SUPLEMEN PA MORIA GBKP TGL. 28 SEP. - 04 OKT. 2025

Pdt. Larena Sinuhadji (Nd. Rey Rapha Tarigan)

Dewasa Menerima Perubahan

Si Man Ogen : 2 Korintin 4:16-18

Tema : ERTUANA ERGEGEHNA

Tujun : Gelah Moria:

- Nuriken kerna Paulus si tetap njaga kinitekenna amin gia lit perubahan i bas geluhna

- La mobah kinitekenna i bas ngaloken perubahan jaman

Metode PA : Sharing

Penaruh

Temanta i bas PA-nta minggu enda “Ertuana Ergegehna,” secara fisik pasti labo mungkin. Sebab enggo hukum alam, tambah usianta reh tuana kita, reh urakna gegehta ras kerina fungsi organ tubuhta. Pengidah berkurang (kabur), penginget enggo urak, pemegi enggo kurang, sora enggo pero, kulit semakin keriput, awak rusur mesui, erdalan pe la nari banci pedas-pedas, rsd. Emaka lit rusur kata bijak ngatakenca, tambah usia tambah tua itu pasti, tapi reh dewasa kita, reh paguhna kinitekenta itu pilihen. Ertina, tema PA-nta sendah memotivasi kita, reh tuana kita, reh gegehna, reh paguhna, kinitekenta. Erlajar kita arah Rasul Paulus uga maka ngasup reh tuana, reh gegehna kinitekenna.

Mpebagesi Pengangkan Kerna Ogen

Perikopta ibere judul “Nggeluh alu kiniteken” (terj. TB-LAI Ed. II, “Jangan tawar hati, juga waktu menghadapi maut”). Perikop enda merupaken kata-kata pergegeh (nasehat) gelah perpulungen e tetap semangat amin gia lit erbage-bage pergumulen erkiteken kinitekenna man Yesus Kristus. Sebab Rasul Paulus sendiri pe mengalami kiniseran sebage pengikut Kristus sekaligus sebage pemimpin si kerasulenna iraguken.

Emaka perikop enda ibenaken alu kata-kata “enda me sabapna maka la kami erleja-leja dingen la lesek ate kami.” Janah enda situhuna pengulangen i bas bindu 4:1, “… emaka kami la erleja-leja” (terj. TB-LAI Ed. II, “Sebab itu kami tidak tawar hati”). Kai saja kiniseran si ialami Paulus? Ibenaken i bas ay. 8, “Arah apai pe kami itindih, tapi la kami meripuk. Bingung kami, tapi la seh putus asa. Iayak-ayak musuh kami, tapi kami la itadingken Dibata. Idampesken  kalak kami, tapi la seh getem. Amina pe, kula kami enda reh burukna reh dekahna, tapi ukur kami tep-tep wari ipelimbarui.”

Pengkenaina

Poin penting kai si banci siusih arah Rasul Paulus maka tetap megegeh kinitekenna sekali pe mbue perbeben si ialamina? Si pemena lebe, kontras lahiriah - bathiniah. Paulus jujur iakuina, manusia jasmani mengalami kemunduran, kiniseran bahkan menuju kematen (“reh dekahna reh burukna”), tapi justru “manusia bathin” sangana ipelimbarui terus-menerus. Nina Pdt. Joas Adiprasetya: “Spiritulitas Paradox. Tubuh melemah, tetapi Roh dikuatkan” (bdk. 2 Kor. 12:9, “Sebab gegehKu serta kap i bas gegeh si kurang”). Perbeben, pergumulen, jadi sada ruang man Roh Kudus guna banci erdahin secara luar biasa.

Si peduaken, fokus pandangen. Ay. 18, “Sebab kami labo natap kempak si teridah, tapi kempak si la teridah. Sebab si teridah kentisik nge ngenca; tapi si la teridah tetap seh rasa lalap (terj. TB-LAI, “Karena yang kelihatan adalah sementara, yang tidak kelihatan adalah kekal”). Jadi fokus pandangenta akan mempengaruhi perukurenta. Fokus pandangen Paulus kepada hal-hal yang bersifat kekal, bukan yang bersifat sementara: kekayaan, tubuh, jabatan, kekuasaan, rsd., bersifat sementara (la kekal). Sedangkan yang tidak kelihatan, yaitu kasih Allah, janji kebangkitan, nggeluh i bas Kristus i bas surga, kekal selama-lamanya. Seh makana asum reh erbage kiniseran nderpa kegeluhenna, labo e erbahanca lesek pusuh ukurna. Sekali nari si bakal sijaga e me fokus pandangenta.

Si peteluken, kiniseran si menahang vs. kemulian si rasa lalap. Paulus tidak sedang meremehkan penderitaan, tapi itempatkenna kiniseran i bas perspektif eskatalogis. Kiniseran si banci ikataken mberat sialami kita I bas doni enda situhuna “menahang” adi ibandingken ras “kemuliaan si rasa lalap” si isikapken Dibata.

Si peempatken, uga makana tetap banci silatih ukurta seh maka ipelimbarui setiap wari? Ertina, i jenda penting latihen pertendin. Manusia bathin yang harus terus-menerus ipelimbarui. Walau pe kula enda reh burukna reh dekahna, lit kiniseran nderpa kegeluhenta, sakit penyakit, si paling penting ukurta tep-tep wari ipelimbarui. E me si erbahanca la kita murah putus asa, bersungut-sungut, tapi tetap ngasup ngataken bujur ras ermeriah ukur. (Iman yang dibaharui terlihat nyata dalam hidup sehari-hari, apa pun yang terjadi, sehat - sakit, muda - tua, senang - menderita, tetap bersyukur, bersukacita, hidup tetap menjadi berkat untuk semua yang ada di sekitar kita).