SUPLEMEN PJJ GBKP TGL. 7 - 13 SEPTEMBER 2025

Pdt. Larena Sinuhadji (Nd. ReyRapha Tarigan)

MALEM ATE NGIKUTKEN UNDANG-UNDANG TUHAN - Masmur 119:1-7

(Tata Gereja GBKP)

Penaruh

Ngikutken aturen-aturen si lit i sekelewetta akap kami seh kel pentingna. Sebab tek kami maka aturen-aturen e ibahan guna kiniulin, kiniraturen, entah pe guna keselamatenta bage pe kalak si deban. Bayangken saja adi kerina pengendara mobil entah pe motor la nggit ngikutken aturen lalu lintas, enggo pasti melala terjadi kecelakaan lalu lintas si memakan korban jiwa. Kerina barang-barang si itukur kita adi sipergunaken asal-asalen la sue ras petunjuk pemakenna, enggo pasti pedas ceda. Tambar entah pe suplemen vitamin adi sikonsumsi la sue ras aturen, banci erbahanca kita sakit. Melala denga contoh-contoh si deban.

I bas PJJ sendah radu ras kita erlajar kerna engkelengi ras makeken Undang-undang Tuhan arah Pemasmur nari. Secara khusus sikaitken kari ras Tata Gerejanta si merupaken perangkat aturen i bas Gerejanta si ipake guna perdalanen geluh selaku kita anggota GBKP.

Mpebagesi Ogen

Masmur 119 e me bindu si gedangna i bas Putaka Si Badia, lit 176 ayat. Rikutken AlkiPEDIA, Mas. 119 masuk ku bas kelompok Mazmur kepercayaan dan pengabdian si mengungkapkan: 1) Kepercayaan seseorang akan integritas Allah dan pertolongan kehadiranNya. 2) Pengabdian hati kepada Allah. Rikutken Wikipedia, lit tradisi si ngatakenca maka Mas. 119 enda ipake Daud guna ngajari Salomo kitik-kitik nari seh ngayak dewasa. Alkitab TB-LAI mereken judul perikop ay. 1-176 e me “Bahagianya orang yang hidup menurut Taurat TUHAN.” Sedangken i bas Terj. BIMK bage pe i bas Bhs. Karo perikop enda ibagi ku bas piga-piga judul perikop. Si jadi ogenta sendah lit i bas sada perikop ay. 1-7 alu judul “Undang-undang TUHAN.”

Pemasmur ncidahken kerna geluh si er-malem ate (berbahagia) asum kita nggeluh ngikutken undang-undang. Artinya kebahagiaan sejati bukan karena hasil kondisi ekternal: materi, jabatan, kekayaan, bukan suatu jaminan mendapatkan kebahagiaan, tetapi ketaatan yang bersumber dari hati. Kata “malem ate” (ashrei) iulihi telu kali, ay. 1, 2, 3. Kemalemen ate ialoken kalak asum: 

• Setia ngikutken Undang-undang Tuhan.  
• Ndarami Tuhan alu bulat ukur (mencari Dia dengan segenap hati). Membangun hubungen (relasi) si intim ras Tuhan.
• Erdalan i bas dalan Tuhan.

Piga-piga kata si ipake sebage sinonim Undang-undang Tuhan e me: perentah-perentahNa, dalan Tuhan, peraturen-peraturenNdu, keputusenNdu (bhs. Ind.: Taurat, perintah, ketetapan, firman, hukum, titah dan Jalan). Tuhan enggo mereken undang-undang gelah banci ipatuhi alu tutus. Jadi  perentah Tuhan e, labo terjeng nambahi pemeteh secara intelektual tapi harus nggeluh i bas dirinta. Dingen sura-sura Pemasmur matuhi Undang-undang Tuhan ras alu tutus ndalanken peraturen Tuhan. Tapi banci erkiteken erbage keterbatasen (kerincuhen) daging si erbahanca banci kurang setia ndalanken Undang-undang Tuhan. Alu bage, Pemasmur tetap mindo gegeh i bas Dibata nari gelah ipengasup Tuhan ia matuhi perentahNa.

I bas kesetian matuhi Undang-undang Tuhan maka geluh Pemasmur ipasu-pasu Tuhan (la juru ibahan Tuhan). Maka ketedehen atena (kerinduan) Pemasmur mpelajari Undang-undang Tuhan, makekenca si mpengasup ia muji Tuhan (Bersyukur kepada Tuhan dengan segenap hati).

Versi Audio Silahkan Klik : https://youtu.be/rID0y3UDgnQ

Pengkenaina

Arah bahanta sekali enda ipersingetina kita gelah semakin setia ngikutken perentah Tuhan. Kata Dibata e me pedomen kegeluhenta tep-tep wari. Adi la sikelengi ras sipakeken Kata Dibata enggo pasti mbue hal si ilakoken kita si la sue ras Kata Dibata. Bahkan banci kita terbawa arus jaman. Emaka mari situmbuhkembangken rasa cinta nandangi firman Tuhan. Enggo melala gerakan guna melatih kita mencitai firman Tuhan (KBA - Kelas Baca Alkitab; ABA - Ayo Baca Alkitab; BGA - Baca Gali Alkitab).

Secara khusus i bas PJJ-nta ngerana kita kerna Tata Gereja. Tata Gereja ilitken sebage aturen (norma) bersama anggota GBKP gelah banci kita erdalan sada arah. Di Pembukaan Tata Gereja dituliskan dalam alenia terakhir, “Tata Gereja GBKP disusun agar kehidupan persekutuan, pelayanan dan kesaksian anggotanya dapat berlangsung tertib dan teratur sesuai Alkitab.” Alu bage Tata Gereja si genduari (si la ibatasi alu tahun), harus terus-menerus isosialisasiken man kerina Pelayan Khusus (Pdt., Vic., Pertua, Diaken), bage pe man perpulungen. Selain sosialisasi, Tata Gereja rusur sioge, ras sipakeken i tengah-tengah perdalanen geluh Gerejanta. Ketaatenta man Tata Gereja merupakan ekspresi ketaatenta man Kristus Yesus i bas merawat kesatuan tubuhNya. Alu bage sekali nari, Pustaka Si Badia, Tata Gereja, entah pe peraturen-peraturen si deban, si enggo jadi kesepakatenta harus sipakeken gelah malem ateta nggeluh, ersada, tetap arihta dingen kehadirenta pe tetap banci jadi pasu-pasu (berkat).

Tata Gereja GBKP terdiri dari:

TATA DASAR 
Dijelaskan dengan tertulis bagaimana norma hidup Jemaat GBKP. Berisi fondasi-fondasi Alkitabiah bagaimana GBKP hadir dalam seluruh bidang kehidupan.
(10 BAB, 20 PASAL)

TATA PELAYANAN
Dijelaskan bagaimana GBKP sebagai organisasi menata keberadaannya, antara lain: mengatur syarat, kewenangan, tugas, kewenangan, tanggung jawab, rapat, pertanggungjawaban, periodisasi.
(19 BAB, 105 PASAL)

TATA KERJA
Dijelaskan bagaimana standar prosedur GBKP dalam melaksanakan pelayanan, antara lain: prosedur pelaksanaan tugas persekutuan, pelayanan dan kesaksian dalam bergereja dan berorganisasi di GBKP.
(25 BAB, 115 PASAL)