SUPLEMEN PA MAMRE GBKP TGL. 5 - 11 OKTOBER 2025

Pdt. Larena Sinuhadji (Nd. ReyRapha Tarigan)

Teks : Johanes 5:10-17

Tema : DAHINKU E ME PELAYANENKU

Tujun : Gelah Mamre:

1) Ngasup njadiken pendahinna selaku bentuk pelayanen man Dibata

2) Ngasup jadi pasu-pasu arah pendahinna

Penaruh

Minggu si lepas enggo radu ras kita ngantusi kerna erdahin sebage aktualisasi diri. I bas minggu enda radu ras kita ngantusi kerna erdahin sebage bentuk pelayanen erpalasken teks ogenta sendah.

Mpebagesi Teks Ogen

Teks ogenta sendah lit i teruh judul perikop “Ipepalem Yesus kalak si penakiten i kolam Betesda.” Judul i bas Alkitab TB-LAI nari nina, “Penyembuhan pada hari Sabat di kolam Betesda.” Judul i bas bhs. Ind., nambahi informasi man banta maka peristiwa e terjadi i bas wari Sabat. Wari Sabat i bas agama Yahudi e me wari si seh kel pentingna sebab, si pemena, enem wari Dibata nepa doni enda, wari pepituken e me wari pekesahken. Ertina wari Sabat ngingetkenca kerna Dibata si nepa doni enda. Si penduaken, wari Sabat pe jadi peringeten kebebasen bangsa Israel i bas perbudaken i Mesir nari. Ertina wari Sabat e ngingetkenca gelah ula sempat iperbudak pendahin, harus lit waktu guna istirahat entah pe pekesahken. Wari Sabat enda si jadi topik perdebaten i bas teks ogenta sendah.

Ituriken maka kenca enggo ipepalem Yesus kalak si enggo 38 tahun penakiten i kolam Betesda, protes pemimpin Yahudi, nina: “Wari Sabat kap sekalenda. Rikutken Undang-undangta la banci ibabandu amakndu e.” Sebab isuruh Yesus kalak pinakiten ndai gelah keke, angkatna amakna, ras erdalan, perban enggo malem ia i bas penakitna nari. Kenca enggo iteh pemimpin Yahudi ise si nuruhsa, i bas ay. 16 ituriken maka idarami pemimpin Yahudi e dalan guna niksa Yesus, sebab enggo ipepalemNa kalak si penakiten i bas wari Sabat. Kenca enggo iteh Yesus niat jahat pemimpin Yahudi e, ikataken Yesus bagenda: “Bapangku erdahin kap lalap; emaka Aku pe harus erdahin.” I bas si e Yesus ngajarkenca kerna makna wari Sabat yang sebenarnya.

Sabat labo soal ngadi erdahin bage-bage saja. Si pentingna e me relasi si mehuli ras Dibata si iwujudnyataken alu perbahanen-perbahanen keleng ate sue ras peraten Dibata. I bas si e, merayakan Sabat ertina ikut muat bagin i bas dahin-dahin Dibata. Labo terjeng ngadi, pekesahken, ikut ibadah formal secara pasif, rsd.-na. Tapi si pentingna kel e me ikut ngelakoken dahin-dahin Dibata. Emaka adi siperdiateken pelayanen Yesus i bas Kitab Injil, umumna ilakoken i bas wari Sabat: mpepalem kalak sakit, mereken man, rsd.-na. Kerina si ilakoken Yesus i bas rangka ikut muat bagin i bas dahin-dahin Dibata, sebab seh asa gundari Dibata tetap erdahin. I bas Mrk. 2:27 ikataken Yesus, “Wari Sabat iaturken guna manusia. Labo manusia guna wari Sabat.” Si jadi fokus labo hukumna, tapi Dibata ras sesama manusia. Pdt. Joas Adiprasetya ngatakenca nina, “Markus 2:27 artinya, Sabat adalah hadiah Allah untuk mengistirahatkan, menyegarkan, dan memulihkan manusia. Ia bukan sistem hukum yang menindas, melainkan ruang rahmat agar manusia berelasi kembali dengan Allah dan sesama.”

Alu bage, kai pe dahin si ilakoken kalak si tek, idealna ipalasi alu semangat partisipatif proaktif i bas mewujudnyataken keleng ate Dibata si memulihkan, dem alu sukacita, pengataken bujur, dame sejahtera, jadi pasu-pasu man diri sendiri bage pe kerina si lit i sekelewetta.

Versi Audio Silahkan Klik : https://youtu.be/qVuhXXsUsBA

Pengkenaina

Pesan Kata Dibata i bas PA-ta sendah akap kami enggo tangkas, iajukna kita kerina, khususna kam Mamre kami, gelah memaknai ulang pendahin si idahiken kita sedekah enda. Apakah hanya sekedar kebiasaan si berlangsung secara mekanis wari lepas wari? Piah dungna enggo la nari lit maknana, bahkan mungkin lit kita si terpaksa ndahikenca alu jungut-jungut. Enggo la nari lit sukacita, dame sejahtera, bage pe pengataken bujur man Dibata. Ula lebe jadi pasu-pasu man kalak si deban, man diri sendiri pe la jadi pasu-pasu. Emaka i bas kesempaten enda mari radu ras sipelimbarui motivasi erdahinta. Palasilah alu kiniteken man Dibata i bas Yesus Kristus. Pindo gegeh man Dibata i bas pertotonta. Alu bage ipengasupNa kita erdahin alu semangat partisipatif proaktif i bas mewujudnyataken keleng ate Dibata si memulihkan, dem alu sukacita, pengataken bujur, dame sejahtera, jadi pasu-pasu man diri sendiri bage pe kerina si lit i sekelewetta.

Kerina kita enggo biasa megi semboyan ora et labora, ertina berdoa dan bekerja. Pdt. Joas Adiprasetya mereken tambahen semboyan si niarapken kami banci memotivasi kita kerina. Bagenda nina, “Ora et labora" (“berdoa dan bekerja”) sudah menjadi semboyan klasik kehidupan Kristiani, khususnya dalam tradisi Benediktin. Namun saya berargumen bahwa semboyan itu bisa diperkaya agar lebih sesuai dengan teologi persahabatan, keterbukaan, dan praksis di zaman kita. Beberapa alternatif yang bisa melengkapi:

1. Ora, labora, et ama (berdoa, bekerja, dan mengasihi). Ini menegaskan bahwa doa dan kerja belumlah lengkap tanpa kasih yang konkret kepada sesama. Kasih adalah inti kehidupan Kristiani dan tanda partisipasi dalam Allah Tritunggal yang adalah kasih.
2. Ora, labora, et convivere (berdoa, bekerja, dan hidup bersama). Saya menekankan dimensi kebersamaan: iman tidak dijalani sendirian, melainkan dalam persahabatan, komunitas, dan solidaritas dengan mereka yang rapuh.
3. Ora, labora, et spera (berdoa, bekerja, dan berharap). Harapan memberi napas eskatologis: kerja dan doa kita terarah ke masa depan Allah. Dalam situasi krisis, harapan menjaga agar doa dan kerja tidak terjebak dalam keputusasaan.

I bas si e, erdahin kepeken labo terjeng erdahin bage-bage saja, melala kepeken kaitenna ras hal si deban. Mbera-mbera enda banci memotivasi kita kerina i bas memaknai kembali kerina dahin mehuli si idahiken kita, termasuk dahin-dahin pelayanen i bas Gerejanta. Dibata si mpegegehi ras mpengasup kita kerina, khususna kam kerina Mamre GBKP.