SUPLEMEN PJJ GBKP TGL. 5 - 11 OKTOBER 2025

Pdt. Larena Sinuhadji (Nd. ReyRapha Tarigan)

ERGUNA KAP TEMAN MAN BANGKU - Pilemon 1:11-16

(Kekerabatan)

Penaruh

Rikutken informasi i bas AI nari, manusia ikataken sebage makhluk sosial entah pe homo socius. Engkai maka bage? Bagenda penjelasenna, “Manusia adalah makhluk sosial (homo socius), karena tidak dapat hidup sendiri dan selalu membutuhkan interaksi serta hubungan dengan manusia lain untuk memenuhi kebutuhan, belajar, dan mengembangkan diri dalam konteks masyarakat. Konsep ini didukung oleh kebutuhan dasar biologis dan naluri manusia untuk berkumpul, serta didukung oleh filsafat kuno seperti gagasan Aristoteles yang menyebut manusia sebagai zoon politicon, yaitu makhluk yang hidup berkelompok.” I bas kinitekenta, tek kita maka manusia itepa Dibata salah sada tujunna e me gelah bersosialisasi sada ras si debanna, e maka nina Dibata i bas Kej. 2:18, “La mehuli adi manusia nggeluh sisada-sisada. Kubahan teman si cocok man bana, guna nampati ia.”

I bas kesempaten enda radu ras kita mulihi erlajar kerna nggeluh bersosialisasi erpalasken ogenta sendah.

Mpebagesi Ogen

Pilemon sekali ngenca isebutken gelarna i bas Padan Si Mbaru, e me i bas surat Paulus man Pilemon. Pilemon ertina “penuh kasih,” ia sekalak si banci ikataken berpengaruh i tengah-tengah perpulungen kalak si tek i Kolose, sebab i bas rumahna ibahan kerina kegiaten-kegiaten perpulungen. Rasul Paulus ngatakenca maka Pilemon enda “teman sada dahin” (ay. 1). I bas terj. Alkitab TB - LAI Ed. 2, “teman sekerja” entah pe i bas BIMK nina “kawan dan rekan kami.” Ertina lit hubungen si mehuli antara Paulus ras Pilemon. Ituriken Paulus maka Pilemon enda sekalak si dem alu kekelengen nandangi perpulungen kalak si tek (ay. 5). Sebage teman sada dahin, enggo icidahken Pilemon jiwa persaudaraan si tulus amin pe la sada suku (ay. 6). Janah pengkebet geluhna erbahanca meriah ukur perpulungen (ay. 7). Erkiteken buah-buah kiniteken si icidahken Pilemon e erbahanca Paulus terkesan, seh makana iinget Paulus rusur Pilemon i bas pertotonna. Ngataken bujur Paulus man Dibata i bas pertotonna erkiteken kiniulin si enggo ilakoken Pilemon (ay. 4).

Selain berpengaruh, Pilemon pe banci ikataken sekalak si bayak secara materi, emaka enterem si erdahin man bana, salah sadana e me Onesimus, entah pe i bas Alkitab Bhs. Karo igelari “Erguna” (Onesimus i bas Kamus Gering nari ertina: “berfaedah”). Inti i bas surat si sada pasal ngenca enda e me, pengajuk Rasul Paulus man Pilemon gelah nggit ngalemi kesalahen Onesimus si erdahinna, janah nggit Pilemon ngaloken Onesimus erkiteken lit jaminen arah Paulus nari maka si Onesimus enda enggo ngakuken kesalahenna ras jera.

Kai kin si terjadi antara Pilemon ras Onesimus? Bagi si enggo ituriken i datas, Onesimus e me si erdahin (budak) Pilemon. Lawes ia nadingken tuanna alu dalen si la mehuli (ay. 18 banci jadi lit utangna si la tergalarina-bhs Ind: sdh merugikan engkau ataupun berhutang padamu). Kedungenna jumpa ia ras Paulus i bas penjara. Rancangen Tuhan tetap rancangen si mehuli. I penjara Onesimus bertobat; Paulus sendiri ngatakenca maka Onesimus enggo jadi anakna erkiteken kiniteken. Nai memang labo ia erguna man Pilemon erkiteken kesalahenna, tapi genduari labo saja ia banci erguna man Pilemon tapi pe man Paulus. Ipindoken Paulus gelah Onesimus mulihken man Pilemon. Situhuna, banci nge tetap ia ras Paulus i penjara guna nampati dahin Paulus i bas meritaken Berita si Meriah, tapi ulin iakap Paulus, Onesimus mulihken man Pilemon.

Lit kata-kata si menarik ikataken Paulus, maka Erguna (Onesimus) sirang kentisik ras Pilemon (lit kesempaten introspeksi diri) gelah banci rasa lalap ras Pilemon. Genduari Onesimus la nari jadi budak Pilemon, tapi senina si meherga i bas Kristus. Keleng ate Paulus man Onesimus, bage ka pe ndauh beliden kekelengen Pilemon man Onesimus (sada keyakinen ras pengarapen). Pemindon Paulus gelah banci Pilemon mulihi ngaloken Onesimus ras memaafkan adi salahna ndube. Bahkan nggit Paulus njaminisa, adi kin memang lit utang Onesimus gelah Paulus si nggalarisa. Alu meseksek hal enda ipindoken Paulus, sabab ia enggo tuhu-tuhu nggejapken maka Pilemon seninana i bas Tuhan, emaka la ia mbiar-mbiaren ngerana bage man Pilemon.

Versi Audio Silahkan Klik : https://youtu.be/3E3IXAbgu10

Pengkenaina

Tema si seh man banta i bas PJJ-ta sendah, ngajuk kita kerina gelah ngergaken relasi si enggo terjalin sedekah enda ras ise pe. Sebage makhluk sosial, la kita ngasup nggeluh sisada-sisada. Kerina kita butuh penampat i bas kalak si deban nari. Uga pe bayakna kita, pasti kita butuh kalak si deban. Emaka sekali enda iajuk kita mulihi gelah tuhu-tuhu ngergaken relasi pertemanan, relasi persahabatan, bage pe relasi kekerabatan si enggo terjalin sedekah enda. 

Ngataken bujur kita man Dibata erkiteken melala denga kalak si senang jadi temanta, sahabat, bestie, entah pe kade-kadenta. I bas si e, penting kel i bas kita ngergaken relasi si enggo terjalin. “Tidak ada dusta di antara kita.” Bangun relasi si tulus, la lit kepentingan entah pe sipertemani si “X” gelah banci simanfaatken. E labo mejile. Lit istilah, “kam kap aku, aku kap kam” (istilah enda ula siplesetken jadi “aku kap kam, kam ku kap-kap”). Ergunalah kita man teman, teman pe erguna man kita. Saling membutuhkan, saling berempati, saling menolong. I bas menjalin relasi ula hanya dirinta ngenca si iukuri (egois), tapi harus ka kita ngukuri temanta. Janah i bas kita berelasi enggo pasti turah konflik entah pe perubaten. Banci jadi kita si salah, entah temanta si salah. E me hal si sangat wajar. Tapi mari kita erlajar, rikutken ogenta sendah, ambil jarak (sirang) kentisik, guna saling introspeksi diri, kenca si e saling simaaf-maafen kita. Adi kita si salah, meteruk ukurta minta maaf. Janah adi teman enggo minta maaf, nggit ka kita memaafken. Janah soal si e enggo terus-menerus ilumbaken i bas PJJ-nta dalam rangka sasaran pelayanenta “Dewasa menerima perbedaan” (alu tema-tema: “Ngelakokeken Pupursage,” “Bulatken ukur erbahan perdamen”)

PJJ-ta sendah erkaiten ras nilai spiritual kekerabatan. I bas Buku Garis Besar Pelayanan (GBP) GBKP Tahun Pelayanan 2021-2025, salah sada Tata Nilai GBKP e me “kekerabatan.” I bas teruh enda ibahan kami deskripsi dan peta perilaku Tata Nilai GBKP K4 - Kekerabatan (hlm. 45).

Deskripsi:
Saling peduli dan menghargai perbedaan dalam membangun kerja sama tim pelayanan yang sinergis (Yoh. 15:13-15; 1 Kor. 13:5-10).

Panduan Perilaku:

• Menghargai setiap orang apapun latar belakangnya
• Memberi kesempatan kepada berbagai pihak untuk berkontribusi
• Terbuka dalam bekerja sama untuk menghasilkan nilai tambah
• Suka menolong orang lain
• Membangun lingkungan kerja yang kondusif

Kata-kata kunci:

• Peduli (caring)
• Perbedaan (diversity)

Kalimat afirmasi:
“Kami saling peduli dan menghargai perbedaan dalam membangun kerja sama tim yang sinergis”

Perilaku yang dianjurkan:

• Saling membantu dan mendukung sesama insan organisasi dan masyarakat
• Menghargai ide, pendapat, maupun saran orang lain
• Mengingat kontribusi setiap orang dari berbagai latar belakang yang berbeda-beda
• Bersinergi untuk mencapai tujuan bersama