SUPLEMEN PJJ GBKP TGL. 9 - 15 MARET 2025

Pdt. Larena Sinuhadji (Nd. ReyRapha Tarigan)

SIAJAR-AJAREN ALU KEPENTAREN - Kolose 3:16-17

(Musyawarah Warga Sidi Runggun)

Penaruh

Tema si berkaiten ras Musyawarah Warga Sidi Runggun (MWSR) enggo rusur setiap tahun ilitken baik i bas bimbingen PJJ bage pe i bas bimbingen PA-PA Kategorial, alu tujun kai? Mungkin akap kami lit telu hal si penting, si pemena, gelah ngingetkenca man banta maka dahin-dahin pelayanen i GBKP e me dahinta ras. Erkiteken si e, harus lit wadah guna banci kerina pulung, arih-arih muat si mehuli. Si peduaken, kerina dahin pelayanen i bas GBKP labo dahin main-main, ertina, harus lit laporen pertanggungjawabenna, gelah radu ras siteh kemajunna, entah pe kai-kai saja si harus ipesikap, rsd.-na. Si peteluken, gelah kerina kita banci saling mengingatkan, maka MWSR enda kegiaten penting si harus ilaksanaken sue ras jadwal si enggo itentuken.

I bas PJJ-ta sendah radu ras kita mulihi isingetken kerna pentingna MWSR erpalasken ogenta sendah.

Mpebagesi Ogen

Perikop si jadi bahan PJJ-nta sendah sangat jelas, erkiteken erkaiten ras hal-hal si praktis ras konkrit si harus ilakoken selaku kalak si enggo jadi sikerajangen Kristus. Paulus nulisken suratna man perpulungen kalak si tek i kota Kolose labo erkiteken ia si manteki perpulungen enda, tapi erkiteken rutang pusuhna guna ngelawan ajaren-ajaren sesat si ipembarken guru-guru perguak. Maka Tuhan Yesus ngenca Juruselamat dingen ngasup mereken keselamaten, la lit si deban. Janah selaku kalak si enggo iselamatken Kristus arus kita ertanggung jawab nggeluhken geluhta bagi si ngena ate Tuhan. Emaka i jenda melala Paulus ngerana labo hanya soal pengajaren (doktrin) tapi pe kerna etika Kristen, uga kearusen nggeluh selaku kalak si enggo jadi sikerajangen Kristus.

Versi Audio silahkan klik : https://youtu.be/HiytcClgC_s

I bas bindu 3 jelas Paulus tegas ngatakenca man Perp. Kolose maka harus bulat ukurna ndarami erta-erta i surga, labo ndarami perkara-perkara doni si banci meneken kita. Banci jadi i bas kegeluhen Perp. Kolose melala denga si lenga tutus erkiniteken man Tuhan. Song ku Tuhan, song ku si deban. Adi kalak si enggo ersada ras Krisuts ia enggo hidup baru. Kegeluhen si mbaru harus pakena, labo kegeluhen si male. Malah kegeluhen si male harus ibunuh (ay. 5), iambeken (ay. 8) ras itangtangi (ay. 9.).

Selanjutna Rasul Paulus erbahan anding-andingen (metafor) “paken si mbaru” si arus ipakeken sekalak si enggo ersada ras Kristus, entah pe kegeluhen si mbaru i bas Kristus, e me: ate perkuah, mehuli, rukur meteruk, lemah-lembut dingen saber (ay. 12), ola pergelut dingen si alem-alemen salah (ay. 13), sikeleng-kelengen (ay. 14, i bas Bhs. Ind., nina, “kasih, sebagai pengikat yang mempersatukan dan menyempurnakan”), nggit iajari dame si ibereken Kristus i bas erbahan keputusen-keputusen (ay. 15, i bas Bhs. Ind., nina, “damai sejahtera Kristus memerintah dalam hatimu”). Em kerina wujud konkrit paken si mbaru si arus ipakeken sekalak si enggo ersada ras Kristus.

I bas PJJ-ta sendah fokus kita ku ay. 16 - 17. Rikutken Pedoman Penafsiran Alkitab LAI nari, ay. 16 banci siterjemahken bagenda nina, “Hendaklah ajaran-ajaran Krisus menentukan sepenuhnya cara hidupmu satu sama lain. Sementara itu hendaklah kalian dengan penuh bijaksana saling mengajar dan saling menasihati. Dengan rasa syukur dalam hatimu, nyanyikanlah mazmur, nyanyian pujian tentang Kristus, dan nyanyian yang timbul atas dorongan Roh Allah.” I bas ay. 16 enda lit telu perentah, si pemena, selaku kalak si enggo makeken paken si mbaru, kerina pengkebet geluhna harus erpalasken ajaren-ajaren Kristus. Si peduaken, selaku perpulungen si enggo makeken paken si mbaru, harus mediate sada ras si debanna alu saling nehken persinget, kata-kata motivasi, pedah-pedah, entah pe pengajaren si benar erpalasken keleng ate Kristus. Si peteluken, selaku kalak si enggo makeken paken si mbaru, harus lalap ngataken bujur si icidahken arah puji-pujin man Kristus, entah pe ngendeken ende-enden pujin si memotivasi guna ngataken bujur i bas erbage-bage situasi.

Ay. 17 banci siterjemahken bagenda, “Segala sesuatu yang dilakukan atau yang diucapkan oleh jemaat Kolose haruslah dalam nama Tuhan Yesus, yaitu mereka harus hidup atau bertingkah laku sebagai orang yang mengabdi kepadaNya, pengikutNya, dan para dutaNya, dan bukan sebagai mantra yang mau memperalat nama Tuhan Yesus. Segala ucapan syukur jemaat Kolose kepada Allah harus mengakui bahwa Kristuslah yang menjadi pengantara segala berkat yang mereka terima dari Allah. Oleh karena itu orang percaya harus mengucap syukur kepada Allah Bapa atas apa yang telah dikerjakan oleh Kristus kepada manusia dan seluruh ciptaan.” Enda akap kami sada kesimpulen si ikataken Paulus guna nutup perikop enda, maka kai pe si ibahan kalak si enggo makeken paken si mbaru, harus erpalasken Kristus janah guna kemulian Dibata i bas Yesus Kristus, labo erpalasken kepentingen pribadi. 

Pengkenaina

MWSR enggo semal ilakoken setiap bulan Maret, walau pe situhuna lebih mejile adi silakoken setiap awal tahun si melawenna bulan Pebruari gelah kerina program sada tahun banci ilakoken lebih awal, janah bulan Maret - April enggo masuk ku bas masa-masa Paskah. Tapi i bas kinatana, lit denga runggun-runggun si ngelakoken MWSR bulan Juli bahkan lit ka si lewat bulan Juli. Adi melala runggun si bage rupana, tentu akap kami perlu menjadi bahan evaluasi, apakah MWSR masih relevan untuk dilaksanakan, atau harus dihapus dari dalam Tager GBKP dalam persidangan Sinode? Ertina, melala runggun si lenga itehna kai tujun ras manfaat MWSR. Tapi i bas PJJ sendah, asumsina, kerina runggun enggo ngelakoken MWSR sesuai jadwal alu mehuli. Asumsina, kerina stakeholder memahami dengan baik tujuan, fungsi dan manfaat dari MWSR. Dan asumsinya lagi, kerina kita enggo ngenanami manfaat si mehuli alu ilakokenna MWSR.

I bas kesempaten enda mulihi isingetken kerna kai si tertulis i bas Tata Laksana Bab XXXIX Ps. 164 Ay. 1-5 enggo iaturken kerna Musyawarah Warga Sidi Runggun:

1. Musyawarah Warga Sidi Runggun adalah sarana bagi warga dan Majelis Runggun untuk saling memberi masukan mengenai perkembangan kehidupan bergereja di Runggun dalam bersekutu, bersaksi, dan melayani.
2. Musyawarah Warga Sidi Runggun bukan merupakan sarana pengambilan keputusan.
3. Musyawarah Warga Sidi Runggun dilaksanakan satu (1) kali dalam setiap tahun selambat-lambatnya pada bulan Maret dan dipimpin oleh Majelis Runggun.
4. Musyawarah Warga Sidi Runggun dilaksanakan untuk mendengar laporan perkembangan jemaat dari Badan Pekerja Majelis Runggun beserta seksi-seksinya, pengurus unit-unit pelayanan, dan pengurus PJJ serta pengajuan usul-usul tentang kehidupan bersekutu, bersaksi, dan melayani serta pembinaan guna pertumbuhan jemaat.
5. Usul/masukan tentang kehidupan bersekutu, bersaksi, melayani, dan pembinaan harus ditam-pung dan ditanggapi oleh Majelis Runggun dalam bentuk keputusan pada Sidang Majelis Runggun yang terdekat.

Rikutken tema bage pe ogenta sendah, marilah sidukung pelaksanaan MWSR tahun enda gelah banci erdalan alu mehuli. Selaku kalak si tek si enggo makeken paken si mbaru, marilah sipakeken kesempaten enda guna encidahken mediate sada ras si debanna alu saling nehken persinget, kata-kata motivasi, pedah-pedah, entah pe pengajaren si benar erpalasken keleng ate Kristus. Dibata si mpengasup kita guna siajar-ajaren alu kepentaren.