SUPLEMEN PJJ GBKP TGL. 16 - 22 MARET 2025

Pdt. Larena Sinuhadji (Nd. ReyRapha Tarigan)

BULATKEN UKUR ERBAHAN PERDAMEN - Masmur 34:12-15

(Sasaran Pelayanan GBKP 2025 Poin III: Konflik Lokal Diselesaikan Secara Lokal)

Penaruh

Konflik e me hal si biasa i bas kegeluhenta, terlebih ras kalak si rusur jumpa ras kita. Umpamana, suami ras istri, orang tua ras anak, bibi ras permain, erturang-ersenina, ras beru entah eda, teman sada dahin, teman sada perpulungen, lingkup serayan, rsd. Sebab banci jadi berbeda pendapat, miskomunikasi, merasa diabaikan, faktor kepentingan, nilai-nilai si berbeba (keyakinan, prinsip) rsd. Si la biasa e me, adi konflik terus-menerus ipelihara, piah dungna terjadi perubaten si menahun bahkan sampai ku kesusurenta. Selaku anak-anak Tuhan, konflik harus iselesaikan. Si mehulina, mandiri kita ndungi persoalenta. Masing-masing pihak menyadari kesalahannya (saling berinisiatif, la perlu nimai idameken kalak si deban), ras saling memaafkan. Adi la nari banci iselesaikan kedua belah pihak si berkonflik, maka perlu imediasi (mediator). Tapi adi payo kin kita anak-anak Dibata, Kesah Si Badia enggo erdahin ras erkuasa i bas geluhta, la nari mesera kita guna saling memaafkan, sebab la lit kita si sempurna (bdk. Mat. 5:9, “Ketuahen kalak si erbahan perdamen; sebab iakui Dibata me ia anak-anakNa”).

Emaka i bas bahan PJJ-nta mulihi kita erlajar guna ngasup alu bulat ukur erbahan perdamen.

Versi Audio silahkan klik : https://youtu.be/KyyRWejlI3M

Mpebagesi Ogen

Bahan PJJ-nta e me bagin i bas Masmur 34 si ibere judul “Puji-puji kerna kiniulin Tuhan.” I bas terj. TB-LAI Ed. 2 nina, “Dalam perlindungan Tuhan”. Masmur Daud, tupung ia tading i adep-adepen Abimelek. Adi sibandingken ku bas 1 Sam. 21, tupung Daud lompat i bas mamana Raja Saul, ijumpaina Iman Ahimelek i Nop ras terus idahina raja Akis i Gat. Emaka perban mbiarna Daud, ipekulah-kulahna ia adon (1 Sam. 21:13-15). Perbeben Daud enggo lengkap; kiam ia i bas Saul nari si ersura-sura munuh ia, sirang ia ras Jonathan sahabatna, erbual ia man imam Ahimelek gelah banci iberekenna roti guna anak buahna, ras jumpa ia ras raja Akis si ernembeh ate man Daud erkiteken ibunuhna Goliat. Emaka labo heran adi Daud merasa mbiar (ay. 5), tertindih, mesera akapna (ay. 6, 7). Mberat kel iakap Daud perbebenna, dingen la ise pe banci iandalkenna, seakatan Tuhan Dibata. Emaka erlebuh Daud man Tuhan (ay. 7).

Banci siidah i bas pergumulen si mberat pe, ngasup denga Daud ngataken bujur ras nggejapken kiniulin Tuhan; “Lalap aku ngataken bujur, ku puji Ia la erngadi ngadi” (ay. 2). “Ertoto aku” (ay. 5). “Malekat Tuhan erkemah ... janah mulahisa i bas si jahat nari” (ay. 8). Emaka asangken jungut-jungut dingen nalahken Tuhan arah kai si enggo ialamina, Daud lebih memilih memuji Dibata, ngataken bujur ras nggejapken uga belinna kiniulin Tuhan.
Erkiteken enggo igejapken Daud, uga nggeluh erkemalangen man Tuhan, tetap aman amin sekali mbue perbeben, maka ilumbakenna gelah kalak si deban, khususna teman-temanna, anak-anakna pe, tetap setia ernalem man Tuhan ndingen tetap ndalanken si bujur si ngena ate Tuhan. Ay. 12, “O Teman-temanku, marilah begiken aku, gelah kuajari kam uga pemuliaken Tuhan Dibata” (terj. TB-LAI Ed. 2, “Marilah anak-anak, dengarkanlah aku, takut akan Tuhan akan kuajarken kepadamu!” Terj. BIMK, “Dengarlah, hai anak-anak  sekalian, kuajari kamu menghormati Tuhan”). Ertina, Daud sebage pemimpin paksa si e ngajarken ku anak buahna, termasuk anak-anakna, uga nggeluh erkemalangen man Tuhan, siimani Daud ulin asangken kerina ilmu pengetahuan, ulin asangken persembahen tutungen ras persembahen si deban.

Emaka nina Daud ise atena gedang umurna nggeluh dingen ngenanami keriahen ras kesenangen (ndatken kemalamen ate), si arus ilakoken e me:

1. Ula belasken kata-kata jahat (jagalah lidahmu dari yang jahat). Dilah e kitik, banci mbelin pengaruhna. Banci peturah si mehuli tapi banci ka sebalikna peturah perubatan. Dilah banci sipake guna mbelasken perkataan baik, memuji ras ngataken bujur man Tuhan, tapi banci ka sipake guna numpahi teman. Tapi kalak si erkemalangen man Tuhan, ngasup ia ngkuasi dirina alu manjar-manjar belasken kata (menjaga lidah kita).
2. Ula erbual. Rananta harus jadi indikator perukurenta, janah biberta harus sijaga gelah ula nipu Dibata entah pe manusia (i bas Padan Si Ndekah, Im. 19:11, “ula erbual.” I bas Padan Si Mbaru, Ep. 5:25, “ula erbual! Kerina harus nuriken si tuhu-tuhu man seninana, sabab kerina kita ring-ring i bas sada kula”). Adi terbiasa kita erbual (berbohong) akan melahirkan kebohongan-kebohongan si deban. Erbual banci maba kekacauan i bas jabu, sektor, kuta, runggun, rsd.
3. Tadingkenlah kejahaten (jauhilah yang jahat). Kita harus nadingken kerina dosa-dosanta, janah ertekad gelah ulanai lit hubungenta ras dosa-dosanta e. Selaku kalak si enggo nggeluh mbaru i bas Tuhan, maka harus siambekken kerina perbahanen si la mehuli (bdk. Kol. 3:5,8, “Tadingken, ambeken, bunuh biak-biak doni si la mehuli tapi pakekenlah paken si mehuli.” Kol. 3:12).
4. Lakokenlah kai si mehuli (lakukanlah yang baik) i bas doni enda. Kinitekenta man Tuhan harus teridah arah perbahanen si mehuli si harus tetap silakoken. Sebab kiniteken tanpa perbahanen mate (Jak. 2:17, “Bage me kerna kiniteken, adi kiniteken labo sue rikut ras perbahanen, kiniteken si bage mate kap”). 
5. Bulatkenlah ukurndu erbahan perdamen (carilah perdamaian dan raihlah dia!). Enda kata perentah, si la banci lang harus silakoken. Si pemena, ngasup kita alu bulat ukur erbahan perdamen adi lebe kita enggo erdame ras Dibata. Sigejapken maka Dibata enggo ngalemi salah dosanta. Si peduaken, enggo kita ngasup berdame ras diri sendiri (subuk kerna kegagalan hidup masa lalu, trauma masa lalu, kekurangan i bas dirinta, termasuk sura-sura si la tercapai). Alu bage, enggo kita mampu berdamai ras kalak si deban. 

Pengkenaina

Tema i bas PJJ-nta sendah e me, ”Bulat Ukur Erbahan Perdamen.” Bulat ukur ertina sepenuh hati. Dalam KBBI sepenuh hati artinya penuh kesungguhan, dedikasi, dan keikhlasan atau tidak berpura-pura. Perdamen berasal dari kata dame. Dame dalam bahasa Indonesia artinya, tidak ada perang; tidak ada kerusuhan; aman, tenteram; tenang, keadaan tidak bermusuhan; rukun. Alu kata si deban tema enda ngajarken man banta maka selaku kalak si erkiniteken, kita harus sungguh-sungguh mau melaksanakan kerukunan, tidak bermusuhan, hidup damai. Walaupe banci jadi terjadi konflik bas relasinta ras kalak si deban arus sikelola maka la banci ndekah, la nahuni (manajemen konflik).

Arah bahan PJJ-nta enda ituriken maka, salah sada cara gelah gedang umurta ras malem ateta nggeluh, e me arah nggeluh erban perdamen erkiteken la lit si lebih bertentangan ras kekelengen si la erngadi-ngadi asangken perpecahen ras perjengilen, si erbahanca turah kerusuhen. Emaka selaku kalak si erkiniteken, marilah kita kerina tetap berusaha menciptakan perdamen sapih-sapih kita. Konflik-konflik si lit i bas jabuta, pendahin, antar jiran, ras i japa pe kita tading, siusahakenlah sidungi alu mehuli. Adi banci sidungi antar kita si berkonfllik, siselesaikan alu mehuli maka la palah icampuri kalak si deban (orang ketiga - mediator). Termasuk konflik si terjadi i bas Sektor entah bas Runggun, dungilah secara lokal, la palah harus naik ku Klasis entah pe ku Moderamen. Sebab banci jadi labo reh dungna persoalen alu mehuli malah kebalikenna reh rumitna, reh belinna. Sabab enggo icampuri kalak si deban si la tehna persoalen, banci memperuncing persoalen.

Adi perlu imediasi, maka mediator harus orang si netral, la rayo-ayo, ras kedua belah pihak si berkonflik berkeinginan berdamai. Ertina, uga pe upaya mediator ndungi persoalan, adi sada pihak ngenca si nggit berdamai, asa ndigan pe perdamaian tidak akan terjadi. Janah si paling penting, pindolah gegeh i bas Dibata nari, sebab rusur labo kita ngasup mengampuni salah kalak, labo kita ngasup mengakui kesalahenta, bage pe labo kita ngasup alu meteruk ukur mindo maaf. Dibata si mpegegehi kita.