SUPLEMEN PJJ GBKP TGL. 29 SEP. - 5 OKT. 2024

Pdt. Larena Sinuhadji (Nd. ReyRapha Tarigan)

CUKUP ERKITEKEN KAI SI LIT - 1 Timotius 6:6-10

(Tata Nilai Keugaharian)

Penaruh

Lit piga-piga pernyataan si ngatakenca: “Miskin itu kondisi hidup dan sederhana itu gaya hidup”; “Hidup itu murah, label merk yang bikin jadi mahal”; “Hidup itu sederhana, gengsi yang bikin jadi rumit.” Pernyataan-pernyataan enda pas kel, sebab gaya hidup sederhana labo hanya milik kalak si secara finansial ekonomina biasa-biasa saja, tapi banci idalanken kerina kalak. Lit kalak bayak materi, tapi gaya hidupna sederhana. Kebalikenna, kalak secara ekonomi biasa-biasa saja, tapi gelah idah kalak hebat, penampilenna sangat luar biasa, melebihi kalak bayak. Emaka erbage cara idalankenna gelah banci mendukung gaya hidupna, termasuk “melacurkan diri” entah pe berhutang ke sana ke mari.

Spiritualitas kecukupan entah pe keugaharian banci ikataken menjadi salah sada jawaben i bas budaya kerangapen, kerakusan global, termasuk erlumba-lumba hidup glamour i bas paksa enda. Spiritualitas kecukupan njemba kita guna merasa puas, ngasup ngataken bujur arah kai si enggo lit bas kita si sue ras kebutuhenta. Spiritualitas enda seri ras salah bagin i bas Pertoton Tuhan (Doa Bapa Kami), “Bereken man kami nakan cukup i bas wari enda - berikanlah kami pada hari ini makanan kami yang secukupnya” (Mat. 6:11).

Bahan PJJ-ta sekali enda mabai kita gelah banci nggeluh sederhana ras lit kaitenna ras Tata Nilai si lit bas GBP GBKP si peteluken e me “keugaharian” (hidup sederhana).

Mpebagesi Ogen

Surat enda  itulisken Paulus man Timotius, anak rohanina, guna banci iajarkenna ka man Perp. Epesus i ja ia melayani. I ja paksa si e melala guru-guru palsu si mereken pengajaren si la tuhu (judul: “Pengajaren si la tuhu ras kinibayaken si tuhu-tuhu”). I bas ay. 3 isuratken maka melala kalak si ngajarken kiniteken si deban si la sue ras Kata Tuhanta Yesus Kristus dingen la sue ras pengajaren kinitekenta. Salah sadana e “memberhalakan” uang (materi). Si erbahanca bas masyarakat ikut ku perpulungen turah kebiasaan gaya hidup mewah, pesta pora ras menghambur-hamburkan uang.

Tentu saja ersura-sura bayak, mbue materinta labo salah, sebab pengertin bayak situhuna e me nggejapken si lit bas kita e rehna i bas Dibata nari, janah sipakeken guna kebutuhen geluhta ras banci ka kita jadi saluren pasu-pasu (berkat) man kalak si deban si membutuhken (bdk. Perb. Rasul 20:35, kita arus mejingkat erdahin guna nampati kalak musil. Ingetlah kata si ikataken Tuhan Yesus niNa, “malemen ate mere asa ngalo”). Jadi adi mbue pe erta si lit bas kita tapi labo ernanam man kalak si deban, situhu labo kita bayak. Enda me salah sada poin si itekanken Paulus. Agama erbahanca kalak bayak, adi puas - disertai rasa cukup erkiteken kai si lit i bas kita. Menjadi bayak labo salah tapi ula e jadi tujun geluh si erbahanca erbage-bage cara nggit kita ngelakokenca termasuk pendahin si la mehuli pe. Enggo isingetken Paulus i jenda kerna kalak si ersura-sura bayak piah dungna ndabuh ku bas percuban janah bene me ibahan erbage-bage sura-sura si bodoh dingen jahat. Adi i bas jaman si genduari, mbue contoh i sekelewetta, si awalna kalak si bujur tapi erkiteken godaan gelah tambah kiniliten ndai maka korupsi, ndayaken barang si la man dayanken (narkoba), menjual diri, senang erperkara i pengadilen ras keluarga erkiteken erta warisen, bahkan bas pelayanen pe turah motivasi guna mpebayak diri (bdk. iakapna agama dalan ncari kebayaken) rsd.

Menjadi bayak labo salah tapi ula sempat lebih kita ernalem man ertanta asangken man Dibata si mereken kerina kebutuhen geluhta. Adi enggo ernalem kita man ertanta, maka enggo erta si mengatur kita, janah tunduk kita man bana. Si erbahanca turah kerangapen, ras la nari mediate man kalak si deban si membutuhken penampatta. Sebab kalak merangap kerna duit la nari ukurina kalak tapi dirina saja ukurina uga makana tambah kebayakenna. Kalak si merangap nandangi duit e me sumbul kerina kejahaten. Mpeturah menghalalkan segala cara, menjadi kalak si egois, pelit, megajang ukur, la nari ingetna ersembah ngataken bujur man Tuhan, rsd.

Kinitekenta man Tuhan erbahanca ngasup kita ngataken bujur kerna kai si lit bas kita. Sebab Tuhan arah KesahNa Si Badia ngajari kita guna menatalayanken si lit e alu mehuli seh makana sitik pe banci bias (sada pe bias, dua banci kurang adi la beluh kita ncibalkenca). E maka erlajar kita ncukupken diri alu si lit bas kita. Cukup berarti labo nuruti sura-sura (keinginan) daging si la erbias-bias. Adi bas konteks Paulus nulisken suratna, memang i jenda isuratken cukup min siakap adi lit nakan ras uis. Tentu i bas jaman genduari kebutuhen pokokta labo hanya pangan ras uis, termasuk perumahan, pendidiken, ras kesehaten. Ertina, terbedaken kita apai kebutuhen ras sura-sura. Adi sura-sura, la lit batasna. Situhuna, cukup sada entah dua sepatunta rikutken kebutuhenta, tapi erkiteken sura-sura enggo pe sepuluh tetap denga situkur bahkan si branded.

Paulus mpersingeti maka kai pe labo sibaba ku doni enda, janah lawes pe kita nadingken doni enda kai pe la lit sibaba, seyakaten kinitekenta man Dibata. Emaka ula kari tarum ngayak-ngayak si man tadingenken (erta, materi, jabaten, rsd), tading si man ayaken (kinitekenta).

Versi Audio silahkan klik : https://youtu.be/uUTJRyic6bE

Pengkenaina

Tema i bas PJJ-ta sendah mabai kita semakin memahami Tata Nilai GBKP si peteluken e me keugaharian. Pdt. Dr. A.A. Yewangoe i bas situs PGI tgl. 28 Feb. 2018 mereken penjelasen kerna spiritualitas keugaharian, bagenda nina. Menurut KBBI, “ugahari” (atau ke-ugahari-an) adalah kesederhanaan, kesahajaan; walaupun harta yang bersangkutan melimpah ruah, ia tokh hidup dalam “ugahari” dan sangat dicintai oleh rakyatnya. Sebagai demikian, dapat dikatakan bahwa “ugahari” adalah kesiapan untuk hidup sederhana, merasa cukup dengan yang ada, tidak serakah dengan yang ada (kendati berlimpah-ruah). Ini juga menyiratkan bahwa seseorang yang hidup dalam ke-ugahari-an tidak harus bertarak (asketis - mengasingkan diri) dalam kehidupan. Ia tidak perlu munafik dengan kehidupan ini. Yesus Kristus menjalani kehidupan yang sangat ugahari, sehingga bahkan bantalpun IA tidak punya untuk meletakkan kepalaNya (lihat Matius 8:20; Lukas 9:58). Tokh IA tidak tabu menerima undangan makan dari orang-orang kaya. Yohanes Pembaptis adalah contoh lain dari kehidupan ugahari itu, kendati sebagai seorang putra imam ia mempunyai hak-hak menikmati hidup. Banyak para nabi di era Perjanjian Lama memperlihatkan sikap hidup ke-ugahari-an itu. Di dalam menjalani kehidupan ugahari seseorang mampu mengendalikan dirinya. Ia sadar bahwa masih banyak orang-orang lain yang membutuhkan (apakah itu sandang, pangan, mau pun papan). Ia tidak akan menghabiskan persediaan (apapun) secara rakus dan loba sebab masih ada orang-orang lain yang membutuhkan.”

I bas uraian Pdt. Yewangoe i datas jelas maka keugaharian e me salah sada nilai hidup Alkitabiah si seharusna jadi bagian i bas kegeluhenta si tep-tep wari sebage kalak si tek man Yesus Kristus. Janah contoh terbaru icidahken Paus Fransiskus pemimpin umat Khatolik dunia. Asum ia reh ku Indonesia, lebih memilih pesawat komersil asangken menyewa pesawat jet. Kendaraan si ipakena selama i Jakarta Toyota Zenix labo Alphard entah kendaraan mewah lainnya, jam tangannya merk Casio MQ24-7B2 seharga 8 US Dollar entah pe 124 ribu. E maka i bas tahun pelayanan 2021 - 2025, GBKP mencanangkan 5 Tata Nilai si salah sadana e me keugaharian. I bas Buku GBP GBKP 2021 - 2025 hlm. 44 lit je deskripsi dan peta perilaku Tata Nilai GBKP K3 - Keugaharian.

Deskripsi keugaharian adalah: “Mampu mengendalikan diri dan hidup sederhana dalam sikap kecukupan dan bersedia berbagi dengan orang lain agar semua ikut merayakan kehidupan, karena percaya bahwa rahmat Tuhan cukup untuk semua ciptaanNya” (Mat. 6:11; 1 Tim. 6:8; Fil. 4:11-13).

Perilaku keugaharian si harus terus-menerus sidalanken e me bersyukur atas setiap berkat yang diterima, mau berbagi man kalak si membutuhken pertolongen, empati, sederhana. Tuhan nampati kita guna nggeluh sederhana ras ngasup ngataken bujur arah kai si lit bas kita.