yang bersumber dari sifat dan ajaran Tuhan Yesus yang intinya dalam praktek adalah mengasihi Tuhan dan mengasihi sesama (Matius 22:37-39; Yohanes 13:35; 1 Korintus 13:4-7).

Panduan perilaku:
 Senantiasa memuji, memuliakan dan bersyukur atas kebaikan Tuhan
 Selalu berusaha sedapat mungkin membawa damai, menyenangkan sesama dan menjadi berkat bagi orang lain.

Kata-kata kunci:
 Puji Tuhan
 Bersyukur
 Rendah hati (murah hati)
 Mengampuni
 Sopan dan ramah

Kalimat afirmasi:
“Kami insan GBKP mengasihi Tuhan dan mengasihi sesama dengan segenap hati, jiwa dan akal budi”.

Perilaku yang dianjurkan:
 Rendah hati, murah hati, sabar
 Sopan dan ramah
 Mau mengampuni kesalahan orang lain
 Suka menolong orang lain tanpa mengharapkan balasan

Mari radu ras sisehken keleng ate Kristus i japa pe kita ringan. Dibata si mpengasup ras mpegegehi kita i bas kita nehken keleng ateNa.