SUPLEMEN PA MORIA GBKP TGL. 9 - 15 MARET 2025

Pdt. Larena Sinuhadji (Nd. ReyRapha Tarigan)

Normalisasi Psikologi (Si Metua & Si Nguda)

Si Man Ogen : Ulangen 31:1-8; 34:9

Tema : SIHAMATEN RAS SIERGAN

Tujun : Gelah Moria :

- Nuriken cara Musa ras Josua sihamaten ras sierga

- Encidahken biak sihamaten ras siergan i bas jabu, Gereja ras masyarakat

Metode : Aksi mereken kata bijak

Penaruh

Kalak Eropa ras Amerika umumna menganut pola relasi si egaliter. Egaliter ertina bersifat sama atau sederajat. I bas sada sisi memang mehuli sebab enggo lanai ibedaken antara dilaki ras diberu, duana seri ras sederajat. Tapi i bas dampar si deban pola relasi antara kalak si beda generasi tempa-tempa bagi si kurang beretika, khususna kalak si nguda denga man kalak si enggo metua. I bas kesempaten enda radu ras kita erlajar kerna pola relasi si mehuli antar generasi si berbeda erpalasken si man ogenta sendah.

Mpebagesi Si Man Ogen

Si jadi ogenta sendah, Ul. 31:1-8 lit i teruh judul perikop “Josua jadi gancih Musa.” Arah judul enda enggo banci sidat inti perikop, e me proses suksesi kepemimpinen Musa nari ku Josua. Ul. 34:9 nuriken kerna Josua si secara definitif jadi pemimpin bangsa Israel kenca kematen Musa. Adi sioge Ul. 31 ay. 1 nari lit piga-piga hal si menarik kerna Musa sebage pemimpin bangsa Israel.

Versi Audio silahkan klik : https://youtu.be/AyKh7RgLfAQ

Si pemena, bagi si enggo radu ras siteh, Musa e me sekalak pemimpin si itunjuk Tuhan guna mbebasken bangsa Israel i bas penindasen bangsa Mesir ras mimpin bangsa e ndarat Mesir nari ku taneh Kanaan. Tapi i bas perdalanenna Musa la banci bengket ku taneh Kanaan erkiteken la patuh nandangi perentah Tuhan (Ul. 32:51-52; Bil. 20:2-13). I bas ay. 2-3 ituriken, ngerana Musa man bangsa Israel, isedarina maka dirina enggo metua janah iingetna perentah Tuhan maka la banci ia bengket ku taneh Kanaan. Emaka sue ras perentah Tuhan i bas Bil. 1:38, ikataken Musa maka Josua pagi si gantiken ia mimpin bangsa e bengket ku taneh Kanaan. Lang situhuna banci saja Musa berkeras, maka tetap ia si jadi pemimpin bangsa e, tapi perban tuhu-tuhu isedarina keterbatasenna emaka irelakenna posisina sebage pemimpin man kalak si lebih muda ras lebih mampu.

Si peduaken, sebage pemimpin si lebih senior asangken Josua, Musa mpegegehi Josua, mereken semangat entah pe motivasi, sue ras si enggo iperentahken Tuhan man bana (Bil. 1:38). I bas ay. 5, ikataken Musa man Josua maka Dibata pasti naluken bangsa-bangsa si lit i Kanaan erkiteken enggo iendesken Dibata bangsa-bangsa e man Josua. I bas si e harus tek Josua maka Dibata si mpengasup Josua mimpin bangsa e bengket ku Kanaan. Emaka nina Musa man Josua i lebe-lebe bangsa Israel i bas ay. 6-8 “Tetapkenlah ukurndu janah teklah. Ula kam mbiar. Ula bene ukurndu. Tuhan Dibatandu kap si mabai kam, si nemani kam ras ngarak-ngarak kam. La kam juru ibahanNa, ras la kam itadingkenNa. Sebab enggo erpadan Dibata maka negeri e pasti idatkenndu.” Lang situhuna banci saja ipediat Musa Josua, erkiteken Musa lebih senior. Ma wajar adi si enggo metua nimai si nguda nungkun? Adi la nungkun, sipediat saja. Tapi la bage ibahan Musa, secara proaktif isampatina Josua.

Si peteluken, adi siperdiateken rekam jejak Josua, memang layak ia menjadi pemimpin si nggantiken Musa. Janah tek pe Musa nandangi ia sebab enggo ididikna Josua jadi sekalak pemimpin si mehuli ras erkemalangen man Dibata. I bas ayat-ayat enda banci sinen rekam jejak Josua: Kel. 17:9-14; 24:13; 32:17; Bil. 13:1-33. I bas si e banci siidah teladan sekalak pemimpin si peduli nandangi kesinambungan kualitas kempimpinen si mehuli seh makana enggo ipersiapkenna alu mehuli calon-calon pemimpin masa depan. Ertina banci saja Musa labo peduli nandangi ise pagi si nggantiken ia. Janah i bas sisi si deban teridah sekalak calon pemimpin si nggit ia alu meteruk ukur erlajar man pemimpin si enggo senior. Janah teridah pe sekalak pemimpin si secara konsisten erkemalangen man Tuhan i bas diri Josua (Jos. 24).

Si peempatken, adi sioge ogenta sendah, la lit ituriken maka erpenulak bangsa e nandangi Josua si nggantiken Musa. Ertina bangsa e tuhu-tuhu ngaloken pilihen Tuhan man Josua. Enda akap kami erkiteken Musa ras Josua tuhu-tuhu jadi teladan i tengah-tengah bangsana. Adi sioge pe kitab Josua, memang teridah maka bangsa e tuhu-tuhu mendukung kepemimpinen Josua seh ku kedungenna (Jos. 24). Keberhasilan suatu bangsa teridah arah pemimpin ras rakyatna si saling mendukung sada ras si debanna.

Pengkenaina

Umumna kita ipebelin-belin i bas konteks masyarakat si menghormati orang yang lebih tua. Arah informasi AI nari lit piga-piga alasen menghormati orang yang lebih tua: 1) Menghormati orang yang lebih tua merupakan adat dan tradisi yang sudah diajarkan sejak kecil. 2) Menghormati orang yang lebih tua merupakan nilai moral yang membentuk karakter dan kepribadian seseorang. 3) Menghormati orang yang lebih tua mencerminkan penghargaan terhadap pengalaman, pengetahuan, dan kontribusi yang telah mereka berikan kepada masyarakat. 4) Menghormati orang yang lebih tua dapat menjaga kesatuan masyarakat. 5) Menghormati orang yang lebih tua dapat membentuk karakter kita menjadi sopan sehingga anak-anak dapat mencontoh sikap yang baik dan akhlak yang mulia. 6) Menghormati orang yang lebih tua dapat membantu kita melihat bahwa mereka tidak begitu berbeda dari kita. 7) Menghormati orang yang lebih tua merupakan ajaran setiap agama.

Arah informasi AI nari i datas, enggo melala hal-hal si positif erkaiten ras menghormati orang yang lebih tua. Tapi si man ogenta sendah ngajarkenca man banta dua hal si penting, e me prinsip keseimbangan ras prinsip kewajaran entah pe sewajarnya. Rikutken tema PA-ta sendah, ihamati ras iergaken, akap kami hak kerina jelma tinepa Dibata, labo terjeng man kalak si enggo metua saja. Ertina, kerina kalak harus ihamati ras iergaken sewajarnya. Sewajarnya i jenda maksudna semestinya, selayaknya, memang demikian halnya, sebenarnya, atau dengan sendirinya, sue ras porsina, tidak berlebihan dan tidak kekurangan. Umpamana man kalak si nguda denga, kalak si enggo metua la perlu mungkuk-mungkuk, entah pe erbahan sikap hormat. Lit cara si deban i bas ngehamati ras ngergaken kalak si nguda denga sewajarnya, umpamana, menyapa dengan ramah, rsd.-na. Bage pe sebalikna, man kalak si enggo metua, ergaken ras hamatilah sewajarnya. Umpamana, kalak si nguda denga leben mengangguk, leben menyapa alu bahasa si sopan, mungkuk, rsd.-na. Rikutken si man ogenta sendah, Musa ras Josua enggo mereken teladan man banta kerna prinsip kewajaran enda.

Prinsip keseimbangan akap kami harus ilakoken sebab i bas berelasi la banci lang kita harus saling menanggapi sada ras si debanna. I bas bahasa Karo nina, sihamaten ras siergan. Kalak si enggo metua la banci ia ngenca atena si ihamati ras si iergaken. Ia pe harus ngasup mereken teladan uga carana ngergaken ras ngehamati. Kalak si nguda denga pe, ula akapna ganjangen pendidiken ras jabatenna, ia ngenca akapna si harus ihamati ras iergaken. Ia pe harus nginget maka adi la lit orang tua ia pe la lit i tengah doni enda, janah i bas sada paksa waktu ia jadi kalak si metua. Musa ras Josua enggo mereken teladan man banta kerna penerapen prinsip keseimbangan enda. Adi siperdiateken pedah-pedah Rasul Paulus i bas Epesus 6:1-9 ras Kolose 3:18-23, je teridah prinsip keseimbangan, i ja kerinana ikut berperan, bapa, nande, orang tua, anak, pimpinen ras bawahen, kerinana ikut muat bagin i bas sikeleng-kelengen, sihamat-hamaten, siergan, saling peduli ras sisampat-sampaten.

Emaka i bas kesempaten enda marilah siterapken prinsip keseimbangan ras kewajaran i bas kita menjalin relasi ras kalak si deban. Siajarken man anak-anakta prinsip keseimbangan ras kewajaran kristiani, gelah i bas berelasi i bas ise pe gelar Dibata tetap imuliaken.