SUPLEMEN PA MORIA GBKP TGL. 7 - 13 SEPTEMBER 2025

Pdt. Larena Sinuhadji (Nd. ReyRapha Tarigan)

Pendidiken Dalam Keluarga

Si Man Ogen : Kejadin 25:27-28

Tema : SERI PERBAHANEN MAN ANAK

Tujun : Gelah Moria :

- Niksiki perbahanen Isak ras Ribka man anakna

- Encidahken perbahanen si la rayo ayo man anak i tengah jabu.

Metode PA : Sharing Pengalaman

Penaruh

Menjadi orang tua si mehuli labo gampang, terlebih i bas kita ngkelengi ras ngajarken anakta. Anak-anakta berbeda, subuk fisikna, karakterna, kebeluhenna, talenta, rsd. Terkadang tanpa sisedari turah perbahanen erayo-ayo entah pe pilih kasih silakoken. Enggo pasti perlakuan si bage labo maba kiniulin man jabunta khusus pe man anakta. Emaka i bas bahan PA-nta sekali enda erlajar kita arah kesalahen si ibahan Esau ras Ribka sebage orang tua, gelah kita banci jadi orang tua si mehuli man anak-anakta.

Mpebagesi Pengangkan Kerna Ogen

Isak ras Ribka ibereken Tuhan anak kembar (rindu). Benaken tubuhna nari pe bage terus reh belinna, enggo lit perbedaan kalak enda. Sintua megara-gara rupanya, kulitna bagi jubah si erbulu. Emaka ibahanna gelarna Esau. Sedangken agina Jakub labo bage. Esau biakna erburu si beluh, janah riahen akapna tading i bas kerangen. Esau berjiwa petualang. Sedangken Jakub pesinik jelmana, dekahen tading i rumah entah pe “orang rumahan.” Ngidah perkembangen duana anakna, beda ka ngenana ate orang tuana. Isak ngenan atena Esau erkiteken ntabeh akapna man bekas Esau erburu, tapi Ribka ngenan atena Jakub, sebab banci jadi rusuren ia nemani ras nampati Ribka i rumah.

Kisah enda nuduhken dinamika favoritisme i bas jabu si kedungenna erbahanca turah konflik si mendalam. Adi siterusken kisah enda, Ribka ikut nampati gelah Jakub ndatken pasu-pasu i bas Isak bapana si paksa si e enggo metua kel. Ribka njemba Jakub guna erbual man bapana guna banci ia ndatken pasu-pasu. Pasu-pasu si umumna ibereken man anak sintua. Walaupe situhuna, sope dua kalak enda tubuh, Tuhan sendiri enggo ngerana man Ribka, maka “Lit dua bangsa i bas bertindu nandangi ipupusndu e me dua bangsa si ermusuhen. Gegehen agina asangken kakana, sintua jadi suruh-suruhen singuda” (ay. 23). Kedungenna, peristiwa e maba perpisahen bahkan perubaten mbelin antara Esau ras Jakub, sebab kenca kejadin ndai, ersura-sura Esau munuh agina Jakub. Bage me jadina adi orang tua la bijaksana i bas mendidik ras ngkelengi anak-anakna. Jabu si harusna ncidahken ruang persahabaten, sikeleng-kelengen, siergan perkepar berubah menjadi kehancuren. Favoritisme, erayo-ayo menghancurken persahabatan, bahkan di dalam keluarga inti.

Versi Audio Silahkan Klik : https://youtu.be/LMW8lpiRP0U

Pengkenaina

I bas sebuah studi si iterbitken Journal of Family Psychology, ngatakenca, 74% nande ras 70% bapa ngelakoken sikap si mbeda-bedaken i bas ngkelengi anak. Aminna pe la isingketken anak si apai si lebih iutamaken, tapi anak-anak banci nggejapken man ise orang tua lebih ngkelengi. Enggo pasti sikap si erayo-ayo la mehuli guna tumbuh kembang anak, dingen i antara anak-anakta pe akan saling membenci, turah persaingen si la sehat. Termasuk pe mempengaruhi harga diri ras perasaan anakta. Ikutip i bas tulisen Hai Bunda, ciri-ciri orang tua si mbeda-bedaken kekelengen man anakna :

• Rusuren ngerana (berkomunikasi) ras anak si nikelengina.
• Anak si nikelengina rusur ibangga-banggaken man keluarga entah kalak si deban kerina kelebihenna, prestasina, kiniulinna, rsd.
• Intonasi ngerana si berbeda. Adi kita ngerana man anakta si ikelengi kita, enggo pasti lebih lembut ibandingken ras anakta si deban.
• Perhatian si berbeda, anak si nikelengi enggo pasti lebih iperdiateken asangken anak si deban.

Dampakna enggo melala, bahkan i bas buku Bimbingen PA-nta enggo rinci kel dampak i bas kita mbeda-bedaken (erayo-ayo) man anak i tengah jabu. Arah kita mbeda-bedaken anakta, beresiko tinggi memicu sibling rivalry entah pe persaingen si la sehat i antara anakta. 
Adi sitarik terdauhen, Gereja sebage komunitas sahabat, idilo guna banci kita erlajar arah kesalahen si ibahan Isak ras Ribka. Adi Gereja pe ndabuh ku bas praktek erayo-ayo (pilih kasih), praktek favoritisme, mereken ruang man kalak megegeh entah si sukses, maka Gereja gagal menjadi kula ni Kristus aturna merangkul kerina anggotana.

Arah bahanta sekali enda, tuhu melala kita sebage orang tua harus erlajar menjadi orang tua si mehuli bagi si ngena ate Tuhan. Enggo pasti labo mudah, sebab tanpa sisedari ndabuh kita ku bas perlakuan pilih kasih man anakta, apai ka adi anakta e, beluh kel muat ukurta. Tep-tep anak enggo pasti berbeda, subuk secara fisik, karakter, talentana, rsd. Perbedaan e erbahanca kuh kegeluhen jabu e. Orang tua, bapa ras nande harus sada visi (sada pengenehenen) i bas ngkelengi ras ngajarken anak. Dukung kai si enggo ikataken perbulangenta man anakta. Adi siakap la pas, ula lebe-lebe anakta sicidahken kita la sedalanen. I bas ingan si terpisah sipersingeti pasangenta. Gegehta ras kepentarenta terbatas, tapi gegeh Tuhan si enggo ndilo kita jadi wakilNa i bas doni enda, pasti iberekenNa kesanggupen man banta. Pindo gegeh man Tuhan ras terus jadi orang si nggit erlajar (pembelajar).